تهقونها طيارة شحن I Dont Know

$$الفارس$$ · 12-13-2005, 02:55 AM

أنا من ناحيتي ما قد مرت علي طيارة تشتغل بالديزل

لكن ما شعورك لو كنت كابتن لهذي الطيارة

وانت ماشي بأقصى اليمين
وطيارات الركاب يمرون من جنبك وهم مسرعين

ماسكين الأصفر ولا يردهم عن الـKM<<تصفية الطبلون لغير الناطقين بالأردو

مايردهم الا الطيارات اللي بالجهةالثانية لجوك يكبسون بالعالي من بعيد والذكي يفهمها ويهدي السرعة عشان لا يصكونه بمخالفة تحت الكبري

سـتّـل جناحه · 12-13-2005, 08:07 AM

^
^
^
^
^
يا عيال قطو له خلوه يشري طياره بنزين والا خلوه يصفي المكينه والا شوفو له دبره

تراه لّوث بيئتنا وبيخرق طبقه الاوزون حقتنا (وجه لابس كرفته ويلقي محاضره)

الفـارس انتبه بس وانا اخوك لارجعت من الرياض ناصي الدمام وباقي لك 100 كلم ..
لا من جاتك محطة التسهيلات على الشارع الثاني حاول انك تمشي عشرين والا اربعين لان فيه رادار هايلكس متحقط للخلق..

<< مو كداد ابد من قال

سي لايتر الفارس

لآثسف ٌثلشقيس

ZQRT · 12-13-2005, 01:07 PM

ارحب يالفارس مبطين عنك

اقتباس:

أنا من ناحيتي ما قد مرت علي طيارة تشتغل بالديزل

لكن ما شعورك لو كنت كابتن لهذي الطيارة

ياعنكنه شعور سلحاوي

بس ياخي طياره على ديزل ؟

ضامنها يالحبيب

فوق ا نها زقاويه الا انها بتلعب في الجو

يعني احتمال النسيم اللي يجي مع الصباح يكون متلوث >> ثــــف

لاهنت يالفارس ولاعاد تقطع

وخلنا نشوفك

بوقذيلة · 12-14-2005, 12:37 AM

هاالطيارة ذكّرتّني بسيارة الزبالة ___تكرمون

وانا امشي وراها

كل ما رنّيت هرن دعس بانزين وعينك ماتشوف الاالنور<<<< وين النور

ياالفارس

سلام القدعان مخصوص لك

**ماشي الحال** · 12-14-2005, 05:09 AM

هذي نفس الطياره اللي اختطفت قدري خبير التزوير

^
^

للناطقين بلغة أدهم صبري هع هع

حتى في الطيارات يدورون الرخص

انواع الازعاج للطيور المحلقه في السماء

تخيل طير جالس يسولف مع طيره << انثى الطير

وهم جالسين سوالف على خفيف

وصوت ابن سعيد يصدح

طير ياطاير وعندك جناحين

اقسم الجنحان بيني وبينك

والسوالف بدت تاخذ طابع الرومانسيه

وتمر الطياره بصوتها المزعج

في هاللحظه من يرجع حق فترة الصمت اللي دامت دقيقتين

بين الطير والطيره

يعني هم كانوا يسولفون بأي حق يخليهم الديزل يسكتون ؟

ماتشوف معي هنا لازم تكون هناك هيئة حقوق استرجاع حقوق الصمت؟

وبالمقابل اكيد ماعندهم وقت يسكرون المسجل

يعني صوت ابن سعيد ضاع مع الديزل

ماتشوف معي هنا لازم تكون هناك هيئة استرجاع

الاصوات التي ذهبت ادراج الرياح؟

وماتشوف معي ان سونيا جراهام تستاهل العنوه؟

الفارس ياروحي عليك ياشيخ

لله درك ياغلام لو ماتقطع بس كان صرت

احسن واحد في العالم << لاتصدق واجد صدق شوي بس

يعطيك العافيه وخلنا نشوفك

مهب تجي كنك تسرق وتنحاش

**ريـانـــــة الـعـــــووود** · 12-14-2005, 04:53 PM

الله مير يحيي الفارس ..

من طوّل الغيبات .. جاب طيارات ..

And me too .. I don't know !

تهقاها طيارة سلاح ؟؟!

تحياتي ..

ريــانــــــــــة الــعـــــــــــــووود

فاضي · 12-15-2005, 01:52 AM

السلام عليكم ورحمة الله وبركاته

الفارس ياوجه المروحه ليش ماتبدى كلامك بالسلام

تدري انك ذكرتني بهالطياره بسالفه

قسم قسمات والله

سيف وخنجر << سعبل على طرف يده واشر على رقبته

مره كنت مع واحد من خوياي يعني خاص جداً

له مكانه بقلبي

على قولت المثل

انا وياه اثنين بهاف واحد

كنا ضمن اشخاص مسافرين بالطياره

وقائدها كان بارع

الى ان قربنا نحط بارض المطار في مصر

وفجاه وش اسمه وش اسمه ايه

قامت الطياره تلعب يمين وشمال

لحظتها وقفت قلوبنا

ومر علي شريط اعمالي وش اسمه وش اسمه

ايه ذكرت المصيبه مامر على الا السيئات

ابي الحسنات معد ذكرتها

قمت اتشهد

والحريم واااع واااع وااع

وانواع الصياح

قسم بالله يالمضيفه انواع البكى

ويعيد الطيار الكره ويوم قرب من الارض

وش اسمه وش اسمه ايه وهي تلعب مره ثانيه

وهو يزرها بقوه ويطلع في السماء

لحظتها جلست اناظر بوجه خويي

وبنفسي قلت اذا بكى ببكي معه

وش اسمه وش اسمه ايه المصيبه ان

قبلها بسبوعين طايحه طياره في البحرين اللي جايه من مصر

وشوي الا يوم عبس وجه خويي

ويقوم يسب ويلعن وانا اتمتم واذكر الله

قسم بالله يالطيار انه قام يقراء علينا الشهاده

لحظتها يوووووووووووو متنا وحنا حيين

ونقوم نحلق بالسماء واناظر عبر القزازه للمطار

واشوف سيارات المطافي

ياولد الموووت اقوله لخويي

المهم المره الرابعه قدر الطيار يهبط بسلااام بارض المطار

قسم بالله انواع الحضن مع بعض

والله يانا حظنت مضيفه طرقا وهي حضنتني

<< عودلي ابليس

ونقوم نصفر ونصفق

وندخل على كبينة الطيار ونسلم عليه

واللي يشره واللي يحبه

وانواع الزحمه عند باب الكبينه

وانواع المحاشر والمدافف

عاد طراها هالطياره يالفارس

مشكور على ما قدمته

فوتك بعافيه

$$الفارس$$ · 12-18-2005, 02:03 PM

اقتباس:

المشاركة الأصلية كتبت بواسطة سـتّـل جناحه

^
^
^
^
^
يا عيال قطو له خلوه يشري طياره بنزين والا خلوه يصفي المكينه والا شوفو له دبره

تراه لّوث بيئتنا وبيخرق طبقه الاوزون حقتنا (وجه لابس كرفته ويلقي محاضره)

عن القطة أبشرك ولله الحمد ما يحتاج طيارتنا بالكيروسين الخالي من الكوليسترول

اقتباس:

المشاركة الأصلية كتبت بواسطة سـتّـل جناحه

تراه لّوث بيئتنا وبيخرق طبقه الاوزون حقتنا (وجه لابس كرفته ويلقي محاضره)

يا خي يا زينك وانت مقرع مع الكرفته الموف << تحسن انه مصري مايع

يالله انت كد بالأرض وأنا أكد بالسما

يسلموو على الطلة يا مسطل جنحانه

$$الفارس$$ · 12-18-2005, 02:12 PM

اقتباس:

المشاركة الأصلية كتبت بواسطة ZQRT

ارحب يالفارس مبطين عنك

ياعنكنه شعور سلحاوي

بس ياخي طياره على ديزل ؟

ضامنها يالحبيب

فوق ا نها زقاويه الا انها بتلعب في الجو

يعني احتمال النسيم اللي يجي مع الصباح يكون متلوث >> ثــــف

لاهنت يالفارس ولاعاد تقطع

وخلنا نشوفك

مرحبا والله وهلا وغلا بالزكرطي

شايف كيف الدنيا .. لا والكابتن يقول ان هذي الطيارة اقتصادية ورديترها ما يسخن خخخخخخ

ويشغل مكيفها على راحته<< شكلها متسوبيشي مهيب طيارة

يالله نشوف خشتك على خير
الى اللقاء

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى