ضعت مافي عندكم دليل سياحي ؟

برقع اصطرطش · 12-09-2005, 08:46 PM

السلام عليكم ورحمة الله وبركاته

كيفكم ؟؟ وش احوالكم؟؟ عساكم زينين؟

الله يسلمكم ويعافيكم ..

هذا وقد اثبتت مصادر امنية وجود بعض الشلق ( الفقاقيع ) في الحي الفلاني الذي يوجد بجانب حارة فلان بن علان مما أدى الى تشويط حركة الاتصالات عندنا وفجأة دريت انه النت انشبك في جوالي (( ابوووووك يالنصب )) .. بتقولون وش عرفتس انه النت مشبوك .. بقولكم لاني دريت انه عوقل هي محرك دينمو اقصد محرك بحث ولاني فطنه اسعتبت ( استوعبت امحق مثقفه )

عاد سمعت عن منتداكم انه زين وحليو واللي فيه حلوين قلت اسجل معاكم

ولاني ضعت عندكم وبعد ماحفين رجولي في البحث عن قسم لوضع ترحيبي قلت ابقعد في حوشكم بس دريت انه يمرون من جنبه سيارات قلت ويه ويه لا يشوفوني الرجاجيل ياعيباه واخزياه .. رسى موضوعي هنيا

{==== اقول اخلصي بس

aaaa:

ايه جايتكم بالحكي .. عاد ودنا بترحيب الله لايهينكم

اختكم : برقع اصطرطش

**SHAHAD** · 12-09-2005, 10:10 PM

وعليكم السلام ورحمة الله و بركاته

هلا بك أختي و حياكِ و بياكِ معنا

منورررتنا و بإنتظار مشاركاتكِ

فلا تتأخرين علينا ..

^_^

شهووودة

**ماشي الحال** · 12-09-2005, 10:36 PM

وعليكم السلام ورحمة الله وبركاته

وش تقرب لتس اخر العنقود ؟

اللي عطيناها نغمة السعوديه الثانيه تن تتن

ولا عاد شفنا رقعة وجهها

حتى كلمة شكر ماقالتها

ليه الواحد في هالزمن ياخذ مصلحته ويمشي

طيب على الاقل كلمة شكر

وبعدين روووووح << لابس طاقيه شخال وانا اقولها

ترى لون خطتس نفس لون خطها عشان كذا شبهت بينكم

بس تدرين يابرقع اصطرطش << ثقيل اسمك على الكيبورد وعلى لساني

اغير نكك ؟

اخليه برقع الصقر

او برقع اهل الكويت << ياطول النك

بعدين انتي عندتس مشكله في الضمائر

تلخبطت وانا اقرا موضوعتس

المذكر خليتيه مؤنث والمؤنث خليتيه مذكر

والخكري خليتيه يملس شعره في الحلاق << محاولة تنكيت ماصله

ومادامها ماصله ابيكم تضحكون

اضحكوا تكفووووون حسسوني اني شخص خفيف دم

يالله عاد اضحكوا بس لاتكتبون لووووووول << هذي تجيب رفعة ضغط

استفسار الى جميع من يكتب ( لوووووووول )

بالله هذي ضحكه ؟

اي واحد يكتبها ياليت يشوف وجهه دقيقه بس

خخخخخخخخخخ او ههههههههههههههههه كلها مقبوله

بس لوووووووووول

زين يابرقع اربعطعش

مفتاح عجل شكلتس

اسمعي ابيتس تقولين لي كم كان عمرتس

اول ماعرفتي تصفرين

لحظه افهمتس شوي

التصفيره لها كذا معنى

فيه ناس اذا رقدوا بالليل وبالعاده يقومون الصبح بدري

يعني الساعه 7 او 6 بس احيانا يصفقونها نومه

الى الساعه 10 يقول ( اليوم طقيتها تصفيره على كيف كيفك )

وفيه ناس يدخل اصابعه الاثنين الوسطى والابهام

او اربع اصابع السبابه والوسطى من اليد اليمنى

والسبابه والوسطى من اليد اليسرى من باب العدل

عشان مافيه اصبع يزعل من اصبع ولا يد تزعل من يد

ويلوي لسانه ويحط الاصابع فوق اللسان

ويعطيها نفخه قويه ويطلع صوت ( تصفير )

بعضهم عاد بالبدايه مايطلع صوت صفيره

لان اصابعه كبار اكبر من حلقه يطلع صوت ( اتششششششش)

وهذا ننصحه باستبدال الاصبعين باصبع واحد

اللي هو الاصبع الصغير اللي محد يعطيه وجه ابد

<< تحسون متحمس

ايه عاد انا ابي اعرف كم كان عمرتس

اول ماعرفتي تصفرين

لحظه افهمتس معنى التصفيره

<< انطم بس

هو نفس الحب واكتر

هو نفس الشوووء واكتر

هو هو هو هو هو

^
^

انشهد ان كلثوم جاب بنت

الا صحيح ام كلثوم وش اسم ابوها ؟

برقع يؤسفني ان اقول لك المكان لايتسع الا لاثنين

<< وش دعوى راكبين بورش

سلف تذكر سالفة ( وش دعوى ) ؟

برقع ماتعرفين سلف خمسه ؟

نبذه بسيطه عن سلف ::

واحد ماخذ اكبر من حجمه

احيان يجتهد ويقدم شي يبعث الابتسامه في عيون القاريء

واحيان كثيـــــــــره يلتزم الصمت ولا نعلم السبب

يقال انه فقد زمرده حبيبته التي كانت تقطن في جبل المقطم

ولكن الكل متفق انه جلمباوي يملك الكثير ولكنه بخيل

برقع قرعة كاس العالم بدت بروح اشوف

السعوديه وين بتصير

اتوقع واتمنى ::

اسبانيا , ساحل العاج , اوكرانيا, السعوديه

مرحبابك خيتووو برقع اصطرطش

والبيت بيتك والحوش حوشك والسطح سطحك

بس نروح للملحق عشان نلحقك

**سفيرة الحزن** · 12-09-2005, 10:43 PM

^
^
^
^
هذا ترحيب وإلا قصة حياة جون كيندي يوم كان مراهق ؟؟

أم برقع مطرطع <-- كذا احلى هههههه بس ماله معنى يوذكر

حياك الله فيذا .. منوره الحاره بالحته بالمنطقه كلبوها ..

بس لا تسحبين علينا ولا تجين الا مرتين برد واحد تقولين مشكورين على ترحيبكم

وإن شاء الله افيد واستفيد ... ومانشوف الا برقعك وغبرة رجلينك ..

مرحبا بك ..

و

حياك معنا ...

تحياتي

**ماشي الحال** · 12-09-2005, 11:17 PM

^
^

وخري شوي بالله ابي اللي فوقك الاخ ماشي الحال

ايه انا منقهر من نفسي وفي نفس الوقت توقعي جا سليم الا

اقتباس:

اسبانيا , ساحل العاج , اوكرانيا, السعوديه

ياعيال لو احلف لكم بتصدقوني؟

كاتب التوقع ويوم جيت عند ساحل العاج كان بكتب تونس قسم

بس قلت شكليا مايصلح اثنين عرب في نفس المجموعه

خلني احط ساحل العاج >> اللي يسمعك يقول فيه جائزه للتوقع الصحيح

لا بس اعلمكم عشان تكونون في الصوره

ايه والله وزانت علومك يالسعوديه

<< رح اكتب موضوع بالحوش اصرف

سي يووو

برقع اصطرطش · 12-09-2005, 11:36 PM

اقتباس:

هلا بك أختي و حياكِ و بياكِ معنا

منورررتنا و بإنتظار مشاركاتكِ

فلا تتأخرين علينا ..

^_^

ياحليلتس شهد .. يالله ان يحييتس زود .. انا اشهد يابنيتي انتس بنيتن بارتن في اميمتس .. عسى الله يوفقتس وتعرسين قريب {=== وش عندها مشتغله خطابه؟

برقع اصطرطش · 12-09-2005, 11:39 PM

قسم بالله ياماشي الحال طرطعت في موضوعي الين قلت بس .. انت من قالك تعال رحب بي {=== جزا المعروف سبع كفوف

ياوليدي وتس ذات (( اروح وطي انا يالعنقليزيه )) ..

كلمة راس بيني وبينك انت يومن ولدت منهو اذن في اذنك ؟؟ ياوليدي اخاف انه مصري وانت ماتدري ..

ماتعرف

؟؟ الله مير يسلم شهد بنيتي شف كيف ردها حبيبن ويدخل القلب بدون مايطق الجرس

وبعدين وش بدك بعمري .. خلك بعيد ترى ماني عجيزن هينة ابطخك الين مايطلع مخك {=== عجوزن مسترجله

وانا اميمتك بريك

اتعبت قليبي {=== مجتهده

يلا بااااااك (( وش هالعجوز الخطيره )) ونكمل موضوع حوارنا

ولا اقولك رح شف مباراتك {=== تزحلقه

تسلم وانا اختك على الترحيب اللي بلغ طوله سرطين والحكي الفاضي (( لا تركز لا تركز )) بلغ طوله عشرطعشر الف سرط

برقع اصطرطش · 12-09-2005, 11:49 PM

اقتباس:

أم برقع مطرطع <-- كذا احلى هههههه بس ماله معنى يوذكر

حياك الله فيذا .. منوره الحاره بالحته بالمنطقه كلبوها ..

بس لا تسحبين علينا ولا تجين الا مرتين برد واحد تقولين مشكورين على ترحيبكم

وإن شاء الله افيد واستفيد ... ومانشوف الا برقعك وغبرة رجلينك ..

ياهلا بتس عدد ماهلن زخات المطر وهلا بتس عدد ماصاحن العصافير وهلا بتس زود عدد ماطاحن ضروسي قبل البارحه {=== ياهو ترحيبها بتس حار

لا وانا اختس مالي حيل عالتفحيط خلاص كبرنا ..

الله يسلم هالوجه الحلو {=== اول مره اشوف عجوز مغازلجيه

بارك الله فيتس ويعافيتس من شر كل حاسد وحاقد وهيثم وايمن {== اقول دحدري ياعجوز الرحمن

**ميلاني هلالي** · 12-15-2005, 05:46 PM

اقتباس:

ايه انا منقهر من نفسي وفي نفس الوقت توقعي جا سليم الا

اقتباس:
اسبانيا , ساحل العاج , اوكرانيا, السعوديه

ياعيال لو احلف لكم بتصدقوني؟

كاتب التوقع ويوم جيت عند ساحل العاج كان بكتب تونس قسم

بس قلت شكليا مايصلح اثنين عرب في نفس المجموعه

خلني احط ساحل العاج >> اللي يسمعك يقول فيه جائزه للتوقع الصحيح

لا بس اعلمكم عشان تكونون في الصوره

^
^
الله من النصب اللي يزي نصه ياخالد قاضي ..عود وراك بس

الناس تتوقع ماقلنا شئ ..لكن تسذا ماتهقى انها كايده شوئ .. لا وكنت بتكتب تونس بعد ؟؟ ( وجه يمون بالحيل )

س / ماذا يدور في مخيلة ماشئ الحال الان تجاه ميلاني هلالي ؟

عليكم السلام ورحمة الله وبركاته ..

حيا الله برقع اصطرطش << - - الله من زين الاسم

وياهلا وسهلا فيك... ( وجه ماعنده وقت )

تمنياتي لك بقضاء امتع واسعد الاوقات ..

وبأنتظار مشاركاتك وتفاعلك ..

( وجه مهوب فاضي ابد )

فمان الله ,’,’,’,’,

برقع اصطرطش · 12-16-2005, 01:13 AM

ياوليدي انت ووجهك ورى ماتضفه بس ..

اقلقتنا وانا اميمتك شوي وجهه مهوب فاضي وجهه يحتقر القاضي (( حلوه هذي تصدق امي على امثالي كانت ودها اني اصير مذيعة {== لييييه ترى اللي يتسذب يروح النار )) بس بيني وبينك بعدين هونت قلت اتوهق وش من مذيعه هذي اللي بتطلع متبرقعه (( وياليت العيون زينه بنقول اشوى بيشوفون شي ))

اقول وراك خذتني بالحكي ..

المهم الله يجزاك ياوليدي خير وعاد لا تبطي علينا سيَر علينا من ماتجود به يداكم {=== والله من المصاله تطرَ في منتدى كلهم ماشي الحال (( وشلونك وانا اميمتك ؟؟ ))

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى