.. خبر مش NeW بس تعالي يا حواا هنيا ‍‍..

**سفيرة الحزن** · 11-28-2005, 05:20 PM

مساء الخير والإحساس والطيبه ....

أشلونكم ؟ اشلون عوالكم ؟؟

والأهل عساهم بخير بس يزقحون كولبووهم / هن

مثل ماقلت بالعنوان

الخبر مش مره جديد لكن قلت ابي اعرف رايكم .. ؟

في يوم من الأيام السالفاتي فكر المصمم ( ناصر النمر )

انه يسوي بلوزه من ذهب قيمتها 40 ألف تقريباً

هالبلوزه قصتها قصه .. يعني خذت منه فترة تصميم 3 اشهر بالكثير

من بعد ان صمم ربطة عنق تستخدم كإسواره او حتى حزام ( مش حزام ولد عمي )

قدمها في معرض بالبحرين وكانت قيمتها من 3 إلى 5 آلاف ريال ..

بالنسبه للبلوزه بلا شك ذهب خالص من عيار 18

وزنها من 650 الى 700 جرام

اللي أدهى من هذا انه مفكر يصمم فستااان كاااامل من الذهب ..‍‍‍

لكنه موقف حالين بسبب انه مكلف ومحتاج انه يجمد مبلغ ماهووب سهل

أبدن ... ومحتاج لوقت ..

الزبده .. وش رايكم ؟

فيه ناس قالوا فاضي وماعنده سالفه وناس اتوطوا بطنه بالكلام

وهذا ماهم دافعين من جيوبهم شي

7
7
7
هذي البلوزه ... يعني موستقبلن اللي مهورهم 40 الف ووفوق تقول

والله انا ابي مهري بلوزة ناصر النمر هههههه <-- من جد مسخره

أوروفواااار

سفيرة الحـزن

الخاتمة · 11-28-2005, 11:59 PM

هلا وغلا
بـ سفرفر

شنو اسمة هو ابو الشباب !!!! اية (ناصر النمر )

بعدين تعالى
تقولين قيمتها تقريبا 40 الف
وجابت بالمعرض يوم عرضها من 3 الى 4 تقريبا
اشلون هذا
لا يكون الا كانوا بالمعرض
جنسيات اجنبية يعنى مهم حول الذهب
وتلاقين الامركية تقول
(sno hda mskra)

على العموم سفرفر
المسكينة الا تبى تلبس الفستان من الذهب
يبلها تسوى كمال اجسام

فى النهاية انا ما دخلت مزاجى الفكرة
حنا غصب مستحملين الذهب وهو خفيف وناعم هالدور نلبس قمصان

عز الله الا تبى تعرس وامها تحب الذهب الا تشتريلها منة واحد
وتقولها ( لزمن يابنيتى )

فرفر
يسلمواا

**ريـانـــــة الـعـــــووود** · 11-29-2005, 12:24 AM

الله وناسة .. بلوزة ذهب ..

طيب مع ايش البسها ..؟

يعني لازم بنطلون ذهب .. أو تنورة ..

و يا ليت تكون تنورة قصيرة عشان ارخص

والله صدقت ختومة ..

اقتباس:

المشاركة الأصلية كتبت بواسطة الخاتمة

حنا غصب مستحملين الذهب وهو خفيف وناعم هالدور نلبس قمصان

يعني طقم ألماس صغيرون .. ماهي بمشكلة

لكن اربعين ألف في بلوزة .. والله حرام ..

اقتباس:

المشاركة الأصلية كتبت بواسطة سفيرة الحزن

فيه ناس قالوا فاضي وماعنده سالفه وناس اتوطوا بطنه بالكلام

بصراحه ما لهم حق .. !

هم ما شافوا اللي ينحتون بالرمال..

ولا شافوا اللي يلعبون بالبطيخ ..

يعني وش فيها .. اذا سوا بالذهب بلوزة أو فستان أو حتى بشت

صدق اللي قال ..... الفن جنون .. >> الحب فنون .. والفن جنون

مشكورة سفورة على هالخبرية ..

تراها نيو بالنسبة لي .. >> فرحانه لقت سالفه تقولها لزميلاتها

تحياتي ..

ريــانـــــــــــــة الــعــــــــــــــووود

**أغديك متلايط** · 11-29-2005, 06:50 AM

مساك الله بالنور

تصدقين سفيرة

انا فكرت كثير قبل لا اكتب الرد

واعرفت ان ناصر النمر ذكي

ليه؟!!

لأنه عارف ان عندنا ناااس مطااافيق

ناس تشتري الغااالي حتى لو ماهو حلو

بس المهم انه غالي

يعني تلقين البلوزا كلفته 20 الف

وقام طير السعر وعرضها بـ 40 الف

والمشكله كلما زاد سعرها

كلما تعلقت فيها الناس اكثر

اذكر ايام زماان يوم صار المزاد

على اشياء ام كلثوم مثل النظارة والمنديل حقها ...الخ

تصدقين حسب ماسمعت انه في واحد

سعودي مشتري نظارتها بتقريباً نص مليون جنيه!!

يعني تقريباً 300 الف ريال سعودي

ولو نرجع لأم كلثوم , بتلقينها مشتريه النظارة بعشره جنيه

للأسف عندنا ناس يمكن حتى البضاعه ماتعجبهم

لكن دامها غاليه اكيد بيشتريها ,, لسبب واحد فقط

عشان يقولون شوفو فلانه عليها قميص قيمته 40 الف

ياطر جيييبي طرااااه

فديييتوووك

ابو بندر · 11-29-2005, 08:49 AM

8
8
8

وهو صادق ام كلثوم كلها على بعضها

ماتسوى الف
عندي

بس اغانيها صح مزاج عالي بعد

لكن اللي اقوله

كلٍ بعقله راضي

وممكن من باب خالف تعرف

ويبي الشهره اكثثر واكثر

فكر في هالموضوع

بس الفكره كــكل مش عاجبتني

<< ومنهو انت ويا وجهك

شب

كفايه اني زكرتي

ولي الحق في ابداء وجهة نظري في بيتنا

سفرفر لك كل الود

**سفيرة الحزن** · 11-29-2005, 01:18 PM

ختوووووووووووومه

ارررحبي ايتها الفتاااة

شوفي أول شي شكلك وانتي تقرين ضيعتي يوم شفتي البلوزه

قولي ان هي عاجبتك وودك فيها عادي لا تستحين <-- تلايطي بس

هههههه

ختومه ياقلبي

البلوزه مش هي اللي جابت 5 آلاف .. هو تشجع وسوا البلوزه عقب ماسوا ربطة عنق

قيمتها يوم عرضها بالمعرض اللي بالبحرين جابت له 3 الى 5 آلاف عرفتي ؟

بس البلوزه هي اللي قيمتها 40 الف

مشكوره على هالطله ياعسسسسسل

وتابعي واعلمك رايي <-- شخصيه موهمه مع ذا الوجه ههههه

سلوتو

**سفيرة الحزن** · 11-29-2005, 01:24 PM

أهلن هلا بك يابعد كل من لي <-- الله ع الذكريات

ريــــــانـــة العــووود

راي موختلف تمامن عن كل اللي علمتهم بالخبر <--- تشتغل مراسله بالجزيره

لا صدق لي عمل سويت استفتاء في كذا مكان وانتي من الآراء النادره ...

يعني في ناس عجبتهم الفكره .. لكن يفضلون لو مانفذها احسن <-- وش عليكم من الرجال

بعدين انتي تقولين طقم الماس صغيرون .. يااختي اذا الذهب كذا كيف الألماس

خليني اعلمك سالفه

مره من الأمارير كنت رايحه الراشد ودخلت المحل ( .... ) يبيع ألماس طبعا

يوم جت اللي معاي قالت والله بدخل انا بسوم إذا هو حاله حال الذهب خليني اشتري لي

خويتم .. قلت يابنت الحلال مافي احد يقدر تهقين لحد شافك وانتي كاشخه بهالخاتم بيقولون الماس

خشي بعيني ؟؟

قالت امشي بس .. ودخلنا إلا قلنا له ورنا نبي نشوف ( الدبل ) وطلعهن ..

الله لا يوريك خاتم عاااااااااادي واكثر من العادي مافيه غير فص صغيرون ينقال انه الماس

قيمته 4 آلاف وشوي ... يعني لو اشتري اسواره ذهب بخمس آلاف من النمر أصرف لي من هالفص

اللي لو تلبسينه ويوم يجون يتكلمون يقولون ايه صدقتيها ان هذا الماس .. !!!!

الزبده

زين ان الخبر نيووو بالنسبه لك .. وعلمينا وش قالن صديقاتس

سي يو

**سفيرة الحزن** · 11-29-2005, 01:38 PM

وش هالنوووووور كلبووووه

أغديك متلايط

بصراحه انا أتفائل باليوم اللي اشوفك فيه <-- نصابه هههه

لا جد انت مصدر التفائل لي ياإلهامي ههههههههه كني مصختها

عموما

ذكرتنا والله بسالفة ام كلثوم ومزادها

شفت منديلها .. يوم اشوفه بالأبيض والأسود احسب لونه رمادي والله <-- غبيه ههههه

بس يوم جابوه بالمزاد قلت أمااا هي .. هذا منديل ام كلثوم كاشختن بوووه

والله اللي ماهيب سهله .. المشكله ان المزاد حااااااااامي

يعني وش الفايده لا شراها فلان الفلاني .. بس عشان يمشي ويقول انا عندي منديل ام كلثوم

والا ناوي يفتح متحف حق المشاهير ويجلس يجمع من هالآثار والتحف الين الله يفرجها .. ؟

وإلا عقليه وأخلاق تجاريه مفكر لو شراه بـ 300 الف مثلا موستقبلن راح يجيب له 600 ألف يعني ؟

أما الناس ذولي قصص ..

خلني اعلمك سالفه <-- عجيّز ههههههه

مره من المرات وحده من البنات جايه داااااااعسه وقطت وجهها علي انا ووحده كنا جالسين

بحديقة الكليه <--- أمحق حديقه

ونشبت لنا نشبه ماهيب صاحيه إلا امشوا معاي الكافتيريا أشتري لكم شي عربون صداقه

قلنا يابنت الحلال مانبي عربونك احتفظي بووه لنفسك .. <-- افهميها يعني وحلي عن سمانا

أبدن مافيه إلا تجون معي ... الموهم رحنا وانقلبت الآيه حنا اللي شرينا لها ههههه

تخيل وحنا نتجاذب أطراف الحديث جات وحده رابعه قالت لنا شي وراحت

إلا قالت البنت هالناشبه .. اسمعوا يابنات قلنا هااا يابنت .. قالت بنصحكم نصيحه لوجه الله

وانتم بكيفكم وووو الخ والله حنا خفنا قلنا مدري وش بتنصحنا وش بتقول ؟؟

بعدين قالت .. اسمعوا لا تمشون مع وحده عاديه والا طفرانه <-- ماشافت نفسها

قلنا ليه ..؟ قالت أحسن لكم امشوا مع وحده راعية ماركات وحركات ..

قلنا الحمدلله مافي احد هالأيام مايعرف الماركات وو .. وإذا كان وش علينا من ماركاتها

بتشفع لنا هالصحبه بالآخره ..؟؟؟

الزبده ماعجبها الرد ومشت وخلت اللي شريناه لهااا الله يخسرها .. مابقى شي ماشرته وفي النهايه تروح

وتخليه هههههه

أغديك متلااااااايط

ميغسي تريبيااااان

**سفيرة الحزن** · 11-29-2005, 01:55 PM

أبو بندر

فعلن .. كلن بعقله رااااااضي

يسلمو على هالطله اللي زي القشطه

ولازم إذا انت ماتبدي رايك مين اللي يبدي رايه اجل

ههههه اليوم مدري وش عندي

عمومن

ثانكس ألوت

**شقرديه** · 11-30-2005, 05:58 PM

^
^
^
مافي هالبلوزة من الزين شعرة

شوفو اللي ناوي يهديني اياها تراني مابيها

هذاني علمتكم وانا افضل ساعة ماركة

أو خاتم الماس>>حدتس اكسسوار ويخب

تسلمين وخيتي سفرفر على هالخبريه

ولو اني ماراح اقدر اقولها لأخواني

لأني عارفة ردهم بيقولون

بلاهم عارفين ان الحريم خبول ويلعب عليهم

**سفيرة الحزن** · 11-30-2005, 06:19 PM

هلا والله بمثقفة الزكرت الأولى

الله يسلمك يالغلا .. بس قولي لأخوانك .. وعلمينا وش قالوا بالتفصيل

هههههه

وإذا على الخاتم الألماس .. أزهليه لا جيتي تعرسين أبشري بخاتم ألماس يستاهل يور فينقر

<--- تتكلم جد ترى

منوره ياغلاهم

بس هقوتك كل الحريم مهابيل ويلعب عليهم ؟؟

<-- كوني متأكده من نقصك

ههههه الله يذكرك بالخير ياهملالي

تحياتي لك

**سحابة حب** · 11-30-2005, 06:56 PM

بالعكس يا شقرديه ،، خلهم يهدونك إياه ،، و ترىا لذهب طاير هاليومين ،، و بعيه ،، و استفيدي ،،

اشتري لي ساعة و اخوتم ألماس زي ما تبين ،، و لا يضيق صدرك ،،

سفرفر ،، أنا أبيه هديه ،، عشااااان أنفذ المخطط أعلاه >> وجه يتميلح ،،

يعيط العافيه سفرفر على هيك خبريات>>> خوالها من بيروت ،،

اعلانات المنتدى