الـسـلام عـلـيـكـم ورحـمـة اللة وبـركـاتـة
قرات اليوم قصيده ماهي جديده,,,,
من روائع الشاعر الأمير : عبد الرحمن بن مساعد
وصراحه عجبتني جداً كثيراً
وطبعاً الشاعر دحومي غني عن التعريف <<ام الميانه اللي تعرفها
لأنه في نظري شاعر مميز من ناحية الطرح
والأسلوب في كتاباته الشعريه واسلوبه في الألقاء 
مالكم في الطويله اتركم مع الرائعه الشعريه انياهاهاها <<<لازم حركات اللحوج 
( الـمـشـهـد الأول )
وحدة مزيونة بالحيل,!! وحبيبة..
لكن تخون!!!!
وش اسوي بجمالها؟؟
بياخذها الزمان و تبقى عجوز!!
عادي طاح الحطب وحلوة الحياة
( الـمـشـهـدالـثـانـي )
ملتزم!!
يصلي كل الفروض
و اذا تعب!!,, فوت صلاة الفجر
واذا شبع راحت صلاة العصر!
و عنده دش,,, ويكذب كثير
و اذا صحى الصبح ,!! مشط اللحية
عادي طاح الحطب وحلوة الحياة
( الـمـشـهـد الـثـالـث )
غني و ظالم,!!
يطرد المساكين,,!! ويستغل الضعوف
مغرور و فاسق!,,
و مجلسه عامر
كلن يبهر له!!
و مع ذلك يجمع حسنات!!,من كثر اللي يسبونه
عادي طاح الحطب وحلوة الحياة
( الـمـشـهـد الـرابـع )
يكد يدرس و يشتغل
لاجل يبني مستقبله
تزوج و جاب عيال ثم تقاعد!!
صار يسكن في مكان,,, و أم عياله في مكان
والسبب العيال!!
صار دار المسنين بيتهم!,,
عادي طاح الحطب وحلوة الحياة
( الـمـشـهـد الـخـامـس )
تغازل و تاخذ ارقام,!!
و تطلع مع هذا,,!! وتواعد هذاك,,!!
و يوم طاح الفاس في الراس!
بكت!!
و راحت تشكي لامها غدر الزمان
طبطبت عليها امها وقالت:
ولا يهمك ,,, سفرة لمصر,,!! وشوية سيولة
و ترجعين بنت,,!!
عادي طاح الحطب وحلوة الحياة
( الـمـشـهـد الـسـادس )
مرفوع الكفن أبيض
وصاحبه وسط البياض!!
بعضهم يبكي وبعضهم عادي
دفنوه,,!! وتبكبكوا شوي
و اخر الليل سكارى,,!!!!!
عادي طاح الحطب وحلوة الحياة
( الـمـشـهـد الـسـابـع )
سيارة مسرعة
و تدعس لها واحد
مسكين هندي!
و العسكري صديق الطايش!!
والخطا نصه على الهندي
والباقي على أبو الطايش
و في الليل,,,الطايش يلعب بلوت
عادي طاح الحطب وحلوة الحياة
( الـمـشـهـد الـثـامـن )
قارورة مويه!
ما تضره ,,! طايحة في السيارة
يناظرها بغضب زعلان منها
و يفتح الشباك و رماها وسط الطريق
واذا اجتمع مع الشباب قال:
متى بنتحضر؟؟؟؟؟؟
عادي طاح الحطب و حلوة الحياة
( الـمـشـهـد الـتـاسـع )
اهم شي الثوب نظيف و الشماغ مكوي
و القلم ماركة والساعة تضوي
و الجزمة جلد والسيارة عجب!
و تلفونه ما يسكت
إما بنات,,!!
أو البنوك تبي فلوسها,,,
عادي طاح الحطب و حلوة الحياة
( الـمـشـهـد الـعـاشـر )
سطحية ومغرورة
غبية ومتكبرة ويا ريتها حلوة
تبي زوج مواصفات
ما يقول لا ,,!! ويكره الاستراحات
لازم وسيم,, وانيق,, ومتعلم,, ودخله ممتاز,,,!!
و يحب السفر!!
و بعد سنين ,,!! تلاقي نفسها في الانترنت
تدور واحد يقبل بها
عادي طاح الحطب وحلوة الحياة
( الـمـشـهـد الـحـادي عـشـر )
فتح الكمبيوتر!!
ودخل للمنتدى,,!!
وكلامه ما يتعدى ان الموضوع روعة ورهيب <<< بالمختصر جلمه
و هو ما قراه و لا يعرف كاتبه
بس يبي يزيد المواضيع موضوع!!
ويزيد همومنا هم!!,,
علشان يصير صاحب الألف موضوع,,!
و يتميز
والمشكلة انه يتميز !!
عادي طاح الحطب وحلوة الحياة
( الـمشـهـد الأخـيـر )
الكذب اثم,,!! ومع ذلك نستخدمه
و ندري ان هذا حرام... ومع ذلك نجربه
نتذكر السهرة و الفرح و السفر
و ننسى الجالسين على كتوفنا
و نتناسى ان معهم كتاب يسجل افعالنا و نياتنا
كل شي محسوب,,!!
حتى النظر..
نسينا ان ورانا يوم
علاماته قربت!,,
ومع ذلك كلنا ناسين...
أن بقيت على حالك تتناسى ...لازم تعرف
إن ذاك اليوم
مهوب عادي وأنت الحطب ومابه حياااة
دمتم كل ابوكم
عـادي طـاح الحـطـب
مشاركة: عـادي طـاح الحـطـب
