إرشيفات 2005

**)( زيــاد )(** · 11-21-2005, 03:25 PM

السلام عليكم

أحببت أن أشارك أخواني ببرنامج سميته ( إرشيفيات 2005 )

في عددة الثاني

الصوره الأولى :
صورة بسيطة لدله وجنبها النار

الصوره الثانية :
هذي الصوره فيها السراج على اليمين مزين الصورة وهذي الدلال تصدق إن قلتلك أن أحد هذي الدلال له 200 سنة

الصوره الثالثة :
هذي الصورة ما تحتاج لتعليق لكن ودي أنبة شف على اليمين تحت شوي فيه ( النبيطة ) قــــــــــــديمة

الصورة الرابعة :
مثل إلي قبلها ما تحتاج لتعليق

الصورة الخامسة :
صوره لسراج

الصوره السادسة والأخيرة :
صورة للمجالس القديمة الله يخلف علينا ألحين كنب

هذي الصور صورتها في بيت أحد الشياب المهتمين بالتراث

أرجو أن تنال ولو وحدة إعجابكم

ولا تبخلون علينا من نقدكم ترانا محتاجينه كثير

أخوكم زيـــاد

**nAmLaT nAjD** · 11-21-2005, 04:32 PM

وعليكوم السلام ورحمة الله وبركاته

حياك الله عمو زياد

يسعدني اكون اول وحده ترد <<ياحظتس

برنامج حلو .. وموضوعه احلى ..

بصراحه عجبني المكان حيل وعجبتني الصور بس لي عليها بعض الملاحظات

.: الصوره الاولى :.

زاويتها حلوه بس برأيي لو انك خليت الفوكس على الدله والخلفيه تكون باهته بتزيد من جمال الصوره

.: الصوره الثانيه :.

حلوه بس الارتجاج اللي فيها مزعج شوي

.: الصوره الثالثه :.

حلوه .. وماشالله المكان مليان اشياء قديمه <<ماعرفت شي

.: الصوره الرابعه :.

حلو وضوحها ..

.: الصوره الخامسه :.

حركه زاويتها مميزه وعطتها شكل

بشكل عام بما انك تحب التصوير وهامك التطوير من مستواك كنصيحه من مبتدأه

..

حاول تركز على الجانب الفني (او الجمالي) في الصوره

يعني انت في موضوعك هذا التقطت الصور بشكل عادي جداً اهم شي احتويت اغراض المكان الموجوده..

لكن لو انك حاولت تبدع وتطلع بافكار زي الصوره الاخيره صدقني بتخلق جو مختلف للصور ..

وهنا الفرق بين المصور المحترف والعادي ،لان فن التصوير ابراز اجمل شكل لما تراه

من خلال عدسه كاميرتك<<منتب عاقله يافوتوقرافي نمله

اسعدتنا طلتك الحلوه

وطبعاً.. بانتظار جديدك

**عميد الزكرتية** · 11-21-2005, 04:38 PM

وعليكم السلاااام

ارررحب يازياد

يعطيك الف عافيه

على هيك صور ..

وعلى هيك تصوير ..

وعلى هيك تحميض << وش العلم

النقد اذا تبي نقد

لاتدورة عندي انا ماني متخصص واترك النقد لاهله؟؟

لاتقووول وش جاااي تدور ؟؟

انا حبيت اشارك لاعجابي بنوعية المقتنيات المصورة

واللي صورها اكيد عنده ذوووق

ادري انه انت ؟؟ بس هذا اسلوب مدح غير مباشر

الصور هذي تذكرني بأيام الرقيقة الغبراء << بيقهر بعض الناس

لاااهنت ولاهان راع البيت

انا يعجبني اللي يهتم بالتراث

وعندي مجلسه افضل من الكنبات اللي هاليومين

والنبيطه مهب عاقله :d

حتى المروحه اندثرت ذا الايام ولايهون المهف والقربه

يعطيك العافيه مرة اخرى يازياد وفوووتكم بعااافية

مع الخنـــــــــــــــــافس

**البَــتول** · 11-21-2005, 04:50 PM

وعليكم السلااام والرحمه

يا هلا فيك اخوي زيااد مره ثاانيه

نورت الدريشه

ما شااء الله شو هالارشيف التراااثي

شي بصرااااحه

ما خلى شي الشاايب،، الله يحفظه

اضيف صوتي
لكلام العزيزة نموووله

اقتباس:

بشكل عام بما انك تحب التصوير وهامك التطوير من مستواك كنصيحه من مبتدأه ..

حاول تركز على الجانب الفني (او الجمالي) في الصوره

وان شاااااء الله
نشووووف ابداااعاااتك دوووم بيناا

تقبل مني ارق تحيه

ابو كرعان · 11-21-2005, 11:16 PM

ارحب

زياد

الله يعطيك العافيه خيووووووووووو

على هيك صور والله مبدع وخل عنك حكي بعض الناس

صور إبدااااااااااااع

والله لا يهينك عموووووووووو

اخوك ابو كرعان

ريمــا · 11-21-2005, 11:27 PM

أخي زياد...

الصور روووعه ..
والصوره الاولى ذكرتني بالبر في أيام الشتـــاء ..

ويعطيك العافيـــــه ..
ولا أملك اي نقد على الصور ..

ريمـــا..

**)( زيــاد )(** · 11-22-2005, 04:29 PM

أشكر جميع من شاركني في هذا البرنامج (إرشيفيات ) وأخص بالشكر كل من نقد هذي التصاميم والصور

وأما عن أحتراف التصوير صراحة، صدقة أختي نملة لكن صراحة هذا كان في البداية (مالي شهرين شاري الكامرا )

لكن أنشالله في العدد الجاي بنقي الصور الإحترافية وبشرو بكل جديد

وآسف على ظهور رابط مركل تحميل الصور لو سمحتو يا شباب من كان عنده موقع لتحميل الصور يساعدني به

أخوكم زيــــــاد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى