ما لصوتي يا المشاريه حيل ولا عزوم = وان تعديتي عتب خاطري لا ترحلي
هودي عن ثورة الشك واقبال الهمــوم = لين يجنب تـايه الفكــر والا يشملي
ساامح الله جرح الاحباب يوم وكل يوم = جـرح تبريه الليــالي وجـرح يعتلي
وانت ياللي كل ماأمسيت جابتك الحلوم = مرني طيـفك وفزيت يوم اقبل علي
ما غدت عنك المساري ولا بالنوم نوم = السهـر عيت دروبه وعيا ينجـــلي
أسألك باللــه وامــانه وغيره مايدووم = وش علامك يوم ارخصتني ماقلتلي؟
ما نويتك نية الغــدر وانكــار الســـلوم = الغدر ما هو بسلمي ولا سلم اهلي
هــد طيشــك لا يجي منك تجريح ولوم = الله اللــي عز قــدري وثبت منزلــي
غرتك نفسك وغررت بالقــلب الرحوم = لين حل اقصى طموحي على باب جهلي
وانت لوتمشي دروب الغلا مع كل قوم = ماحدن مقفي بقلبــك ومحدن مقبلـي
والله اني قد وسمتك بكفيــني وســوم = ماتركت منك المياسم ولا ضلع خلي
كم سنة مرت بخفاقك وانا اشري واسوم = والطعون اللي بصدرك تغيض وتمتلي
قلت لي لاتجرحين الشعور ابلا لزوم = قلت لك مايونس الجرح غير المبتلي
إيه احبـك إيه احبـك ولا فالحـب لوم = والله ان لاماك شفي وصدك مقتلـــي
وان تباطيت الليـالي وعديت النجوم = انت خابر وش رضايه وتدري بزعلي
رح وأنا ياصاحبي منك لوعشت محروم= والله ان حبــــــــك اللي بقى والأولي