والله حراااااااااااااااااام

**سحابة حب** · 10-25-2005, 09:27 PM

طول عمري و أنا اقول أن التعليم عندنا يحتاج غربلة ،،

و اول شيء المفروض كل المعلمين يمرون على اختبارات تقويم شخصية ،، و تحديد دوافع السلوكيات اللي يسونها ،،

و إلا هذا شغل معلم عاقل ،، يسوي كذا ،،

شوفا هالمقطع ،، و بصراااحه بتحقدون على ذا المعلم ،،

[عفواً يمكن مشاهدة الروابط للمسجلين فقط للتسجيل اضغط هنا]

**شقرديه** · 10-25-2005, 11:37 PM

حسبي الله عيه

مافي قلبه رحمه هالمدرس

من جد يرحم هالولد قطع قلبي

جعل يد هالمدرس لشلل>>من جد حاقدة بقوة

وللأسف ان هالنوعيات من المدرسين

يدرسون المرحلة الإبتدائية لأنهم مايقدرون يتكلمون

وهالشي يسبب كرههم للمدرسة

تسلمين ياسحوبة على هالمقطع اللي يعور القلب

**nAmLaT nAjD** · 10-26-2005, 12:46 AM

انا شفت المقطع اليوم من ايميلي وضاق صدري بقوه

هذا اللي ندري عنه ونشوفه غير اللي يصير محد يعرف فيه

ويمكن مايدخل العقل

التعليم زي ماقلتي يحتاج غربله وبعنف

الحين اي طالب داج وماعنده طموح يفضل قطاع التعليم في الوظايف

عشان الراتب والاجازات والتخصصات السهله

وهم مب كفو لا دراسه دين ولا لغه ولا غيرهم

ولا هم كفو يربون اجيال

للاسف جامعاتنا تعتمد على الشهاده على الورق بس

لكنها عمرها ماقيمت مهارات ولا دربت الخريجين على التدريس

كل اساليبهم فاشله وماتتعدى كلام ينطقونه

والا هم ماحولك احد

من جد شي يضيق الصدر ويرفع الضغط

بس من ينتبه

كاشخين علينا يقولون نطور في المناهج انا اقول شوفوا لكم

صرفه في اللي يدرسونها اول

بكرا هالنتف يكبرون ويصيرون رجاجيل مليانين عقد

يحوسون بالمجتمع ويلعبون بحسبة اللي تحتهم

مااقول الا حسبي الله ونعم الوكيل

ثنكيو سوبه<<وش عقبه؟

**سحابة حب** · 10-26-2005, 02:07 AM

اقتباس:

المشاركة الأصلية كتبت بواسطة شقرديه

حسبي الله عيه

مافي قلبه رحمه هالمدرس

من جد يرحم هالولد قطع قلبي

جعل يد هالمدرس لشلل>>من جد حاقدة بقوة

وللأسف ان هالنوعيات من المدرسين

يدرسون المرحلة الإبتدائية لأنهم مايقدرون يتكلمون

وهالشي يسبب كرههم للمدرسة

تسلمين ياسحوبة على هالمقطع اللي يعور القلب

الله يسلمك شقردية ،،

بس الواحد وش يقول ،،، من جد ناس يبي لهم ،، إعداااااااام >>> قوية ذي ،،

**سحابة حب** · 10-26-2005, 02:11 AM

نموله ،،

حياك الله ،،

قسم بالله صادقة في كل اللي قلتية ،،،

نمولة ،، نورتي الموضوع ،،

ZQRT · 10-26-2005, 02:47 AM

سحابه انتي تجين وتدعين على طول

على الاقل سلمي بالاول

>>> يارجال على اللي انا خابر ورد

وش ذا المعلم

انا اصلا كرهتم من الابتدائي

مافيه الا يمشون ويجلدون

سحابه

الله يهديك مافيه شي ارحم من كذا

يعني مقطع ولد صغير معه ورده وبيعطيها بنت جيرانهم

>>> ثــــــــــف

جود لك سحابه

الـزيـزفـون · 10-26-2005, 02:52 AM

اختي سحابة

انا شفت الفيديو هذا بالامس

قطع قلبي الولد

فيه ناس مالها قلب ولا تحس الا بنفسها

المشكلة لما شخصيات معقده ومتحطمه بصغرها وتتنصب في منصب

اين قف للمعلم وفه التبجيلا ؟

الله يشل يده ولا يستطيع رفعها ابداً

لما شاهدت المشهد بكيت وقلت هو ما يدري ان ولده راح يوقف نفس موقف الولد

يمكن لو ولد قبيلة او يعرف ان وراه ظهر ما سوا فيه هكذا لانه الشخص العدواني يكون خواف عادةً

شكرا سحابة وطولت بكلامي لكن من حرقة قلبي على الولد

فاضي · 10-26-2005, 03:42 AM

السلام عليكم ورحمة الله وبركاته

اقتباس:

انا شفت الفيديو هذا بالامس

حتى انا شفت الفديو ( قصدي المقطع )

بس قبل يومين

الطفل في هالمقطع واضح عليه انه وقع بالخطأ

لاكن لابد على المدرس عند معاقبته للطالب

ان يعرف متى يضرب واين يضرب وماذا يستخدم في ضربه

اذكر ايام تدريس اول

والله ياكنا ناكل ركزو ناكل ضرب وماشين زي الالف

لدرجة انه لاشكيت ان اللي مقابلك يمشي هو مدرسك

تجيك ام الركب وهي الرقله

ليه لان اللي قدامك مدرسك والاكيد انه لاشافك بالفصل اول من يسئل انت

ليش عشانه شافك بالشارع ويتاكد من مذاكرتك

قبل ولي امر الطالب ماعلى لسانه لادخل المدرسه الى اللحم لكم والعظام لي

والوضع تغير الحين 180 درجه

الاسباب كثير يعجز تسطيرها

كان في السابق هيبه << ماهي معزبة الصاله

للمدرس

الحين يندر وجود هالاحترام للمدرس

بختصار جداً

شروط المربي الناجح

ان يكون ماهراً في مهنته مبتكراً في اساليب تعليمه

محباً لوظيفته وطلابه يبذل جهده لتربيتهم التربية الحسنة

ويعمل على إبعادهم عن العادات السيئة فهو يربي ويعلم في ان واحد

ان يكون قدوة حسنة لغيره في قوله وعمله وسلوكه

من حيث قيامه بواجبه نحو ربه وامته وطلابه يعفو ويصفح

فان عاقب كان رحيماً

على المعلم ان يعلم ان وظيفته تشبه وظيفة الانبياء الذين ارسلهم الله تعالى لهداية البشر وتعليمهم

وانه مسئول عن هؤلاء الطلاب عن حضورهم واهتمامهم بدروسهم

قال صلى الله عليه وسلم : ( كلكم راع وكلكم مسئول عن رعيته)

<< طول يحسبنه بالمجلس

تقبل الله منا ومنكم صالح الاعمال

فوتكم بعافيه

**هجير** · 10-26-2005, 05:47 AM

((كـــاد المعلـــمـ ان يكـون رســولا ))

8
8
عبــارة ماأصبحـت تنطبــق على كل المعلميــن

مسكيــن الولـد حتى ولو على خطـا في اسلوب

افضـل .... بالتـدريج العقـاب مو قصدي بالضرب

صحيح امنعـوا الضرب بالمدارس بس الى الآن

المعلمـين يستخـدمون هالطـريقة ..

الولـد امانــة وانت اللي بتربيـه ولو كان ولدك شوف وش سويت !!!

مشكـــورهـ سحـــوبه

s3odi · 10-29-2005, 01:16 AM

الله يلعن الشخصيه اللي كذا
الله يشل يده ياشيخ
من جد ماس همج عايشه بتخلف
عايشه بضعف بكل مكان
يمهل ولايهمل
<=-- بسكت احترام لكم ورب البيت عندي كلام
بس مايليق بكم ولا هالاشكال تحتاج لها ووووووقفه
لما طلعت حادثه النهضه كل الناس قامو ومواضيع وكتابات بالصحف والمجلات
والحين هالهمجي محد يقول له لا

اااااااااااخ بس لو يطيح في يدي يمين بالله احسسه كيف حس هالصغير
واكثر منه لو يطيح في يدي اللي جالس يصور جعلك للهم قوم اتحرك فك الصغير

من جد شي يقـــهر

<=-- تحمست اعذروني

**العتيبي** · 10-29-2005, 03:04 AM

افففففففففففففففففففففف

قسم بالله مشهد يرفع الضغط

أبد مابقلبه رحمه

فضخ قلب هالصغير

مالومه وزير التربيه لما منع الضرب

للأسف أناس وضعوا في المكان الخطأ

شكراً كثير لك سحابة هانم

تحية وتقدير

**سحابة حب** · 10-29-2005, 04:00 AM

اقتباس:

المشاركة الأصلية كتبت بواسطة ZQRT

سحابه انتي تجين وتدعين على طول

على الاقل سلمي بالاول

>>> يارجال على اللي انا خابر ورد

وش ذا المعلم

انا اصلا كرهتم من الابتدائي

مافيه الا يمشون ويجلدون

سحابه

الله يهديك مافيه شي ارحم من كذا

يعني مقطع ولد صغير معه ورده وبيعطيها بنت جيرانهم

>>> ثــــــــــف

جود لك سحابه

زكرت ،، و عليكم السلام و رحمة الله و بركااااااااته ،،،

إذا أنا نسيت أسلم ،، خلك أحسن مني و سلم أنت ،،

و هالنمونة من المدرسين تلقاهم بالإبتدائي >> لأنهم لأتوقع ما يقدرون يضربون ولد بالمتوسط و إلا الثانوي >> صح و إلا لا ؟؟

حياك زكرت باشا ،،، نورت ،،

**سحابة حب** · 10-29-2005, 04:04 AM

الزيزفزن ،،،

اقتباس:

المشكلة لما شخصيات معقده ومتحطمه بصغرها وتتنصب في منصب

هذا هو ساس البلا ،،،

اقتباس:

الله يشل يده ولا يستطيع رفعها ابداً

آميـــــــــــــــــــــــــــــــــن

حياك الله يالزيزفوون

اعلانات المنتدى