لمن يجروء ....ونعم بالله .

الأصيلة · 10-09-2005, 05:01 AM

السلام عليكم

شكلكم تحمستوا

تبون هوشه والا مقابله .؟

بصراحة اليوم ما عندي لا مقدمات ولا واسطات ولا اهداف استراتيجيه >> وين انتي داخله

عندي صوره تعجب

عجب عجاااااااب

غريبه عجيبه

واللي مهب مصدق يروح للغاط بنزهه خلاويه ويشوفها

بمزرعة الشهاب الابرق >>> مزرعة ذي والا صاروخ ؟

انا وصلتني ذا الصوره قلت مهب معقوله

وكيف نمت وترعرت >>> هي وشي عجلي

شجره وشي يعني

كيف كانوا يسقونها وكيف يرقونها ليخرفوا الثمار

والتمرات >>>يا شين التميلح بالعربي تقل تهذ تعبير

ابيكم تشوفونها وتتخيلون هي وشلون طلعت ونمت وسقيت وكل شغلاته

سبحان الله وهذا اللي نقدر نقوله

**سفيرة الحزن** · 10-09-2005, 05:17 AM

سوووبحاااااااااااااااااااااااان االله

<---- شايفتها من قبل

هههههه

الأصيلـــــــــه أشهد انك خطيره

وسبحان الله .. لله في خلقه شؤووون

تحياتي لك وفديتك

فاضي · 10-09-2005, 05:34 AM

وعليكم السلام ورحمة الله وبركاته

لا تحمست ولا شي

بقولك معلومات عامه عن النخل بحكم اني الوحيد اللي اصدر الرطب والتمر لباقي انحاء المملكه ( اللهم اني صايم )

دائماً عند زراعة النخل لابد من ترك مسافه بين كل نخله ونخله اقل تقدير من 8 الى 10 امتار عشان تاخذ نصيبها من الشمس سبحان الله مثل ما قلت انفاً << عاجبتني هالكلمه

اما مسئلة كيف يرقونها ويخرفون او يصرمون منها فهذا شي سهل جدا

يجي الفلاح من بداية النخله بالارض وينسدح جنبها

ويتسلقها لين ياصل راسها ويلقحها وينتبه لعمره لايطيح ويتعور

ولا اثمرت بعدين يعيد نفس الحركه وينسدح من جديد ويتسلقها

هذي نقطه اما النقطه الثانيه والله اعلم ماحط بذمتي شي

يمكن انا قلت يمكن ان هالشي حركه فوتوشوبيه منك

هذا والله العاااااااالم

سبحان الله

يسلموووووووو الاصيله

الخاتمة · 10-09-2005, 09:35 PM

الاصلية
هلابك والله

سبحان الله وفى خلقة شئون
صراحة منظر يخوف
وش هالصورة

الاصيلة تشكرات

باااااى .... ياصبايا

شمس الوفا · 10-10-2005, 01:44 AM

الحين أنــا بسالتس يالداجه

العنوان وش دخل أم أم أمه بالصــوره؟؟؟

بس فعلا صوره عجيبـه غريبـه

<<< بعد ماحطمتيها يالبايخه

وأنا اتوقـع ان فاضى كفى ووفى في الرد على اسالتس

انا اشهد

كفى ووفى

الأصيلة · 10-10-2005, 04:55 AM

اهلين سفيرة

من قال حطمتيني بالعكس عااادي >> ما كنها ودها تفلقتس

خخخخخخخخخخخخخخخخخخخخ

حياتس يا بعدي وفعلا عجيبة

الخاتمة

حياتس يا ختومه والله قدير على كل شي

ما قصرتي يا غالية

فاضي

يالله حيه

كل كلامك صحيح ميه ميه
ومعلوماتك وافيه كافية

بس وش تقول انت .؟>>>ويقالها فاهمه

خخخخخخخخخخخخخخخخخخ

لا هي حركة فوتشوبيه ولا يحزنون

احد قالك اني بيكاسو الفوتشوب ؟

هذي اية من ايات الله وفعلا عجيبه

لا عدمت مرورك اخي الكريم

شمسسسسسسسسس

انا داجة يا فاغره >>> بدن يتهاوشن

وانتي صادقه العنوان فقط للجذب يا غايبة

اعرف ان الكل يشوف ذا البرنامج

مع اني ما قد شفته وربي بس اعرف بلاويه اسمع فيها >> ما احد سالتس طيب

هلوتين بطلتس يا فتاة .

**شقرديه** · 10-10-2005, 05:01 AM

وعليكم السلام ورحمه الله

شوفي وانا اختس مانيب راده على موضوعتس

لين أتأكد من صحة المعلومات اللي ذكرتيها

والمتعلقة بأسم المزرعة ووجود هذه النخلة فيها وموقع المزرعة

لأن أهم شي المصداقية في نقل المعلومات

>>ماودتس ترد على مواضيعتس صح اصيلة

بالنسبة لتساؤلاتس كيف وماكيف

هذي رد عليها الأخ فاضي مشكورا

بس الله يهديه هو ذكر عملية التسلق لكن وشلون الفلاح

ينزل من علو النخلة هذي ماذكرها

هل يطب بمعنى يجدع نفسه أو ينزل بسلم

الزبدة من الحتسي هذا كله

مانقول الاّ سبحان الله

وشكرا ياقلبي يااصيلة على هالصورة

الأصيلة · 10-10-2005, 05:09 AM

يا بعدهم انتي يا شقشوقه

اصلا الموضوع اللي ما تردين عليه ما يصير موضوع ولا ابيه يقرب لي >>مدلت بالبقية

خخخخخخخخخخخخخخخخ

احتمالية طريقتس بجدع روحه وارده في الهبوط >> ما ودتس تعطينه وجه كثير

وبعدين ترى بالغاط هي فعلا لان الصوره مكتوب عليها الغاط

تعرفين طلعة الغاط ؟؟

منااك تصير نزلة الغاط >>> لا يا شيخه خخخخخخخخخخخخخخخخخ

تشكري تو متش على مرورتس يا بعدي

**شقرديه** · 10-10-2005, 05:16 AM

اقتباس:

تعرفين طلعة الغاط ؟؟

إيه أعرفها وبالماريه في علوها مجسمات للقمر في مراحله المختلفة

والظاهر انه منتزه خخخخخخخخخخخخخخخ

طيب المزرعة على يدتس اليمين والاّ اليسار وانتِ

نازله مع الطلعة

$$الفارس$$ · 10-10-2005, 08:11 PM

هذي النخلة الفرنسية اللي كنت أتمنى أشوفها من زمااااااااااااان

تسلمين يالأصيلة

**nAmLaT nAjD** · 10-11-2005, 01:44 AM

طيب لو مارديت انا ؟<<جايه تحارش وتطلع

غرومه شفت الصوره امس

بس خبرتس لازم اتمقل فيها يومين كود اعرف وش السالفه

ياخيتي تضيعين انتي ومقدماتتس قلت ابشوف ليبانيز تسوي مرقوق<<هذا حد تفكيرتس؟

بصراحه شكل النخله من جد يدعو للتأمل

سبحان الله من يصدق انها كانت واقفه <<هي كانت واقفه صدز(وجه مضيع)

اوطالب بشرح اضافي والا بطلب من المشرفين تقفيل الموضوع

<<لاتشرهين عليها هاليومين

تشكرات ياحلوه ويعطيتس الف عافيه

الأصيلة · 10-11-2005, 03:13 AM

شق شق

الله يرجتس

يمين يسار اللي تبين

انتي اذا وصلتي للمجسمات لفي يمين ويسار ودوري على نخلتن عوجاء بطاطه بغير حوضه >>فاهمه المثل غلط

اهم شي الاخلاق قلت لتس من قبل ..خخخخخخخخخخخخخ

الفارس
اعتقد انها فرنسيه لانها فارعة الطول

تسلم يا اخي

نمووووووووووووووووووله ووجع

بالله متى قد عمرتس فهمتي على سيره انتي

هالحين اقولتس انا ما فهمت تجين وتستفسرين عندي ؟

انا اقول هذا جذعه فوق الارض والا هم قالعينها وهي منعوجه

يعني بالاصل غريب شكلها >>> قولي ما تدرين وش السالفه وبس

جعل عيني ما تبكيتس يا شمعة الزكرتيه وحلاهم >> هذا زود المعزة بالقلب .

$$الفارس$$ · 10-12-2005, 10:52 AM

لا يا شيخة مب عشانها فارعة الطول

عشانها قاصة كاريييه

اعلانات المنتدى