::*~ طــمـوح وأحــلام ~*::

الأصيلة · 09-30-2005, 03:50 AM

السلام عليكم ورحمة الله

الأنسان دائما طموح

ولا يرضى بالقليل لنفسه , فلذلك هو في دأب دائم للوصول للقمه

ولا يرضيه حتى المستحيل بزاته

فيصبح ناقم

ومعصب كل وقته

<<< اخلصي وش عندتس

بس بقولكم ان مو بس الانسان اللي يحب يغير من وضعه ولا يرضى باللي هو فيه

بعض الكائنات تجيها هالحاله بس مهب دايم >> كل كم يعني .؟

فيه امور معجزة انها تحدث

لكن نحلم فيها وتصل لدرجة اننا نتخيلها صحيحه صايره

ما قد تخيلت روحك انك تطير وتشوف ناس من فوق سطوحهم >> والله من اللقافه اكيد ودتس بهالشي .

او قد تخيلت روحك انسان خفي ما احد يشوفك

تجي وتصقع ذا طراق ويظن انه اللي جنبه فيصقعه هو بالمقابل طراقين ويثور هذاك الثاني ويرتبك الوضع وتعلن حالة الطواريء

وانت جالس وفاك الكشره وتغز عليهم خخخخخخخخخخخخخ تقول والله خبوله ما يدرون انه انا >>> والله ما يدرى من الخبل هنا

اعرف اني مصختها بس لازم اوضح الفكره من سرد هذه الصور

خيال بعض الحيوانات وكلن على همه سرى

هذا سرو بالموت يدبي ويتخيل روحه مركب نفاثه على ظهره يمغط به شويه >>هي تسمى كذا نفاثه .؟

وهذي قسم بطة مهويه بقوه

تتخيل انه تصيد الاوادم .. ايييييييييه ولما اشتد ساعده رماني >> اقول انجزي

وهذا والله اللي لاقيها ..حصان يكد على ظهر راعية ويلوشه بالخيزرانه ..يستاهل حقه وما جاه >> مصدقه انتي .؟

وهذا يا حليلة وضريساته يشوف نفسه انه سوبر فيزر على عمال لبناء سد ... عشان ياكل خشبهم كله بضريساته ولا احد يقدر يهوشه >> سد وخشب ما تجي طال عمرتس ؟ <<<اسكتي انا المعزبة وابخص

وفوووووووووووووق فوق هام السحب وان كنتي حوته >> تدلع الحوت

حوت يتخيل روحه طياره يعني طموح من تحت الارض للقمه بالجو..

وهذا تعب من الطيران مع السرب ركب درجة اولى ويماشيهم جنبا الى جنب يخاف يضيعهم

وهذا اللي والله رايح فيها من جد .. ايهم الخفاش ايها المشاهد ..؟
اللي فهم الصوره يشرحها لنا كل واحد ونظرته للصوره >> قولي انتس ما فهمتي خخخخخخخخخخخخ

صور ما فيش منها >> احلفي

انشاء الله تعجبكم وتخليكم تفكرون ليه احنا ما نرضى بوضعنا ودائما ناقمين >> اقول لا تقلبينها محاضره

سلملم

**سلف خمسة** · 09-30-2005, 08:20 AM

سلام ..!

حي ذالعين من شوف مواضيع المعزبه اللي فقدناها

ارحبي يالأصيله

محجوووووووووووووز

لي رجعه ان شاء الله

>> ناوي على السنجاب ابو ضريسات

مع السلامة ,,

ضريسات ضريسات ضريسات ضريسات

**nAmLaT nAjD** · 09-30-2005, 12:31 PM

وه وه

احس بانتعاش

يمكن عشاني متروشه بزست <<شخباري

غرومه اقصد اصوله<<احلفي بس

برجع لتس ياوحشه ان شالله

منوره قسم قسمات

وهـــج · 09-30-2005, 12:37 PM

وعليكم السلام ورحمة الله وبركاته

اقتباس:

الأنسان دائما طموح

ولا يرضى بالقليل لنفسه , فلذلك هو في دأب دائم للوصول للقمه

ولا يرضيه حتى المستحيل بزاته

صوح كلامك الانساااان دائما طموح بس خليني اشوف طموحاتي لوين موصلتني << مالت عليتس انتي وطموحاتس

والله اني ماعرفته الامن يوم انتي كاتبه سروا مدري وش فيني هالايام احس اني غبيه << توها تدري >> لا صدق والله وش ذا هذا سروا شوفيه زين وقولي لي ولا وش ذا اللي عليها كنه خلاطه وين رايحه هي

8
8
8
عاد هاالمخلوق مااحبـــــــــــــــــــــــــــــه الحمد لله

اذا شفته انقرف يوووووووه كان حطيتي بقره تنظف ولاقطوه زعلانه << انثبري

رااااااااايق بالحييييييل ذا بعد خطيير سماعات هو مستريح البال واللي برا

شوفيهم بالدريشه يطيرون

اشرحهاااااا لتس وانا اختس يابعدي انتي

هذا الله يسلمتس << بدت الفلسفه من زمان ماهذرت على احد خليني اهذر عليتس

شوفي هذا الخفاش شكلتس ماتدرين انه خفاش

مريض تعبان وجعان يون

ماتشوفين كيس الدم اللي فيه الا مين متبرع له اي اكيد من جماعته

لاحظتي ان لون الدم نفس لونه يعني ماتفرقين من بينه وبين الدم << مالت عليتس انتي وفلسفتس اللي مالها سنع مثلتس

مشكوره الاصيلة لاتحرمينا من شوفتس

الله يستر اليوم وهج راده على الموضوع

Geleen · 09-30-2005, 12:50 PM

الاصيلة
دائم مبدعة

حجز درجه اولى
مع سلف
بس الله يعين على قرقة
انا بالخط مسافر
اذا رجعة ابروق
على
الصور والتعليق الرايق
تسلمين

**nAmLaT nAjD** · 09-30-2005, 08:04 PM

انا باااك<<ياحظكم بس

اقتباس:

السلام عليكم ورحمة الله

الأنسان دائما طموح

ولا يرضى بالقليل لنفسه , فلذلك هو في دأب دائم للوصول للقمه

ولا يرضيه حتى المستحيل بزاته

فيصبح ناقم ومعصب كل وقته <<< اخلصي وش عندتس

بس بقولكم ان مو بس الانسان اللي يحب يغير من وضعه ولا يرضى باللي هو فيه

وعليكوم السلام ورحمه الله

شكلتس على هالمقدمه تلمحين لموضوع في المجلس

عادي عادي لا تستحين لو هو لتصميم في البرندا

<<قسم انها فاضيه ورايقه

اقتباس:

بعض الكائنات تجيها هالحاله بس مهب دايم >> كل كم يعني .؟

والله انا ماشفتها الا مره وحده

يوم ذاك القرد فيها ابها ياكل تويكس ويشرب عصير

ماحقر روحه ابد

اقتباس:

ما قد تخيلت روحك انك تطير وتشوف ناس من فوق سطوحهم >> والله من اللقافه اكيد ودتس بهالشي .

او قد تخيلت روحك انسان خفي ما احد يشوفك

تجي وتصقع ذا طراق ويظن انه اللي جنبه فيصقعه هو بالمقابل طراقين ويثور هذاك الثاني ويرتبك الوضع وتعلن حالة الطواريء

وانت جالس وفاك الكشره وتغز عليهم خخخخخخخخخخخخخ تقول والله خبوله ما يدرون انه انا >>> والله ما يدرى من الخبل هنا

الحمدلله اكتشفت ان الاسم بس اللي تغير

بس العرق هو هو

<<والله ياانا ابنطرد قبل لااصل للصوره الثانيه

بس انا احبتس وانتي تحبيني يعني غصبن على خشمتس تخليني<<لااحد يحارشها اليوم

طيب ماسالتيني وش اتخيل؟

كل ابو دايم اتخيل او بالاصح احلم (ارى مايراهو النائمو) اني اسوق سيارتنا

بس قبل تطير تجيها خفه عجيبه وكل ماسقتها لازم امر من عند اخوي واتهاوش معه

<<هذا المغزى من الحلم

(مهب حاقده ابد)

بس تدرين وش المغزى من خيالتس؟

تلمحن انتس شفتي طاقيه الاخفاء<<ياجماعه لاحد يخليها تنطلق بالسواليف

.: الصوره الاولى :.

ذا مب سرو يادبشه

ذا حلزون

<<ترا ماقلت شي فوق

الله من البثاره بعد احسه لاااااازق بالشجره <<الله ياجرها

<<ماتحبه تحسه مطرسه

.: الصوره الثانيه :.

الله يالبطه منشككككككككككككككككككككككحه

خخخخخخخخخخخخخخخخخخخخخخخخخخخخخخخخ

حسيتها ماخذه بخاطرها على الآوادم واجد

ليتها تصوب ذاك المنتفخ اول واحد

.: الصوره الخامسه :.

<<ترا ماشقحت شي

حلالاه من اخذ مكانه<<لحد يدقق على الجلمه اقصد الجمله

الله ياهي وناسه فوق عند السحاب<مجربه بيفور مني ييرز

<<ترا كتبته بلغه بنغاليه تحسباً لكبر التسذبه

.: الصوره السادسه :.

ولد البطره ذا وشوله مايطير مثلهم ؟

والاجنحه ذولا وشوله مركبات<<تجميع تايوان شكلهم

استغفر الله بس لاحد يقول خلقه ربي ذا لعبه ترا منب احتسي عن الصدزي

.: الصوره السابعه :.

خخخخخخخخخخخخخخخخخخخخخخخخخخخ

<<اكثر وحده جازت لها رغم الدمان

ياشيخه هالكائن رااايق

مايقوم الا في الليل وماياكل الا وسخ <تضحك

من جد رايق بس ذا شكله مصيخين ياويلي حاطين له مغذي<<ذا اللي طلع معتس؟

اقول طسي بس<<تحاتسي روحها ترا

غروووومه

الاصيله <<اسمتس ذا ثقل شوي اخاف ادلعتس تكفخيني

منوره الحته قسم بالله

صور راااايقه وغريبه

الله يعطيتس العافيه ياحلوه

مع السلاحف

**ميلاني هلالي** · 09-30-2005, 08:54 PM

اما هالبطه هي ولبسها هالممووووهه* .. طالع شكلها خالع .. لاوماسكه الشوزن ومسويه بتقنص احد .. بس من شاف لونها مارجا خير ..

*ممموهه = كلمه تطلق على بعض لبس العسكرين ..

الحين ذا وين وجهه من قفاه ...
والله ماتدري الحين هو رايح والا جاي .. الخوذه اللي لابسها من هناك وضروسه من هنا .. ما اقول الا الله يشقلب وجه العدو

انا بصراحه عجبتني كلمة فوق هام السحب تعطيك احساس بالشموخ والانشراح

والله هالمراتب شكلها مهيب مراتب طياره .. شكلها جمس من هالقدام
اللي لين جا بيديور سد ام الشارع .. ومسوين منجدينه بـتـنـجـيـده مكحله يقالهم بيطلع زين ..

<< تهقى ان البنات بيعرفون معاناة تنجيده مكحله

<<< يارجال سقها بس

اما عاد هالصور فهي اطلق شئ .. جالس يشحن ابو الشباب
والله اني مشقلب (ن) راسي عشان اناظر فيه زين

<< وش اللي حادك عاد

ياحليل صورتس يا الاصيله ..

وياعنك انها منتازه بالحيل ..

لاعدمناتس ولاعدمنا مشاركاتس ..

بأنتظار جديدتس ياوخيتي ..

فمان الله ,’,’,’,’,

Geleen · 10-01-2005, 10:19 AM

وانا باك تو....

الحمد الله على سلامتي......لأحد يقوم...

الله يعطيتس العافية يالأصيلة

ليت عندنا نفس الطموح....تسان اعلوم سنعة...
طموح شبابنا الله يخلف, رقم لوحة او رقم جوال مميز...
حتى الأحلام ....ما يعرفون يحلمون صح...

اقتباس:

ما قد تخيلت روحك انك تطير وتشوف ناس من فوق سطوحهم >> والله من اللقافه اكيد ودتس بهالشي

هلحين صارت السطوح مجمع للبعارصا و البساسه..... منتب شايفه شي....
هي سطوح منول, يالله من فضلك <<<< وش ودك تقول يالحبيب.

اقتباس:

او قد تخيلت روحك انسان خفي ما احد يشوفك.

قسم ودي اقول قصه....قسم ثم قسم <<< قل صخنه.
اسمحولي......<<<اخلص ولا والله لا اقطع الاتصال....>>>من تحاتسي.

من زمااااااااااان ....
فتحوا معهد صناعي "صم وير".....
بس المبنى ما خلص في وقته ......و الفصل يبي يبدئ.... قررت الوزارة إنهم يدرسون الفصل الأول في معهد النور (معهد العميان) الله يشفيهم...
شلة المعهد الصناعي....سفل منسمين...يمشون على الجنط >>>داخلين رمل.
يعني كلهم خفين.....
تخيلوا انتم وش سوا هل العرابجه.....يشفون اثنين يسولفون يجي عربجي ويصبخ واحد منهم,,,,يحول.
وتقوم الهوشه والزعل بين هل المساكين..... والحمد لله ما فيه جوالات ذاك الوقت ولا كان علوم.....
العرابجه يدخنون.....وذول يحسبون ربعهم اللي يدخنون....ويعلمون المدير على بعضهم.......امراد انواع الفوض....والقصص اللي صارت واجد .......

الى الصور....(اباستخدم طريقة نمله بترقيم الصور...مو كسل...بس اخف للتصفح)

صورة 1
حمار....قصدي سرو هل الحلزون..
بيته ينقله معه طول الوقت وش يبي بالنفاث....يبي يلحق على مباراة يعني.....
يصلح له دفرنشين.....عشان الحمل اللي على ظهره .

صورة 2
ذكرني بواحد من الشباب راعي صيد.....محسر بكل شي يطير....والمشكلة غشيم....اللي ما يموت بوقتها يموت متأثر بجراحه...
عدو البيئة الفطرية الأول.>>>>ما لحق عليه إبراهيم الراشد الله يغفر له.
والله ما تحقق هل أمنية.... إن يصير عليه دم من جميع أنواع الطيور ....حتى الغربان.

صورة 3
اجل الحصان خسر السباق ...يحول.
ودي أشوف الفارس, والحصان يأكله تبن.....>>>زود على كذا.

صورة 4
هالسوبرفايزر...
رايح فيها...تارك الشغل وقاعد يصور...
لا بعد نافخ صديره على بال امه انه هو اللي باني السد....
تقل فيه من سلف خمسه على هسنون.....بس هذا املح...

صورة5
والله البلوى .....ما سلمنا من الطيور يجينا الحوت.....
وشلون يبون يصيدونه .... بزوكا ام خمس....يالله يالله تهيده>>>ادري ماحد يبي عرفه.
بس المصيبة إذا طاح مصيود .......تتهدم بيوت و ضحايا الحدث بصير اكبر من ضحايا الطيارات.

صورة 6
هذى بطة الوليد...........واللي برى بط الدجة.....الشروا من عندي....

صورة7
وطواط زول........أخذ دم واحد نفر سفري .....و الظاهر انه توصيل مع و احد ببسي بطعم البس بروموشن.

يامال الشام>>>قصدي يامال العافيه.

سلاااااااااااام

الأصيلة · 10-03-2005, 02:54 AM

سلااااااااام على الكل

سلف نحن بنتظارك
دونت تبطي

وهـــج

هلا بتس يا خفيفة الدم جدااااااااا >> يعني بقوه

وليه ما تحبين السنجاب .؟
بالعكس قسم ضريساته فله
ول يمسعونتس حقوق النسان .. قصدي الحيوان ترى بعذبونتس

بيربوطنتس ويجبون سنجاب يقرض الحبال

وكل ما فك حبل زودوها واحد >>> امحق تعذيب

خخخخخخخخخخخخخخخخ

يسلم مرورتس يا وهوجه

نمووووووووووووووووله >> متحمسه وخرواااا

من قال اني احبتس مالت على خشتس >> تلعب جودو

الحمدلله اكتشفت ان الاسم بس اللي تغير

بس العرق هو هو

<<والله ياانا ابنطرد قبل لااصل للصوره الثانيه

خخخخخخخخخخخخخخخخخ
بو طبيع ما يخلي طبعه يا عرتزي

يا حلو طلتس بس

كل يوم اذا حطيت مويضيع تعالي الله لا يخلين منتس

ميلاني هلالي

اما عاد هالصور فهي اطلق شئ .. جالس يشحن ابو الشباب
والله اني مشقلب (ن) راسي عشان اناظر فيه زين

<< وش اللي حادك عاد

قسم ضحكت عليك بهالنقطه >> لا يفوتك بس نقطه

وش فيكم على ابو ضريسات

انا اشوف انه هو ملح الموضوع كله

بعد شوفوا سلف بيجي عشانه >> والا مهب عشان موضوعتس ..؟ نالت

ميلاني هلالي حياك خيوو وكل يوم تعال

قلين بيك >> احترماتي سيدي

هلحين صارت السطوح مجمع للبعارصا و البساسه..... منتب شايفه شي....
هي سطوح منول, يالله من فضلك

خخخخخخخخخخخخخخخخخخ

شكلك حاقد على سطوح هالوقت

الو ما تجي فوق راسكم طيارات وهالحين تجي اقمار صناعية تشخل شخال

هناك فرق

اما قصتكم قسم خيال

والله العربجيه ما عندهم حشيمه

مساكين عميان هذولا >>> آوت لهم

تعليقك اسعدني جدا وتفاصيلك ما خلت شي

كل يوم تعال لا تخلينا يا بيك افندم .

**سحابة حب** · 10-05-2005, 01:07 AM

الأصلية ،،،، >> مسوية مستحية من الأسم الجديد ،،

كل صورة حفلة لوحدهاااااااا ،،

وش ذا ،،

أكثر شيء عجبني حق الحمار ،، قبله ،، يركبون عليه ،، خله يعيش الوضع شوي ،،

تسلمين لنا يا أصووله ،،

الأصيلة · 10-05-2005, 03:32 AM

جعلتس سالمه يا سحوبه

اكثر شي اعجبتس حقة الحصان قصدتس

وليش خليتيه حمار ولكل الكرامه .؟خخخخخخخخخخخ

قسم شكله فرس

اهم شي انهم اعجبوتس يا معزبتنا الرائعه .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى