ضيفه جديده عليكم يالزكرتيه

ولايف · 09-22-2005, 04:33 AM

سلام عليكم يالزكرتيه

وين ترحبون بضيوفكم وين المكان المخصص للترحيب

مالقيت غير السطوح والله حاله

يالله المهم رحبو في ولا ازعل

اختكم ساره الحربي

**هجير** · 09-22-2005, 04:56 AM

هـــلا سارونـــة ياقلبي ليه رايحـــة السطح لحالك

مكـــان الترحيب للضيـــوف الملحــــق

وحيــــاك سارونـــة وانتبهي تضيعين

وياللــه نزلي من السطــح :d

**شقرديه** · 09-22-2005, 05:02 AM

سارة

السوري

وش مرقيتس لسطح أنزلي يا مال الصلاح

روحي للملحق هناك نرحب بالضيوف

حياتس الله بينا اختي سارة

وسعدنا بانضمامك لنا

عاد لاتنسين لا للمنقول والماصل والمكرر

نعم لإبداع يديك

**عبـــودي لا لا** · 09-22-2005, 05:04 AM

السطوح مره وحده ترى الجو هاليومين عليل وفي زخات بردي كبر وجه

ابو رحله

عموما حياك الله والبيت بيتك والسطوح كذلك يعني انشري غسيلك

في اي حته

<<< مويصل

المووهم الموضوع ينقل لمكانه المناسب الملحق

<<<<يقول زين انه بالسطح ونزول السلم اسهل من طلوعه <<قل قسم

**سفيرة الحزن** · 09-22-2005, 05:51 AM

ساره الحــربي

(( سارا )) أحب الأسماء لقلبي .. قلبتي المواجع الله يهديك حطيتي نك نيم .. الا سارا يعني

بس يلا .. تحسسيني بأن اللي في بالي لسه موجوده وقريبه ...

انتي من ريحة الحبااااااايب ياقمر

اسفرت وانورت يالغلا ... ومن اليوم ورايح انتي حبيبة قلبي شئتي ام أبيتي دام اسمتس ساره ...

ياحياتس الله .. ومره ثانيه الناس يدخلون من باب البيت المجلس مو يطلعون السطوح طوالي ...

وكالعاده

لا للمنقول

لا للمواضيع الماصله والمكركره <--- قلتها عن عضو يحبها ودايم يقولها بس مدري منهو تخوني الذاكره
في المواقف المحرجه دايمن ..

ساره الحربي

اقلطي يابعدهم كلهم ... ادهري يادهن العوووود ...

كلنا خواتس واخوانتس هنيا بخدمتس البيت بيتس لا تستحين وادخلي برجلك اليمين

ياهلا وغلا ..

أخيتس

سفيرة الحزن

**ميلاني هلالي** · 09-22-2005, 06:24 AM

الله يكفينا شر الزعل يا بنت الحربي

<< ذب الميانه طويل العمر

لا ان شاء الله مافيه زعل ولافيه مناور

<< سويمج

حيا الله من جانا ... وحيااااااااتس ياساره ...

البيت بيتك .. وخلينا نشوفك مشاركاتك وتواجدك ..

دمتي بخير ..

وهـــج · 09-22-2005, 06:34 AM

سويره << امداتس استلمتيهاااااا

وش عندتس على السطح يابت من بدايتهاهااااا

وبعد بتزعلن اذا مارحبنا فيتس

واذا قلت لتس ماني مرحبه فيتس<< وش تسوين

8
8

ماعليتس من الحتسي اللي فوووووق << تراها ....

الموهم حياتس الله بين هلتس وربعتس وناستس وصديقاتس

لا تستحين تعااااالي كل يوم وادهري ...

فاضي · 09-22-2005, 11:59 PM

الوو الوو

ساره

الوو الوو

معك ااافاضي

عرفتيني << اه يالسخافه

ايه عرفتك

بس صوتك واطي

والحين صوتي واضح

<< اه يالسخافه

على طاري السخافه

وش رايك بواحد يتصل علي وانا بالحلاق ويقول وش تسوي

وش رايك بواحد يتصل علي بالجوال وانا واقف عند الاشاره وهو بجنبي على سيارته ويقولي وينك

وش رايك بواحد يدق جرس البيت ويقول الوو

وش رايك بواحد يوقول سالفه ولا عرف ينهيها

8
8
8

انسي اللي فوق

اولاً : احذرك ماعليك من اللي يقولون ادهري واخذي راحتك ويا احلا نك ويا دهن العود ترى مافي الحامض احد بالذات عبودي لا لا وانتبهي من واحد اسمه ياربي ياربي ايه تذكرت بعد ماطقيت راسي اسمه رحله او مجموعة شله هذوي انتبهي منهم ..

الجد والله اني صادق

مرحبا الف ونورتي المنتدى ولا يهون الباقين

ننتظر منك الماصل واللي ماله سنع

<< يمون

ننتظر جديدك والجميل منك

مرحبا الف

ولايف · 09-23-2005, 01:41 AM

مساكم الله بالخير جميعا وكل عام وانتم بخير قبل الزحمه

والله مدري وش اقولكم احرجتني بكرمكم وكرم اخلاكم ياطيبين

وان شاء الله اكون عند حسن ظن الجميع

تحيتي لكم جميعا

رفيعة الشان · 09-23-2005, 07:12 AM

حياك الله وبياك

نورتي البيت

ولايف · 09-24-2005, 12:21 AM

البيت منور بوجودك اخوي

رفيع الشان

ومشكور على الترحيب يالطيب

تحيتي لك

زكــرتي منتـفخ · 09-24-2005, 12:56 AM

يامرحبا بلي لافانا يامرحبا

على قولة واحد (( يامهربا )) --> يعني غصب سعودي

حيا الله سارة نورتي البيت بوجودتس معنا

بس الله يهديتس مالقيتي الا السطح يعني للدرجة هذي مشتاقه للغسيل يا ام حنفي

ودي ارحب فيتس على طريقتي الخاصة اذا ممكن

سارة ثـــــــــــــف يامرحبا والله فيتس في بيتنا

البدليات المرفقة :

تمت بحمد الله

Za7Ef BoY · 09-24-2005, 01:16 AM

ساره الحربي

صدييييييييييييييييقتي =====> ميانه من أول نظره

اقتباس:

يالله المهم رحبو في ولا ازعل

بالتكاك

أوووووختي ساره ===> إخس يارسمي

يالله شيلي قشتس

ولاشوفتس تطلين ولا تشاركين

بالتوفيق ياساره

سلامز

اعلانات المنتدى