1
2
3
الو
الو


الصوت واضح يازكرتيه
انتم ياللي بالاخير تسمعون يا اصحاب اللواري توحوني

بالفتره الاخيره عندنا في سويسرا (( نصاب من أولها سويسرا أنت وجهك )) وبعد العمليات
الإرهابيه كثرت نقاط التفاتيش وزادت الزحمه وانقرضت الوظايف ـ وش دخل الوظايف
مدري دخلت عرض ـ

المهم ما تروح شارع إلا وتحصل نقطة تفتيش ينفضونك نفض وآخر الليل على الحجز مباشرة

هذا تقرير شامل عن نقاط التفاتيش وسوالفهم الغبيه وعن الحوادث الله يكفيكم شرها وعن الحجز ـ السجن ـ
وترا كلها صدق لا تقولن أكذب عليكم]
يقولي احد الشباب وقفت عند نقظة تفتيش وقالي الجندي عطني رخصتك وعطيته الرخصه ويقعد يحاول يقراها وماعرف وسالني يقول انت وش اسمك قلت مكتوب عندك يوم شفته الا وهو قالب الرخصه
(يبون يمسكون الارهابين وهم مايعرفون يقراون الرخصه)



هذا واحد طالع الساعه 3 بالليل وكان يشرب عصير سيزر ويوقفونه المجاهدين
ـ(( المجاهدين قسم خاص من الداخلية أكثر اللي فيه شيبان )) ويقوله وش اللي تشربه هذا قال: هذا عصير سيزر
ويصفقه كف على وجهه ويقول بلانا من هالسيزر ويركبونه ويودونه القسم (خخخخخخ يحسب السيزر كحول)

تعرفون ان المجمعات الامريكيه الحين عليها حرس المهم هذولا الحرس من الحرس الوطني قالوا لهم وش شروطكم عشان تحرسون المجمع قالوا ( تتعاقدون لنا مع مطعم مندي)

انا عندي قاعدة وهي اذا وقفت عند تفتيش وقال لي تعرف فلان اقوله ايه وانا نصاب<--- دائما رخصته مو معه
وهذاك اليوم عاكس الشارع الا والدوريه بوجهي ويوقفوني وياخذ الاثبات وسالني قال تعرف فلان قلت ايه اعرفه وانا مااعرفه قال تراه رئسي قلت تراه من جماعتنا(جاهزه) وشوي ويدق جواله ويطلع رئيسه اللي انا قلت اعرفه
ويقوله خذ كلم ولد جماعتكم واخذه وابعد عن الجندي واعلمه اني نصاب واني مااعرفك بس تكفى لاتطلعني نصاب عند الجندي وقعد يضحك وقال خلاص امش (توبه انصب)



قبل سنتين كنت راجع للبيت وكان مفتاحي مو معي والبيت فاضي وربطت ثوبي
ابنط على بيتنا عشان ادخل ويوم ركبت على الجدار


الا والمجاهدين موقفين عندي ويصارخون يقولون انزل ياحرامي
وانزلهم وانا واثق واقولهم السالفه قالوا طيب كيف نصدقك قلت ابدق الجرس ويطلع لكم ابوي قالوا خلاص صدقناك (مايجون الا بالعين الحمراء)


قسم الحوادث <---- مستشفى
عند اي حادث لازم تلقى ناس فاضيه تحلل الحادث اللي يقول هذا مخطى واللي يقول هذاك هو اللي مخطى
المهم
واحد يقولي صار لي حادث ورحت للبقاله ثم رجعت لسيارتي والقى ناس متجمعه عندها واستهبل عليهم واقولهم عسى ماشر كيف صار الحادث(رايق)
قالوا هذا واحد كان يفحط وصدم بالشجره واخذته الدوريه(هذا وانا موجود عندهم) ويقول واشب عليهم واعطيهم من هاك المحاظرات اللي بعنوا ن (اتقوا الله)


ek:اذا صار للواحد حادث يرتبك ولايدري وش يسوي
فيه واحد كانت معه امه وصار لهم حادث يوم نزل يشوف السياره وامه تناديه
بقوة يقول واروح لها بسرعه خفت ان فيها شي
قالت ياوليدي هات لي شاهي <<< فك اللى فالرااس ;)


واحد انقلبت سيارته وكان معه اخوه الصغير ويوم طلعوا من السياره قعد الولد يصيح قالوا له وش فيك
قال نعالي ضاعت

:mad:
في الحجز ـ السجن ـ
الهنود اللي يشتغلون بالحجز يمسخرون النزلا اخر مسخره
اذا تبي بكت دخان يقولك الهندي هات 20 ريال
واذا بغيت تشحن جوالك تدفع 15 ريال وياليته يفلله لك


اخيرا يقولك في علم النحو ان ليت تفيد التمني
وأقول يا ليت ربي يفكنا من كل الإرهابيين لا بارك الله فيهم حتى>>> نفتك من نقاط التفتيش >>عندك بلااا ماضنه رخصه


مراسلكم من بحره // الدختور الشعبي