مهرجان العودة الى المدارس

سعيدان المقلع · 09-11-2005, 11:39 PM

السلام عليكم والرحمة والاكرام
حياكم الله جميع .. وحيا الله كلن باسمه

.... بصراحة انا مالي وجه اكتب
<== اجل لك قفا ههههههههههههههههااااي ....بدت المصالة

بمناسبة بداية السنة الدراسة الجديدة قلت مابدهاش نكتب لنا خرابيش نكشخ ونذكر ايام الدراسة والفلة والوناسة .... نبدأ الموضوع
777
77
7

سنة أولى ابتدائي

اذكر اول يوم في حياتي الدراسية بسنة اولى "أ" صفينا الطابور ووزعونا وقالوا يالله كلن يطس فصله .... رحنا الفصل يوم جينا ندخل الفصل لقينا الباب مسكر وكل الطلاب داخل ماعدا احنا حدود الخمسة او الستة طلاب ... قدام فصلنا طلاب سنة ثانية قالوا لنا فيه باب من الجهة الثانية " بيت أجار الله يخلف"

رجعنا نبي نروح الباب الثاني الا اللي بوجهنا وكيل المدرسة " ابراهيم الشبرمي " حسبي الله عليه والله ماودي ادعي عليه ... قام يسفل فينا ويهزئنا ماله داعي اقول وش قال بالظبط

... حرام عليك بزراااااااان ماندري وش الطبخة .... قلت له الباب مسكر .... قال وين مسكر وراح وفتح الباب عادي!!!!!! ..... قال يالله قدامي كلكم على السبورة

... ويمسكنا واحد واحد ويجلدنا!!!!!!!!!!!!!!
عاد كيف جلدنا عاااااااااااااااد ؟؟!! يقول يالله امسك الطاولة ويمحطنا على المؤخرة <=== يلعن ام الفصحى

وبعدين عرفنا ان اخوه هو اللي سكر الباب ويوم انه فتح الباب راح وقعد مكانه يعنني زبن!!!! تصدقون الى يومك هذا وانا حاقد على اخوه!!

يعني تخيل اول يوم في حياتك الدراسية وتنجلد هههههههههههههههههه والله المستقبل المنوّر قدامي

في نفس السنة بعد

هالسنة ذي كلها جريات مستقبلي بعد ذاك الجلد اجرامي هههههههههههههههههههههههه ماعلينا اذكر مرة طلع المدرس من الفصل بعد مادق الجرس <=== لا ياشيخ !! عاد انا رحت وطلعت مع الباب الثاني عشان اقزه واشوف انه طلع من المبنى كلش لأن الباب الثاني يفتح على الحوش ويمديك تقز اي واحد داخل او طالع ولايمديه يشوفك لأنه فيه زاوية .... اضافة على موقع فصلي الاستراتيجي كان الباب اللي طلعت منه يفتح على حمام اضافة الى ان الباب مايسكر بعد!!!
عاد من زود قرادتي ذاك اليوم جاء واحد وراي من طلاب الفصل وانا اقز المدرس ودفني " دزني " <=== ماهيب ديزني لااحد يتفلسف
وانا اطيح على الغطاء اللي على البيارة " والكرامة للقارئ" طبعا حديد وطحت على الزاوية بالظبط وضربتني في الجفن الأيسر من عيني!!!
عاد بزر وطاح وشف وش صار

ولا أفلام الزومبي صارت الارضية الدم في كل مكان وزني نقص عشرة كيلو بسبب الدم والله ياقمت اصيح بشكل هيستيري ذاك اليوم ... الونان حقي جمع طلاب المدرسة كلها هههههههههههههههههه والله ماأنسى ذاك اليوم من جد ... ويجيني المدرسين والمدير والفراش بعد جاء والطلاب واللي في الشارع بعد جوني .... ويلقطوني يغسلوني .... ويفصخوني

وخلوني بفنيلة علاقي وهاف سنة
ههههههههههههههههههههههههههههه ياشكلي حفلة ذاك اليوم من جد .... المشكلة ماودوني لامستشفى ولاهم يحزنون!! وياخذون ثوبي ويخلون الفراش يغسله .... عاد هم يحسبوني كنت متعلق على الدريشة وطمرت منها <==== يحسبونك قرد!! ..... بعدين علمتهم السالفة كلها
عاد راح المدير وجاب ثلاثة من الطلاب كانوا قريبين مني يوم طحت .... جاني المدير وقال اي واحد منهم دفك قلت فلان وانا اشّر عليه ... عاد انا مستحي هم يقزقزون فيني بهاف سنة وفنيلة علاقي ..... ودي اغطي بس ماهنا شيء يمديك تغطيه مزلط من كل مكان

الحصيل من القضية ان الولد انجلد وانا خلوني ارجع للفصل بهافي وفنيلتي العلاقية!!! ولا ومن زين الطبايع معلقين ثوبي المغسول على الباب عشان يجف
ههههههههههههههههههههههههههههه والله المدرسة رايحة فيها من جد .... تخيلوني وانا وسط الطلاب بثوبي المعلق ومزلط بينهم

حتى وقت الفسحة ماطلعت من زود الحياء ..... على كلن القضية انتهت من المدرسة ولما رجعت البيت علمتهم واخذني لمستشفى ارامكو وعطوني اربع غرز وتفاهم مع ابو الولد ... وكلن يصلح سيارته .

عاد فيه سوالف كثيرة صارت بس قلت اخلي لكم شيء يمديكم تقولونه

والمعذرة على الاطالة

سعيدان المقلع · 09-11-2005, 11:42 PM

احس اني دبلت ابو تسبودكم بسالفة الفنيلة العلاقي والهاف ههههههههههههههههه بس والله ياموقف صار ماينسى

عاد تصدقون وهم يحاولون يطلعون ثوبي عشان يغسلونه وانا اقول لالالالالا هههههههههههههه خابر مافيه شيء تحت انواع الفضايح

يالله اتحرى من كل واحد يقول لي ذكراه ايام الدراسة

**شباب في رحله** · 09-12-2005, 03:32 PM

برجعلك يابو ذريق

عواشه · 09-12-2005, 10:57 PM

والطلاب واللي في الشارع بعد جوني<<<<<<< قويه شويه

شاكره لك اخوي سعيدان ((اتعرف وش الفرق بين القرد والسعدان))<<< لا تزززززززف طيب بس جا السؤال ع بالي

عاد لان انا بنوته وشكلي اخوفون به البزران والوالدة الله يصلحها مو مصدقه ان لها بنت بتدخل مدرسه من بين سبعه اخوان واااااااااااااااااه من تعذيب الطفوله بالمدرسه...وهي كالتالي <<<اعجبتني الفصحى هنا

1.شد الشعر من أول الجبهه لاخر الرقبه شد يخلي اللي يطالعك يحسبك مستغرب من وجودك بالحياه ومذهول ههههههههه هع

2.الزي الرسمي للمدرسه نظيف ومكوي بقوة لو احد يلمسه ينكسر ههههه هع

3.جوارب ((الله يعزكم)) مزركشه بالف زركشه كان لابسه عرس برجلي وناقصتني الدعوة

وطبعا مع ألف سندويشه عن الجوع وتوصيل لباب المدرسه وتوصيات حش داخله حرب وتجهزني الوالدة بكامل التكمينات الضروريه ناقصني بس مدرع واصير حنبل الفاتح<<<مادري من!!! لا احد يحرجني بس اسمه كانه قائد

وطبعا بعد انتهاء يوم دراسي حافل بالمقالب والنوم في الحصص وبين الحصص والتشقلب والتقلب ع أسوار المدرسه ارجع كاني عفريت يغمى ع امي من شكل أبنتها وهذا حالي يوميا حتى أتممت المرحله الابتدائيه
وان شاء الكريم تدرجنا منها لاخر المراحل الجامعيه ...

عــــــــــــــــــــــــــــــواشه

**عبـــودي لا لا** · 09-13-2005, 03:28 AM

اقتباس:

المشاركة الأصلية كتبت بواسطة شباب في رحله

برجعلك يابو ذريق

8
8
8
اقول لا تذرق الرياجيل ياجفعان <<<----- احلى مافي هالكلمتين قليل اللي يعرفها ...

مصيبه اذا طاحو عوال الذوات في هالكلمات المشفره وناهيك << ناهيك عن ايش >>>>توهقت ياسلحان

علي الطلاق ان عندي رجعه للموضوع

طيب ليه ماتقول لي رجعه ؟

ودي اشرح بس المسأله ابعادها خطيره ولا مني جيت بعلمكم من اخترع اسم المقطف وليه ماصار فطقم ........... سوااااالف بس خلوني اذا جيت

يالله سلام

**ها1وي** · 09-13-2005, 02:42 PM

سجل واحد من اللي يعرفون الكلمتين خخخخخخخخخخخخخخخ

برجع لكم

sosotaen · 09-13-2005, 04:04 PM

اقتباس:

المشاركة الأصلية كتبت بواسطة عواشه

[color=#FA0309]واصير حنبل الفاتح<<<مادري من!!! لا احد يحرجني بس اسمه كانه قائد

محمد الفاااتح

أما أنا>>>هماك ابو رحله قلت خلوكم طبيعين وكنكم تسولفون ولا تقولون ما نعرف نكتب

المهم انو انا كنت يا حليلي بالتمهيدي في مدرسه ما اعرف منها الا صفنا والصف اللي جنبنا وصفوف الروضه لاني كنت استبزرهم فكنت اقوول يا حبييلهم >>من كبر خشتتس
باقي صفين ما حاولت اني اتعرف على خششهم يكفي اشوفهم بالفسحه والصبح والظهر لانه وااحد من الصفين فيه ولد ما جاز لي
وكنت فااالتها بالتمهيدي وابد البيت بيتي اخوي وبالروضه واثنين قرايبي ببروضه اول ومرت عمي مدرسه مساعده بالصف اللي جنبي وكان عمي توه متزوج فتعرفون حركاات اللي قلبي يقررقع من الوناااسه لا رحت للصف اللي جنبنا وكنت ماااخذه راااحتي بقووه
واذكر يووم ما ينسى بالسااحه قااعدين نحفر انا وبنتين وولد علشان نبي نحفر الى بعد الجدار ونطلع من الروضه

طيب طيب موضوعكم ادري عن اول يووم مو عن وش كنت ووش سويت بس هذييك كاانت مووقدمه

المهم انه بعد ذلك انتقلت ولله الحمد الى المرحله الابتدائية وامي كانت مسجلتني بمليون مدرسه كل يومين تقولي قوومي بنروح المدرسه ذيك بسوون لك اختبار والا تقول بيلعبون معاكم>> يعني ما تخرعني

فصحتني ولبست مريول كحلي يكتم النفس والا اني كنت لابسه بدله نسيت الصرااحه مع مروور الزمن>>الله يخلف عجووز

وبعد ذلك رحنا انا وامي للمدرسة وكاانت والله مووب شيينه يعني مووب بيت مستاجر مثل حضرتك لا اشوا مبنى يقبله العقل بس من داخل ما جازت لي اذكر كانت اغلبها بني ولا هو بيج مدري بس انها كتمت نفسي والا مع مشااعر الرهبه يمكن

بعدين دخلنا في قاااااااعه كبببر بيتنا كللللله ومليااااااااااااااانه بناااااات واللي مسويين حلقه حول المدرساات ويلعبوون وحااله يعني طبعن تشبثت بيد امي اللي للحين هي تمشي معااي وجتنا وحده وخلتني اقعد مع حلقه من الحلقات واذكر بعد كانت على الزااويه اليميين يااا زييني انا وذااكرتي المهم انه مع مدرسه وقعد يلعبون شي وقامو وقفو البنااات وانا لا زلت متمسكه بامي وقاامو وزعوو الصفووف وصرت في أول أ ويوم مشينا طلع بالصف الظاهر وعلى ما تقول ذاكرتي حول 43 بنت!!!!!!!!!!!!!!!!!!!!!! ومدرستين ولا رضوو يدخلوون امي معااااي فاصبح وجهي

وخنقتني العبره بس ولو مووو انا اللي اصييح بالمدرسه خل استنى بس اووصل للبيت واقلبها مآآسااة واخلي امي تتحسف عاللحظه اللي تتركتني فيها
المهم اني دخلت وقعدوني جنب بنت كبر امي مسكيينه يعني هي صغييره بس جسمها كاان كبري 6 مرااات مما زااد من رهبتي وحيرتي شلووون بعييش بصف مثل كذا لا بااقي صفووف حقت اول زيااده عندهم الى اول هـ وكلها مدحووووشه بنااااات صووغااار مثلي وكوووباااار مثل اللي جنبي

بعدين قاامت المدرسه تتعرف عالاسماء طبعن ما حفظت ولا وحده لان باالي باللي بسويييه بماما اللي خلتني لحااالي اخاااف هذوولي يخوفوني وبعدين قالت لنا اسمها وبرضوووووووا ولا كاني اسمع شي اصلن انا خلااص بكرا قررت منيب جاايه بقعد بالبيت بطبخ وبنفخ وبنظف وبنتظر ولد الحلال اللي يظفني

وبعد ان خللللص دوااامنا لليووم الاول طلعنا من الصف واذا بامي برا تنتظرني طبعن بعد ما صحت وركبنا السياااره لتبدأ المناااحه

المهم ماا خلللصت باااقيي واااجد>>>يا كثر هرجتس>>شسوي مررره

المهم قلت لامي عن تخطيطي واني بقعد خلاص ما ابي ادرس يكفي شهااادتي حقت التمهيدي توظفني فرااشه انشاء الله>>فرااشه ولا نحله ها ها ها>>لا يكثر

نرجع لمحور حديثنا المهم انو امي ما علقت ولا قالت شي وعند المساء جت امي وقالت ترا بقومك بكرا قلت لها لا قالت الا عندي لتس مفااجئه وبدأت نووبه الصياااح الى ما نمت

وعند الصباااحي جاااتني وااالدتني وقومتني واسوي نفسي ما اسمعها واني ناايمه وهي تقومن لين قالت لي قوومي بتروحين مدرسه ثانيه مع بنت عمتك قمممت انا وقلت ما ابي وقاامو يقنعوون هي وابووي فيني ليين واافقت بعد ما دريت انا بنات عمتي وعيالها كلهم فيها وعيال جيرانا وانهم كلهم في خدمتي

فلبست المريول السمااوي يالله الجنننننه يفتح النفس مووب كحلي!!!!!!

وبعد ما رحت الا هم صفين بس اول وبمكان لحالنا مو مع باقي الابتدائي ومعانا بس التمهيدي المرحله اللي كنت اعشقها وبالصف كان بس 23 ومدرسه مؤدبه رحححححبت فيني وخلتني اوصل السما وخشتي تشققت من الوناسه ولو ما سوت كذا كاان قلت ما ابي صفها وخلو امي تقعد معاي لين ما انا اذنت لها بالخروج ولقيت وااجد من البنات اللي كانو معاي بالتمهيدي كانو معاي بالصف وبس قعدنا نرسسم ونلون ونلعب واذكر ارسمت بطه على السبوره وانا منبهره شلون قدرت ترسم بطه

لا الصرااحه اللي خلاني بعد يعني اقرر ان المدرسه وش زينا لقيت وااحد من ربعي التمهيدي عاايد التمهيدي مسكين بس بمدرستي هذي وانا كنت الله يصلحني بس معجبتن به>>>أمحق طفووله
مما زااااد في تعلقي بهالمدرسه

وبعد انقضاء اليوم رجعت البيت وقلت لامي كل يوم قوميني حتى الخميس والجمعه

وبس

والله اني تحممممممست عالموضوع مو علشاان شي بس تونا مناااقشيين هالساالفه وقااالت لي ماي مووذر وش سويت فيها اول يوم والمدرسه الثانيه شي ما يتنسي من البااال لانها صدق عجبتني والمدرسات جاازوولي واللي جاز لي اكثر المدرسه الاولى ما كاان فيها صوور ممنووع والثاانيه كاانت ويين ما تلف عيوونك كلهااا رسماات وصور وتسذا يعني الوااحد يستاانس يلقى شخصيته المفضله>>>سبيس توون على غفله

$$الفارس$$ · 09-13-2005, 07:08 PM

8
8
يا ناس أتعذب أنا مع ذا التوقييييع

المهم نرجع لمحور حديثنا وعن الدراسة

وأنا بصراحة ذاكرتي ما تسمح مدري وش جاها....عجزت أتذكر أول يوم

أخاااف ان أحد وانا صغيّر مسوي Delete للقطات اللي كانت بذاك اليوم

اللي أذكره ان هذيك الأيام كانت أحلا أيام عمري

يااااااااااااااااااه فديت نفسي يوم كنت رايح للمصور قبل عشرين سنة...صدقوني أحس ان محد قدّي بالبشت......مجرد احساس عابر يا جماعة الخير

7
7

ابوسحر · 09-13-2005, 07:54 PM

عـااد انا الطـالب الدلووع

يحطني ابـوي بالمدرسه ويمسكوني المـدرسين إلين يطلع ابوي

ومن يطلع ابوي تــبدا الصــراااااااااااااااااااااااخ

إلين يجـي وياخذني بعد مـا يدقون عليـه المدرسه ويقولون الحـق ولدكـ صـيح طلاب المدرسه من صـياحه

وبـعد فتـره تعودنـا وصـرنا نـصيح من جوا لجوا

وااخـيرا طـلبوني للاشـتراكـ في مـسرحيه بالمدرسه

وقـالوا خـلكـ انت الولد الي مـا تسمع كـلام ابوك

وإذا جيت ارم الشـنطه و ( طـش ) يعني ( زت ) يعني ( كـب ) <== اي وحده تفهمونهـااا

الاغـراض الي بالشنطه

وتـهاوش مع اهلكـ

اهمـ شي نهـاية القصه اني اجـي واتـأسـف <== يلعن امـ المـسـرحيه الي زي كـذا

وتـدربنـااا يومـ خلصـت وجاء اليـوم الاخـير يومـ المسـرحيه

وجت مسـرحيتي وانا عند ابـوي

وجـاني المدرس

بـداا الصــراااااااااااااااااااااااااااااااااااخ

ورفضـت اطلع وقعدت اصـيح واشـد شماغ ابـوي قـدامـ النـااس

والمدرس مـاسكـني من رجـولي تسـحيب

اخـر شـي خـلوني ولقطو لهمـ واحد من الطـلاب المـلاقـيف الي يتـفرجون على التـدريب اول وقـالوا حـافـظ دور ( ابوسحر ) <== تخـيلوا ينادوني ابوسحر اول خخخخخخ

ويحـطونه بدالي

<<<===== يشــين الدلوووع

وعـاد إذا ذكـرت شـي جيت

تراي مـخبين سـوالف واجده

كـان اسـمي ((( مـجرم بس دلوع )))

لاني حـايـس الدنـيـااا وإذا جـوني قـعدت ادلع

الحـين برب بطـس الحـق الصـلاه واسـولف لكمـ إذا ذكـرت شـي

**Reem** · 09-13-2005, 09:46 PM

ريومه وسنه اولى

طبعاا اول شئ انا مدري شسويت لماما << يعني جننتها قالت بنرووح نشتري

شنطه حق المدرسه يالله بسرعه ..روحي بدلي ثيابك..

طيب ركبنا السياره انا وختي الصغيره..<<يحليلنااا وحنا بزارين قاعدين

نتهاوش بالسياره..<<< خخخخخخخ

وقالت ماما ترى اللي مايسمع الكلااام مرااح يدخلوونه صف اول << عاد انا علقت بخي هالمقووله

اول مارحنا المكتبه قالتلي امي يالله ختاري وش تبين اي شنطه..

على طوول جات بالي المقووله اللي قالتلي يهااا امي ههههه ( اللي مايسمع
الكلااام مايدخلوونه صف اول) <<

<< وانا اصلاا مابي ادخل صف اووول ...هههههه

قاعده امي تقوول يالله ختاري وش تبين اي شنطه وانا متسنده على الجداار

واناظر الشنط

وامي مسيكينه تتنتظرني اختار شنطه ...

في النهايه قالتلي شرايك بهذي قلتلها وع وكل ماقالت قلتلها وع

في النهايه قالتلي وشبلاااك ماتبين شنطه << قالتلهااا لاني مابي ادخل صف اول

قالت وش دخل صف اول بالسالفه قلتلها ( انت قلتي اللي مايسمع الكلاام

مايدخل صف اوول )

<< يعني ينقاالي ماسمعت الكلاام مابي شنطه المهم حاولت فيني واغرتني ()بتوتي() << كنت احبه موت كانكم تعرفونه هههههههههههه

لما وافقت خخخخخخخ

( شفتو شلوون تفكير البزراان ) <<

طيب اول يووم بالمدرسه <<< جننت امي مابي البس المريول

ويوم لبست سويت نفسي مدري كبيت العصير على البلوزه ( طبعاا يبين العصير

عشان البلوزه بيضه )

تدروون وش صاار صار ان امي شرتلي

بلوزتين مو وحده وقالتلي ياويلك ان كبيتي العصير عليهااا

قلتلها طيب

المهم ودااني ابو المدرسه

طبعاا ضروري امي معي ...ولاكاان فجرتهاااااااا صيااح

اول مادخلت الفصل قعدة امي معي شوي وبعدين قامت وقلبتها مناحه

ورجعت امي هههههههه بعدين شفت بناات اعرفهم ..من الاهل..

عاد كيفت

يعني نسيت امي ...

المهم جا يوم وراح يوم

والمعلماات مدح مش صاحي فيني وعلى ادبي...

عاد امي تقولي << وانا اقوله اصبري علي تووو النااس احين استحي هههههههه بكره لااا

<< شر

من وهي صغيره

احين صرت عادي مع يعني ماستحي من المعلماات ههههههههه

المهم .. في يوم من الايام قلت لصديقاات شرايكم نختب ورى الطولااات اللي

ورى قالوو خلاااص حنا 3 بنااات وقلناا للباقي لحد يتكلم

خلكم ساكتين ههههههههه ..

المهم دخلت االاستاذه وقالت وينهم قالو البناات ماندري..ههههههههه

بعدين اعتقد انها شافتنا وساكته وقعدة تشرح وحنا ورى هههههههه

وبعدين زهقنا وقفناااااا وقالت اتو شمقعدكم ورى يالله وقفووو

عند الجداار ..<< قمنا نصيح

تعرفوون اول ابتداائي

وبعدين قلنالها ستاذا سامحينااااااا قالت طيب وش

يقولون البناات الحلوين قلناااااا اسفين...ههههههه

<< احس كل ما اذكر هالموقف افطس ضحك ههههههههه

وخصوصااا اني مكونه صدااقه مع الاستاذه لين احين ودايم

تقولي تذكرين وش سويتلي بصف اول جننتيني <<

عاد استحي وينقلب الوجه احمر..

<< يحليلي الحين اللي شوفني يقول ماتسوين هالحركااات ..

<<< احلفي..

وبس بسسس ...

Reem

**سحابة حب** · 09-13-2005, 10:56 PM

سعيدان المقلع ،،

ياخي يا هو مديركم ظالم ،، الحين عيال سنة أولى و أول يوم ،، بدل ما يسوي لهم اسبوع تمهيدي ،، يجلدهم ،،

عساه بمن يمسكه ويجلده لين ما يقول آمين

قسم قطعت قلبي ،،،

اقتباس:

وياخذون ثوبي ويخلون الفراش يغسله

والله فراش فله ،،

وعساه كواه بس >>> بأقرب شيء على جبهتها ،،

اقتباس:

ولا ومن زين

اعلانات المنتدى