مع الهم والسهر والولوال=ادله هموم الصدر والصدر مادله
احاول على حلو الحلاوى وهو محال=وحاول ودار الحول واعمله همله
سهوم الوساع الساحره لاهل الهوى سلال=لاسلهم سحى سلهامه سهوم ٍ مرسله
وهو اللولوه وهو الدراهم وهو راس المال=وملا حصله لولوه لا حلال اله

سعد مع مسار اهل الهوى حط له مدهال=وماصار لملّوح هل الوّد صار اله
سحر سود سلمى سم روحه وسل الحال=وحاول ولا حصل حلاواه وعسله
طمع اله مطامع مع والعسل صار للعسال=محرم على الطماع مملوك لاهله
وللولوه حراس والها صروح طوال=مسور حماها والحراسه مكمله
وكم حام حول حمى حلاوه طعمها حال=لحمد لمسها حارم ولاحمد محلله
وهو ماحصل له محرم ولا حلال=وحطم طموحه كاحل السود وامله
وعود سعد مهموم ومحطم الآمال=طوى الهم حاله والكرا صار ململه
وسامر هل السامر ولاحى هل الموال=وصعد سلم المهمل واله طاع مهمله
وهلاّل لاطروا له هلاله وسمع هلال=سلك مسلكه وعره لو طال وسهله
ولو مارسل المهموم لاهل الهوى مرسال=هل الود مع راع الموده لهم صله

ياراكب اللي يقّرب نازح الريدا=ياصل هوى البال مسراحه ومرواحه
خلّ ً يتل الفواد رويداً رويدا=لين ادركه واستباح حماه واجتاحه
محد ٍ سكن يا حبيب الروح بسويدا=قلبي ولا أحد ٍ ملك قفله ومفتاحه
إلا أنت ياللي عليك البيض تقليدا=ومن شاف منهن جمالك سلّم سلاحه
غرو ٍ تكيد بجمالك للملا كيدا=وصايف ٍ فيك للعشاق ذباحه
ماحد ٍ مشى بالبهاء مثلك على البيدا=من ساحل عمان لين تعقّب الباحه
ومن حضر موت اليمن وأشمل ليا صيدا=ماحد ٍ مشى بالبهاء مثلك على الساحه
خشيف ٍ تفوق العنود المغزل الغيدا=بصدر طلع فيه تفاحه وتفاحه

يازين سلّم تراك أخطيت=لو ما تكلّمت بالسانك
رد التحّيه ليا مرّيت=باطراف رمشك وحجانك
ترى تحّيتك تحي الميت=وانا بسّيتك وأحسانك
لا طرقت برموشهن وأغضيت=تسلب معاليق خلانك
كّنك تكحّلت واستوفيت=من كحل هارون لعيانك
وفاقت خدودك شعاع الّليت=وعن عاتقك هزعن امتانك
وطّبقت ممشى حمام البيت=ولو تبا تحداه .. بامكانك
جرحت قلبي ولا دواويت=ودواه من ورد بستانك
اذكر وصوفٍ لها ماريت=حكو بها عنك جيرانك
وليا طلبنا اللقا صديت=ياصاحبي ويش .. محيانك
حتى يشوف النظر شحيت=ياكبر صدرك .. وهجرانك
لو شفت وش من غلاك أخفيت=وش صاب روحي على شانك
إن كان بالوصل ما عييت=واودعتني .. ثالث اخوانك

سرى الليل فكري بين قسمه وطرح وضرب=عقب صافحه من كلّ موضوع مرسالي
تلافاعليه من المفاوز وقلع السرب=على كلّ ضامر جنه الوان واشكالي
وبعد فات ثلث اللّيل زاره وفودٍ غرب=تغنى لهن يوم انتحا الليل موالي
من الشرق داعيهن دعاني يموم الغرب=بدا سبرهن في مهبط الوحي وومالي
يقول اشرح اسرارك لأديب سكن بالقرب=من البيت بيمن مسجد النوق نزالي
على مسلك الحجاج بيته يمين الدرب=اديبٍ محله لهل الأداب مدهالي
حليف الوفا والجود في سلم ولاّ حرب=ولا هوب عن كسب المعالي بمكسالي
شرب من ينابيع الحكم والبلاغه شرب=وتدفق من افكاره للأجيال شلالي
وقريضه من النقاد ما يعتريه الذرب=وغوانيه سارت فالملا مسرى الأمثالي
سر بها عن المنقود غربال فكره سرب=وتغنو بها السمار أهازيج وازجالي
وغرس للمعارف شجرةٍ في مصب الغرب=عناقيدها مثل القناديل ميالي
ثبت جذعها وجذورها في تخوم الترب=وبلغ فرعها عن عجزها مبلغٍ عالي
وانا اعتز بالمدوح لوهو من أقصى العرب=فما بالكم لا صار ممدوحي اولالي
ولا بديتله من هجر صاحب ولا من كرب=لكن اخبره بسباب ما حاك في بالي
ليا قلت الأتراب العذاب البكار العرب=تعرّض لقيلي عالماً فيه جهّالي
وهم شلفهم ورماحهم مثل شوك الزرب=وهو يرتدي عن طعن الأنذال سربالي
بدو يقذفون صحاح حمر النعم بالجرب=يبون السليمه من وبا الجرب تشتالي
ولو تكرب اسباب القضيه عليهم كرب=تحرّكبهم من شدّة الخوف زلزالي
مثل حوت موسى فالبحر طريقه سرب=ولا يرجع اّولهم من الخوف للتالي

والله إنَّا غدينا اليوم بآخر زمان=استوى بآخر الدنيا الغبي والنبيه
الملا اللي سوالفهم تبي ترجمان=حطهم وقتهم في منزلة سيبويه
واستوى باخر الدنيا البغل والحصان=واستوى القرش في تال الزمن والجنيه
فيه بالدين وبقدر الوطن يستهان=وبيع فيه العهد ويباع دم الوجيه
مثل ناكر جميل ٍ عاهد الله وخان=ومع سفاهه ومع جهله يسمى الفقيه
والفقيه اللذي يُعرف بذمَّه وامان=وانته احقر واذل انسان واسفه سفيه
ويا سفيه الفقيه اللي يصون اللسان=ما يهينه ولا يعق به والديه
مطلق ٍ بالظلايم للسان العنان=فاجر ٍ ما تخاف الله ولا ترتجيه
تقذف الابريا في كل نشرة بيان=صار قول الخنا مطيتٍ ممتطيه
ولو طلبنا على قولك شهود العيان=راح قولك هوى غربان ما تحتميه
ولو فحصناه ما يصفي من الفه ثمان=وحتى الاطفال من سخافته تزدريه
كل عاقل كلامك يسمعه بالاذان=يدرك انه ضلال ومفتر ىً تفتريه
ويا سفيه الفقيه اللي بقلبه حنان=ما يروم الغريب وينفر امه وابيه
يوم قلبك عليه الغل والحقد ران=باع دينه وداره وابن عمه واخيه
ولا يخاويك في مسراك يالبهلوان=غير بالونةٍ عقله لعقلك شبيه
ديك روم ٍ على الخاوي تجر الاذان=ومن يكبَّر معك لا أذَّنت تبَّت يديه
ومن يعاف الرفاع وينحدر للطمان=خاين العهد بالاقدام ندعس عليه
بعت دينك ودمك للعدا يا جبان=عارضه فالمزاد وجاك من يشتريه
بعته اعدا العرب واللي مخفـَّى يبان=ومصلحتهم وجودك عندهم تقتضيه
اشتروك لهدفهم وجعلوا لك مكان=يوجهونك وتنبح كنك الكلب فيه
عاقدين ٍ عليك الانقليز القران=ويلعبون بضميرك لعب كورة بليه
وهم لهم قصد واضح من قديم الزمان=وانت عندك خبر مير انت مانت بنزيه
اليهودي هم اللي سيسوله كيان=واعدوه وعطوه المطلب اللي يبيه
وانت حتى ايش لوحطيت لك مهرجان=حكمنا العادل العامر حشى مايجيه
غير كعامت العايل طوال اليمان=وغير خدام بيت الله ماحد نرتضيه
قبلهم والوطن مافيه لامن ولامان=تسرح وتمرح الفوضى والأحداث فيه
ويوم بادي قمرهم فوق الاوطان بان=حكمو فيه بالعدل الزعيم وبنيه
حكمنا خاتمه في يد كبير الخوان=ومن رحل سلـَّـمه للنايب اللي يليه
وراح سبع ٍ عجاف وجا سنين ٍ سمان=وسَّهل الله لنا جميع مانمتنيه
بعد ما زهر بها الحوذان والقحويان=يسَّرو للمواطن كل ما يشتهيه
وعد ما سارت الاقلام بين البنان=خاتم الانبياء اصلي واسلم عليه

اعوي عوى الذيب الأشهب وهرف هرافه=واعدي معاديه وطرش مع مطاريشه
وامسي مماسيه واشرّف بمشرافه=واضوي مضاويه واغبش مع مغابيشه
الذيب مبداه وهرافه ومذلافه=ومسراه وعواه ودورته على العيشه
وانا بلاي وحنين القلب وتلافه=على الذي ما ينوشنه مناويشه
الصاحب اللي يحير الفكر باوصافه=وان كان ضميان ما يروي معاطيشه
غصنٍ يكلّ القلم ما يحصي اوصافه=قضيب موزٍ تظلل في معاريشه
مير الغضي رافضٍ مطلوب ميلافه=مدري متا ينتصر جيشي على جيشه
غزال ريم يعني رجل لقّافه=ابعد من اقبه على القناص من بيشه
مايدرك اللي يريده منه حوافه=وردٍ صعيبٍ على الطماع تفتيشه
واخد مثل القمر في ليلة انصافه=يجهر بياضه وحب الخال تنقيشه

انا قبل ما بلغ من العمر عشرين=حبيتلي فا الكون ثالث حبيبه
ما حب قلبي غيرها غير ثنتين=ياليتها مثل الحبايب قريبه
أزاور الثنتين من حين لا حين=ومريم زيارتها عليه صعيبه
مقدارها عندي وعند الملاين=وزنه ثقل مقدار مكه وطيبه
وحبيلها بخلاف حب المحبين=اللي يلاحظ فيه شكه وريبه
وحبيلها تمليه اللأخلاق والدين=ولابه من المنقود عيب يعيبه
وأنا مابا الاشوفها شوف بالعين=وحال أبرهه بين الحبيب وحبيبه
شريفه محبوبت للشريفين=بكف الخبيث اللي يبيها خطيبه
يالنود ياللي في سنعها تهبين=اقفي بسراهل الهوى وقبليبه
اذا تكرمتي بعد ما تودين=علمي لها اخذي علمها وأرجعيبه
وقولي محبك لايعه لايع البين=من الشوق غاديت ضلوعه حطيبه
ومن يوم مرسولي عطاها العناوين=من البعد زارتني زيارة غريبه
يوم الدجى الداجي زلف منه ثلثين=فا الحلم جتني عقب طول المغيبه
ومن الفرح سألتها وش تريدين=قالت على أحبابي جروحي عطيبه
ما تدري أني من ثلاثه وخمسين=وطرفي من اللوعات يجري شعيبه
واحفاد خلاني لي اليوم ناسين=وانا انسبي مثل السبايا غصيبه
والله لو ان اجداد الاحفاد حيين=ما تنحني هاماتهم للغليبه
واحبابي اهل المجد عينتهم وين=اللي لهم في ماضي الوقت هيبه
أقصد هل القرآن وأهل الصحيحين=وهل العزايم وأهل الاريا الصليبه
واهل الحديبيه واهل بدر وحنين=واهل سيوف من عداهم خضيبه
اللي عن السنه ماهم بمتحادين=ورجالهم في الحرب ينطح كتيبه
لو أن جمع عداهم اكثر من الصين=لاشب سو الموت وردوا قليبه
ولا يرتعون مرجحين الموازين=بمراتع الحقران لو هي خصيبه
ماهم هل الاعراف واهل القوانين=وهم مسلمين ومن جدود عريبه
قلت الذي يابنت عنهم تسألين=ركزت عليهم فا اللحود النصيبه
وحفادهم صارو مثل ما تشوفين=ما خلصوك من الظروف العصيبه
لو انهم على الكرامه غيورين=ما نامو الانذال وانتي صويبه
رجالهم بالثوب والمنظر الزين=يفوق تلعا الجيد شقرا الذويبه
وأن دار فن الحرب بين الفريقين=على العدا الرعديد ما ينعديبه
يسافر من أجل العلم رخو الجناحين=وليا لفا للدار بعد تغريبه
ليا هو مصد عن طريق الميامين=ومضيع دينه وعيبه بجيبه
وصارت حياته بين كازا وبكين=يا عزتي عن جادل تعتزيبه
ولا عم لكن النشامى قليلين=يخط الهدف عشره وواحد يصيبه
وكانك تبين النصر من جيل الالفين=مهمة علىالزلايب تعيبه
صارو بسيف الحيف والذل راضين=من عقب ديد الذل شربو حليبه
انتي من انجال القرود الخبيثين=مجروحة(ن) جرح يحير طبيبه
وهم في الملذات الرخيصه مفلين=مثل البهايم في الفياض العشيبه
ومن جبنهم يشكون من ظلم يامين=على عدو الدين الاخر صحيبه
اللي على نهب الديار متواصين=كل يبي يجيه منها نصيبه
ونداك ياللي فوق الاشهاد تنخين=لا معتصم لامن صلاح يجيبه
وحنا بعد كنا على الضد قاسين=ونثبت على ما صابنا من مصيبه
اليوم نمشي للمذله مطيعين=نلوى مثل خضر الغصون الرطيبه
المسجد الاقصى تحت بطش رابين=ونشجب ونستنكر بعد ما غديبه
والشجب في الاعلام ما يقضي الدين=ولا تستعاد به الحقوق السليبه
ان ماحصل يوم مثل يوم حطين=كل أذاعات العالمين تحكيبه
من دون بيت ثالث للحرمين=نبيع اللأنفس والحياه بزبيبه
ان كان ما عشنا عليها عزيزين=عيش المذله والجبن وش نبيبه
وياللي لتفريج المصيبه ترجين=ارجي فرج راعي الفرج وابشريبه
مغير الأحوال رب الثقالين=اللي من اخلص بالعمل له يثيبه
والحق شمسه تجلي الليل وتبين=والظلم مهما زاد ثلجه تذيبه
وصلوا على خاتم جميع النبين=اللي الى القدس الشريفه سريبه

يا نايح الورق بالله لو توكلني على النوح=وانته توكل على سر الهوى وده وهااته
وصل جوابي عشيرن كل شين فيه مملوح=ماقبله احدن من الخلاان سوابي سوااته
قله ترفق على من جحت قلبه بالغلا جوح=لولاك يازين ماله عن هوى الجود التفاته
اسمه قبل عرفكم من دفتر العشاق ممسوح=وبعثرت شوقه بعد مامات من حفرة ممااااته
وقل له عيونه من الفرقا تفوح اعبارها فوح=وليلن يباتون فيه امت محمد مايباته
اودعت خلك يجاوب ساجع القمري على الدوح=واودعت قلبه يهوجس فيك حتى في صلاته
وقل مقصده منك شوفك وغير الشوف مسمووح=شوفتك عنده تراها لذت العمر وطراااته
وان كاان ماهوب غامرني بشوفه قبل لابوح=قل له يخبر قتيله فالهوى يكتب وصااته
ولايحسب الموت بسباب الموده ضحك ومزوح=في ماض الاجيال قد جاله ضحايا مثبتاته
منها برمح الموده ضيف ابن هذال مذبوح=ومنه الدجيما ترى رمح الهوى سبت وفااته
وانا تراني قتيله وسوقي عنه مطروح=لو كان مايقتل المسلم قبل تضهر برااته
مسموحن الزين لو يخطي خطى المملوح مدموح=ندمح مساويه لوهو ماغمرنا بحسناات
ويبي يبين الك لاجيته من المملوح منضوح=ويبي يبين الك منه اخلاص قلبه من نياته
وانا اخبره للعواذل في لا يبصر ولا يووح=ومن نم بي عند مظنوني محناتن حصااته
ورمح الهوى جارحن قلبه مثل ماني بمجروح=لولا سلوم الهوى الي مانعني مانعااته
وهاذي تراها سلوم اهل الغرام الي لها رووح=لو مالحقنا زمانه حدثونا به رواته
وقتن مضى مع خشوف فالهوى ابن اعمير مصلوح=لحق على اتلاه ولا مقدمه يقول فااته
قال اوله ماح محسن والدجيما جمته موح=وابن ربيعه وابن لعبون شربو من فراته
واليوم حطو لهم عشقن مباري فيه ساموح=اسمه على اسم الهوى مير السلوم مخالفاته
عشقن تسمو به اللي عشقهم للناس مفضوح=يوم المناعير شامو عنه شربو من صراته
يم الفضيله يشوم اعن الرذيله كل ممدوح=وهم قاضبين الرذيله قضبت الاعمى لشاته

اهل الهوى تجدف مجاديفهم جدف=وانا بدار من زمانين جدبا
وانا مااحب مقابل المارد العدف=ولالي بدار عقب تجرد وتدبا
وصادفت ملهوف الحشا نابي الردف=والعنق عنق الخشف والعين هدبا
وذرعان عفر(ن) لا ضوامر ولا صدف=كنّه عليهن مثل ماقيل يدبا
ولا شفت في جيله مثل شقره الغدف=يجدب بهن من جمّة الحسو جدبا
والصدر كن منجد نادفه ندف=عليه م لأهل المناقيد مدبا
كنه يقول اعن الاسادي تعال ادف=وانا عليه اندبك ياعبيد ندبا
اغديك تسدفله على يمته سدف=ترى ظعنهم عقّب العتش يدبا
ياعبيد صادفته على زوعته صدف=لكنّ من دونه من العجز حدبا
ودّك تقاد لعقلةٍ طيّها هدف=مجزين عنها الورد في رأس حدبا
وتهفت هفت من ضرب راسه الردف=هفن به الاقدام واتلا العهدبا

وراك يا ترف القدم ما تسلّم=كّنك بمردود التحيات شحّيت
عساك مانته للهجر بمتعلم=وعساك لهروج الشماميت ما صغيت
كانك لدقات الوشاة متولّم=تبي تخطيبي ولو كان ما اخطيت
يا صاحبي خل الطريق المظّلم=وامش الطريق الّي مثل موضي اللّيت
حتى المودّه حصنها ما يثلّم=لو لغّموه اهل الردا بالدناميت
وسلّم على صاحبك لو ما تكلم=وانا فهمه لو ما تكلمت واوميت
العين بالسر المخبأ تعلّم=ليا أطرقت بالسود المظاليل وغضيت
وانا على سرك حصانٍ مبلّم=ما كّنها شافت عيوني ولا وحيت
وكانك من اللّوعات مثلي تألّم=لا تقطع اسباب الرجا عقب ما أرهيت
وانا ابك حتّى فالمنام اتحلّم=حسيت بالهجران منك وتجافيت
ولو للهوى يا زين قاضٍ معلّم=من يوم في طيشك وغيك تماديت
طرشت يمهّ من جفاك اتظلّم=لين اخبره باللّي بصاحبك سويت

ياريف قلبي للمسايير قم شب=وحط المناره في طويل الضلالي
عقب تشق لها لجزل الحطب جب=وهات النجر وأحضر جداد الدلالي
ثلاث(ن)الهن راعي الكيف يطرب=وسوطهن ضمر والآخر جلالي
وبطونهن ماخذن اسبوع(ن)عن الرب=وجنوبهن صفر(ن)تلالا تلالي
والرابعه ملقامةٍ لونها أصهب=حيث إنها للنار دايم تصالي
ولاجبت كل شروطها اللي تطلب=إجلس عليهن يازعيم العيالي
وإحمس لنا بريةٍحبها أشهب=وبهارها هندي وماها زلالي
وإعرف ترى قانونها مايخرب=وندارها ينقى وماها يكالي
تراه مايصلح لها كل مذهب=ولاتقبل الراضه ولا الاعت جالي
وليا حمست إحرص على حمسة الحب=واعرف ترى الحمسه تبي وسع بالي
تاخذ على ادنى الجمر فتره تقلب=لين العرق يطلع سوات اللوالي
ومن يوم يطلع فالمبردلها كب=لين الندار ان كان فيها يشالي
وليا خذت مقدار للنجر قرب=ودنه بصوتٍ يسمعه كل غالي
دنه وخله للمسايير يجذب=لاقام صوته للنشامى يلالي
يوحونه الجيران لاقام يقنب=ويجيك الاقصى والقصير الموالي
وعقب تدق البن لقم وركب=لين انها تسمح من الاجتوالي
وقبل تبهرها عن النار تجذب=وتركد شويه لين يصفى الحثالي
وبرويد في حدى المباهير تسكب=من عقب غال الهيل فيها يهالي
واعرف ليابهرتها يالمشبب=تراه يكفيها من النار صالي
ثم اجذها من يوم بالهيل تقلب=ومن يوم تركد صبها للرجالي
حتى يجي الفنجال منها لياصب=بين الشقار وبين لون الشعالي
ياأمّا أشقرٍ رايب مثل بول الارنب=والا اشعل يشبه لدم الغزالي
يطرب لها من كان للكيف يشرب=كيف النشامى اللي من العيب خالي
واعرف تراها عادةٍ ماتسيب=ولاينتقدها إلا قصير الحبالي
احرص تخلي عادة الجد والاب=ماهم عليه اول عليه انت تالي
تراك من كل المناسب معرب=مابين جدان وعمام وخوالي
وابيك عن منهاجهم ماتجنب=انكان فكنك بنات الليالي

الا يالهبوب الباردة عجلي هبي=على جاش من قامت هواجيسه أتلوبه
أنا مرةٍ اصحى ومرن يغيبي=وأسرح مع كثر الطواري بغيبوبه
ألا يادهر ماهوب حقٍ تلاعبي=وخليتني لمقرد الخلق لعبوبه
أعبادٍ مغفلها الزمان وتعجبي=يحسبون قل المال في الرجل عذروبه
وأنا قانعٍ باللي علي كاتبه ربي=ومومن بمقدوره وقانع بمكتوبه
ولا أبغى عمى الأريا برايه يجربي=وهو ماعرف ماجوب ربي وما جوبه
هذور المجالس راعي المدح والسبي=وهو في الخلا لو جاه بنت خذت ثوبه
يقولون لي جز من تصرفك وتحبي=وهي توبتي من مجتمعهم هي التوبه
ديار الوبا من طبها راح متوبي=وقرابة الجربا على الحول مجروبه
انا عارفٍ منصاي لمن بدا نبي=واعرف طريقي اللي بتجه صوبه
وانا أعرف من أعادي ومن أحبي=وبه ناس لاتبغض ولاهي بمحبوبه

انا للكلام الزين يابداح يا حبي=راع القصيدة داعب القلب باسلوبه
تشوقت فيها يوم لقيتها لبي=تشوق محب شايف زول محبوبه
على شان في موضوعها ماحرش ضبي=وخلاني أمشي مع مماشيه وادروبه
هجوس تكبر مع معانيه وتلبي=وهو يشتكي من قسوة الوقت وخطوبه
ويلوم الهذور اللي على الهذر متربي=مشاهد عيوب الناس ماشاهد اعيوبه
بخيل ذليل علته مالها طبي=شذب القفى غاية مرامه ومطلوبه
ولا لوم من جاشه من الغيض متعبي=على من تناجوا بالمقفى ونموبه
عسى ساق من لامه بما قال ينجبي=نتيجة قذيفة بندق وجهت صوبه
ليا ضبه الجبار ماعاد ينضبي=وصوابه من الركبه ليا حد عرقوبه
أصارع هموم عن يمومي تجنبي=وتكشفلي آفات عن الخلق محجوبه
وأحول بسوق عن هل الكون متخبي=تجيني به أنواع الغرابيل مجلوبه
وانا أرجي الفرج من وامر الوبل ينصبي=مدبر ابن آدم خالقه غافر ذنوبه

انا يوم غازي جاب تقريره الطبي=عن الأكلبي درته وفوجيت باعجوبه
وتواشى بجاشي واهج الشوق واشتبي=على مشرع حلو على الكبد مشروبه
ورمع للجنوبي رامع الشوق واجنبي=وعلى شوق ابن جدلان خاويت مندوبه
ولو ماجذبني لا عزيمه ولانبي=جذبني حديثه مع ثنينٍ تناجوبه
ولا لوم ابن جدلان ولو عاش متخبي=وهجر ساحةٍ فيها الموازين مقلوبه
احد صاير قاضي واحد صار متنبي=واحد صاير عوني على حسب مطلوبه
واهو لو يرد بحر المواهب على غبي=يصدر حصيله مايجي ربع انبوبه

الا يالذلول الداربه عجلي خبي=خبيب الظليم اللي من الصوت مرعوبه
با خاوي عليك الأكلبي ان كان رحبي=على منهج بعض الشواعير غنوبه
والا ياملكة الشعر جاك الطلب لبي=لبي رغبتي برضاك منتي بمغصوبه
ابيها تجي مصبوبة بالمثل صبي=مثل مايصبون الذهب لستوى ذوبه
انا أطرب لجزلات القوافي وتطربي=ولي ساحة بين الشواعير مهيوبه
جذبني ثمين القول وأشمل وغربي=أبيات لبن يكلب يقولون منسوبه
شعاني واشوف الشوق قام يتلهبي=تلهاب نارٍ في دجى الليل مشبوبه
هيضني وانا أخفي عن الناس واغبي=مراهيش مزن داعب البرق دالوبه
خطير علي لو افتح الباب تلعبي=كما يلعب البركان بكلاه وجنوبه
سمعت الكلام ولبن جدلان قربي=وسمعوا به افحول الشعر قبلي وهلوبه
وقام البيت الأول بالخيال يتقلبي=ومابين الثريا والثري صرت مندوبه
هذا الشعر ماهو شعر بعطيك واكتبي=وانشر صورتي في صفحة الشعر لو نوبه
ولاهو شعر ابو من هب يهديه من دبي=ويسمى حداثه واكثر الناس هبوبه
منهم يستغيث الشعر ويصيح ويهبي=يصرخ ويتعوذ ماسكينه بلغبوبه
لو ان الهبايب ياسعد تقضي النبي=شفت الناس كل من هواها قضى نوبه
مرات الهواء يسكن ومرات ينكبي=وهذي سنة الايام غالب ومغلوبه
ولاتسمع الواشي ترى ماله ملبي=خله مع فريق ابليس يلعب معه طوبه
ولاتقوله يافلان وشفيك تشذبي=ترى عادة النمام تحصيله الكوبه
وترى الناس مجبوله على الكره والحبي=وترى اللي تحسه غيرك رجال حسوبه
وترى الأدمي مخلوق لعبادة الربي=وترى كل مافي الكون لعبات واكذوبه

المشاركة الأصلية كتبت بواسطة سلف خمسة حبيت اشيد بمجهودك جعل عيني ماتبكيك وعساك من كذا واحسن

ارسـالـةٍ جـــت فـــي بـريــد التلـيـفـون=منهـا درج مـنـي عـلـى الـخـد عـبـرات
وتبدلـت لــي منـهـا الافــراح بـحـزون=والطرف منها بانـت الشمـس مـا بـات
يالـلـي لـزايـد فــي عـضـيـده تـعــزون=شبّـاب درع الـجـود عـنـد الصعـوبـات
عــزّوا قـبـل قبيلـتـه فـيــه بـــن عـــون=وعـز الكـرم والجـود فـي طيـب الـذات
وعـزّوا قـدور ٍ تاخـذ الكـوم وصحـون=وعز الـدلال اللـي علـى النـار مركـات
وعزّوا صروح ٍ فيها الاضياف يلفون=بيـبـانـهـا عــلــى اكــثــر الاتـجـاهــات
وعـزوا الشعـر واللـي لجزلـه يهـاوون=فــي شـاعـر ٍ يـبـدع بـكــل الـمـجـالات
وأقـــول لـلــي فـــي وفــاتــه يـقـولــون=بّـاب مـات اقــول شـبّـاب مــا مــات
فالنـاس نـاس لــو هــم احـيـا يمـوتـون= فالناس ناس احيا ولـو قالـوا امـوات
الـلــي لـيــا مـاتــوا وراهــــم يـخـلــون=ـفـاخــر ٍ مــثــل الـجـبــال المـنـيـفـات
لــو دونـهـم حــال الـثـرى مــا يـعـدون=ـن سايـر الامـوات لـو قـيـل هيـهـات
ويــا زايــد الدنـيـا مـثـل مــا تـعـرفـون=لـهـا عـلـى الغفـلـة فـواجـع و غــارات
الـنــاس فـيـهـا بـالـمـسـرات يـمـســون=لا شـنــت الـغــارة تخلـيـهـم اشـتــات
والاجــل يــوم ٍ يعلـمـه خـالـق الـكــون=وجمـيـع شـــي ٍ لـــه نـهـايـه ومـيـقـات
وأهـل العـزم بالصبـر للاجـر يرجـون=والصبـر بــاب الاجــر عـنـد الملـمـات
ومن يحتسب للاجر فالاجـر مضمـون=بـشــر بـــه الله فالـحـديـث وفــالايــات
وصلـوا علـى الهـادي عـدد مـا يلـبـو=نو عــــداد مــــا تــلاحــن الـراعـبـيـات

أنا قبـل مـا بلـغ مـن العمـر عشريـن=حبـيـت لــي بالـكـون ثـالـث حبـيـبـه
مـا حـب قلبـي غيـرهـا غـيـر ثنتـيـن=يــا ليـتـهـا مـثــل الحـبـايـب قـريـبـه
أزاور الثنتـيـن مـــن حـيــن لـحـيـن=و مـريـم زيـارتـهـا عـلـيـه صعـيـبـه
مقـدارهـا عـنـدي وعـنــد المـلايـيـن=وزنــه ثـقـل مـقــدار مـكــه وطـيـبـه
و حبـي لهـا بخـلاف حــب المحبـيـن=الـلـي يـلاحــظ فـيــه شـكــه وريـبــه
و حبي لهـا تمليـه الأخـلاق و الديـن=ولا بـه مــن المنـقـود عـيـب يعيـبـه
و أنا ما با الا شوفهـا شـوف بالعيـن=و حـال ابرهـه بيـن الحبيـب وحبيبـه
شـريـفــة مـحـبـوبــة ٍ للـشـريـفـيـن=بكـف الخبـيـث الـلـي يبيـهـا خطيـبـه
يـا النـود ياللـي فـي سنعـهـا تهبـيـن=اقفـي بـسـر اهــل الـهـوى و قبليـبـه
إذا تـكـرمـتـي بــعــد مــــا تــوديـــن=علمـي لهـا اخـذي علمهـا ورجعيـبـه
و قولـي محـبـك لايـعـه لايــع البـيـن=من الشوق غاديـت ضلوعـه حطيبـه
ومن يوم مرسولـي عطاهـا العناويـن=مـن البـعـد زارتـنـي زيــاره غريـبـه
يوم الدجى الداجـي زلـف منـه ثلثيـن=فالحلـم جتنـي عـقـب طــول المغيـبـه
مــن الـفـرح سألتـهـا وش تـريـديـن=قالت علـى أحبابـي جروحـي عطيبـه
مـا تـدري أنـي مـن ثلاثـه وخمسيـن=و طرفي من اللوعات يجـري شعيبـه
و احفـاد خلانـي لــي الـيـوم ناسـيـن=وأنـا انسبـي مثـل السبـايـا غصيـبـه
و الله لـو أن اجــداد الاحـفـاد حيـيـن=مــــا تـنـخــي هـامـاتـهــم للـغـلـيـبـه
احبابـي اهــل المـجـد عينتـهـم ويــن=اللـي لهـم فـي ماضـي الـوقـت هيـبـه
أقصد هـل القـرآن وأهـل الصحيحيـن=وهـل العزايـم وأهـل الاريـا الصليبـه
واهـل الحديبيـه وأهـل بــدر وحنـيـن=واهـل سيـوف مـن عـداهـم خضيـبـه
اللـي عـن السنـه مـا هـم بمتحـاديـن=ورجالـهـم فـالـحـرب يـنـطـح كتـيـبـه
لو أن جمع عداهم أكثـر مـن الصيـن=لا شــب ســو الـمـوت ورد وقلـيـبـه
ولا يرتـعـون مرجـحـيـن الـمـوازيـن=بمراتـع الحقـران لــو هــي خصيـبـه
ما هم هـل الاعـراف واهـل القوانيـن=وهـم مسلميـن ومـن جــدود عريـبـه
قلـت الـذي يـا بنـت عنـهـم تسألـيـن=ركــزت عليـهـم فاللـحـود النصـيـبـه
و احفادهم صـاروا مثـل مـا تشوفيـن=مـا خلصـوك مـن الظـروف الصعيبـه
لــو أنـهـم عـلـى الكـرامـة غيـوريـن=مـا نـامـوا الانــذال وانـتـي صويـبـه
رجالـهـم بالـثـوب و المنـظـر الـزيـن=يـفـوق تلـعـا الجـيـد شـقـر الـذويـبـه
و أن دار فن الحـرب بيـن الفريقيـن=عـلـى الـعـد الرعـديـد مـــا ينعـديـبـه
يسافر من أجل العلم رخـو الجناحيـن=ولـيــا لـفــا لـلــدار بــعــد تـغـريـبـه
ليـا هـو مصـد عـن طريـق المياميـن=و مـضـيـع ديـنــه وعـيـبـه بـجـيـبـه
وصـارت حياتـه بـيـن كــازا وبكـيـن=يـا عزتـي عــن جــادل تعـتـزي بــه
ولا عـــم لاكـــن النـشـامـى قليـلـيـن=يخـط لهـدف عـشـرة واحــد يصيـبـه
وكأنك تبين النصر من جيـل الالفيـن=مـهـمــة عــلــى الــذلايــب تـعـيـبــه
صاروا بسيف الحيف و الذل راضين=مـن عقـب ديـد الـذل شربـوا حليـبـه
انتـي مـن أنجـال الـقـرود الخبيثـيـن=مـجـروحـةٍ جـــرح يـحـيــر طـبـيـبـه
وهــم فالمـلـذات الرخيـصـه مفـلـيـن=مـثـل البـهـايـم فالـفـيـاض العشـيـبـه
ومن جنبهم يشكون مـن ظلـم ياميـن=علـى عــدو الـديـن الاخــر صحيـبـه
اللـي علـى نهـب الـديـار متواصـيـن=كـــل يـبــي يـجـيـه مـنـهـا نـصـيـبـه
و نـداك ياللـي فـوق الاشهـاد تنخيـن=لا معتـصـم لا مــن صـــلاح يجـيـبـه
حنـا بعـد كنـا عـلـى الصـنـد قاسـيـن=و انثبت على مـا صبنـا مـن مصيبـه
الـيــوم نـمـشـي لـلـمـذلـه مطـيـعـيـن=نلوى مثـل خضـر الغصـون الرطيبـه
المسجد الاقصى تحـت بطـش رابيـن=و نشجـب ونستنكـر بعـد مـا غديـبـه
و الشجب فالاعلام مـا يقضـي الديـن=ولا تستـعـاد بــه الحـقـوق السلـيـبـه
ان ما حصـل يـوم ٍ مثـل يـوم حطيـن=كــل اذاعــات العالمـيـن تحـكـي بـــه
مـــن دون بـيــت ثـالــث الحـرمـيـن=نبـيـع الانـفــس و الـحـيـاة بزبـيـبـه
ان كـان مـا عشنـا عليـهـا عزيـزيـن=عيـش المذلـه والجبـن وش نبـي بـه
و ياللـي لتفـريـج المصيـبـه ترجـيـن=ارجي فرج راع الفرج و ابشري بـه
مـغــيــر الاحـــــوال رب الـثـقـلـيــن=اللـي مـن اخلـص بالعمـل لــه يثيـبـه
و الحق شمسـه تجلـي الليـل و تبيـن=و الـظـلـم مـهـمـا زاد ثـلـجـه تـذيـبـه
وصلـوا علـى خـاتـم جمـيـع النبيـيـن=اللـي إلـى القـدس الشريـفـه سريـبـه

والله إنَّا غدينا اليـوم بآخـر زمـان=استوى بآخر الدنيـا الغبـي والنبيـه
الملا اللي سوالفهـم تبـي ترجمـان=حطهم وقتهم فـي منزلـة سيبويـه
واستوى باخر الدنيا البغل والحصـان=واستوى القرش في تال الزمن والجنيه
فيه بالدين وبقـدر الوطـن يستهـان=وبيع فيه العهـد ويبـاع دم الوجيـه
مثل ناكر جميـل ٍ عاهـد الله وخـان=ومع سفاهه ومع جهله يسمى الفقيه
والفقيه اللذي يُعـرف بذمَّـه وامـان=وانته احقر واذل انسان واسفه سفيـه
ويا سفيه الفقيه اللي يصون اللسـان=مـا يهينـه ولا يعـق بـه والديـه
مطلـق ٍ بالظلايـم للسـان العنـان=فاجر ٍ مـا تخـاف الله ولا ترتجيـه
تقذف الابريا فـي كـل نشـرة بيـان=صار قـول الخنـا مطيـتٍ ممتطيـه
ولو طلبنا على قولك شهـود العيـان=راح قولك هوى غربان مـا تحتميـه
ولو فحصناه ما يصفي من الفه ثمان=وحتى الاطفال من سخافتـه تزدريـه
كل عاقل كلامـك يسمعـه بـالاذان=يدرك انه ضـلال ومفتـر ىً تفتريـه
ويا سفيه الفقيه اللـي بقلبـه حنـان=ما يروم الغريب وينفـر امـه وابيـه
يوم قلبك عليـه الغـل والحقـد ران=باع دينه وداره وابـن عمـه واخيـه
ولا يخاويك في مسـراك يالبهلـوان=غير بالونـةٍ عقلـه لعقلـك شبيـه
ديك روم ٍ على الخـاوي تجـر الاذان=ومن يكبَّر معك لا أذَّنـت تبَّـت يديـه
ومن يعاف الرفاع وينحـدر للطمـان=خاين العهد بالاقـدام ندعـس عليـه
بعت دينك ودمـك للعـدا يـا جبـان=عارضه فالمزاد وجاك مـن يشتريـه
بعته اعدا العرب واللي مخفَّـى يبـان=ومصلحتهم وجودك عندهـم تقتضيـه
اشتروك لهدفهم وجعلوا لـك مكـان=يوجهونك وتنبح كنـك الكلـب فيـه
عاقديـن ٍ عليـك الانقليـز القـران=ويلعبون بضميرك لعب كـورة بليـه
وهم لهم قصد واضح من قديم الزمان=وانت عندك خبر مير انت مانت بنزيه
اليهودي هم اللـي سيسولـه كيـان=واعدوه وعطوه المطلب اللـي يبيـه
وانت حتى ايش لوحطيت لك مهرجان=حكمنا العادل العامر حشـى مايجيـه
غير كعامت العايـل طـوال اليمـان=وغير خدام بيت الله ماحـد نرتضيـه
قبلهم والوطن مافيه لامـن ولامـان=تسرح وتمرح الفوضى والأحداث فيـه
ويوم بادي قمرهم فوق الاوطان بـان=حكمو فيـه بالعـدل الزعيـم وبنيـه
حكمنا خاتمه في يـد كبيـر الخـوان=ومن رحل سلَّمه للنايب اللـي يليـه
وراح سبع ٍ عجاف وجا سنين ٍ سمان=وسَّهـل الله لنـا جميـع مانمتنـيـه
بعد ما زهر بها الحوذان والقحويـان=يسَّرو للمواطـن كـل مـا يشتهيـه
وعد ما سارت الاقـلام بيـن البنـان=خاتم الانبياء اصلـي واسلـم عليـه

واهنيك فـي حياتـك بلهنـا يالورقـا=واهنيك تلعبيـن السامـري مسـروره
واهنيك ماانكـوا قلبـك بنـار الفرقـا=ولا حنى الهجران حالك حنية الباكـوره
ولا غرق خدك وكمك من هميل الزرقا=ولا انتبهتي هو دليل من الكرى مذعوره
ولا سرابك هاجس الخلان غرب ٍ وشرقا=من هزيع الليل لين الصبح يبدي نـوره
مثل من دنيـاه بالحيلـه درقتـه درقـا=من كثر غاراتهـا ضـده تهشـم زوره
فالنحر فرسانهـا دايـم طعنهـم زرقـا=وصار جيشه منهزم وجيوشها منصوره
ما بلايه من هوى خطو العنود الطرقـا=لو تبيـن قدمـي المكيـاج و الحمـوره
حالي اللي ضرها واللي سرقهـا سرقـا=شوف دار كانـت بسكانهـا معمـوره
يوم ادوج في ربوع اوطان روق وبرقا=شوفها يوحش بعـد سكانهـا مهجـوره
منهم اللي هاجروا بديار حضر الورقـا=ومنهم اللي في ثراها اجسادهم مقبـوره
ما بقي في مرحهم غير الشنون الحرقـا=و الاثاثي والرحا والبرمـه المكسـوره
كل ما اشتاق لمباديهـا المنيفـه وارقـا=قام فلم الذاكره قدمـي يعيـد الصـوره
وانزل وجيبي وكمي من دموعي غرقـا=ولو تعل العين الارض بدمعها معـذوره
ليت ذكرا ًذكرها في وسط جوفي عرقـا=تنمحي مثل الطباشيـره مـن السبـوره
ليت جرحي بالعـلاج وبالقرايـه يرقـا=مير جرحي متعب ٍ يحتار بـه دكتـوره

راحـت ايـام السعـاده و الهنـا قفـا وقفـا حـلـه=ليت لو ساعه تعود من السعـاده و الزمـان الماضـي
ذكر الايـام الخوالـي و الاهـل و الربـع و الاخلـه=انجض صخاف الضماير و المعاليق الغضاض انجاضي
ذكرهـا محتلنـي مثـل احتـلال القبـلـه المحتـلـه=و قاطع علي صك ٍ مثل صك الحكـم عنـد القاضـي
وقتي اعطاني بتـال العمـر لغـز مـا قـدرت احلـه=صرت افكر فيه فالمصفـار و المربـاع و المقياضـي
واهني اللي يشوف ان الزمـان المنتكـس صـافٍ لـه=البليد اللـي جنوبـه و الفرايـد و الدفـوف عراضـي
مثل وصف الثور الانبط ما يلاحظ فـي زمـان خلـه=يعجبك جرمه و يـوم تجربـه تلقـاه جـرم فاضـي
و مرهف الاحساس ما يجري من احداث الدهر يفطن له=ولا تحصل في زمنا اليوم رجل عـن زمانـه راضـي
يا زمان ٍ باخـره صـاروا عزيزيـن النفـوس اذلـه=ومجدهم صارت صروحه من غرابيل الزمان انقاضـي
صار منهم راعـي الغـل القديـم اليـوم يشفـي غلـه=واقفٍ فالقيض قـدم القـوم بالمشعـاب دون الحاضـي
بعد ما جاد الصميل اشتـال محصولـه وزبـده كلـه=والتعب والسهـر و الغربـال للحـلاب و الخضاضـي

كل مادجت في مرتع الخلفـات=وشفت الاوطان من عقب اهاليها
ثـم تذكرتهـا فـا لثمانينـات=عقـب قفـت لحقنـا بواقيهـا
من خفاياي جريت لـي ونـات=وزرهفت عبرةٍ كنـت كاميهـا
وفاض من محجر العين شلالات=وبان خافـي مخفّـى خوافيهـا
وتعذر العين لو تنثر العبـرات=عقب ماجوبهـا وش تحريهـا
عقب صيدٍ بها جالهـم عبّـات=كن مامنهم اللـي مشـى فيهـا
سادةٍ فعلهـم يرفـع الهامـات=وخوفهم مرتع الشـول حاميهـا
ياكثر ما دهلها مـن السرفـات=والمهـار الاصايـل تباريهـا
ومن حرارٍ وهجـن ٍ عمانيـات=ومـن بيـوتٍ كبـارٍ مبانيهـا
والقطا الرقط والشرد الحـذرات=والمسايـل تـدارج حباريهـا
ولابقي من حياة اهل العـادات=غير طار النشامـى وطاريهـا
من خشوم الا ينوفي الى سفوات=جعل همال الامطـار يسقيهـا
دار الهـا محبـه وذكـريـات=نغلـي اللـي ربوهـا ونغليهـا
ذكرياتٍ مضت في زمان ٍ فات=لـو تناسيـت مانـي بناسيهـا
كل ماقلت ماتت مـع الامـوات=شوفت اقذال الاوطـان تحييهـا
اثر بقعاء ولـو جالهـا لـذات=تكدر خطوبها صفـو صافيهـا
فاتن ٍتاخـذ النـاس بالغـرات=ماافلح العاشق اللـي مهاويهـا
من سمع ذكر دنيـاه فالايـات=ويعتبر لاسمع ذكـر ماضيهـا
عقب ماشفت غاراتها العجـلات=ودي ابيعهـا ويـن شاريـهـا
مثل ماباعها الشيخ ابن صنهات=عافها عقـب ماشـاف تاليهـا
والتجا في حجا عالـم النيـات=باعت الناس من عقـب يفنيهـا

وش خانة الانتر للا شعـر سـداح=ولولا رموز الشعر مثلـه وشـرواه
ذولا هم اهل المعرفه واهل الاصلاح=ما هم بذاك اللـي مـزج داه بـدواه
لمخادع الناس يتظاهـر بالانصـاح=ويخف البلاوي فـي خفايـا خفايـاه
واللي لغزو الفكر ما عنـده سـلاح=لو مالـه الدجـال يعطـي معطـاه
ومن زاغ عن صف الجماعه ليا راح=قلنـا لعلـه هفـة مقيـط ورشـاه
ما من وجوده لا معـزه والا اربـاح=وليا رحل عـن دارنـا مـا فقدنـاه

اللي تسـوي بالسوالـف جمالـه=من العام مابـان لسوالفـك برهـان
اثرك مثـل نـوّن يهيـض خيالـه=ومن يارده مظمي صدر منه ظميان
والحمل مـا يبـرك لـه الاجمالـه=جمال التخوت المنوبه مثل سحمـان
بعـض الاوادم مثـل صفرالجمالـه=بالحكي واليا قرب الحمـل حيـران
وسحمان لا قرب له الحمـل شالـه=وينقل حمول غيـر حملـه بليهـان
حمل اعشـره منهـم يشيلـه لحالـه=ولو ضاعفوه اضعاف ماهوب بحلان
سحمان هجسي للمديـح انتحـى لـه=حيث ابوخالـد فيـه للمـدح ميـدان
في مدحـه الشعـر يتوسـع خيالـه=يلقا به افياض خصيبـه وريضـان
من طيب فعله كـل ماجـا مجالـه=تنعم لـه عتيبـه وشمـر وقحطـان
بـذال فالماجـوب غالـي حـلالـه=وشراي تيجان الفخر باغلى الاثمـان
طود تزبـن قمتـه مـن لجـا لـه=لعتا الزوابع راسين مثـل حـوران
في لاهب الجـوزاء ايظلـل ظلالـه=وفالبرد به للاجي كهـوف واكنـان
لاراحله مـن ضيـق الوقـت بالـه=منيـوب ولا ظاهـده ديـن ديـان
يواسيه ويخلـص مشربـك حبالـه=ويجلا عماسه عقب ماهوب عمسـان
بالجود وبطيب السجايـا بنـى لـه=مجد ٍ ومجـد ٍ وارثـه ورث جـدان
ماشاد بنيـه فـوق جـرف هيالـه=مشيـده علـى قواعـد وسيـسـان
خصب الجناب اللي عطايـا شمالـه=اكثر من اكثر ماعطت بعض الايمان
فدح الخصوم الخيـر اللـي هلالـه=نوره يغطي شمـس غيـره ليابـان
بوسع صدر معه من الاحنف وكالـه=وجا بالكرم خليفـة ٍ لابـن قطنـان
وفالسمـؤال عاصبـه عـن عيالـه=ومن الدها والعرف والعقـل شبعـان
الطيـب لـو انـه يجـي بالسهالـه=ماصار فالعربـان طيـب ورديـان
الطيـب كيفـه مـا تبهـر دلالـه=بالهيـل ويلقـم بهـا بـن خـولان
فنجال كيف الطيـب كـدر ٍ زلالـه=واحيان يلقى به طعـم سـم ديبـان
الا لبـو سلطـان صـاف ٍ حثالـه=ودايم وهو عليه مظـرم وخرمـان
يـاالله عسانـا مـانـدور بـدالـه=حتـى يصيـرون المواليـد شيبـان
وجميع من يبخـل بجاهـه ومالـه=لعل يومـه قبـل يـوم ابوسلطـان