رحلـــة مصــوّره / الـجــزء الأ ول

**المستشار** · 08-31-2005, 05:45 AM

السلام عليكم ورحمة الله

بداية اعبر لكم عن إشتياقي الحار للمنتدى ولإعضائه الإعزاء

كما لايفوتني أن أشكر المراقب العام / عبودي لا لا

على تكفله بمصاريف سفري لتركيا من أجل أداء مهمة خاصة بالمنتدى

الا وهي إستقطاب أعضاء متميزين من مثقفي تركيا

صراحه تركيا فيها مناظر طبيعيه جميله للغايه والصور اللي راح نشوفها بالتأكيد ماتحكي للواقع

لكن حاولت أني اختار بعض الصور اللي تعبر عن جزء من هذا الواقع ونظرا لكثرة الصور وروعة المناظر

سوف يتم تجزئة الموضوع لعدة أجزاء

لكن من البداية لايجيني احد يقول زوايا ما زوايا

انااعترف اني مصور عليمي

لاني اخر مره صورت ايام البلولاريد ( صور واسحب الصوره على طول )

بالعكس اتمنى تكون الاراء صادقة ومن غير مجاملة حتى استفيد من أخطائي مستقبلا واسعى لتجنبها.

راح اتكلم بالبدايه عن تفاصيل رحلتي وبعدين اعلق على الصور

سافرت بتاريخ 6-8-2005 وكانت مدة السفر اسبوعين

وكانت الوجهة مدينة اسطنبول وتخللها زياره لمدة يومين لمدينة بورصه الساحرة ( سيتم الحديث عنها بالتفصيل لاحقا)

معلومات عامة عن تركيا :

الموقع : آسيا وحوالي 3% من مساحتها في أوربا

العاصمة : انقره ولكن اكبر مدينة اسطنبول

السكان : يبلغ عدد سكانها حسب أحصائيات ( 2005 ) حوالي 70مليون نسمة

المساحة : 779,452 كم ²

الديانة :يدين 99% من سكان تركيا بالديانة الإسلامية والنسبة الباقية بين مسيحين ويهود .

وهذا هو علم تركيا

وهنا خريطة تركيا

وهذه العملة التركية القديمة وإن كانت لاتزال

تستخدم ولعلكم تلاحظون انها من فئة المليون

وناسة تصير مليونير

وعلى فكرة تم إنزال عملة جديدة

بداية هذا العام وتم إلغاء الأصفار منها

أي مليون ليره = 1 ليرة وهي مايعادل 3 ريالات سعودية .

نبدأ الآن بالتعليق على الصور

هنا بالطائرة وقبل الهبوط بنصف ساعة تقريبا

جميل أن تكون فوق هام السحب

وهنا عندما اقتربنا من الهبوط ومنظر لمدينة أسطنبول من الجو

الصورة هذه التقطتها من بلكونة الفندق الذي أقمت

فيه بالأيام الأولى من رحلتي . وهي تطل على بحر مرمرة

ومن الجهة الأخرى على هذه الحديقة الجميلة

في اليوم التالي قمنا بجولة بحرية على مضيق البسفور

والذي يربط بين بحر مرمرة والبحر الأسود

وكان الجو ممطرا مع درجة حرارة معتدله تقريبا 23 درجة مئوية .

هذا هو الجسر المعلق الذي يربط بين قارة اوربا وقارة آسيا

^
^

من النظره الاولى تحسّون الزاويه تعبانه

بس شوفوها عشر مرات ورا بعض وبتركيز شديد وراح تعرفون

قيمة الزاوية >> واحد يسمع بالزوايا

ويعبر هذا الجسر يوميا حوالي ( 500 الف سيارة )

يدفعون رسوم مايعادل 9 ريالات سعودية << مايعطوني مدخول يوم

وهذا منظر اخر للجسر ونحن تحته تماما وهو فوقنا تماماً

وهذه صور أحد المساجد القديمة والتي تنتشر

بكثرة باسطنبول لكن للأسف لايحضرني اسمه حاليا

رغم ان المرشد السياحي قد افادنا بمعلومات عن كل مانراه .

وهذا قصر عثماني تم شرائه من قبل دولة الإمارات
وتحويله لفندق سياحي ويعتبر من الفنادق الباهضة الثمن .

وهذه صورة لبعض الفنادق التي تطل
على البسفوربالقسم الاوروبي من اسطنبول

وهذا الجزء الآسيوي من مدينة اسطنبول
على الضفّة الاخرى من مضيق البسفور

انتهى الجزء الاول وهو بمثابة تشويق او تطفيش

والاجزاء القادمه دسمه وترقبوها قريبا حصريا على منتدانا

الغالي بيت الزكرتيه ونشره عن طريق قروب نواف بيــك

تحيه للجميع,,,

الأصيلة · 08-31-2005, 06:08 AM

الله يا المستشار

وديتنا تركيا وحنا بكراسينا ..

صور حلوه مره وتحس انها في هذا الجزء تعنى بالشأن الجغرافي لتركيا >>>> يعني شهبان ونبي خضره يا اخي

وبس خطوتين وتسعة اريل ونوصل اوروبا ؟؟؟

قسم يا هم مبسوطين خر مر مثل ربيعنا على البحرين >>> اقول طسي

المستشار

بصراحة التصوير ممتاز ما عليه بنظري

اهم شي انها واضحه المعالم فيها

واعجبني القصر العثماني اللي اشترته الامارات

ياهم عليهم تفكير صايرين ..اقتصادي قوي

واللي استغربته انهم عمايرهم مثل بعضها

يعني مثل كسوة الحكومه >>>> اقول ما ودتس تطلعين من الموضوع >>>>لا

سلمت يداك يا المعزب

وعلى احر من الجمر ننتظر مناظر جديده في اجزاء جديده

من رحلتك الميمونه

والحمدلله على السلامه >>> تو الناس

**شباب في رحله** · 08-31-2005, 06:35 AM

العن ابليس العدو <<< سبه مدري وش تبي

المستشار

علي رفقه ان تنزل الباقي بأسرع مايمكن

الله يرحم امك قبل ماتخلص اجازة الصيف علشان احس اني رحت
بس لابدت المدارس مانيب مصدق السالفه

طالبين ذا النوخره ان تنزلها

وياليت تحاول تكلم بالتفاصيل

قسمن بالله جايزتن لي هالسوالف انك تكلم عن كل صوووره

بعدين شلوون عندهم بين كل فندق وفندق فندق والله وناسه

الله لايهينك المستشار
ماقصرتش
ولا اوصيك سخن لين تنزل المواضيع الباقيه <<< تمويه ولا تمويهت ادريانو

والحمدلله على السلامه

اقتباس:

سافرت بتاريخ 6-8-2005 وكانت مدة السفر اسبوعين

^
^
ممكن تورينا صورة التذكره علشان المصداقيه بس <<< على شحم بس

الف شكر مستشارنا

**Remaan** · 08-31-2005, 07:34 AM

يا مرحبا بك ياالمستشار ..

اول شي منووور الدريشة بطلتك ..

ثاني شي الحمدلله ع السلالالالالالامة ..

+..+..+..+

نجي للصور ..

ماشااء الله حلوة الصووور ..

اكثر اللي عجبوني ..

^
^
اختلالاف درجاات الاخضر .. رهيب
<<< فيها حالة نفسية عاشقة اللون الاخضر هاليومين

^
رهيبة الزاوية ف هالصورة .. بس لوو المأذنه اللي ع جنب كااملة كانت صااارت بيرفكت

ووووصورة القصر العثماني ووو الجانب الاوربي لاسطنبووول حلوين بعد ..
وضوووح الصورة حلووو .. والوانهم وااضحة .. مقارنة بباقي الصووور..

لالالالالا تحرمنا من الاجزاااااء القاااااااااادمة ...

وربي يعطيك العافية ع الموضووووع ...

دمت بخير
ريمان

**nAmLaT nAjD** · 08-31-2005, 03:10 PM

الحمدلله على سلامتك عمو مستشارنا

منور بهالطله وموضوع رائع

لي رجعه ان شالله

zaina · 08-31-2005, 06:23 PM

الللللللللللللله تركياااااا

رحنا لها من زمااااااااان تونس

يسلمو المستشار ع الصور

واهم شي عملتهم مره تونسسسسسس من جدد تحس انك مليونير

لوووووووول

يسلمو مره ثانيه مستشاار ع الصور الروعههههه

الزكرتي · 09-01-2005, 12:28 AM

السلام عليكم ورحمة الله وبركاته

حمد الله على السلامه

نورت تركيا

ونورت السعوديه

من جد صور جناااااااااااااااااااان

الا بسالك يوم تكلمني وتقول انك في البسفور

كنت تصور

انا اشوف طالعه الصور جنااان

بس اتوقع القادم اروع زي روعتك

والف الف الف الف الف الحمدالله على السلامه

ba6a · 09-01-2005, 01:43 AM

ماشاء الله عمو مستشار صوووور جداً جميلة و معلومات أجمل صراحة تنفع مرشد سياحي بقوووة

وعندي سوعااال الحين هذي يقال لها أنقرة وإلا مدينة الضباب؟؟ صراحة وناسة ما في شمس عندهم؟؟؟

وإلا أنت ما تبدا التوريزم حقك إلا حزة المغربية؟؟

عموماً توشكراااات وفي إنتظار الباقي

**سحابة حب** · 09-01-2005, 02:50 AM

المستشار ،،

روعه تصويرك ،،

تركيا خيالية ،،،

و فيها منااظر ،، قمة ،،

عندي 3 ألبومات صور من تركيا ،، بس مو على الكمبيوتر

لا سافرنا مره ثانية صورتها ،،

و على فكرة فيه جزية اسمها جزيرة الأميرات ،، رحنا لها،،

كانت خيالية ،،

الحمد لله على السلامة ،،،يالمستشاااااااار

**المستشار** · 09-01-2005, 08:18 AM

اقتباس:

غرام أحباب

صور حلوه مره وتحس انها في هذا الجزء تعنى بالشأن الجغرافي لتركيا >>>> يعني شهبان ونبي خضره يا اخي

^
^

ياعجلكم يالسعوديات

<< متزوج تركيه

الخير جاي بالطريق غرام وراح تشوفينها إن شاء الله بالجزء الثاني

انتي وباقي الأعضاء الاعزاء .

اقتباس:

وبس خطوتين وتسعة اريل ونوصل اوروبا ؟؟؟

قسم يا هم مبسوطين خر مر مثل ربيعنا على البحرين >>> اقول طسي

^
^

كل على همه سرى

انتي تشبهين جسرهم بجسر البحرين وانا قاعد اضرب 500 الف في 9

اقتباس:

والحمدلله على السلامه >>> تو الناس

^

الله يسلمك من كل شر ومشكور على طلتك وتفاعلك .

تحيه للجميع ,,,

**المستشار** · 09-01-2005, 08:27 AM

شباب في رحلة

اقتباس:

المستشار

علي رفقه ان تنزل الباقي بأسرع مايمكن

الله يرحم امك قبل ماتخلص اجازة الصيف علشان احس اني رحت
بس لابدت المدارس مانيب مصدق السالفه

طالبين ذا النوخره ان تنزلها

وياليت تحاول تكلم بالتفاصيل

قسمن بالله جايزتن لي هالسوالف انك تكلم عن كل صوووره

^
^

ابشر بالخير ريسنا راح تنزل قريب وبتعليق على الصور .

اقتباس:

بعدين شلوون عندهم بين كل فندق وفندق فندق والله وناسه

^
^

وازيدك من الشعر بيت قدام الفندق فندق وورا الفندق فندق

اقتباس:

ممكن تورينا صورة التذكره علشان المصداقيه بس <<< على شحم بس

^
^

شف الفاوشر عند عبودي هو اللى قاص التذكرة

تسلم ريس على تشريفك الموضوع وتفاعلك الجميل .

تحيه للجميع ,,,

**المستشار** · 09-01-2005, 08:42 AM

اقتباس:

Remaan

اول شي منووور الدريشة بطلتك ..

ثاني شي الحمدلله ع السلالالالالالامة ..

^
^
منور بمعزباتها وباقي الاعضاء المحترمين والله يسلمك من كل شر

اقتباس:

رهيبة الزاوية ف هالصورة .. بس لوو المأذنه اللي ع جنب كااملة كانت صااارت بيرفكت

^
^
كانت الزاوية مضبوطه وقائمة بس وانا اصور دز يدي ولد ملقوف معنا

بالسفينه وقطع رأس المئذنه الله يقطع رأس العدو فصارت الزاوية حادة

قايلك ما اعرف زوايا لكن نتعلم منكم ونصحح اخطاءنا بالجايات .

اقتباس:

لالالالالا تحرمنا من الاجزاااااء القاااااااااادمة ...

^
^

كان بنزلها بعد يومين بس شفت شروطك انتي والبتول ومن ضمنها

لاترز وجهك عندنا أيها العضو بموضوعين في أسبوع واحد

اسعدني تواجدك معزبتنا الغالية بنفس القدر الذي اسعدني توجيهك

ولاتبخلي علي بالنصائح والتوجيهات للصور القادمة .

تحيه للجميع ,,,,

اعلانات المنتدى