♣ ممكن( سلف )..وياقلب لاتحزن..؟؟!!♣

مستحيه · 08-14-2005, 08:34 AM

تنويهـ كبر قريح

لاعلاقه بعنوان الموضوع ومضمونه ..ولايقرب بصله بته للمشرف الأطخم (سلف خمسه)

ولذلك جرى التنويه..مع تقديم (الأعتذار) مع باقه مشموم ..مكبوب فيه فلفل لـ ( المشرف) سلف خسمه

[ المشهد الأول]

هنــاك على الباب (ظل) شخصاً (ما) ..!!
يطرق الباب..بقوهـ ..!!
لاحول..هذا وقتهـ ..!!
طناش..لــ هذا الطرقّ..
لا (تريد)..(مشاعل).. أن تقطع متابعتها لـ مسلسل (خالتي قماشه)
دوم الحلقه الأخيرهـ ( لا تعرف نهايتها) ..!!
الطرق يزيد..تحس (مشاعل)أن هذا أن الطرق على (رأسها) ..
على مايبدو (أن )منّ يطرق ّ الباب..شخصاّ ..(ذو نفرين)

تباً لمن يطرق الباب..

هذا انت يا( ضفدع كامل) ..مالت عليك وش تبي يا(عزوز) ..؟؟!
تقول أمي (عطونا) ..الخلاط ..وبــ / نرجعه عليكم ..؟؟!!
وش تبون فيه ..؟!
ما ادرى
طيب وش بتسون فيه ..؟؟!!<< نشبه هـ/ المشاعل تغير صيغه السؤال علشان يمكن يجاوب <<فضول

ما ادرى
(هنا يدق جوال عزوز ) ..

تنلبتلبهتلهببهتيخخهليخهلحخ<< هواش ام عزوز قاعده تصرخ على عزوز في الجوال تحسبه قاعد يدوج في الشوارع

ماتدري أنا مشاعل قاعدهـ تحقق مع ورعها..

يمه مشاعل..قاعدهـ تسوي تحقيق معاي<< فضحها
عزوز: مشاعل تقول امي خل الشغاله تعطيكِ اياه ..وأترك عنك المطفوقه مشاعل
عزوز قول لأمك جعل أبوك يتزوج عليها

هــاك الخلاط ..خربتوا علي الحلقه الاخيرهـ ..
لاخصلتوا منه ..جيبوهـ ..طيب
::
.
::
بعد أسبوعين..

(أم مشاعل) ..عندها( عزومه)..تدور الخلاط..
مشاعل وين الخلاط..؟!
عند جارتكِ ..ماجابوهـ من ذاك اليوم..!!

الأم..تتصل على جارتها ..ترسل الخلاط ..
بعد دقائق ..جاب (عزوز) الخلاط..
الأم( تقلب الخلاط بعين ثاقبه ومتعجبه من شكل(الخلاط) الذي صار بحاله يرثى لها ..
متأكدهـ (أن) هذا خلاطنا يامشاعل..
مشاعل: يمه (أخبرهـ) كأن خلاط ..والحين صار بلاط <<لزوم السجع

،:،
،:،
،:،

[المشهد الثاني]

فاطمه :..هلا دلال ..
عندي عرس ..(وأبغى) البس فستانكِ اللي لبستيه في عرس عمك..
::
عطت( دلال)..صديقتها الفستان..
بعد مرور (شهر)..جاءت مناسبه (عند) دلال .(.وبغت) تلبس فستانها ..
ولكن (الفستان) مازال عند فاطمه..
دلال ..تتصل على فاطمه تريد فستانها..
يرجع الفستان الى دلال ..
ولكن تتفأجا دلال
بأن فستانها تحول من (فستان).. الى .. (بستان)..

ومن فستان جميل الى (خيشه باليه ) تضم انواع البقع ..!!

،:،
،:،
،:،

[ المشهد الثالث ]

ينزل من (سلم المنزل) فيصل ..
بدر في( الصاله)..

بدر: ابغى سيارتك ..بــ/ أروح مشوار( نص ساعه) ..وأجي ..
طيب لأتتأخر ..(وراي) مشوار ..

جاء فيصل ..
( المشوار الذي كأن نص ساعه وتحول من 1/2 ساعه الى ساعتين)
بدر صارت أخلاقيه تجاريه

تفأجا بــ/ سيارته عند ركوبها
قواطي الكوكا ..أعقاب السجائر..باكت الاشرطهـ مبعثرهـ .. ..!!
و تحولت سيارهـ (بدر) من (سيارهـ )..الى.. (بيارهـ)

ولكمـــ (و) للقارئ ..الكرامهـ ..

،:،
،:،
،:،

[ المشهد الرابع ]

نواف..عندك cd / فيلمـ (طق/ مطقاق) الجديد..؟!!<<لا أحد ينط و يجي يقول اسوى دعايه لأني شفرت (اسم)الفيلم

ايه يا سعود عندي..
بــ/ أمر وأخذهـ منك..
( ياخذ نواف [ CD]..

بعد مرور شهرين
يجي نواف لــ بيت سعود..
ياسعود..الشريط ما يشتغل ..
وشلون مايشتغل ..وأنا شايفه ..أنت تبي تشوفه مره ثانيه يعني..؟؟!!
لا انا ما شفته ..!!
الحين لك شهرين وأنت مأخذهـ ولا شفته ..!!
وين الشريط ..؟؟!!
في السيارهـ ..بــ/ أروح أجيبه
يأتي نواف في الشريط
يتفأجا (سعود) بأن السي تحول من( سي دي) الى (دي جي )<<لزوم السجع

وش ذي البقعه اللي على (CD)..يا نواف ..؟؟!!
ما ادرى وش انكب عليه ..!!
شهرين ماخذهـ ..وتــوك(تتذكرهـ)وكابّ عليهـ
وتقول ..ماتدري وش فيه مايشتغل ..؟؟!!

،:،
،:،
،:،

[ المشهد الخامس]

بندر يتصل على محمد
بندر: لك والا للذيابهـ .،. يا أخوك..؟!
يخسى الذيب,,<<فيهم عرق شامي هذولا الأثنين

آآمر يا بندر..؟؟!!
والله يا اخوك.. مزنوق ..وأن شاء الله أردهمـ لك
أبــشــر ..
(شهر/ شهرين / ثلاثه شهور ..ويطول الأمر ..)
بندر..أستدان..ولكن..رد الدين..طال ..والمدين في أنتظار ..حقهـ ..؟؟!!

،:،
،:،
،:،

[ النهايــهــ ]

قال الله تعالى في محكم كتابه الكريم..(( والذين هم لأمانتهم وعهدهم راعون))
ليس عيباً..مساعدهـ الأخرين..
ومد(يــد) العون..
وأسلفهم..في شيء يحتاجون اليه..ونحن بــ/ مقدرونا مساعدتهم
ولكن العيب في من نقدم العون لهم ..لايراعون هــ/ الأمانه ..!!
يا شيخ ..قهر..تتوقع المحافظه..على الشيء المعطى ..ولكن عندما يرجع اليك الشيء الذي اعطيته متغير 180 درجهـ عن ما كأن عليه..!!

ظاهره أجتماعيه ..واقعيهـ ..عدم مراعاهـ الأخرين لــ شيء أخذوهـ بغرض السلف ..!!
يا اخي الشاب اللي لابس قحفيه..واختي الفتاه اللي لابسه هيلهوب

بــ / انتظار ..ارائكم ..ضد/ مع ..حركات (الأخرين) ..في عدم الأحترام في كيفيه اداءهمـ ( للـسلف).؟؟!!

ودمتمــ بخير ..

فيه أحد معاه ربع ريال مشقوق

**ها1وي** · 08-14-2005, 01:05 PM

حجزززززززززززززززز اول ولي عووده
يبيله روواقن
تحياتي مستحيه

**ها1وي** · 08-16-2005, 02:25 PM

باااااااااااااااااااك

موضوع واقعي
المشكله انا تعودنا على عدم رد الاخرين احيانا تجد الشخص يذهب ليتسلف مبلغ من المال
ليس له بل لا فلان من الناس طلبه وليس عنده وما يبي يتفشل معه
ما دمرنا الا الفزعه اللي على غير سنع يعني مهاااايط
انا ما أقول نقطع هذه العاااده ولكن نركد ونعرف من اللي نفزع معه مهوب كل من هب ودب نفزع معه

حمود جااه خويه في العمل سعد وقاله ابيك تكفلني بوكالة السيارات مطلع سيارة
أقساط طق صدره حمود ونقز معه للوكاله وبعد ثالث قسط سعد جحد الوكااله
وسحبووو حمود على وجهه وسدد وهو ما يشووف الدرب

مستحيه
تقبلي مني الود والورد

sahranah · 08-16-2005, 09:30 PM

تدرين انك قلبتي علي المواجع
ذكرتيني بفستاني اللي عند اسويره
مير خليني اكلمها
بس عساه ماغدى بستان زي فستان دلال
والله ان كلامتس منطقي و واقعي
ياختي ذالعالم معاد يستحوون
لا والمصيبة اذا جيتي تسألين عن حاجتس
قالوا ما تستحي او( نعنبوها ماامدانا خذينا اغراضها
الا وجت تاخذها)
بصراحه الناس كذا او كذا موبعاجب
او ذاللي يتسلفون
واذا جيتي تطالبينهم ما يردون الا بنفس خايسه
كانتس انت اللي متسلفه موهوب هم.
اما المصيبة الاعظم الجيران
لان مافي مفر منهم
ولا تقدرين تقولين لهم شي
(الجار ولو جار)
بس في النهاية نحتسب اجرناعند الله
ما يضيع عنده شي.
و شكرا على ذالموضوع اللي اكثر من رائع.

جمرة غضى · 08-17-2005, 06:34 PM

السلام عليكم

بداية أهنيك أختي مستحيه على سلاسة موضوعك

وتميزك في الأسلوب

موضوع بالفعل جميل وواقعي أن لم يكن صوره لحيياتنا اليوميه

أنما يختبر ذو الأمانه عند الأخذ والعطاء

::

::

من خلال هذا المنطلق

الحياه بطبيعتها أخذ وعطاء والناس لبعضها

ولكن عندما أعطي وأكتشف أن لا أمانة لمن أعطيت

فلما لا أضع حدا لذلك .

حتى يقدر ذلك الشخص حدودي .

أنا بطبعي والحمدلله لي حدود مع الجميع أقاربي صديقاتي

في كل حاجه ,, حتى في الكلام

غير كذا الجميع يتردد لما يطلب مني شي يعني مقدرين حدودي

أكتفي بذلك أختي المواضيع هذي ما أقدر أثرثر فيها

لو ثرثرت فيها ما راح أسكت

أرق تحيه

**ماشي الحال** · 08-17-2005, 08:24 PM

السلام عليكم

انا ماجيت ارد على الموضوع

جيت بس ابي سلف برقع من عندك مستحيه

عندنا عجوز تبي تروح مشوار وماعندنا برقع

والناس للناس واوعدك ارجع لك البرقع بعد مانرجع من المشوار

مستحيه: وش دعوى ياماشي هذا برقع مايغلى على عجوزكم

هنا انا ماقدرت ارد من الفرحه بالبرقع >> لايكون انت اللي بتلبسه

اتوقع فيه شغلتين بالموضوع

اللي هي الاهمال وعدم الحرص

والشغله الثانيه اللي هي عدم رد الدين او عدم رد اي حاجه استلفت من شخص .

نجي للنقطه الاولى :

نفس أغلب المشاهد اللي ذكرتيها

اشوف من الصعب اني اتهم احد منهم بالتعمد بتلف او ارجاع الشي مهمل

لأن هذي هي طبيعة فيهم حتى بالاغراض الخاصه

لهم يعني صعبه نغير صفات فيهم

الا اذا قوبلت طلباتهم بالرفض من الاغلبيه ..

ولكن تحكمنا العاطفه لحظة طلب هولاء المهملين لأي شي نمتلكه

سواءا سياره او حتى شريط كاسيت وحتى لو كانت مدة قليله فأننا نتوقع

ان تعود اغراضنا اسوأ مما كانت عليه من قبل ...

تذكرت سالفه من فتره طويله على طاري شريط كاسيت

كان عندي شريط وتعتبر الاغاني اللي فيه نادره

والفنان متوفي من فتره طويله

اللي حصل طلبني شخص الشريط والحقيقه اول مره يطلبني

ومع انها اول مره يطلبني قلت له اعطيك بس

على شرط تنسخ عليه وترجعه بكره

قال اوكي

قابلته بعد اسبوع وانا قافله معي لاني حسيت انه يتهرب

قلت هاه وين الشريط ؟

قال يارجال حطيته على طبلون السياره و ماع من الشمس

طبعا لازال عندي امل اني بصلحه قلت طيب وينه ابيه

قال احرقته الشمس ورميته في الزباله (( الله يكرمكم ))

ولا زال عندي اصرار قلت أي زباله ؟

قال انت من جدك؟

قلت ياخي اي زباله اخلص >> كنت حالف اخليه يسبح فيها ويجيبه

قال والله مدري وين بالضبط وبعدين ياخي شريط غيره شريط

طبعا ذكرت ذا السالفه لانها طرت على بالي وغير كذا

الحرص يختلف من شخص الى شخص حتى لو كان يحب نفس الشغله

الشخص استغرب من اصراري على استرجاع الشريط

اللي ودي اقوله ان الشخص اذا استلف شغله

طبعا الكلام على اللي عندهم صفة الاهمال

وعدم المحافظة على اللي خذوه .. صعب يكون حرصهم نفس حرص الشخص

لكن الغريب بالامر انهم يستغربون ويندهشون

اذا شافوا حرص الشخص على ما يملك ..

بالنسبة للفئة الثانيه اللي هي يستلفون وما يرجعون

البعض منهم يكون ناسي وانا عن نفسي فيني الطبع هذا

مثلا افلام دي في دي او اي شغله تعتبر ترفيهيه

بس لما يتصل الشخص اتذكر ان له اغراض عندي وارجعها له

ويمكن الشخص طول هالفتره قاعد يحش فيني

ويقول ياخي عطيت ماشي كذا وكذا

وما رجعها الى الحين << طيب ذكرني يمكن انا ناسي

نجي عاد لشغلة اللي ما يرجع الشي واذا طلبته برطم زعلان

كأنك تطلبه شي مهب لك ..(( سلفنّاه طلع فرحان ,, طلبناه برطم زعلان))

نفس ما قالت

الاخت سهرانه << مدري اسمها كذا او سارونه >> عجزان يرقى

انك اذا جيت تطلبهم ردوا عليك بنفس خايسه

انا ابي عرف هل هم يقولون بينهم وبين نفسهم ياوالله النشبه ذا

او يقولون مايستحي على وجهه

او بس يسوون نفسهم متذمرين وهم من داخل مهب راضين؟

ماظنيت من داخل مهب راضين >> يجاوب على نفسه

على الاقل بالوجه يقولون ابشر بالخير ومع ابتسامه ومن داخل جعله

يقول افلقني ان رجعت شي ..

احس اني طولتها بالكلام

بس هذا مايمنع اني اقول ترى العجوز

تبي من عندكم صندل وتي شيرت احسن شي عندكم

لزوم السهره مع أم وائل البخاريه

يعطيك العافيه مستحيه دائما مبدعه

عاقد حجانه · 08-20-2005, 01:44 AM

ياربي معاناهه مع هل الاشكال وصارت معي بس أشوى على شيء تافه بس توبه ماعاد اعطيه شيء ناني مره

ماشي رجع الأنكل الي خذيته مني لو سمحت

ماشي الحال : تصدق عطيته واحد من الشباب يمس حنكه .

عاقد حجانه : الحين تقولي ابيه عندي مباراه مهمه وتعطيه واحد من الشباب
ماشي الحال: يارجال ماشفت الي انا شفته
عاقد حجانه : أخلص على وعن الحركات
ماشي الحال: والله مو حركات مر علي وشافه معي وقال أبيه انت شايف الوظع متأزم
عاقد حجانه : اهم شيء يأدي الغرض وترجعه بسرعه ياليتك تعطيه سلف عشان يرفع أخدوده

كثير من الناس مايقدر الشي الي ياخذه منك ويرجعه مكسر والمشكله يصارخ عليك
والله مشكله طرار ويتشرط

مشكوره المستحيه على الموظوع الي يهبل

زرار طقطق · 08-21-2005, 07:17 PM

سلام

بصراحه المشكله هذي انا اعاني منها بجد !!!

اولاً احب اشكرك على هالموضوع اللي موجودة ويعاني منه اشخاص كثير
وزين انك طرحت هالموضوع

مثل ما قلت لكم انا اعاني من هالمشكله وكانت كالتالي

الجاره الغاليه بعد ما تعرفت على الاهل باسبوعين تقريباً شافت انها تمون
ودقت تلفون وقالت لزوجتي ممكن اتسلف منك اكسسوارات علشان انا
معزومه الليله

!!! وما دريت الا زوجتي نقول صارا كذا وكذا وكذا
قلت لزوجتي لاتعطينها حتى لو قوطي ببسي فاضي ما امداني اكمل كلمتي الا الباب
يدق واطل مع العين الا هذا ولدها اللي كانه ما عمره حلق واضنه ما يعرف
الحلاق بس يسمع به المهم ما فتحت له الباب قلت يمكن يفهم ويذلف
لكن ما فيه فايده
بعدها بيومين ويتكر الموقف بس هالمره مو اكسسوارات هالمره جلابيه
ونفس لموال ما فتحت الباب وذلف بعد ما احرق الجرس
والمره الثالثهقهوه والرابعه زعفران والخامسه منضف زجاج
وهلم جرا الى اليوم

وش الحل

هــيــبــه · 08-22-2005, 03:07 AM

اما سلف

يا كرهي للسلف

انا استغرب من تنوع الناس بحكاية السلف هذي

يعني مثلا يجيك واحد مو حريص على اغراضه الخاصه تعتقدون انه بيكون حريص على اغراض غيره

هذا اعتبره انسان طبيعي وقلبه مافيه بلا

بس لمن يجيك احد حريص ومنظم يهتم باغراضه ومع ذلك اذا اخذ شي من احد جاب العيد فيه وحكمته بالحياه
((جلدن مهب جلدك جره على الشوك))
هذا صراحه بنظري انسان حقير

او يجيك واحد يتسلف شي مو لانه بحاجته او مضطر له لكن لانه معجبه بس
احس السلف او الطلب يكون للاشياء الضروريه
والضروريه جدا بعد

موضوع حلو خيتو
تؤبري تسلاوي ماشي الحال يا شيخه

مستحيه · 08-22-2005, 11:01 PM

يـســعـد مســاء الجميع

ها1وي

\
/
\
/

الحمد لله على سلامتكـ

اقتباس:

المشكله انا تعودنا على عدم رد الاخرين احيانا تجد الشخص يذهب ليتسلف مبلغ من المال
ليس له بل لا فلان من الناس طلبه وليس عنده وما يبي يتفشل معه
ما دمرنا الا الفزعه اللي على غير سنع يعني مهاااايط
انا ما أقول نقطع هذه العاااده ولكن نركد ونعرف من اللي نفزع معه مهوب كل من هب ودب نفزع معه

البعض..من النوع ..اللي يأخذ..ومايرجع
ظنً منهـ ..أن صاحب (الحاجهـ ) عادي أن رجعتـ اليه (أو) لا..!!
مهمل لـ الحاجهـ ..
ولكن الغلط الأكبر الصاحب اللي بـ/ يسلفهـ
اذا كأن هذا الشخص معروف عندهـ بالأهمالـ ..وعدم المحافظهـ ..!!
ليهـ يسلفهـ ..؟؟!!
وحتى لو كأن سلفهـ ليه مثل اللي يقول (يعطيهـ) قرصهـ
تعلمهـ يحافظ على أغراض (الآخرين) ..!!

اقتباس:

حمود جااه خويه في العمل سعد وقاله ابيك تكفلني بوكالة السيارات مطلع سيارة
أقساط طق صدره حمود ونقز معه للوكاله وبعد ثالث قسط سعد جحد الوكااله
وسحبووو حمود على وجهه وسدد وهو ما يشووف الدرب

هذا مو ( فزعهـ) خير..؟!
فزعهـ شر ..أنقلبـ على صاحبهـ ..!!
واللي يسلفـ من النوع هذا سيارهـ (أو) مال..
ماهوب كل من هبـ (و) دبـ ،.، بــ/ أسلفهـ
(يفكر) و (ويسئل).. في الشخص اللي بـ/ يسلفهـ قبل ..يستأهل.(أو) لا.!!

ها1وي

سلمتـ على وجودكــ ،.، شــكــرا لكــ

مستحيه · 08-22-2005, 11:13 PM

sahranah

\
/
\
/

اقتباس:

تدرين انك قلبتي علي المواجع

بسمـ الله عليكِ وعلى قلبيكِ ..من الوجع

اقتباس:

ذكرتيني بفستاني اللي عند اسويره
مير خليني اكلمها
بس عساه ماغدى بستان زي فستان دلال

وهذا الفسطان (نطقي التاء /طاء )

من متى نايمـ عند سويرهـ ..

كلميها يابعدي..وأن ماكلمتيها ..لبسي عبايتكـ وخبطي ذاك المشوار

اقتباس:

ياختي ذالعالم معاد يستحوون

الشكوى لله

اقتباس:

لا والمصيبة اذا جيتي تسألين عن حاجتس
قالوا ما تستحي او( نعنبوها ماامدانا خذينا اغراضها
الا وجت تاخذها)
بصراحه الناس كذا او كذا موبعاجب
او ذاللي يتسلفون
واذا جيتي تطالبينهم ما يردون الا بنفس خايسه
كانتس انت اللي متسلفه موهوب هم.

صدقتــِ
وحطوا فيكـ من هـ/ الصفات (البخل/ ماتستحى على وجهها ؟!!
ولا قاموا بعد خذوا عذربوا في اللي ماخذينهـ
من زينهـ ،.، ماطقتهـ حلى ،.،وع،.، وجايه تـأخذهـ ..!!
الحين الحلال حلالي ،.، بس لـ صار عندهمـ أنسى انه حلالـكـِ...!!
قولي كأن ..وترحمي عليهـ

اقتباس:

اما المصيبة الاعظم الجيران
لان مافي مفر منهم
ولا تقدرين تقولين لهم شي
(الجار ولو جار)

ذكرتني بــ/ حاجهـ ..
الحين لـ أرسلتـ الوحدهـ لجارتها (طبخهـ)
مرهـ ،.، مرتين ،.، ثلاث مرات ..
الصحون تطلع من البيت لـ الجارهـ ..وماترجع .!!
المشكلهـ ..البعض ..يستحى يطلب الصحن ..
بس تكررت أكثر من مرهـ (وش ) السواهـ ..؟!!
تعطيهمـ الأكل في صحن بلاستيك ..
ثاني يوم وش شايفتن ..هنود ..

وهااات

اعلانات المنتدى