الســلام عليكم ورحمة الله وبركاته

مساكم الله بالخير اخواني واخواتي الزكرتيين والزكرتيات

في البدايه احب اقول لكم ماشاء الله عليكم .. افتر راسي وانا اطالع تصاميمكم

يعني ابداع ماشاء الله <<-- اخلص بس ماحد معطيك وجه

بس انا مشكلتي مشكله

وحلها مادري من بيحلها ..

مره من الامرار .. جالسن العب بلوت انا وعيال الحاره ..

والله ويجي الطاري في الفوتوشوب .. والله وينقز دحيــم ويتحداني اتعلمه <<-- الله لا يعطيه عافيه

والله وانا اللي احطه في راسي <<-- الفوتوشوب موب دحيم

وهات يا مقهى << -- بما اني مقرود ولا عندي جهاز

وعلى بالي الشغله سهله ..

وهالحين صار لي تقريبا اسبوعين .. وانا عندي طموح اتعلم

بس المهندز اللي بالمقهى حاطن دوبه ودوبي ..<<-- شكله يعرف دحيم

مركبن برنامج يقاله الديب فريز <<-- الله لا يبارك فيه من عرفته وانا منحوس

هذا طال عمرك للي مايعرفه .. يثبت اعدادات الجهاز على شي معين

وبعد ما تخلص من الجهاز يسوي له اعادة تشغين <<-- على قولت دحيم

ويرجع الجهاز زي ماكان ..

يعني تحمل فرش فلاتر صور .. بكره تجي ما تلقاها

صرت اجلس ادور بالمواقع ادور على فرش والا صور .. وبعد ما انزلها عندي واجلس اتفنن

يطلع التصميم زي خشتي .. احفظه بالجهاز عشان بكره اجي واسوي عليه تعديل

ويسوي ابو هنود اعادة تشغيل ويروح كل شغلي ..

وهاكزا دواليك

بغيتكم تقولون لي وش اسوي <<-- بالله عليــك

~ اللهم انا نسألكـ العفو والعافية ~

ياهلا بالفيلسوفه << وش عنده هذا ايتسدح

والله يا ستي .. انا يادوب اشيل المحفظه والدخان والجوال << احلا معك جوال

>> كم رقمك

<< اها الفقه بس

يعني اني اشيل فلوبي زياده بيصير عندي زياده في التعداد السكاني

يعني قصدك احفظ روابط الفرش والفلاتر ..؟ وبعد ما ادخل مره ثانيه انزلهم من جديد .؟ << لا فهمت يا مصطفى

اي والله يا ابله شنكوتي .. تكفى

الف شكر اختي الفيلسوفه

----

zaina << والله كان نظري سته على سته ومن بعد الخط اللي حطيتيه عيوني ماتسوى ريال

يمكن تقولين سهل لانك مامريتي بالمعاناه اللي مريت فيها انا

وبعدين انا اللي يصعب علي الموقف اكثر كل ما تذكرت دحيـم وكيف يبي يشهر فيني بالحار اذا فشلت اروح فيها

الله يعينك يارب على الفلاش .. ويقولون مافيه شي مستحيل مع المثابره << انحش

المشكله ما فيه سيدي رايتر بالمقهى

<< بيطلع لكم شيب على ماتحلون له مشكلته

والف شكر اختي على مرورك .. ومارح يقصرون الشباب كلهم ان شاء الله

----

هلا والله بأبو رحله << ياكثر بس << ليه كم واحد انت .؟

ماحطيته في الدي .. حطيته في سلة المهملات

ولا احصله المره الثانيه

الف شكر اخوي على مرورك .. لا عدمناك

----

اللهم امين والجميع يارب

اعتقد هذي اسلم طريقه .. بس الفلاش ميموري بمية ريال

ومحسوبك لو تنفضه مالقيت معه ريالين

ولاتنسى شعار الزكرت تكفى

^
^
^

<< ناوي يحفر الشعار على الفنيله

الف شكر اخوي قلب نوال .. لا تحرمني نورك

----

الله يسلمك ررفعت معنوياتي

اجل تبي تتعلم فوتوشوب من مقهى << حاس انك تمهزا .؟ << يعني تطنز بالكويتي

طريقة ابو رحله جربتها من قبل .. ولا فلحت ..

والفلاش ميموري فينا وفيه شوفت الله

والمقهى الله يسلمك يقبل تثبيت الملحقات بس من تسوي اعادة تشغيل يروح كل شغلك

اي والله تكفى .. انا بطبق الدروس .. وانت لاتخليني تكفى ياولد ابوي

خلني اقهر دحيم

جعلني فداك << مدري وش تبي بس يالله

----

الف شكر لتقديركم معاناتي .. وان شاء الله نطلع بنتيجه لهالمعضله < اتعب انا

هــلا والله بسميي ابو عابد

اشهد بالله ان اللي مايسمي عبدالله مافيه خير

الله يسلمك ابو عابد .. فيني خير وبركه .. لو ابيه سويت بخشته فرشه في الزفلت

<< يعنني اطبق فوتوشوب بالحياه هههههههههههه

لكن المشكله ماهي هنيا .. المشكله ان كفيله شغال بالمرور

اخاف ينكبني

ايه وانت صادز عبودي .. اذا حفظتها بالدي مثل ما تفضل اخوي شباب في رحله

وضبطت معي ..

بس تفاجاءة ان اللي يدخلون للجهاز بعدي .. يخافون انه يكون فيها ملفات تجسس او شي ..

اول مايدخل .. تقول مسلط على الدي ..

يدرعم ويمسح كل اللي فيه

بس لقيت حل ابشرك

شايلك لشي اكبر يا عمي

لاعدمناك

----

هلا ابو سحر

حدي كيرم .. ماعر ف العب بلوت ..

شاكر لك طلتك الحلوه ..