سألتها قبل انتفارق على خير=وينتهي لليل الفرح والسعاده
هو يلحق العاشق ملامه وتقصير=لمات حبه في بدايه مهاده
قالت سؤالك مايبي له تفاسير=العلم واضح مايبي له شهاده
اسلوب ظالم والحكم صار تعزير=في قلب من حبك وخلى عناده
قلت اسمعي باسوق كل المعاذير=بعطيك عذري دون نقص وزياده
انا غريب ودون حدك محاذير=والمغترب دايم قليل اعتماده
(في غربتي طالت علي المشاوير)=والنفس مطعونه بضعف الاراده
قالت معك باروح من دون تفكير=ما دام قلبي صرت غايه مراده
اهوّن علي قولٍ يجي فيه تشهير=من جور فرقا من ملكني وداده
قلت ارجعي ربعك قروم ومناعير=واصغر ولد فيهم بيقدح زناده
ماني بخايف لكن المسأله غير=وش لي بحبٍ فيه ذم ونقاده
وانا من اللي يرهبون الطوابير=ما همهم قرب العدو وابتعاده
ردّت بصوتٍ مثل صوت المعاصير=صوتٍ يروّع فيه حزم وجلاده
قالت لي اسمع ما ابي اي تبرير=بعطيل علمٍ فيه كل الافاده
لو امي الخنسا وابي سالم الزير= بهواك واحبك يالين الاباده

المشاركة الأصلية كتبت بواسطة Za7Ef BoY بصراحه رووووووووووعه بس مين اللي كاتبها أنت ولا أحد غيرك ولي رجعه إنشاء الله سلامز

المشاركة الأصلية كتبت بواسطة Za7Ef BoY ماشاء الله عليك ياضغط كثر من هالمشاركات الجميله والكلام الحلو صح لسانك ولاهنت يالطيب سلامز

المشاركة الأصلية كتبت بواسطة هجير صـــــح لسانك اخوي الضغظ العالي القصيــــــدة بكل مافيهااا من كلمات حلوهـ يعطيك العافية

المشاركة الأصلية كتبت بواسطة الخاتمة الضغط العالى صح لسانك ومن طول الغيبات .......... قصيدة حلوة وصح بدنك