بسم الله الرحيم الرحيم
السلام عليكم ... كيف أحاولكم
ماشاءالله قرووووب ولا أحلى
أنا إنسان أحب الشعر و القصايد وأتابع العلوم هذي
وأعرف كثير من الشعراء والكتاب
وأحب أشارككم باللي أقدر عليه
طبعا بحاول أجيب شي جديد
ببتعد عن القصايد المستهلكة و المعروفة
وبنفس الوقت بتجنب ( كثرة الغزل ) لأني عارف أنكم مللتوه
وعلى نفس المنوال ... رسايلي بحاول أقللها عشان ما تملون الشعر بشكل عاااام
هذي قصيدة لأحد الشعراء وأسمه أحمد الحريقي .. اعرفه شخصيا
ويقول عن هالقصيدة ... إنها تتكلم عن معاناة زوجه مع زوجها
ويصف حاله... شافها بنفسه ... وعايشها
والغريبه إنه ماهو متزوج ! غريبه صح
للمتزوجين
ما يـفيد العتاب ولا يـفـيــد المـــلام
ما بقى غــير صمتي يمكن إنه يــفــيد
كل مره نقول اليــوم ما به خــصـــام
و بآخر اليوم تلقى كل منـّـا وحـــــيد
صار يومي ويومك من صـدام إلـ صــدام
ونار صدري وصدرك من وقيد إلـ وقـيــد
نصبح الصبح وألقى كل حاجه تــمـــام
و يمشي الوقت رايق و أطلب الله مــزيـد
ثم فجأه تصير الدار ساحة ســـهـــام
و كل واحد يصوّب صاحبه من بــعـــيد
نوب أحس السهام إتصيبني بالــعظــام
و نوب أحس السهام إتصيبني بالــوريـد
ترفع الصوت وأطلب منـْـك بعض إحترام
و الغريبة تعود و ترفعه من جـــديــد
دوم نضحك و نختم ضحكنا بالـشــتام
و دوم نحكي ونختم حكينا بالوعــــيد
و دوم تحطيم قلبي قبل وقت الــمـنـام
و ما تهنـّـى بنومك غير لمـّـا تـكيـد
و دوم أنا من يراضي لجـْـل يبقى غرام
ولو يضيع الوداد إبرايك إش نسـتـفيـد
حتى لا جيت أسلـّـم ما ترد الســـلام
الله أكبر عليك إشلون راسك عنــيـــد
يشهد الله تعبت أمشي بدرب الـظــلام
درب موحش وأشوف الموت به شيّ أكيد
كل كلمة براسي قلتها بالـــمـــلام
و ما بقى غير صمت الظاهر إنه يفيــد
خلني ساكت أزين وش يفيد الكـــلام
دام لا قلت كلمة هالمشاكل تـــزيــد
ان شاءالله تكون الحاله ما وصلت مع البعض إلى هذه الدرجه .. !
وعلى الحب نلتقي ... (( الـــــــــحــــر )) .......
[عفواً يمكن مشاهدة الروابط للمسجلين فقط للتسجيل اضغط هنا]
شعر للمتزوجين
مشاركة: شعر للمتزوجين
