شــــات الزكرت...بصريح العباره " هنيا نودردش " - الصفحة 736

**بيـــــــــش** · 11-11-2008, 12:02 PM

اللهم اجعل دعوة المذكور أعلاه طال عمره تطول الحسا

نبي نفرح بالمطر مثلنا مثل السعودية كلها

ربي لاتؤاخذنا بما فعل السفهاء منا

ولا تحرمنا بذنوبنا نعمة سقياك

فإننا وان زللنا ،، نعلم أنك الغفور الرحيم ذا الجود

نبي مطر

ذاك اليوم طالعه للحوش

إلا البعارين مجتمعين كلهم في زاوية

يوم شافوني اسكتوا ،، مايتمون الكلام ،، اللي قبل أوصل بدوا

مشيت وماعطيتهم وجه ولا كأني لاحظت شي

إلا هاللي جاي يهبع ويرمقني بعيونه الرماديه

وشفايفه الورديه تتدلى كأنها بندول ساعة >> بعيرنا أمه روسيه

ناداني ووقفت وأنا معطيته ظهري

مدري ليه ماإلتفت عليه

بس حسيت اني لازم أزعل بعد حركتهم السخيفة

ناداني : بيش

بيش : اممم

البعير : ممكن تعطيني وجه؟

بيش : ماأحب البعارين السخيفين

البعير : طيب اسألينا عن السبب ،، ماهوب تطنقرين وبس

بيش : وش عندك اخلص علي ،، وراي بقرة أحلبها >> مقر الأحداث في حرض (مزرعة نادك)

البعير : دق علي رازح في روضة خريم يقول ان البر كله خضار وسعة صدر

* رازح / اسم بعير خوي بعيرنا هناك

بيش : الله يرزقنا مارزق أرضهم

البعير : اتفقنا أنا والشلة بنروح يم رازح ،، وش تقولين

بيش : ماقالت شي

طالعت للسما إلا هي مغيمة وريحة مطر والجو رمادي

قلت انتظروا شكل الخير جاي

ويجيب الله مطر

ودخلت وقلت لأمي ترى البقرة تقول ماعاد عندها حليب لكم

تبي تدخره لبزرها

وزينت دلتين شاي وقهوة وحلا وبسكوت مالح

وجلسنا قدام التلفزيون وجلسنا نتابع أنا وأمي فيلم على ام بي سي تو

وكل شوي تقول لي أمي وين الريموت

تبي تشغلني عن لقطتون ما

وجا علينا الليل ولا جانا المطر

وبقوم أبدل لأني بروح الجامعة >> أبوها يهاوش وتقريبا توهقت في نهاية القصة

**عميد الزكرتية** · 11-12-2008, 10:46 AM

^
^

أمحـــق قـصــــة

ماهكذا عهدناك يابيــش

لقد بلغت منك الدجة كل مبلغ ... ماهذا ؟.؟ هل تسمين هذه قصه

سامحك الله أيتها الجامعيه .. أننا نلاحظ تأثير ابو قرعة (شكسبير) في اسلوب كتابتك

ولكن ليس بهذا الشكل

لقد ذكرتيني بالغراب الذي يريد أن يقلد مشية الحمامة

وأختلط عليه الأمر فاصبح بلاهوية

ولكننا أيضاً نتسائل : ما هو مصير الزكرتية؟ وماهى هذه الزلزلة؟ وما هو هذا الفجر الجديد؟

ليس من السهل أن نحدد ما تقصده بيــش بهاتين الكلمتين

أو بغيرهما من كلماتها ومصطلحاتها الفنية المليئة بالإيحاءات والإشعاعات

ولكن ليس من الصعب كذلك أن نرى على ضوء ما سبق وما سيأتي من بيـــش

أن ماقالته يمثل صدعا في تاريخ البشرية

ولقد أكدت تأكيداً لا مزيد عليه

بأن ماكتبته هو رسالة الكشف عن تصدع عصرها البرجوازى وأنهياره على رؤوس أعضاء الزكرتية

ومع ذلك فقد سجلت بيـــش سابقة لنفسها فهي تعتبر أول من بدأ بهدم عامود النظام الميتافيزيقى

ونقصد بذلك أنها أول من بدأ بالخنبقــة

ولكن من الذى يستطيع تحديد ملامح الفجر الجديد للزكرتية ؟

ومن الذى سيحوّل القيم من اللوجوس (المنطق والجدل العقلى)

إلى البيوس (الحياة وإرادة المزيد من الحياة)؟

وأخيرا من الذى سيبدع في هذا العالم الجديد؟

أنه جيل المبدعين من أعضاء الزكرتية

والذي يجعلني أؤكد ذلك هو المواثيق والعهود التي تم الاتفاق عليها

بعد أجتماع (أسباب و حلول)

**عميد الزكرتية** · 11-15-2008, 01:55 PM

^
^

حكيم الراي = ماشي الحال

حلال الانشـاب = سلف خمســـة

تاجر وجلاب = شباب في رحلة

بنشر وصدا = مخ العميـــد

نباب = يعرف نفســـــه

**ياهملالي** · 11-15-2008, 03:13 PM

يقول لك فوجي ياما آل هوندا صح لسانك

بس تصدق نسوا ما يركبون له نسافات مثل الدداسن الأوله

صح لسانك يابو عميد

وان كان ودك نفتح وكالة هوندا تراني قدام

خلنا نضحك على هالبشرية ..

هذا الزمن .. زمان الضحك على البشرية

أضحك على الناس وغمض عيونك

وسو نفسك ما دريت وقل وش السالفة ..

إن جاز لك كلامي كان بها ..

وإن ماجاز لك كلامي لم يكن بها .. :d

مـــوجة حـزن · 11-26-2008, 03:45 PM

سلام عليكم

مساكم الله بالخير <= بحكم وقت عصريه

والله لكم وحشه ..

ان شاء الله كل واحد بخير وصحه وعافيه ..

وش اللي صاير بالمنتدى ..

طافي بقوهـ

انتشلوهـ قبل لايندفن والله

**عميد الزكرتية** · 12-26-2008, 06:26 AM

ياعيال وش فيه الموقع له يومين مافتح معي

<< يبي يصرف السالفه

مع أن كل الناس تدري ان الموقع تحت الصيانة له 25 يوم

الحقيقة حبيت ابارك لكم رجوعنا اليكم .. وياحظكم مادام رجعنا لكم

والشي الثاني حبيت اسلم عليكم واعايد على الجميع

لأن هذا العيد هو العيد الوحيد الذي لم نتعايد فيه

ولم نعمل له تصاميم وبنرات

<< ياحليلك انت وهمومك .. اقتصاد االعالم انهار

والهلال صار ينافس على الدوري وانت همك تصاميم العيد

الحمدلله اني اول من خط قلمه وحط رجله فالبيت بعد عودته سالماً غانماً

ومبروك عليكم يا اهل الدمام انفتاح ايكيا عندكم عقبال اهل الحساء

**..CanDy..** · 12-27-2008, 04:57 AM

^
^
وانا اقول وش فيه الموقع كل ماجيت افتح مايفتح

اجل طلع تحت الصيانه .. انا قلت شكلهم مو دافعين للسيرفر المستضيف وقفل لهم المنتدى

<-امزح

عالبركه العوده .. وان شاء الله آخر انقطاع

وكل عام والجميع بخير بمناسبة عيد الاضحى
وبمناسة السنه الجديده ورمضان الجاي وعيد الفطر <--مسكت خط

:d

العــــراب · 01-08-2009, 06:33 AM

هكذا حال الدنيا

فدوام الحال من المحال

ولكن يحزنني ان يبقى شات الزكرتية بدون جديد

فهذه الصفحات تعتبر متنفس الصعداء وزفير العضماء

على طاري زفير يقولون حاكم فنزولا أغلق السفارة الاسرائيلية وطرد السفير الاسرائيلي

وبعض الدول العربية اللي عندهم سفارات يهودية ما فعلوا قد انملة

وين الجزيرة ماتهذر عليهم !!!

والا شاطرين علينا بس

ياويلي يالقهر ياليت عندي قناة ويخلونني اتحدث بلا منازع وبلا مقاطع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى