شــــات الزكرت...بصريح العباره " هنيا نودردش " - الصفحة 733

**ياهملالي** · 08-20-2008, 03:23 PM

الشك زايل يبو عميد

______________________

اقتباس:

بيـــــــــش

ماسمعت تصفيق

تساهلين التصفيق يا بيش وعقبال الدكتوراه

بس خليك بعيده عن الجغرافيا

~ Sparkly · 08-20-2008, 03:56 PM

بيش مبرووووووك القبول .. بس ابسالتس

رياض اطفال موجود بكلية التربيه بالجبيل الصناعيه .. وراتس ماقدمتي هناك؟

هالتخصص كانت امنيتي ادخله بس تخصصي علمي ..

اما تخصص الصم البكم .. مره حلو .. الله يوفقك

ونشوفك تطلعين على قناة سوبر كوميدي

وانا من هذا المنبر اخواني الاعزاء .. اقولكم
عندكم وظايف؟

وياحبذا تكون وظيفه مكتبيه .. فيها نت وماسنجر و ساعات العمل لا تزيد عن 5 ساعات .. وابي حكومه وراتب مغري لا هنتو <-- ماودتس تلفدزينه

واذا الوظيفه توفرلي سواق بسيارة بنتلي ابكون ممتنه

**بيـــــــــش** · 08-20-2008, 05:17 PM

8
8

أثاريتس أونثى وأنا ماسكه معي انتس عمو

وبالنسبة للجبيل هم عرضوا علي قبل التخرج اني أسجل عندهم

بس حسيت عرض جامعة الملك فيصل أفضل

بيعطوني مقعد جامعي ومعه طاولة ودفتر أبو خمسه ألوان

أصلا وش يطيرني هناك دام أمر الله سعه عندي هوون

لأن السالفه ياعومري فيها عوائق جمه وموتفرقه

( أولها )

الغربة .. وأنا من الصنف اللي مايحب يقيـل بعد الظهر إلا في بيتهم >> يارب تقتنع

( وثانيها )

السكن مع ناس مدري وشلون قايلين ،، هذا في حال لو كان عندهم سكن طالبات

وأهلي مايحبون اني أختلط مع العالم ،، يخافون اني أهدم النوع البشري الصالح

( وثالثها وهو الأخير )

اني ماأحب أحرج اخواني لما أطلب منهم انهم يودوني ويجيبوني من قلايع وادرين

خصوصا لما أكون عارفه ومتفهمه الأعذار والتصريفات موسبقن

>> تتمنى من قلب انها أقتنعت

الصدز الصدز اللي ماعليه غوبار

اني مافكرت من الأساس اني أقدم في غير الجامعة أم ثلاث أقواس لبى البر اللي حولها

واللي من زين الطبايع يسمونه المدينة الجامعية

حتى يوم صار تقسيم الطالبات بين الجامعة وكليات التربية عشوائي

كنت أدعي ربي انهم يسحبون اسمي للجامعة غصب حتى لو الكلية يبوني

>> ارتاحي

يعني هي مجرد رغبة ونحمد الله جت على مانتمنى (وجه شعار الجامعة على علم)

وعقبال ماتتحقق رغبتي في التربية الخاصة للصم والبكم

مدري يمكن تحمست لما شفت الكل يطقطق في اللغات ،، انجليزي على ألماني على فغانسي

قلت لازم ألحق الركب وأتعلم لي لغة أبربس فيها

عمو ياهملالي

نفسي أشوف أحد في الحياة يحب الجغرافيا

أصلا ماحدني عليه إلا يوم شفت قدامي خيارين :
1- English
2- جغرافيا

فرشت سجادتي واستخرت وقال لي ربي لاتبلشين خلق الله تنبح أصواتهم شرح وماتفهمين

توكلي وسجليها جغرافيا أبرك لتس

سجلت وكنت أردد في نفسي بعيد الشر بعيد الشر بعيد الشر ... إلخ

وراح أستمر في ترديدها ألين تطلع نتيجة القبول في الأقسام

إلى هذاك الوقت

نستودعكم الله على أمل اللقاء بكم في ظروف تملؤها الوناسة

أعطي أمسي حنيني · 08-23-2008, 05:51 AM

مبروك يابيش وعقبال

ماتصيرين (.... ) أد الدونيا

خمول ... رتابه ... تجاهل

ليه كذا يامنتدانا الغالي

وين راح الحماس ,, والمشاركات

اللي بسم الله ماشاءالله

متى ترجع زي اول

وانا اتصفح في قوقل

ويشدني الفضول لعنوان قصيده شاعرها مجهول

وقتها قلت في نفسي .. وش قد الأنسان يعاني

وكأن مافيه في هادنيا وقتها غير معاناته من شدة

ماثارتني القصيده

وهيضني رد واحد من الأعضاء

وهو كالتالي ( غاب عن هذه الابيات شيء يسمى الوزن...ولكن لم يغب الصدق ودقة الوصف والتصوير

ان كان الشعر المكسور يجعلنا نعيش القصة كما فعلت هذه القصيده

فلانريد شعرا موزونا بعد اليوم...فكم من موزونة لاتحرك في النفس شيئا..بل هي كصرير الباب لايستنكره أحد

دام الشعور الصادق بكل اشكاله )

على ذاك الرصيف أسهر و أناجي بكل الجنـون "القـار" ..
أكـلـم شــارعٍ خـالـي .. ســواده مــن ســواد الـلـيـل ..

تــرى مـاهــو فـلــس .. ولا بقـلـبـي قـلــت الأشـعــار ..
ولـكـن واقـعـي يـفـرض عـلـي .. أكـتـب بـــلا تـعـديـل ..

أنــا // راح الـعـقـل مـنــي "" .. وعـنــدي للـجـنـون أعـــذار ..
معـانـاتـي إذا بـوصــف . . تـفــوق الـوصــف والتعـلـيـل ..

مـن الــي قـــد وقـــف مثـلي يـواجــه لعــــــنة الأقـــــدار ..
رضــى يبقى ويتــحمل عــشر اضـــعـاف هــمه يشيــــل ..

مــن الـلـي ثـبـت أقـدامــه يـقــاوم شـــدة الـتـيـار ؟!
ويعـرف إن النخـل وهـو النخـل . . راح وجـرفـه السـيـل ..

][ من اللي حبّ له طفله .!! وحلم من يوم كانـوا صغـار . .
يـتــوّج حــبــه بـفـرحــه .. وأمــــه تـحـضـنـه بتـهـلـيـل . . ][

يـمــر الـوقــت .. وسنـيـنـه تــمــر .. ويـسـتــوون كــبــار ..
ويتغـرب لجـل حلمـه .. يسابـق كــل شـبـاب الجـيـل . .

ويـرجـع رافــع راســه .!! بـعــد مـــا صـــار هـــو طـيــار ..!
وبقـى مـن حلمـه الـوردي زفــاف ،، يـرفـض التأجـيـل ..

يجيهـا يقـول حـان الوقـت .!! تعالـي نكشـف الأسـرار ..
طفـح كيـل الصبـر ماعـاد فـي صبـري وصبـرك كيـل ..

ويـذكـرهـا بـوقــت صـــار . . مـــع مـــرّ الـزمــن تـذكــار ..
بــ أيــام الـطـفـولـه يــــوم يـغـرقـهـا غــــلا وتـدلـيــل ..

. . { يمازحـهـا وتــردد لــه ( تــرى الـكـذاب يــروح الـنــار ) . .
يجافيهـا . . وتهمـس لــه : .. أعــرف إن الجـفـا تمثـيـل ! } . .

وتـدمــع عيـنـهـم لثـنـيـن . . يـهـلـون الـدمــع مـــدرار
؛؛
)( تــرى الـذكـرى ولــو حـلـوه . . . طواريـهـا تـهــد الـحـيـل )(

وتسـرح فـي وسـط عينـه .. تفكـر .. ترتجف .. تحتـار ..
يسألها عسى ماشرّ ؟ ويطيح من ايديهـا المنديـل ..!!

وتنزل عالركب وتقول : تسامحنـي علـى اللـي صـــار ؟
حــشــا والله مـاخـنـتـك ... ولـكـنــه حــصــل تـبــديــل ..

تـراهــا غـيـبـتـك طــالــت . . . وتــــدري وقـتـنــا غــــدار ..
كـبــرت .. وخـفــت تـتـأخـر .. وخــيــر الــبــر بالتـعـجـيـل ..

ويشهـق يلمـح الخاتـم ..!!
يـحـس الـقـاع تحـتـه دار ..!!
ولا يسـتـوعـب الـمـوقـف بـلـيـا شـــرح أو تـحـلـيـل ..!!

يـسـود الصمت . . . . ولاكلـمـه !.. و نـظـره كلـهـا استنـكـار !...
شلـل صـاب اللسـان وصـاب كفيـن العتـب . . تكبـيـل ..

[ . . دقيقـه تمر . . طعمـهـا مرّ . . نهـايـة عمـر . . مـوت أزهــار . .
خسارة حب . . ضياع فـ درب . . نار تشب . . عذاب و ويـل . . ]

ويسـرح . . لـو بعيـده . . ؟ تهـووون !!
ولكـن كـيـف بـنـت الـجـار .!!؟.
ويكسـر صمتـه . . بـ صرخـه ! تعـدت فـي مداهـا سهـ ي ي ي ـل ..

ويفـقـد وعـيـه ويـنـزل . . عـلـى قـــاع الـثــرى . . . . مـنـهـار !!..
مصيبـه كيـف يتحمـل ؟! تــرى مــا بـالأمـر تسهـيـل ..

مابـيـنـه و بـيــن غرفـتـهـا . . . مـمــرّ ،، و نـخـلـه ،، و جـــدار ،،
وهــــذا الــلــي يـعـذبــه و يــــزود طـيـنــه بتـبـلـيـل . . !

يشوف اللي سرق عمره سكن وياها نفـس الـدار . . .
غـدى جــار . . ولــه حــق نــزل فــي محـكـم التنـزيـل .!!..

ويتخـيـلـه يـغـازلـهـا . . ويــقــول انــــه عـلـيـهـا يــغــار . .
ويتـردد صـدى همسـه .. ولمـسـه .. وضحـكـه .. وتقبـيـل ..

يـنـاظـر دارهـــا وفـكــره ورا ذيـــك الـسـتـايـر حــــار . . .
وشـبـاك الـهــوى عـتـمـه بـعــد مـــازادوا التظـلـيـل . . .

يـقـرر زوجـهــا . . يـبـنـي ويـرفــع مـسـتـوى الأســـوار . .
ويـتـصـرف عـلــى كـيـفـه !! عـنــده مـنـهــم تـوكـيــل..!!

ومكـسـور الجـنـاح . . الـلـي بــلا ذنــبٍ يــذوق أمـــرار . .
يـصـارع حسـرتـه ويـجـر بـعـد ذيــك الهزيـمـه، . . ذيـــل . .

يفـكـر . . كـيـف طاوعـهـا الضمـيـر تـكـون شــي ضــار ؟!
بعـد مـا كانـت لـ عمـره . . عُمُـر . . يحـسـب مــداه طـويـييل . .

خـذت كـل مابقـي منـه .. ومـن عقلـه .. خـذت الأفكـار . .
وبــرواز الـوعـد مـايــل // خـذتــه .. تـخــاف قـــال وقـيــل . .

. . { عطـت بـروازه . . لـ غيـره ! و خلّـت فـي الحـشـا . . مسـمـار . .
وآخــــر كـلـمــه قـالـتـهـا : رجــــاءً مـا أبـيــك تـعــيــل . . }

وردّ بكل غضب يسـأل : تحسبينـي مـن أهـل الثـار ؟!
أنـــا وقـتــي غـــدا مـلـكـي . . و لا يتـحـمـل التعـطـيـل . .

وداع الله وإذا بـَـعــدك . . مـــــرض إيـمـانــي الـعــطــار . .
أنـــا لـــي ربّ .! مـــا يـهـمـل . . بـقــرا كـتـابــه بـتـرتـيـل . .

وإذا كـانــت مـسـافــات الـمـنــازل بـيـنـنـا // أشــبــار . .
لخليـهـا سـفـر . . أيــام . . وأســاوي كــل شـبــرٍ بـ مـيـل . .!

وإذا قـالـوا عـلـي . . مجـنـون ؟؟ أو ملـبـوس ؟؟ و صـابـه زار . . ؟
يناجـي شـارع خالـي لوحـده فــي تـوالـي اللـيـل . .

بقــول ان الجنون ارحــــــم كتــبت من الجنــون اشعــار . .
وصــــدق أشعــاري يتـحدى الـذي قـــال الشــعر تمثيل . .

وأعيـش العمـر أرددهـا )( تـرى الكـذاب يــروح الـنـار )( !!
بـــراءة . . كـانــت الـجـمـلـه . . ولـكـنــه حــصــل تـبـديــل ..!

حكايـة عمـري // مـن يـوم الطفولـه . . ليـن صرنـا كـبـار . .
في هذي الصفحه شفتوهـا وعايشتوهـا بالتفصيـل . . .

أبـي شخـص ينـورنـي .. ومــن أبيـاتـي بــس يخـتـار . . .
حـرف ماشكـى مــن هــمّ ؟ ويبـشـر مـنـي بتعـديـل . . .

بعـدهـا بعـلـن افـلاسـي !! وبـتــرك عـالــم الأشـعــار .!!
لأنـي ماقـدرت أعطـي لـ حزنـي فـي الشعـر تعليـل . . .

وبرجـع للسريـر اللـي . . مـن غيابـي شكـى محـتـار . .
و أريـّـح عـيـن شـوهـهـا ســـواد يـشـبـه التكـحـيـل . . .

وفي آخر بيت بسألكم . . . عرفتوا ليـش أناجـي القـار ؟!
قـولـوا للـ ثـريـّا مــن تنـاجـي لـــو خـذلـهـا سـهـيـل ؟!!

**عميد الزكرتية** · 08-25-2008, 12:35 PM

ماشي الحال

من عرف الناس استراح .. فلا يطرب لمدحهم .. ولا يجزع من ذمهم

لأنهم سريعو الرضا .. سريعو الغضب .. والهوى يحركهم

ماشي الحال أتدري أن خالد مانع سقط

سقط كما سقط هامتي دامتي .. فغنى له الحاظرون اغنية هامتي دامتي

هامتي دامتي جلس علي السياج .. هامتي دامتي سقط سقطة كبيرة

كل احصنة الملك وكل رجال الملك لن يتمكنوا من اعادة هامتي دامتي الي ما كان عليه!

سامعني يابو الشباب

اقتباس:

عمو فيليب العميد

اضغط على إضافة موضوع جديد دام النفس عليك طيبة >> ثناء مغلف بالحث

بيـــش

شكرا على المغلف

ولكن .. كيف انزل موضوع في السواق .. والسواق نايم

اول شي اشعلوا المنتدى .. وبعدين نتفاهم

عموما انا براجع مبادئ واتفاهم مع سياساتي واشوف لي حل ... هذا والسلام عليكم

**عميد الزكرتية** · 08-31-2008, 04:02 PM

يوم الخميس العام الماضي قمت الظهر جيت اتغدا

مالقيت احد من اخواني في البيت

دق جوالي رديت : هلا ماشي ..

ماشي : هلا العميد تشوف مباراة ريال مدريد وبرشلونة عندنا

انا : اكيد ياصديقي بس بعد ما اتغدا واصلي العصر

وشوف اخواني وابوي وين راحوا بعدين اجيك .. اوكي يا ماشي ؟.؟

ماشي قد اغلق الهاتف بعدما قلت اكيد ياصديقي

لانه يحب الزبده ويكره التفاصيل وانا احب التفاصيل واكره الزبده

قلت لخوي الصغير قل للخدامة تحط الغداء وانا اكتب رسالة ابرسلها لماشي

وكتبت " ياصديقي في الغالب تفسد اتفه الاشياء جلائل الامور "

وجلست اطالع في شاشة الجوال لين تم الارسال

ثم وضعت الجوال على جنب

ووثبت على صحن الكبسة والتفت على امي وقلت مع اول لقمة

وين ابوي واخواني مايبون يتغدون قالت ابوك واخوانك عند جيرانا

وش عندهم عند جيرانا ،،، أمي : يخطبون لك بنتهم مديرة المدرسة

بنتهم مديرة المدرسة تكبرني باربعة عشر عاماً ،، ولكنها مديرة مدرسة وعندها فلوس

أنا اتوسل لأمي : ارجوك يا أمي لا اريدها ،،فالحب اسمى شي في الحياة

أمي بكل عنفوانها : سحقاً للحب << والله ياهي ليبراليه أمي

انتهت القصــة ،، اجل فيه ناس يروحون يخطبون في القواايل

ياعيال ياليت بكره 31 شعبان << حلا هو

مهب كره في رمضان حاشا لله

ولكنني مداوم يوم غداً

واكره شي علي تفويت السفره الرمضانيه في اليوم الاول من رمضان

لأن حريمنا يحطون اللي وراهم ودونهم في اليوم الاول

وأنا ما أحب أكون غائب في مثل هذه المناسبات

ولا أحب أفوّت لا اللي وراهم ولا اللي دونهم (وجه بطيني يحب العيشه)

مبرووك عليكم الشهر وكل عام وانتم بخير

والله يعيني على فطورك يا أختر >> طباخ العمل الباكستاني

أختر انواع اللقيمات اليابسه والسنبوسه المقنمه

والشوربه اللتي لاتشبه الشوربه ،، والفيمتو الذي لايشبه الفيمتو

وبدون هذه الاشياء ،، اسمحو لي اقولكم رمضان يبتدي عندي بعد بكره

وبكره انا بعتبره المكمل للشعبان +1

<< ويقول مهب بطيني

الشهر عليكم مبارك كلكم ماعدا ماشي الحال لأنه استسلح

ابو الحال تفطر عندي يوم 13 رمضان << امحق عزيمه

لأني اجازة لين 13 رمضان ،، قل تم

**ياهملالي** · 09-02-2008, 03:34 AM

السلام عليكم ..

أيها الربع والربعات المحترمين والمحترمات

كل عام وأنتم بخير

الحمد لله اللي بلغنا شهر رمضان وأسأل الله تعالى أن يعننا على صيامه وقيامه

وأن يتقبل منا ومنكم صالح الأعمال ..

وأن يغفر لنا ولوالدينا والمسلمين أجمعين ..

رجعت من جدة فجر السبت الساعة 4ص ورحت الدوام الساعة 9ص

أنواع النشاط الحمد لله ..

بس يوم الأحد أخذت إجازة عباطه ..

السؤال ليه ما صار العكس ؟

دمتم بخير كلبوكم

**سلف خمسة** · 09-05-2008, 06:57 PM

سلام .!

الشهر عليكم مبارك

لكم وحشه والله بس ماااش الوضع مطنبز

العالم جايها مرض توحد في المنتدى

قوموا مالت عليكم اكتبوا اي شي

عشان نقزرها عليكم كل يوم الين يأذن

يالربع ابيه يأذن

مزكم واللوز منتفخ واصل خشمي

ان شاءالله اول ما يأذن اجيب صحين صغير فيه أكبر وأجمل

فحل بصل ابيض في الدنيا واجلس اتعرشه الين تدّخن أذانيي

اسوأ شي انك تاكل وتشرب ولا تحس بالطعم

وتجلس تنشق تنشق تنشق لعل وحده من النشقات

تفتح لك مسام صغير تحس بطعم والا تشم شي

الحياه صعبه . .

عاد قبل شوي و في لحظة غضب من وضعي المأساوي

كتبت أبيات في خشمي الموقر إليكم بعضها ( وجه محتقن ) ::

ياخشمي المزكوم هدّ الرمي هدّ

حاول تصبّر لين أكل و أداويك

لاتنشق وخلك على الدوم مشتدّ

بعد البصل ياكود ربي يعافيك

لاتعطس ويطلع معك شي ممتد

وانا أخشّك في يديني وأغطيك

وسلامتكم > على تراب

يالربع لويس طرجم يقرئكم السلام

وكنت اتناقش معه البارح عن الظهر

وكيف انه مظلوم

وحتى بأساليب الترضيه المشتمله على الليفه بأنواعها ( ام عصا واللي في اليد )

الا انه لايزال يحتاج لحمام مغربي كل ثلاث اسابيع

الا اذا كنت تتروش وتحك ظهرك على زاوية باب والا جدار

اقتداء بأحد التيوس اللي يحتك على الشبك هذا عاد شي ثاني

اهم مافي الموضوع اني اكتب اي شي في أي شي

أبيه يأذن بس

ياعوينكم يا اهل الرياض بنفطر قبلكم

برب

فطور يتخلله كم نشقه خخخخخخخ

**ماشي الحال** · 09-08-2008, 06:16 AM

^
^

يسلم عليك ادواردو

ياللي تعد رعامين خشمك عد

وبالفقس تدعك الفتحات تدعيك

<< الا يامكمل

وش اخبار المساج ( غمزه خبيثه ) >> طرى علي مخربها

ماش ذا الايام احس ان الوضع يبيله

بالعربي كل يوم احس ان الوضع يبيله

وياشين اللي يقط نغزات ويبي العالم كلهم يفهمونه وهو ما وضّح شي

بصارحكم القول

الحين كلكم تدرون بالوضع الايام هذي انه يبيله

طبعا تقولون وش الوضع

امس بالاخبار تكلموا عن شغلات كثيره

ومن ضمنها الوضع الراهن

الحين اللي قاعد اقوله انا يعتبر اثارة فضول نوعا ما

لو نفرض اني كملت كلامي وارضيت فضولكم

وش الاحسن ؟ او وش أمتع اللحظات ؟ اثارة الفضول أو ارضاء الفضول

لاحد يقول على شحم

بس جد والله الحين اذا احد يحمسنا في سالفه

والفضول وصل حده .. احس هذي لحظه متعتها افضل من نهاية الحديث بمعرفة التفاصيل

صحيح نتشوق للمعرفه بس المعرفه تعني النهايه

نهاية ماذا ؟ نهاية الشوق والحماس

هاه وش الاحسن الحين ؟

مثل مسلسل برزن بريك الحين

اللي مخليه مسلسل حلو

ان احداثه ورى بعض تخليك تقول وش بيصير

وارجع واقول الزقاره لها طعم

والنوم ينادي

وابو ناجي غادي

**SHAHAD** · 09-08-2008, 08:43 PM

عليكم السلام و رحمة الله و بركاته

اقتباس:

مزكم واللوز منتفخ واصل خشمي

ان شاءالله اول ما يأذن اجيب صحين صغير فيه أكبر وأجمل

فحل بصل ابيض في الدنيا واجلس اتعرشه الين تدّخن أذانيي

اسوأ شي انك تاكل وتشرب ولا تحس بالطعم

وتجلس تنشق تنشق تنشق لعل وحده من النشقات

تفتح لك مسام صغير تحس بطعم والا تشم شي

الحياه صعبه . .

نفس الوضع و الحالة و الوضع متأزم و واصل حده مرة
و بالنسبة لي أقول على شحمتين أوب وحده

..

تصدقون إني أشتقت لكم نفراً نفراً

برشا برشا بالزاف بالزاف

مير الله يسهل الأمور و يعدلها إن شاء الله

0

0

0

بنطلوـون نملهـ · 09-09-2008, 02:24 PM

كـــــــــــــــــــــــــــح كــــــــــــــــــح
احــــــــــــــــــــــــــــم احــــــــــــم
ورغ ــــم ان الــ ع ــيون اصابها التلف
والـ ع ـقل يـصرخ لآمفر .. ورغ ـــم اني مصدع ــه وصدع ــت زياده
إلآ انني لم افهم ولآ شـــــــــــــــئ بس ان الكل يقول وين الاع ـــضاء
ومشــتاقين للاع ــضاء والــ ح ــماس وين بس؟؟؟؟؟؟!!!!!

اعلانات المنتدى