اذا ما يجي مشوي على فحم الشمس والكيعان السود والملح العلامه المميزه فيه والشواب واللحية سوود والا باعتقادي ما يمشي عندنا ابد ------- يعني لي مشى هالحبيب الازمعي جنب وحده فينا والله الناس بتتمقل فيه وتهد احلى بنت 00000في بلاد الواق واق يقولون ان الجمال للبنات بس والا هذا النوع 000000ما يمشي
لأنهم يقولون الكركم يخرج السموم من الجسم (وجه جابر القحطاني)
السلام عليكم ورحمة الله وبركاتة
مبروك علينا وعليكم الستايل الجديد
ومبروك للمشرفين الجدد تكليفهم
مع تمنياتي لهم بالتوفيق في مجالهم الاشرافي
اعوذ بالله من الوساويس
اليوم جاء برنامج في العربية
يتكلم عن ألام الصدر
يقول ان علماء كندا توصلوا الى نتيجة
مفادها ان اللي يطلع الدرج
ويحس بألم في صدره لازم يروح الدكتور
اكيد عنده مشكله في الشرايين
عاد كل يوم انا اطلع الدرج ولا احس بحاجة
وعقب ماسمعت الخبر
طلعت الدرج واوجعني صدري
أعوذ بالله من ابليس
بعيداً عن هذا وذاااك
فيه قطري يقول رداً على السعوديين
اللي شبوا على القطريين في شات قناة الساحه
قد قيل من سيّر قلـط=واللي ما سيّر ما يلام
واللي يبي ياكل زلـط=ترى الزلط ماله يـدام
مفهوم الاجواد اختلـط=لكن على الدنيا السلام
الحكي في الفايت غلط=والطق في الميّت حرام
خخخخخخخخخخخخ
الله يرجـّــه
ماشي الحال
أحس بنواغيز
__________________
لو الغنايم جابها كل من غاب=ماطوّل الغيبات غير الهلايم
سافرت انا وماشي الحال ومعنا مجموعة بيت الزكرتية البريدية
سافرنا نبحث عن الربيع شمال غرب جنوب المملكة
وتركنا ديارنا وقفارنا ومنتدانا في رعاية الله
ثم في ايدي اصحابنا الامينة
وكان معنا في الزكرتية اعضاء مميزين نتّكل بعد الله عليهم
وأذكـر منهم عضوه تدعى وحيشة
تحب المنتدى وتحرص عليه في غيبتنا
ونحن في سفرنا الممتع كنا في منطقة تدعى نقرة ايوب
ونسينا المنتدى ونسينا كل شئ من شدة الوناسة
المهم كنت انا وماشي نشب النار دايم
ونسوي القهوة والشاهي والطبخ علينا بعد
امّا مجموعة عليه غسيل المواعين وغسيل الهدوم بما فيها ؟؟؟
وكان مجموعة هو حلقة الوصل بيننا وبين المنتدى
وكنا نستقبل كل يوم جمع غفير من الناس ونسولف معهم
هم يحسبون اننا فاتحين بيت الشعر من باب الكرم والمهايط
ولكن الحقيقة اننا نبحث عن اعضاء فلتات
ونختبر كل من يجلس امامنا
ومع مرور الشهور وجدنا ناس حليوين ويسدون اللزوم
وعرضنا عليهم الاشتراك في بيت الزكرتية ووافقوا ولكن بشروط
ثم قلنا لمجموعة يسجل شروطهم
لكي ندرسها في اجتماع قمة الزكرتية القادم في منطقة غزاله
وفي عصرية من العصريات كنا طالعين انا وماشي من المخيم
وراييحين للوادي اللي تحتنا نبي نقط الحملة قبل اليل
وحنا في الطريق شاف ماشي حصاه طايحه شكلها كنها ملعقة
قام يطالع في ويضحك وقلت وش فيك ؟.؟
قال والله ان هالحصاة تصلح للاستنجاء !.! والا وش رايك يالعميد
قلت الله يخسّـك
وأستدرت وأعطيتة ظهري وقطعت ورقة شجرة ورحت ورى سدرة
وهو اخذ الحصاة وحطها في الخرج وقام يمشي لآخر الوادي
علشان محد يسمع صوت احد
المهم وحنا تونا بادين في انزال الحملة
سمعنا صوت مجموعة يصيح ويقول الحقوني يالذيابة
طبعاً ماشي بعيد ماسمعه انا اللي سمعته
قمت بسرعه بعد ما استخدمت ورقة الشجرة ودفنتها
وجيت اعدي لمجموعة وقلت له وش فيك ؟.؟
قال : منتدانا (( بيت الزكرتية )) !.!
قلت وش فيه ؟.؟ قال هاجموه هاكر ودمروه
قلت خلاص رح لبيت الشعر واطرد الضيوف
واذا قالوا وش فيه قل لهم فيه اجتماع مغلق
بالفيديو كينفرينس مع شباب في رحله
راح مجموعة يعدي للمخيـــّـم ورحت انا لماشي الحال
يوم جيت قريّب منه وانا اسمع زحيره
قلت هاه لايكون الملعقه راحت
قال وش تبي وهو يضحك ؟.؟
قلت بيت الزكرتية دمروه الهكر
مادريت الا وهو طالع لي والملعقة في يدة وعليها حثاريب (وجه متلطم)
طلع لي مرتاع ويقول : وش تقول يالعميد ؟.؟
قلت حط الملعقة في الخرج ومشينا للمخيــــم
استدرت واعطيتة ظهري ومشيت
قام ماشي يطالع في الملعقة ونطلها ولحقني
يوم جينا في المخيم جلسنا قدام الكمبيوتر انا وماشي
وشغلنا الفيديو كونفرينس مع شباب وطلع لنا هو وخشتة
ماشي يبدا الحديث وش العلم يابورحله
ابورحله وعيونه غارقة من الدموع البيت راح ياعيال
قام مجموعة وقال ياعيال انا بروح اقط الحملة قبل اليل
قلنا بصوت واحد اذلف
ثم طالعت فيه وقلت له
يامجموعة قط الحملة في الوادي
مهب تروح ورى الخيمة وتخيسنا
قال طيب
رجعنا لحديثنا مع ابورحله
وكنا نتألم ونحن نسمع تفاصيل الحادث
قال ابورحله يالعميد تذكر وحيشة
قلت : ايه !.! قال راح شعرها ابيض
ويوم شافها سلف تدورج في الصاله
قال شيبتي ياوحيشة
تدري وش قالت يالعميد
العميد : وش قالت ؟.؟
قالت وحيشة ياملا ليه ماشيب=وغرس الجدود الي غدا وقت الإفلاح
ياغيبة ابن زكرت ياغيبة الذيب=شفنا النكاير والنكد عقب ماراح
مار ياراكب حمرا تجيبه تحاضيب=تجدع يديها بالخلا تقل زناح
حمرا هميمة من خيار المناجيب=أكواعها عن لمسة الزور طفاح
حمرا ليا نيشت بروس العراقيب=أسرع من الشيهان لا شاف ملواح
ركابها من عزوتي منقع الطيب=ضد الحريب إن صاح بالنزل صياح
وأربع ليالي صدق ماهي تكاذيب=تجي عند العميد كسّاب الأمداح
قل ديرتك زكرت ولوها الأجانيب=يروح عليها من الشعب كل مصلاح
جانا ضعنهم مع دبشهم جناديب=وصار الخطر منهم علينا بالأرواح
عجل علينا ياحصان الأطاليب=لك هدةً تاخذ مع الخيل مسراح
عاد يوم سمعت القصيدة وانا اطالع في ماشي الحال
واشاوره بهالبيتين
وش هقوتك مداد من نقرة أيوب=العصر مايمسي حوال الغزالة
فوق أشقرن طلق الذراعين مرعوب=أسرع من الشيهان معلف عياله
قال ماشي : لا وينك ووين الغزالة بينك وبينها ما يبيد السمينة
وانا افرك غرابة الشداد وارتكي عليها
بعد شوي صبوا القهوة ومدوا لي الفنجال
تقهو يا العميد . . . تقهو يالعميد
ما رديت عليهم
مت على مركاي من الحسرة والغبن
والسبب قصيدة وحيشة
نختني وانا مااقدر اسوي لها شي
خصوصاً وأن اللي معي ابو ملعقة
مهب فالح الا في تحويق خثقانة
على طاري الملعقة
مجموعة يوم راح يقط حملتة لقاها
طبعاً اترك الباقي عليكم
ارتجلوا على كيفكم
هو مسح بها مؤخرتة
هو طبخ عشاه فيها
انا في القصه مت وماعاد ادري وش صار
للمعلوميــــة
التخاريف المذكورة بعااليه من تخاريفي
والابيات لوحيشة المشلحية في ابن هذيل
وسلامتكم
__________________
لو الغنايم جابها كل من غاب=ماطوّل الغيبات غير الهلايم
رد: شــــات الزكرت...بصريح العباره " هنيا نودردش "
