شــــات الزكرت...بصريح العباره " هنيا نودردش " - الصفحة 680

**ياهملالي** · 06-18-2007, 02:47 PM

السلام عليكم أيها الربع والربعات والمتربعات

عندي هالأسبوع دورة بمعهد الإدارة لمدة خمسة أيام ..

<< محد سألك ..

>> عارف بس ودي أذكر لي سالفة حصلت معي ..

قدر الله علي يالربع وجلست في فترة البريك مع زميل عمل ..

وفجأة إلا ويجي ذلك الشاب ..

معنا بالدورة لكن ما أعرفه لأنه بإدارة ثانية ..

ويسلم علي وعلى خوي ..

وبالصدفة طلع يعرف خويي من فترة ..

المهم تجاذبنا أطراف السوالف ..

يمين ويسار طمرنا في النقد الكروي

بعدها عرفت إن الرجال هلالي ..

قلت فرصة يا هم هم تسولف مع هلالي وتعرف أنطباعاته وآراءه ..

قسم بالله يالربع ..

تمنيت إن الموضوع ما انفتح خلقه ..

الرجال يحب واحد هو سامي ..

ويكره شيء أسمه النصر والاتحاد ..

كره لأبعد حد ..

أختصاراً للكلام ..

قلت في خارطري وش ذا البلشه ..

لاهو راضي يفهم .. ولا يقتنع .. ولا يعرف يناقش ..

اللي يعرفه بس .. التناقض ..

وإن مافيه أحد غير الهلال ..

______________________________________

سولفت على نفسي ...

قلت يارب الوقت يذلف عشان أفتك منه ..

اليوم الثاني ..

أنفدرت بنفسي ...

على طاولة نائية << بالصحراء الأخ ؟

أول ما جلست إلا ذا البلشه معي ..

قلت قدر الله وماشاء فعل ..

ماعاد منها مفر يا هم هم ..

بس ذا المرة ..

أنبريت له ..

وكل ما حاول يعدي حجرت له ..

وإذا انفرد أنبشرت عليه ..

وأذا جنح .. صكيته كتف .. وطلعته اوت ..

وأنا وياه ..

بالأخير هدأ الرجل شوي ..

وبعد التحجيرات .. قل اندفاعه ..

وبلع عصيره اللي معه ..

وقبل أخلص فطوري .. سألته ..

لكم أمل في كأس آسيا ؟

قال على حسب أعضاء الشرف ..

قلت مش خشمك ..

خلصت فطوري ..

توصي شيء يالحبيب ؟

يالله سلام عليكم ..

____________________________

اليوم الثالث ..

أبشركم جاء متأخر ..

وما قابلته كثير ..

واستنتجت من هالموقف خلاصه ..

إن أغلب جماهير الهلال .. الله بالخير ..

والسبب إعلامهم اللي أعماهم

_______________________________________

أبو عميد يا واحشنا وش أخبارك ..

خراشه · 06-18-2007, 04:25 PM

عــــــــــــــــطـــــــــــــــــــلــــــــــــ ت

باركولي وادعوا لي بالنتيجه الزينه تراي جايبه العيد في الفقه والتوحيد

ادعوا لي النتيجه الاثنين الجاي

وااااااااااااااااااااااااااااااااااااااااااااااااا ااااااااااااااااااااااااااااااااااااااو

اخير خلصت وافتكييييت

**ماشي الحال** · 06-19-2007, 11:34 AM

^
^

مبروك الفكه وعقبال النجاح

اقتباس:

بعد ذلك توجه خادم الحرمين الشريفين الملك عبدالله بن عبدالعزيز وجلالة الملك خوان كارلوس إلى داخل قصر الباردو مقر إقامة خادم الحرمين الشريفين حيث منح جلالة الملك خوان كارلوس ملك أسبانيا خادم الحرمين الشريفين الملك عبدالله بن عبدالعزيز آل سعود وسام توازون دي أورو (الجلامة الذهبية) وهو أعلى وسام في أسبانيا ولم يسبق منحه من قبل سوى لـ 12 شخصية يحملونه حاليا.

ماعندي كلام اقوله أكثر من كذا >> قامط

بس 12 شخصيه ؟

وحنا نوزع الجلامه على كل من هب ودب

مصدر الخبر :

كل الجرايد ( وجه مروان خوري )

**عميد الزكرتية** · 06-19-2007, 01:37 PM

خرجت من غرفتي ذات مرة

الى البلكونة المطله على الحديقة

ووجدت مالم يجده احدن من قبلي

وجدت عصفوره ذارقه على الجدار

فقلت ويحك ايتها العصفورة

لماذا ذرقتي في بلكونتي النظيفه ؟.؟

فقالت العصفورة : من حبك ذرق في بلكونتك

فقلت اذهبي الى غرفة السواق واذرقي على راحتك

فمن شاف غرفة السواق ذرق فيها

محشومين يالربع تراني امزح معكم

ماشي الحال

انا سوف اقلدك وسام الجلامه الذهبيه

وسوف اقلد سلف خمسه وسام الجلامه الفضيه

وانتم البسوني وسام الوسامه

ااااااااااااقصد وسام الجلامه البرونزيه

ياهملالي

مساك الله بالخير طال عمرك (وجه يقول لغرشة حررررررة)

من ناحية معهد الادارة

ذكرتني بدورة اخذتها

في عصراً مضى لي احيا به النوم على كوعي << كـوّعهـا بس

تعرفت في ذا الدورة على مدراء ادارات وقطاعات حكوميه كثيرة

وكنا نفطر مع بعض

وبعد الفطور ياخذون مني دخان

هم يعسلون كلهم وانا الوحيد اللي ادخن وياخذون مني على زقارة زقارتين لكل واحد

يعني اشتريلهم بكت في كل صباح

وبعد التخرج اخذنا جوالات بعض وتفرقنا

ودارت الايام وصار لي معامله في احد القطاعات الحكوميه اللي واحد منهم مديرها

وكلمتة جوال وقعدت اسولف معه

وعلمته عن معاملتي

وقال خير ان شاء الله ابرد لك خبر

وبعدها ادق عليه ماعاد يرد

وادق وادق وادق لين قفلت معي

وارسلت له الرساله هذي " ياخسارة البكتات اللي دخنتها يالسلوقي "

والمضحك انه ارسل لي رساله يقول فيها " السلوقي انت "

والمضحك اكثر انه هلالي

امــــزح

والله مادري وش يشجع

ماااار ذكرتني بالقوووصه ياهم هم

شقرديه وغرشة

ابعدوا عن الدرايش

لين نركب لكم الدرايش الل تنفتح على فوق

هذي ماتسكر على حاجة البته البته

يقولون مسكوا بيـــش في قاعة الامتحانات

خاشّه براشيم في شباصاتها

خراشة

لوووووووووووووووووووووووول

**بيـــــــــش** · 06-19-2007, 04:09 PM

سلام كثر أوراق الكتب المشققه بالشارع

يمين يمين

يسار يسار

فووووووق

تحت تحت ورا ورا ياسلااا ياسلاااا

<< هذا العضو طايره بوهته مابعد استوعب السالفه

والدليل اللون

<< هذا العضو لاأحد يكلمه يبي يرجع للصفحات الورّانية ليعلم وش السالفه

maiaz · 06-20-2007, 09:14 AM

صباح الخير

والاحساس

والطيبه

صباح مايليق

الا باعضاء

المنتدى

مثل شعبي موروث " يوم الربوع

تزين الطبوع " والله انها زاينه

وفل الفل ويا زين الرواقه في

الصباح الباكر تصدقون عاد

من الرواقه قعدت اسولف على

واحد بالدوام والرجال ينعس

واسولف عليه عن المدينه المنوره

والراحه النفسيه اللي تحسها هناك

الشاهد اني قلت ابلحق ادخل المنتدى

وانا رايق قبل لا يجي واحد على بالي

ويخرب مودي وتصير سواليف

والامنه خرب مودي ادخل المنتدى

ولا اكتب

ابوعميد

شلونك وش علومك

ابومحمد " رافت "
شلونه محمد

الله يحفظه صار يلعب كوره

هذا ما يدور بخاطري

حتى الساعه

Have a nice week end

**شيختهم** · 06-23-2007, 01:04 AM

مباديء الاساليب الكمية -2- | C |

تخيلتوا

بعد عناء وشقاء ومشاهق ومناشق عتقني لوجه الله

مابعد صدقت << انرحم

زلقت وانا اركض عشان انزل ابشرهم

وتخبطت لين قلت بس في الدرج والجدار وكل شي تتوقعونه

بس على قولة اخوي خلي يبقى لفرحتس آثار

<< فطين بسم الله عليه

والله يوم ارتحت منه معد همتني المواد الثانيه

بس ولو ابي انجح في الباقي

**شباب في رحله** · 06-23-2007, 03:39 AM

^
^
^
حيه انتي ولا ميته

من وين طلعتي

الف مبروك النجاح

<<< خم السالفه

حياتس الله وولكم باك

اقتباس:

أكبر تواجد بالمنتدى كان : 484 بتاريخ 04-29-2006 الساعة 02:44 PM
‏شباب في رحله, ‏لاحد يعكرف لي, ‏ميلاني هلالي, ‏بدوي دوت كوم*, ‏د جـ هـ 666, ‏دلوعة البيت, ‏شنكوتي, ‏هجير

^
^
^
^
مش مصدء عينيا

من وين طلعت انت؟

ياحياتي انت قسم بالله

احلى تحيه لدجه بغيابو (وجه السواس)

**شوشو .. وبس** · 06-23-2007, 07:10 AM

صبــــــــــــــــــــــاح الخير

نداااااااااااااااااااااااء الى كل الاخوات و الاخوه المتواجدين

الي يلقى عنده الوقت الكافي للسوالف

حياه الله

<<< الاخت طفشانه

**عميد الزكرتية** · 06-23-2007, 02:15 PM

السلام عليكم

كيف اصبحتوا جميعاً

:: المواثيق والعهود ::

في ما مضى كانت كلمة الرجل

تعتبر عهد وميثاق عليه من غير حلفان

امّأ اليوم صارت كلمة الرجل مثل كلمة الورع

يقول كلمته ويغيرها عشر مرات وهي مامر عليها ساعه

واصبح الجحد عادة طبيعيه لدى الانسان

والكذب ملزم به في حياته

ولكن هل الظروف

هي التي اجبرت الانسان على الكذب

المعروف شرعاً ان الكذب محمود في ثلاث مواقع

في حالة اصلاح ذات البين

يعني لو ابورحله متهاوش مع ماشي الحال

واجي انا عند ابورحله واقول

ماشي يسلم عليك

ويقول انه متأسف وياليت ترجع العلاقه بينك انت وياه

والحقيقه اني كذبت

ماشي ماقال هالكلام

واروح لماشي واقول

ابورحله يسلم عليك ويقول ياليت ترجع الميّه لمجاريها

وهنا ايضاً كذبت

لان ابورحله ماقال هالكلام

ولكن قصدي من كذبتي الاصلاح بينهما

يقال الكذب في هذا الموطن مشروع وجائز

في حالة الحرب

لأن الحرب خدعه فيجوز للواحد ان يكذب

الحالة الاخيرة الكذب على الزوجة

النقطه هذي بالذات اترك تحليلها للاخوان في الاستديو

نرجع لصلب موضوعنا

الكذب وش اللي حادك عليه

عندنا اثنين قدموا طلب اجازة كلهم بمقصد الراحة

لكن الاول كتب في خانة سبب طلب الاجازة ظروف عائلية

والثاني كتب الراحة والاستجمام

عطوا الاول اجازة والثاني رفضوا اجازته

وحلف الثاني انه ماعاد يصدق

موقف ثاني

اثنين تأخروا عن الدوام بسبب النوم

يوم حظروا عند المدير

الاول كذب وقال بنشر علي كفر السيارة

والثاني صدق وقال راحت علي نومه

مع انهم الاثنين عيونهم مغمصه

قام المدير وحسم على الصادق يوم كامل واعفى الكذاب

في الحقيقة يا اخوان

ان الكذب مسؤلية الجميع <<

فيه واحد من العيال راح امريكا

طبعاً في البدايه لعب لعبته وكان يمشي اموره بالكذب

يستخدم نفس الاسلوب مع رؤساءه الاجانب

اللي كان يستخدمه مع رؤساءه في السعوديه

اذا راحت عليه نومه

يكلم مديره ويقول انا مريض

لكن ماقد قال له مديره جب مايثبت انك مريض

بالعكس كان يرسله باقة ورد

لين استحى خوينا وقال في نفسه والله ماعاد اكذب

لو يصيدني فشيله

قبل مايعقل ويترك الكذب

كان له مواقف مضحكة في امريكا

يقول كنت اتصل على شركة الاتصالات

واطلب خط هاتف كل شهر بأسم مهب اسمي

ولا اسدده لين يفصلونه

واذا فصلوه طلبت خط ثاني باسم ثاني وعلى هالمسحوب

وكل مرة يقعدون يسألونه عن بياناته وهو يجاوب بالكذب

وفي مرة يقول من كثر ماكذبت

خلصت الاسامي اللي استخدمتها

وسألوني عن اسمي وقلت اسمي يلعن ابوك

ويحلف ان جته الفاتورة بأسم يلعن ابوك << بالانقليزي طبعاً

زي كذا مثلاًَ yal3n abook

الوكاد ان الاجانب اخذوا مميزات الاسلام

وتصرفوا بها احسن من المسلمين

الحين عرفت ليش وصل الاسلام في عهد الصحابه

الى مشارق الارض ومغاربها

لانهم كانوا يتعاملون بالشريعه الاسلاميه

ويتّسمون بفضائل الاسلام الحميدة

وحنا نقول الكفر بنشر ويلعن ابوك

:: رسائل متفرقه ::

ميـّـــاز

وش لونك

عساك بخير

وعسى مودك اليوم طيب

ياهملالي

قطعت جلدة الورع والا لهالحين

اقصد طهرته << وجه مايستحي

وحبيت ابشرك

ان زحمة الرياض زحفت عندنا

الى جميــــع الاعضاء الغايبين منذ مده

عسى المانع خير

واربكم اعرستوا

الى جميـــــع الاعضاء اللي مايشاركون وهم موجودين

ابكيــــــــكم

ابو لالا

اشكرك من كل قلبي

على مجهوداتك فالقروب

انا متأكد انك رجعت للقروب

لاني اشوف الزوار 200 في عيون اللي مايتسموش

وبعدين لاتضحك علينا

وتدخل بأسم مجموعة بيت الزكرتية البريدية

وتكتب

اقتباس:

نجى بأعجوبه وغير سذا بعد التحطم

سذا محد يكتبها غيرك

(وجه مكافحة التزييف والتزوير )

maiaz · 06-23-2007, 06:41 PM

عمتم مسائن

ابو عميد

بخير جعلك بخير

تسال عن المود خله على ربك

اتوافق انا وانت ان ما اطول من

الدعيع الا يوم السبت

ولا اغث من

الخثران الا يوم السبت

لكن يالله السلامه

بالمناسبه على ما ذكرت سبحان

الله صار لي موقف مع مديري اليوم

كنك معي والله و عمدني بشي

ويوم جاء الصز فكني على وجهي

ويوم قلت له انت قلتي كذا وكذا

قال لا ماصار انا يوم اقول شيء

بالشغل اكتبه خطاب رسمي

قلت ايه هين والله اللي ماعاد

اصدقك لو تقول لي كيف حالك

ابا اقول عطني خطاب رسمي

واقولك الحمد لله

يا هملالي _

دخلت رافت الروضه ؟

هذا كل مالدي حتى الساعه

افوتكم بعافيه

اعلانات المنتدى