شــــات الزكرت...بصريح العباره " هنيا نودردش " - الصفحة 674

شـٍـٍـوٍوٍقٍ · 06-02-2007, 12:14 PM

وٍآلزٍآيرٍين آللي كآنوٍ يسجلوٍن وٍنآموٍ رٍجعوٍ بس ترٍآ سحبت القصيد وٍآلهديه خلاص بطلنآ معآد في شآهي

شـٍـٍـوٍوٍقٍ · 06-02-2007, 12:18 PM

عميد<< بآقي يسنع رٍد وٍلآيبي ينآضرٍ وٍيرٍوٍح
ترٍآ يآوٍيلك لوٍتطس وٍمآترٍد

شـٍـٍـوٍوٍقٍ · 06-02-2007, 12:19 PM

آبي عصيرٍ

شـٍـٍـوٍوٍقٍ · 06-02-2007, 12:22 PM

وٍيآي بآتيه(_خبزٍ جآهزٍ بجبن_)
منوٍ عنده عصيرٍ يسوٍي وٍيآي تبآدل

**شباب في رحله** · 06-02-2007, 12:35 PM

^
^
^
^
ليييييييش زعلانه ياشوق؟

شكلتس متضايقه؟

[ عطوها جوها ياعيال ]

البارح صار شي غريب جداًًً ً << لاحظوا تدبيلة التنوين

الزبده

واحد مبطي عنه

لدرجه حسيت انه زعلان علي او شي من هذا القبيل

ويوم انهزم الهلال ارسل لي رساله يتشمت

ياخي ياليت الهلال ينهزم دايم دامك بترسل رساله( وجه العميد)

عاد المشكله مو ذنبي اذا انا متعود على الذهب

مشان هيك يكون فقدانه شي مرير بعكس غيرنا

اللي تعود على الهروب من المناطق الخطره

الزبده الف مبروك للاتحاد وراحت للي يستاهلها

اما بالنسبه لتوقيع يابو عمد

هذاني غيرته

اشوااااااااااا انك ذكرتني البارح

ولا كان بنسى

لكن لايزال ابو عبدالله هو الرابط المشترك في التوقيع

احبه ولا ادري وش اسوي

ياجماعه من يخبر لي بلااط ٌ <<< مدري وين مكان الشده حطو الشده في اي مكان

مالت على امهم

مايبون يشتغلون

يقول بيت كامل ولا ماراح نشتغل

طيب يابن اللذينا

انت بتشتغل بلاش
بدراهم جعل ام العفن تردم رقبتك

ولازالت رحلة البحث عن بلاط مستمره

بنجاب
رفيق
صديق
كبيان
بيساب
باري

اي شي دخيل الله واحدن بس يسنع حمامنا(وجه يقول الله يعزكم)

**عميد الزكرتية** · 06-02-2007, 12:56 PM

:: انا لله وانا اليه راجعون ::

تنعي عائلة ابو خمسين فقيدها ابوستين

واللي له حقوق ويطالب ابوستين بشي

يراجعنا باوراق ثبوتية تثبت حقه في المطالبه

وذلك لمدة خمس طعش يوم من الاعلان

:: تعليق ::

طيب واذا فيه واحد يطالب ابوستين بشي

ومادرى عن ابوستين انه مات الا بعد شهر

وش يسوي !!!

تجحدونه

من جد يقهرون اللي يحددون موعد المطالبه

لو بعد مية سنة وجاك احد يطالبك بحق له على واحد من جدانك متوفي

بتقول له توكل على الله

راح خمس طعش يوم على الاعلان

والا بتتأكد وتسدد الدين اللي على الميت

السلاااااام عليكم

وصبحكم الله بالخير

هاردلك للهلاليين

بتجي السنة الجايه وحنا نقول لكم هاردلك

ياهملالي

صبحك الله بالخير

وش لونك طال عمرك

وش رايك في هالقصيدة

للمعلومية رضوان هجرة تقع حول الطايف

تعالوا

على طاري الطايف

سمعت ان الامير خالد الفيصل

بينقل امارة المنطقة الغربية الى مدينة الطايف بدال مكة المكرمة

انتم سمعتوا شي

**شقرديه** · 06-02-2007, 01:24 PM

^
^
عمدمد خل عندك روح رياضية

واحذف ردك خلني أرد بدالك

عاجبني رقم مشاركتك

يالظهر ماطولك>>على وزن ياليل ماطولك

تخيلوا أمس ماقيلت والليلة اللي قبلها مانمت زين

والبارح ماطب عيني النوم كود الساعة ثلاث ونص

وصحيت للدوام الساعة خمس الا ربع

وكرف في الدوام من الساعة ثمان الى الساعة ثنعش وانا واقفة على رجل

وأمني نفسي أني بلاقي غرفتي جليد كني في الاسكيمو

على اساس ان بابا بيصلحه لي الصبح

واتفاجأ بان مكان المكيف فرجة

واسأل عنه قال أبوي مابعد وديته

دبري نفستس في أي حته

يعني وين اروح انام في السطح مثلا

لكن الشكوى لله مالنا الاّ الله ثم غرفتي اختي

الله يعيني على هواشها >>ماغير قلت لها لوسمحتي لاتتحركين واجد وعطيني أكبر مساحة والعبي في شعري لحد ما أنام

يالله برب غرفة أختي تناديني>>وجه مطرش العافية موب تافلها>>الله يحوم تسبدتس

**عميد الزكرتية** · 06-02-2007, 02:01 PM

اقتباس:

المشاركة الأصلية كتبت بواسطة ابورحله

^
^

تفداك ستين بطوله يابو عبدالله

يقولون البدو في مثل هذه الحالات :

تبرّدي بالحرّ يامطلقة

على فكرة يابورحله

الكورة في ملعبك

دقيت عليك بقولك حاجتين

الاولى : انا يوم ارسلت لك رسالة لاني ما اعرف هلاليين غيرك

كل اصحابي نصراويين

وارسلتلهم ابارك لهم بهزيمتكم

الحاجة الثانيه : حبيت اقولك اني ما اعرف بلاطين في الدمام

بس ان كان تبي بلاّطين من الاحساء

عندنا نجم

وبعدين الشدة اذا تبي تعرف وين مكانها

بعيداً عن الحركات النص كم

مكان الشدة دائماً

عندما يلتصق لسانك في جماك اثناء نطق الكلمة

ووقف

واعرف انه هنا مكان الشدة

وش رايك !!

اصلح مدرس لغة عربيه

شقردية

المحل محلتس وانا اخوتس

تبين رقم المشاركة مايغلى عليتس

بس ردي مانيب حاذفه

اخاف يقولون اني كمخة وانتس ضحكتي علي

برب

برب

برب

برب

بس مهب الحين بكرة

**ياهملالي** · 06-02-2007, 02:35 PM

اقتباس:

وانتم هذي سوالفكم انت واياه

شلونك يا العميد ؟
بخير جملك الله حالك يا يا هملالي

وعقب ؟؟

خلكم مفيدين لوطنكم

^
الكلام ذا حق غرشة فنتو ..

طيب مدام غرشة أسمعي الكلام اللي يعجبك وأنتي وبنيات جنسك ..

عزيزتي البنت المقبلة على الزواج ..

كم هي كثيرة الأحلام التي تروادك ييومياً ..

في عريس المستقبل وشريك الحياة وحلم العمر ..

كم تحلمين كثيراً بأن أيامك ستكون وروداً جميلة ..

تنامين على وردة وتصحين على زهرة ..

تأكلين فروالة .. وتشربين منقا ..

تتلحفين بالحرير .. وتتوسدين ذراع رجلك .. << أحلى وسادة

لكن .. عزيزتي البنوته ..

كل ذلك ليس صعباً .. ولكن هناك أمور يجب ان تأخذيها بعين الأعتبار ..

حتى لا تفرطي بزوجك .. ويصبح فروالة في فمك ومنقا في ريقا ..

<< وش ذا الحكي ياهملالي ..

>> ما عرفت روحي بذا الحكي ..

رجعنا لكم ..

عزيزتي البنوته ..

زوجك يحتاج .. للرعاية والاهتمام ..

زوجك يحتاج إلى اللطف .. والقول الحسن ..

زوجك يحتاج إلى الاحترام والتقدير ..

زوجك يحتاج إلى الميانة المتبادلة لأقصى حد ..

زوجك يحتاج إلى معرفة ما يدور بذهنه .. قبل أن يقول لك .. (( للزوجة الذهينة ))

وقبل ذلك كله ..

وأهم من ذلك كله ..

هو أختيارك لزوجك قبل الزوج ..

كيف ذلك يا هملالي .

عزيزتي البنوته ..

عندما يأتيك خاطب ..

سيسألك أبوك أو أخوك عن رأيك ؟

أهم شيء تأخذينه بأعتبارك ..

سؤالك عن أخلاق الزوج .. وحسن معاملته وتعامله مع الآخرين ..

كيف يتم ذلك ؟

عن طريق ولي أمرك طبعاً ..

التأني في عملية الموافقة .. أمر في غاية الأهمية ..

عزيزتي البنوته .. إن حسن أختيارك لزوجك ..

وأيضاً حسن أختياره لكي ..

بإذن الله تعالى يضمن لكما :

حياة حلوة .. وسعيدة .. وجميلة .. وهانئة .. أيضاً ..

الأمر ليس بالصعوبة بمكان ..

كل ذلك يتطلب شوية تفكير وتأني ..

ولاتقولي ياحظي جاني خطيب .. بوافق له ..

بعد ذلك تسير الأمور بشكل طبيعي ..

وتأخذ الأمور مسكلها الطبيعي بين الزوجين ..

بكل ودٍ وأحترامٍ وتقدير ..

والآن عزيزتي البنوته اتمنى لكِ حياةً سعيدة ..

__________________________________

وقفت حوالي نص ساعة بين الردين بسبب تلفون ..

_______________________________

أبو عميد مساك الله بالخير طال عمرك << لحد يزعل

القصيدة والله وراها علوم سياسية ..

مهيب علوم صيف وبراد ..

الله يكفينا شر نجاد .. اللي من جا وهو يطامر ويتحدى أمريكا ..

وإن صدق ظني فهو ذنب أمريكي ..

بس جالس يموه علينا ..

لعنبوا من سعى في خراب البلد ..

تصدق يا عميد ..

كنت أتصفح لي مجلة ألمانية قبل خمس سنين ..

ولفت أنتباهي فيها صورة أربعة ألمان مسوين أحتجاج على زيارة بوش لألمانيا ..

وش سووا ؟

مفصخين سراوليهم وكاتبين على أذنابهم :

BUSH

كل حرف على واحد ..

والله ياني مت ضحك عليهم ..

طبعا الصورة تم نزعها وإجازة المطبوعة بعد ذلك ..

<< على أساس مراقب مطبوعات من زمان ..

والآن مع السلامة ..

يالربع دعواتكم لي بالتيسير ..

**شباب في رحله** · 06-02-2007, 05:23 PM

اقتباس:

يقولون البدو في مثل هذه الحالات :

تبرّدي بالحرّ يامطلقة

الحمدلله

الظاهر اعداك خويك ياليل امك للي

زرار طقطق · 06-02-2007, 07:06 PM

سلام علاكم

اعضاء فريق الزكرتيه الله لا يمسيكم

الا بالخير قراء وكتاب الشات !!

هملالي , عميدوه , شقرديه , ابورحله

ورا ما تحفضون السطور هذي وتكتبون

موضوع كبر راس الجحش في حدى

هالاقسام ؟؟

ابورحله نظراً لعدم تمكنك من الحصول

على مبلط فاني على استعداد تام

بتبليط دورة الحمام .

الا صدز فيه مصري اكبر مافيه علباه

فالثقبه يشتغل مبلط سباك كهربائي

يعني بالعربي كلش اذا بدك اياه ئولي

.............

هل تعلم

ان الحشرة المعروفة باسم اليعسوب

تستطيع التقاط فريستها بتشكيل

أرجلها ، وضمهم على شكل سله <--- ابو مانع تعرفها ؟
...............

هل تعلم

أن التفاح وليس الكافين هو المنبه

الأقوى لمساعدة الانسان على

الشعور بالنشاط والحيوية في الصباح
..................

هملالي عمت مساء

هملالي نسيت تضيف للستات اللي يبن الزواج

انها لازم تكون معلمه فالكبسه نمبر ون

و نمبر تو انها لازم تعرف تلعب كوره فالبلي

ستيشن <--- اسباب العولمه

اذا كانت تعرف مندي هذي مثل السياره

الفل اوبشن يعني مكيف جلد وفتحة سقف

مجرد مشاركة جوعان.

اعلانات المنتدى