شــــات الزكرت...بصريح العباره " هنيا نودردش " - الصفحة 667

maiaz · 05-13-2007, 07:13 PM

.
.
.
.
.
.
.
باك

وش لنا بذي الصفحه 666 المفروض انها للستات

لكن نعوضهم ب 1111 ياخذون قد ماخذنا

...... زودتها

مساكم عسل

المنهبل · 05-13-2007, 07:57 PM

ألوو .. ألوو ..

هل تسمعونن ؟؟ طيب أنا منب أوحيكم !!

ممكن أهنّي ؟؟ أهني خالتي على المولود الجديد .. وأهني بنت خال عم أبو جد أبوي .. على الزواج !!

اممممممم .. وشلونكم ؟؟

<< طيب وراك تنااقز !!

<< خلك مثل هذا ..

ايه صح .. أقول ما تلاحظون اننا نعيش فتـرة حر غير طبيعية .. !

موب معقولة الواحد يسبح باليوم مرتين !!

زرار طقطق · 05-13-2007, 09:15 PM

سلام علاكم

لاوالله الجو على كيف كيفك لدرجة اني البارح قالبها شوي

بعدين سبشل اهداء يحتوي على موسيقى بمناسبة اهدائاتك

[عفواً يمكن مشاهدة الروابط للمسجلين فقط للتسجيل اضغط هنا]

اهداء لجميع زكرتي

**ياهملالي** · 05-14-2007, 10:23 AM

اقتباس:

الانطباع الاول .

تفسيره هو ان العقل الباطن يحتفظ بالكم الكبير من المعلومات والمواقف متوافقه مع

الاحداث والاحداثيات وحالما يحفظ حدث باحداثيه محدده على ظرف محدد

وبعد مرور فتره من الزمن تمر باحداها فان العقل الباطن يسترجع هذه المعلومات .

يا لبى قلبي ..

أجل هذا هو العقل الباطن اللي يقولون عنه ..

دايم تصير معي ..

وأقول أنا غير عن الناس ..

مواقفي دايم غريبة ..

أحس كأنها مرت علي من قبل ..

أثر ما عندي سالفة ..

والله سالفته سالفه العقل الباطن ..

بس بصراحة ..

يونس الواحد ويخليه يعيش جو برهه من الزمن ..

عمتم صباحاً أيها الشعب الزكرتي ..

برايفت ابو عميد ..

وش أخبارك طال عمرك ..

خراشه · 05-14-2007, 07:10 PM

مساااااااااااااع الخير

اشتقت لكم تصدقون

يعين الصراااااااااااااحه كنت في حاله فراغ حتى لو كنت مشغوله بمليون شغله<<< حدك مذاكر ونت وتلفزيون واذا مره انجاز كلمتي بالتلفون

المهم انتم اخبارك احسكم مغبرييين ولغير الناطقين بهذة اللهجه تعني قديمين

والصراحه يعني انا اكره الانجليزي وودي اقتل مدرسته <<< وش دخل هذا بالموضوع

**عميد الزكرتية** · 05-15-2007, 02:27 PM

السلااااام عليكم

ارررحبوا كلكم

وش لونك ياهملالي

اسعدت صباحاً طال عمرك

انا بخير جعلك بخير

انت كيف حالك وكيف حال افري ثنق عندك

اقتباس:

المشاركة الأصلية كتبت بواسطة الست فريال فراويلة

ياساتر الاسبوع الجاي بحتفل بسنه كامله من توظفت

حسيت اني عجزت

هابي وورك اير

يعني سنة عمل سعيدة

ومن ناحية الشيخ اوخه

عليتس بماء الورد الطبيعي تراه مفيد جداً للبشرة

برديه في ثلاجة عشرة قدم

نفس مقاس خويتس اللي تطامر وتناقز قدام الناس

واذا برد صبيه في غرشة بخاخ مهب غرشة فينتو غرشة بخاخ عاديه

ومع كل صباح بخي على وجهتس لين يتبلل

ومع كل ظهر بخي على وجهتس لين يتبلل

ومع كل عصر بخي على وجهتس لين يتبلل

ومع كل ليل بخي على وجهتس لين يتبلل

ومع كل بخه خليه لين ينشف من حاله

ومع كل لين ينشف من حاله << جازت له السالفه

واذا ماتغير شي تأكدي ان ماء الورد اللي عندتس مهب طبيعي ميه بالميه

واذا مالقيتي ماء ورد طبيعي ميه بالميه

علميني وانا احط رقم الحواج اللي اشتري من عنده

الرد اعلاه مهب من عند عميد الزكرتية

هذا رد شقردية ام الحوايج

تراها وصتني بالايحاء

ارد نيابةً عنها على تساؤلات فريال فراويلة

معلومة جديدة عن المسيحيين

هي جديدة عندي ويمكن قديمة عندكم

تسمعون المسيحيين دايم يقولون هالجملة

((الأب الإبن الروح القدس))

تدرون وش طلعت او بمعنى اصح متى تنقال ومثل ويش عندنا

تنقال في بداية خطبهم في الكنايس

وهي مثل

((بسم الله الرحمن الرحيم))

عندنا نحن المسلمون مع فارق التشبيه

والعزة لله ولرسولة والمسلمون

ايها الناس

<< مسكة على الخطبة

تصدقون عاد انها امنية عندي

اني اوقف قدام الناس واقول ايها الناس

ودي يوم اصعد إلى المنبر

واوقف في اعلى نقطة

واطالع في الناس تحتي

وهم متجمهرين وينتظرون مني كلمة

واوقف ربع ساعة ما انبس ببنت شفة

بس احدق فيهم وهم يحدقون في

وكل مابدوا يتهامسون اطالع فيهم

لين تصير همساتهم اصوات عالية

ثم اقول : ايها الناس

ويسكتون ويعتريهم الصمت

وانا اسكت واقوم احدق فيهم مرة ثانية وهم يحدقون في

واذا بدوا يهمسون وتحول همسهم الى ضجيج

اقول : ايها الناس

ويسكتون ويعتريهم الصمت

وانا اسكت واقوم احدق فيهم مرة ثالثة وهم يحدقون في

حتى يخرج من بينهم رجلٌ شجاع ويقول : ايها الناس انه زلابه هيا بنا

ويتبعونه الناس

وانا انزل من على المنبر واروح بيتنا

**ياهملالي** · 05-16-2007, 10:30 AM

^

باقي لك عمامة وبردة ..

أنا بخير جعلك بخير ..

اليوم الجو عندنا بالرياض .. ولا في لندن

ماشاء الله تبارك الله

عصر الربوع وليلته تشغل البال &&& والسبب طفله تسمى العنود

هذا البيت هو مطلع قصيدة لأحد الآباء قالها في ابنته الصغيرة ..

وتعود الأسباب أو مناسبة القصيدة ..

إلى أن هذه الطفلة عندما كان عمرها سنتان تقريباً ..

أبتعلت دواءً للأب .. فحدث لها ألم شديد ..

لدرجة أستوجبت معها دخولها العناية المركزة بالمستشفى ..

وبعد مرور أيام .. عدت مرحلة الخطر .. ثم تماثلت للشفاء بعد ذلك ولله الحمد ..

فكانت هذه الحادثة مناسبة لولادة القصيدة ..

وشكراً للمتابعة ..

والآن مع السلامة ’’’

**عميد الزكرتية** · 05-20-2007, 12:01 PM

^
^

اقتباس:

أبتعلت دواءً للأب .. فحدث لها ألم شديد

ابتعلت يعني ابتلعت . . . صح

قل صح

طيب

متى حدث لها الم شديد

المفروض تقول اصابها الم شديد في البطن

وليس حدث لها !!!

حدث في مثل هذا اليوم

عصر الربوع والناس هجوع (وجه السواط)

ان الابنة العنود ابتعلت دواء احد الاباء

ياهملالي

ماكبث يسلم عليك

:: وقفـــة ومحـــراف ::

ماعاد وراهم شي

صدق ماعاد وراكم شي

ولااااااااا قطرة

المــعــــازيب

نشكركم على جهودكم

اعضاء مسكتين

انتم في قلوووبنا

إداريــيــن

فديــــــتــكم

الاعضاء

بوركتـــم و إلى الامـــام

^
^
^

هذا اللي اذكره من ردي السابق

والباقي ما اذكره

وحسبي الله على الهاكرز

وللمرة المليون اقوووول

لن اكتب الا في تكست واستعجل واكتب في الرد السريع

ويطير مثل ماطار امس

،،
،،

كيف اصبحتوا

**ياهملالي** · 05-20-2007, 02:41 PM

^
^

الله لا يبارك فيهم قل آمين ..

أجل الهكر حاسوا العالم وطيروا المواضيع والردود ..

أمس ماكبث ينصب عليك يا بوعميد ..

وتراه محرج في ابن قاسم في وول ستريت

^
^

هذا اللي أذكره من ردي امس

ما تهقا ان ماكبث هو اللي حاول يعتدي على الموقع ؟

أجل تمسك علي أخطاء يا ماشي ؟

طيب تعال شوف :

اقتباس:

لأن الموضوع طار لاسباب فنية

ونحن حارصين على موضوعك

وعلى انه يكون موجود عندنا

ودمتم بكل ود

حارصين تعني حريصين

وحده بوحده << ورعان حارتنا

ياخي امس كتبت ردين طويلين ..

بس مالله أراد أنها تجلس هنا ..

يالله خيره ..

عمت ماساء يابوعميد ..

شلونك طال عمرك ..

وش علوم النهر اللي في حارتكم ..

زرار طقطق · 05-20-2007, 08:50 PM

السلام عليكم

اقسم بالله انكم فاصلين

نعنبو بليسكم صفحه كامله كلها رد لا ومن زبن

وجيهكم يجي الاول وينصب والثاني راز وجهه ويصدق

لو اني مانيب من المنتدى قلت هالخبول كل واحد ينصب

على الثاني ويصدقون وحمدت ربي وقلت الله يشفيهم

وطلعت كضيف شرف.

طيب اقولكم سالفه ؟( هملالي خشمك )

هاك السنه يعني مبطي الموهم توفى الله يرحمه ورحنا نعزي

ابوتركي كان رجال طيب ابوتركي الموهم شوي الا دق تلفون واحد

من العيال والله مدري منهو الا يقول يمين يسار ثالث لفه تعدها بعدين

جنب البقاله لف يسار شوي الا اللي جاي مشخص تقول جاي عرس

مهوب جاي عزا ويسولف الرجال صراحه شكله زكرت لــــكن سألت

هذا منهو قالو يهملالي قلت عزالله ياهملالي لانه كان ذيك الايام

اشوفه داخل على موضوع اطلع وبسكات لانه كان اقشر كل محل

يتهاوش ويحتج يعني صراحه اشوف اسمه ادري ان جالس يحتج

ماودي اكمل ياهملالي خشمك خشمك والله شكل بتزعل علي وانا

ماقوى زعلك. يقولون من حبك سبك مدري من سبك حبك هي وحده

من الثنتين لكن علومك يا ولد <--- تحس يبي يصرف ومايدري وش يقول

**ياهملالي** · 05-21-2007, 12:47 PM

السلام عليكم

^
^

مرحبا يامراسلنا في أمريكا

تدري وش نسمي امريكا يوم كنا صغار ؟

أمريكيا << الله من الحماس .

ياخي أنت صادق ولا مشبه علي في سالفتك اللي فوق ..

أنا أذكر إني قابلتك عند ابو تركي ..

إذا مانيب ناسي .. فأنت اللي كنت بالزاوية على اليسار ..

جنبك صحن فصفص .. وبيالة شاهي ..

بس المناسبة تختلف عن اللي ذكرتها ..

عموماً ..

ما علينا يابو طقطق ما علينا ..

بعدين لا تلومنا في سوالفنا ..

مالقينا شيء غيرها .. أو بالأحرى ..

هي المناسبة في هالوقت بالذات ..

لأن المزاج موب رايق لـ سوالف ونقاشات جادة ..

عشان كذا خلينا الدعوة عامة للجميع

شد حيلك يابوطقطق .. وأرجع لنا مرفوع الرأس عالي الهامة ..

الا بسألك أنتم في امريكا .. تشوفون مباريات المربع الذهبي ؟

إذا كانت الإجابة بلا فالوجه بالوجه أبيضاني ..

وإذا كانت بنعم فماذا تتوقع لمباراة الوحدة مع الاتحاد ..

بعدين ابو طقطق وش رأيك في الأهلي ؟

والآن مع السلامة ’’’

زرار طقطق · 05-21-2007, 02:08 PM

السلام عليكم ورحمة الله وبركاته

الاخ الموقر ياهلالي

بالنسبه لمباريات المربع ( والله مدري وش هو المربع )

لكن اذكر ان العيال كلموني قبل حدود ثلاث اسابيع

عشان اشوف مباراه عندهم بين الاتحاد والاهلي اللي

صلو الاتحاديين فالملعب صلاة الجمعه <--- يعنك انهم فاضين

ايييه وقبلها بكم يوم .......... بريك بريك

الا الناصر يقولون انه قص تذكره درجه اولى !! هو صحيح ؟

اذا كان الجواب نعم فلماذا ابولالا مازال رازن وجهه ؟؟

ابولالا , ابوتركي

هذا كاس الدوري الاسباني فقط لتكحيل العيون لان المحروم

احيان تجي العبره من كثر الشوق ويكتمها اما لانه يقول انا كبير

وعيب ابكي واما يقول انا ما

اعلانات المنتدى