شــــات الزكرت...بصريح العباره " هنيا نودردش " - الصفحة 665

muzakret · 05-07-2007, 08:16 AM

السلام عليكم ورحمة الله وبركاته وبعد

الساده/ اعضاء منتدى الزكرت المزكرتين على طول المحترم

اقدم معروض هذا وافيدكم يا حظرت القاضي بانني شاهد حق وشاهد عيان وشاهد ماشفشي حاجه وشاهد مجهول الهويه وشاهد مزكرت

وش بعد خلاص يخرب بيت الشغله اللي عرفت فيها هالمنتدى ياخي انت وش تبي

حيث انني حديث عهد بهذا المنتدى الكويس والناس والكويسين اللي فيه واول مشاركه لي فيه كانت بعنوان دراسه علميه جاده

يعني مسوي دعايه المهم وكانت الردود كثيره جدا بحيث انني لم احصها وهذا يا حظرت الشرطي طيار مهندس معماري توضيح للاخ خراشه حيث يقول انه لم يلقى مثل مالقيت من حفاوتن و ردودن تبض الوجه

وهذي احلى بوسه لكل واحد بها المنتدى
شاكر لك ياحظرت الدكتور حسن استماعك ,,,,,,
وسدد على طريق الخير خطاكم ,,,,,,,,,,,,,,,

مقدمه / عمو مزكرت

muzakret · 05-07-2007, 08:55 AM

ماعندي شي اضيفه لكن ودي اشوف توقيعي الجديد وكل امل ان يحوز على رضاي انا

**ياهملالي** · 05-07-2007, 09:00 AM

أهلين سلطان ..

أنا ولله الحمد كويس جدا ..

بشرني عنك ؟

!

!

!

!

كل يوم تطلع علينا الشمس ..

نقوم من النوم ..

واللي تطور منا تحصله يفطر قبل يروح للدوام ..

واللي باقي ينتظر ..

يروح للدوام ما بعد أفطر ..

فائدة الفطور :

الفطور يا زكرتية .. يخلي الواحد نشيط

ويزيل عنه تعصيبة الصباح ..

ويعدل المزاج .. ويخلي الواحد مركز ..

ويذهب للعمل بنفس راضية ..

ويعطي الأولوية للآخرين وهو يبتسم ..

ويسير في الشارع وهو بأنظمة المرور ملتزم ..

لا يستخدم الأبواق ( البوري ) إلا للضرورة القصوى ..

إذا لف عليه أحد بالشارع ينتبه ويقول :

رح الله يهديك ..

لما يوصل للعمل ..

يسلم على فلان وعلان ..

يسلم على القهوجية .. وعمال الخدمة ..

يعرف وين أسمه بالضبط ويوقع عند أسمه ..

يفتح مكتبه وهو مروق للآخر .. ويذكر الله ..

بعدين يفتح جهازه .. وعلى طول على منتدى الزكرتية ..

أما لو الواحد ما يفطر قبل يروح للدوام ..

بالعافية يطلع من البيت ..

وإذا طلع برى قال يوووووووووه وش ذا الشمس الحاره ..

يركب في السيارة .. ويقول يا ساتر من ذا الحالة ..

كل يوم على هالوضع ..

يروح للعمل بنفس متكدرة شويتين ..

يدخل في الشارع بالعرض ..

يسب فلان .. ويشتم علان ..

إذا لف عليه أحد قال :

رح الله يلعن ..........

ويتبعها بعض المقبلات من الشتائم ):

لا يلتزم بأنظمة المرور ..

يستخدم البوري على الحلوة والمرة ..

لما يوصل العمل ما يسلم على أحد ..

مزاجه خربان على الآخر ..

وإذا جاء عند التوقيع ..

ضيع أسمه .. و وقع مكان خويه ..

يفتح مكتبه .. بكل كل قوة ..

ويمكن يرجع يغير المفتاح ..

على أساس أنه مفتاح خويه

يفتح جهازه .. وعلى طول بيت الزكرتية ..

بس يقول .. وش المنتدى النايم ..

مافيه شيء جديد ..

ويتذكر قول الشاعر :

مابه جديد وكل ما قيل ينعاد &&& نفس الكلام اللي نقوله نعيده

والحين عرفتوا وش الفرق ..

بين اللي يفطر واللي ما يفطر ..

والآن مع السلامة ’’’

**عميد الزكرتية** · 05-07-2007, 01:37 PM

^
^

ارررحب ياهملالي

تبا الحقيقة

انا ضد هذا التيار << يسمع بالمعااارضه (وجه جنبلاط)

الفطووور في البيت له مزايا مثل ماذكرت

ولكن فيه عذروب يخليك تتنازل عن جميع مزاياه

الا وهو

الجوع قبل صلاة الظهر

وفيه مثل جلمبااااوي زي مثل المصباح اللي امس يقول

(( اذا افطرت بدري جعت بدري ))

ونحن كوادر الدولة ماعندنا بريك غدا مثل الشركااات

لذلك نفضل تأخير الفطور عن تبكيره

،،
،،

امّا بالنسبة لطلب الوظيفة المسائية اخي هملالي

بكلملك احد معارفي في ديوان المظالم

يشوف لك وظيفة مسائية

اخوي هملالي انت مدرك اني كنت اتحدث

عن من يصبر على الوظيفتين

وليس على من يريد وظيفتين

انت يمكنك من طراز الشيبان

اللي ماعندهم مشكلة يشتغلون ليل نهار

ويمكن اذا حصلت وظيفتين بتستمر وتصبر عليهم

امّا انا فقد جربت الشغلة هذي وماجازت لي

علشان كذا كتبت اللي كتبتة في ردي السابق

يوم كنت في الجامعه كنت اشتغل في وظيفة مسائية في المطار

من الساعه 3 العصر الى الساعه 11 مساءً

وتخيل اني من الصبح الى الساعه 1 ظهر في الجامعه

يعني اطلع من المطار وارقد الين الصباح واروح الجامعه

وبعد الجامعه اروح المطار الين الساعه 11 واطلع من المطار وارقد الين الصباح واروح الجامعه

واطلع من الجامعه واروح المطار واطلع من المطار 11 واروح البيت وارقد الين الصباح واروح الجامعه

وهلم جر . . . وهلم جر . . . وهلم جر

ولاعندي اووف الا يوم الجمعه

تصدق اني حسيت بتقدير الهنود ليوم الجمعه

لأنه هو اليوم الوحيد اللي اقدر اعمل فيه Shopping

ياهملالي انا ماكملت في هالوظيفة ست شهور وفصلت

ومن زين وجهي بعد مافصلت رحت للشركة اطالب بحقوقي

رسالة معطرة الى هملالي

^
^

وش رايك في هالبيتين

رسالة الى الباقين

صح النوووم

**ياهملالي** · 05-07-2007, 02:58 PM

اقتباس:

رسالة معطرة الى هملالي

عصفورة الوادي علامك حزينـةماعاد نسمع لك تغاريد والحـان
مدري غلب صوتك ضجيج المدينةوالا الحزن خيم على كل الأركان

أهـــــديتني بيتين جــــــــداً رقيقة &&& معطرة بـ وردٍ وكادي وريحان
و عصفورة الوادي مهما لك حزينة &&& لا بــــــد من يوم تغرد بالألحان

مشكور يا صحابي بالحيل مشكور

وبعد الشكر نبدأ في مضامين الأوراق ..

خلني اجرب شغلة الليل وأشوف ..

فيني صبر ولا الحكي ما نريده ..

دام عندي رغبة يا بوعميد ..
أتمنى أني أحصل شغلة بالفترة المسائية ..

على الأقل أجرب وأشوف .. أنا بقدر ولا مو قادر ..

مع الغالبية من اللي أقابلهم .. يقولون صعب الواحد يوفق بين عملين ..

أجل ما شاء الله عليك ابو عميد خريج جامعة ..

الله يوفقك وعقبال الدرجات العليا ..

والآن مع السلامة ’’’

**ياهملالي** · 05-08-2007, 09:54 AM

وعصفورة الوادي مهما بدت لك حزينة ........

البيت اللي فوق رجله فيها ( شص )

وتوني انتبه له ..

________________________________________

السلام عليكم

صباح الخير للجميع ..

فلسفة اليوم الثلاثاء ..

الفرص في الحياة تأتي في الغالب مرة واحدة ..

فلا تفرط بأي فرصة قد تواجهك ..

لأنك إن لم تستغلها .. قد تتجاوزك .. ملوحة بيدها لك وتقول ..

مع السلامة ..!

في هذا الزمن .. أصبح كل شيء يأتي بصعوبة في غالب الأحيان ..

لذلك من الطبيعي .. توجب على كل شخص لازال في بداية حياته ..

أن يحسب حساب كل صغيرة وكبيرة من أجل مستقبله ..

حتى لا يتفاجأ فيما بعد .. انه خارج التغطية ..

عزيزي الزكرتي ..

أن بداية حياتك تبدأ من الآن .. من مراحل دراستك الأولى ..

إذ يتوجب عليك .. وأنت في بداية حياتك ..

التخطيط السليم لمستقبلك .. و مع الأخذ في الاعتبار الإستعانة بمن سبقوك ..

من اجل أن تستفيد منهم .. وتتعلم من تجاربهم .. وتكتسب من خبراتهم ..

عزيزي الزكرتي ..

إن حياتك ومستقبلك .. أمانة في يدك ..

أنت مسؤول عنها .. وأنت بالأخير الذي يتحمل نتائجها ..

سواء كانت إيجابية .. أم سلبية ..

إذ لا ينبغي عليك .. أن تلعن الظروف .. أو الأيام كما يفعل البعض ..

_ قد يخرج عن هذه القاعدة فئة من المجتمع لهم ظروفهم القاسية _

إنما البقية .. يتوجب عليها تحمل مسؤولياتها المناطة بها ..

عزيزي الزكرتي ..

إن المقصود بالمستقبل الذي أعنيه في كلامي ..

المستقبل الوظيفي ... والمستقبل العائلي .. والمستقبل الاجتماعي ...الخ

من الأمور التي لا بد لك من معايشتها ..

ربما تكون لك الآن مجرد .. خيال وآمال بعيدة .. !

لكن سرعان ما تجد نفسك داخل .. هذا العالم الملئ بالمسؤوليات ..

أتمنى للجميع التوفيق في سائر أمور حياتهم ..

قٌدمت لكم هذه المعلومة برعاية :

حليب وادي فاطمة

نسكافيه كلاسيك

سكر النحلة

____________________________________

أبو عميد ..

صباحك خير ..

بشرني عنك طال عمرك ..

والآن مع السلامة ’’’

**غرشة فينتو** · 05-08-2007, 10:31 AM

^

اقتباس:

عزيزي الزكرتي

بنات ارجعوا

عودو وراكم مهوب يعانيناا

حنا مهوب لازم نستغل الفرص ولا ننجح لاننا اناث خارج نطاق التغطيه الا بالمزاج <<خشتن تضحك بينه وبين نفسه >>يا كثر خششتس

**ياهملالي** · 05-08-2007, 11:09 AM

غرشه ..

انا كاتب عزيزي الزكرتي .. عزيزتي الزكرتية

بس الزكرتية موب واضحة عشانها متغطية من الزكرتي ..

شفتي شلون ؟

**عميد الزكرتية** · 05-08-2007, 11:19 AM

السلاااام عليكم

ياشباب وش تسوون اذا انتم محلي

اليوم منفتحة نفسي على الكتابة ويوم جيت اكتب

جاء واحد غثيث وجلس جنبي

وقام يقرا كل شي اكتبه

ويقول وش تقصد في هذي ؟؟ ولمن تكتب ؟؟

وهذا وش هو ؟؟ وذاك وش هو ؟؟

هذا منتدى والا ويش ؟؟ وعندكم بالتوك والا لا ؟؟

انا اشهد انه دبل كبدي

،،
،،

صبحكم الله بالخير يازكرتية

من منكم يعرف طاغور شاعر الهند العظيم

هو اللي يقول :

سأل الممكن المستحيل : اين تقيم قال: في احلام العاجز

انا قريت له واعجبني اسلوبه

واتمنى انه يشترك معنا في بيت الزكرتية

اسلوبه زكرتي بحت وعليه شطحات مهب صاحيه

يذكرني بماشي الحال

هذا مقطع من مقولاته الشهيره

إن سكون الريح ينذر بالعاصفة. وإن السحب المتجهمة في الغرب لا تبشر بشيء.

والماء ساكن ينتظر الريح.

أما أنا فأهرول لأعبر النهر قبل أن يدركني الليل.

مهب صاحي

،،
،،

يالله حيّهم وش لونكم يازكرتية

اشوف العاااشق موجود اليوم

من طول الغيبات جاب الغنايم

انا اتوقع ان هالمثل

ماعاد ينطبق على تركيبتنا الفسيولوجيه

منول من طول الغيبات جاب الغنايم

امّا الحين من طول الغيبات جاب الهزايم

اذا الواحد غاب وانقطع عن الناس يفوته شي كثير

والدنيا كالعجلة تدور دون توقف

أما أنا فأهرول لأعبر النهر قبل أن يدركني الليل

العاااشق

وش لون فسيولوجيتك اربها طيبه

اسمع يا اخي الكريم

ليس من المهم ان تتخرج من الجامعه

ولكن من المهم ان ترينا طختك كل يوم << امحق اخو

،،
،،

يقول المثل الروسي :

إذا كنت ديكاً فارفع عقيرتك بالصياح

أما إذا كنت دجاجة فضع بيضتك واصمت

سلف خمسة : اصمــت

ماشي الحال : ارفع عقيرتك خلني اشوفها

،،
،،

هلابك ياهملالي

انا بخير جعلك بخير

اقتباس:

الفرص في الحياة تأتي في الغالب مرة واحدة ..

فلا تفرط بأي فرصة قد تواجهك ..

على كذا

ماعاد حنا بقايلين خيرها في غيرها

،،
،،

اسم قريتنا " خانجانا" ويسمون نهرنا " أنجانا" واسمي يعرفه الجميع.

أما اسمها هي فهو " رانجانا "

طاغور المتوفي من زمان

**ياهملالي** · 05-08-2007, 01:32 PM

^
^

أهلين أبو عميد ..

أقصد بإستغلال الفرص ..

عدم التراخي والتسويف .. العمر لحظة !

والفرصة مرة وحدة ..

!

!

!

!

البارحه كان جونا حلو ..

كنت أمشي في طريقي ..

راجع للبيت بعدما سهرت مع الشيبان

<< لبى قلوبهم

بالعادة أمشي بالسيارة ما أسرع ..

امشي بشويش وعلى هوني ..

أتفرج على هالناس اللي طايرة بين السحاب والأرض ..

وأقول في خاطري .. على رسلكم يا قوم ..

كل مطرود ملحوق .. او كل ملحوق مطرود اللي هي ..

سبحان الله ناس قسم بالله .. مدري وش يحببها في السرعة ..

بلاهم والله ما بعد جربوا وش نتيجتها ..

نرجع لمحور حديثنا ..

فتحت الراديو على إذاعة الكويت .. << والله بعض المرات أطلق من إذاعاتنا ..

حتى على طريق الحجاز تشتغل معك ..

وإذاعاتنا .. تضطر تغير الموجه ولا تسوي بحث لين تحصلها

فتحت إذاعة الكويت .. وحصلت فيها أغنية ..

موالها قدددددديم ..

أكثر ما عجبني فيها كلماتها ..

قلت بس بكره أسدحها للشعب الزكرتي ..

تقول الكلمات ..

يوم الاحد في طـــــريقي ** بالصدف قابلت واحــــد

غصب عني ســرت بعده ** سرت ماهميت واحــــد

قلت له من غير ما اشعر ** عاد شي رحمة لواحــد

التفت نــحــوي وقــلــي ** روح يامجنون واحــــــــد

روح شوف اهلي عددهم ** بيقع الفين واحــــــــــد

قلت له قصر كــــــــلامك ** لاتزيد حرف واحــــــــــد

حتى لو تــعـــــداد اهلك ** بيقع مليون واحـــــــــــد

مايـهـمــونـي وانا اللــي ** قصدي ماهميت واحــد

انت يـــــافــتــان مـثـلـك ** بالحلا ماشفت واحـــــــد

حـن لك قلبي وانا اللــي ** كنت من واحد لواحـــــد

قال ايش قــصــدك قلت ** قصدي يوم واحـــــــــــد

التقي بـك واجـتـمـع بك ** في الخفا واحد لواحــــد

قلـت له ايـش القـبـيـلـة ** قال انا من اصل واحــــد

ارضنا ارض الــــعـــروبة ** والنسب والدين واحـــــد

قال لو قـصـدك وصـالي ** شوف انا لي شرط واحــد

روح حــالا عـنـد اهــلي ** وإن يردك أي واحــــــــــد

خذ حـيـاتـي لك هـــدية ** ولا تسلم قرش واحــــــد

واهــلـي لو بيـقـتـلوني ** مافارقتك شبر واحـــــــد

حتى لو بـيـدفـنـونــــي ** انا وياك بقبر واحـــــــــــد

للشاعر اليمني / اليافعي ..

سلطان الحوطي · 05-08-2007, 08:07 PM

انا بخير وش السالفه مع الفطور...

ترانى اذا ما فطرت بدرى يخرب اليوم عندى...

هملالى تراك عندى احسن واحد بالشات...

تدرى ليه؟

لأن اذا كلمتك والا سألتك رديت علىّ

مهو مثل بعض الناس الواحد يكلمهم ويسفهونه..<<< زعلان

اعلانات المنتدى