شــــات الزكرت...بصريح العباره " هنيا نودردش " - الصفحة 653

خراشه · 04-07-2007, 02:12 PM

ظهر الخير شباب وصبايا

اخباركم علومكم ان شالله بخير

المهم الحين اليوم كم التاريخ بالهجري؟!؟! ومتى يوافق يوم 27 /3//1428

**ياهملالي** · 04-07-2007, 02:58 PM

ابو عميد مساك الله بالخير طال عمرك

وفالك أخضراني الليلة إن شاء الله

أشوفك بديت تتكلم في السياسة .. وأنا أقول الرجال مهوب يمها ..

أبو عميد قبل أنسى راجع الرد رقم :

#9736

هناك كلامٍ كاتبه لك من أيام &&& مير العتب على النظر والتساويف

:d

أنتظر تعليقك يا بو عميد ..

**عميد الزكرتية** · 04-07-2007, 03:01 PM

^
^

ماشفته يابعدي

بس الحين اروح اشوفه

ممكن تقولي صفحه كم << عجزان يدور في الصفحات كلها

**عميد الزكرتية** · 04-07-2007, 03:18 PM

لقيته

اقتباس:

بس .. تدري شلون .. اهتمام الوزير بالأمر لا يخرج عن أحد أمرين من رأيي الشخصي ..

الأول : هو إن البرنامج سبب إشاعة قوية ممكن تعصف بمجلس الأمة عندهم ..

والثاني : إن البرنامج أيضاً ممكن يكون حرق مفاجأة ومكرمة أميرية كويتية للشعب ..

أنت وش تتوقع ؟

^
^

موب ذا (خنفرة المبرز)

تبي الجد ؟؟

الوزير رايح فيها

لو اني محله ماسويت ولا شي

وان جتني الصحافة تسألني او مجلس الامه عن ذا الموضوع

اجاوب عليهم بأبتسامه صفراء واقول :

اسألوا مقدم البرنامج عن هالكلام انا ماصرحت بشي

وان كان فيه مكرمة اميرية نلغيها او نؤجلها سنة

واذا مافيه مكرمة نقول للشعب امسكوا مقدم البرنامج مع رقبتة

والشعب اللي يتبع الاشاعات ياكلها في لحيتة

ياهملالي تعال ابيك

تذكر اشاعة بدل السكن ؟؟

من عواقبها الوخيمه

زادت الاجارات علينا وماجانا بدل سكن

**ياهملالي** · 04-07-2007, 03:33 PM

ابو عميد

قـل آمـــــــين

عسى الله يجعلها في وجه المستغلين

قـل آمـــــــين

عسى الله يهوي بـ سوق العقارات

قـل آمـــــــين

عسى يفرجها علينا

**ميلاني هلالي** · 04-07-2007, 04:55 PM

اميــن ..

سلام عليكم جميعا ..

كيف الحال يالربع المشخصين هنيا ..

ان شاء الله الجميع بخير ..

يالربع الشغاله مخنزه وجالستن تصيح ليش ؟

تقول ماتخلوني اكلم رجلي دايم ..

قلت الله ابوتس كل مادق ناديناتس مير مافيتس فود يالفنساء << بالتشديد على الهمزه

الله وكيلكم من الصبح الى هالحين جالستن فوق ..

خمتني ام العبيد اروح اسوي فيها مصلح اجتماعي واكلمها بس بتقول نفس الكلام همن ابجلدها ..

المشكله لو انها زينه نقول معليش ( وجه منحرف )

لكن عجوز والحاله حاله ..

اقولها وش تبين برجلتس ..

مره تقول اخاف انه يتزوج علي ..

ومره تقول ابي اتطمن علي بنتي ..

الله يرحم الحال بس ..

دعواتكم يالربع

بالنسبه لمباراة اليوم ..

ان فاز الاهلي فالف الف مبروك ويستاهلون الاهلاويه ..

وان فزنا الف مبروك للزعيم وعشاقه ..

والاهم من ذا نبي مباراة تليق بالفريقين ..

موفقين جميعا ...

فمان الله ,’,’,’,’,

**nAmLaT nAjD** · 04-08-2007, 02:16 AM

^
وان فزت انا وسفطت الدوام بصير احلى وحدة في العالم

مدري متى بتجيني قوة اسفطهم

فاهمة اني وزيرة شئون الشعب بيوقف الشغل اذا ماجيت << منصب مستحدث

سحوبة تعالي ماعرفتيني وانا حاطة مناكير فوشي

كسر خاطري على الرف من الصيف ماجيته

وماذكرت الا انتي يوم شفته

عاد وش السر اللهو العالم

**ميلاني هلالي** · 04-08-2007, 02:18 AM

^
اتحداك تسفطينهم

( وجه يهيض )

شلونتس خيتي نمله ..

عساتس بخير ..

فمان الله ,’,’,’,’,

**nAmLaT nAjD** · 04-08-2007, 02:28 AM

خخخخخخخخخخخخخخخخخخخخخخخخ

<< توها تقرا الصفحة اللي راحت

عمو العميد ماسك اذاعة الصباح

وعمو ياهوملالي ماسك تعليقات الصباح

عمو طقطق سلام مربع

الله يروق ايامك وسنينك بالبخار (وجه مااستوعب بالخير الا متأخر)

شقردية من يبي يزعل اللمبي يعني؟ (وجه يحاول يكون ظريف)

صدز عاد علميني بالخاص يمكن فيه ايطالي مطريني عندتس والا شي (على شحيمة كبيرة )

لتبرئة الذمة تسان احد حاش فيني ومارديت عليه

تراني ماقريت الردود بتمعن

سلامون عليتشوم

**nAmLaT nAjD** · 04-08-2007, 02:32 AM

اكتشفت 3 اكتشافات

الاول : اني ابطي ماارد ومااقدر استغني عن الاسهم

الثاني : اني اقرا الردود من تحت لين اصل فوق

الثالث : n\a

عمو ميلاني تراني على جريف

اليوم ماقومني من النوم الا الشغاله

ولو مالزمت على الفطور تسان ماقمت

وقعدت اتسحبل ماوصلت الا متأخرة ساعة الا ربع

يعني اخربها واغيب (وجه بيش)

**ياهملالي** · 04-08-2007, 12:58 PM

اقتباس:

بالنسبه لمباراة اليوم ..

ان فاز الاهلي فالف الف مبروك ويستاهلون الاهلاويه ..

وان فزنا الف مبروك للزعيم وعشاقه ..

والاهم من ذا نبي مباراة تليق بالفريقين ..

موفقين جميعا ...

شكراً على روحك العالية البعيدة عن التعصب ..

ايه كذا .. تصير المنافسة الشريفة والتشجيع السليم ..

تفوز انت .. أقول لك مبروك وأفصخ ثوبي بعد المباراة وأعطيك اياه ...

وانت تفصخ ثوبك وتعطيني اياه ..

والعكس صحيح ..

وعاد موب شرط كل واحد يلبس ثوب الثاني .. امر الله من سعه

هاردلك اخوي ميلاني ولكل هلالي وهلالية ..

ومبروك لشعاق القلعة اللي صعب أختراق حصونها ..

اليوم طفا الكهرب عندنا _ بحجة الصيانة _

بس الحمد لله جت خيرة يوم فصلوه ..

لأني رايح في سابع نومه ولا صحيت إلا حرارة الجو ..

يالله عفوك ورحمتك من النار ولهيبها ..

خراشه · 04-08-2007, 01:59 PM

مبروك تاهل الاهلي
وقد لك تو الهلال في المرة الجايه

حبيت اصبح عليكم بالخير

سلملم

**عميد الزكرتية** · 04-09-2007, 10:23 AM

:: الله يديم النعمه ::

جملة كانت تقال بعد الشبعه

وكانت تقال ايضاً عندما يعرض عليك المشاركة في الاكل وانت شبعان

واصبحت تقال اليوم عندما تنوي المشاركة

وانت تشاهد الاعاقات الفكريه

:: جابها راؤول ::

من شاف مباراة ريال مدريد امس

انا اشهد ان راؤول استانس وناسة شخصية يوم جاب الهدف

يعني مهب وناسه فريقية

وعنكن روبنيو يلعب

بس مهب احسن من مالك معاذ

:: تصاريح و تقاريح ::

صرح مصدر مسؤول ان الاخ ‏ضارب الهواء بويه

سجل في منتديات الدهراويه (وجه ملقوف)

تصريح اداري جديد من الزكرتية ينص على

ان لايقل عمر المشارك في الشات عن 22 سنه

،،

،،

ياعيال راسي ثقيل

مدري وشنهو منه

توقعون انه من قل النوم

المشكلة اللي جنبي راسه ثقيل

وهو شبعان نوم

اعلانات المنتدى