شــــات الزكرت...بصريح العباره " هنيا نودردش " - الصفحة 635

الزكرت الهامل · 03-13-2007, 11:25 PM

ماشي

مافيك حيله

وبيض الله وجهك

وفالك المليون

وخير من يمثل الزكريته

ونشكرك صاحب فكرة التدغيع الاملائي

انا اشهد انها تنحسب لحسابه

وان شاء الله ياماشي تجيب لنا برنامج anti-جلم

عشان أي جلمه يبي يكتب حرف في بيتنا العزيز يدري انه بينزقط زقطتن عند الله خبرها

تحياتي لك واشكرك جدا عميقن < مدققك طلع طقوع ماصاد النون

ام غليون · 03-13-2007, 11:28 PM

ايه عندي صوره وبنزلها شلووون

ام غليون · 03-13-2007, 11:31 PM

عن اذنكم جاء الغداء برووح اتغدى سي يو

**nAmLaT nAjD** · 03-13-2007, 11:36 PM

ارفعيها على اي موقع تحميل

سواء موقع تحميل الزكرتيه (بس يحتاج تسجيل وتفعيل من الادارة)

او ارفقيها في مرفقات المواضيع في الرد المتطور (ولازم يكون حجمها مايزيد عن 200 كيلوبايت)

او سجلي في جيران jeeran.com

ويصير لتس حساب شخصي وترفعين عليه ملفاتتس

او ارفعيها على اي موقع من مواقع التحميل المجاني

[عفواً يمكن مشاهدة الروابط للمسجلين فقط للتسجيل اضغط هنا]

tl3b.com

[عفواً يمكن مشاهدة الروابط للمسجلين فقط للتسجيل اضغط هنا]

بس المواقع المجانيه هذي بعد فتره تروح منها الصور

واي حاقة نحنو في الخدمه

مع السلاحف

ام غليون · 03-14-2007, 12:14 AM

مشكووووووره وميغسي خالص خالص يا ابلا نمله

بس جيران هذا ما رضا يضبط معي التسجيل

<<ولا انت اللي ما عرفتي

اكثر من مره اسجل فيه ما ييضبط

ومشكوره تاني مرره على المسااعده

**nAmLaT nAjD** · 03-14-2007, 12:23 AM

^
نعيماً عليتس الغدا

جيران يحتاج تفعيل من الايميل على مااعتقد

وتمشي كل الامور صح

واذا مشت صح بتوقف عند سالفة مجاني وفلوس

انتي دوري اي شي مجاني وانشبي فيه لين يضبط

**ماشي الحال** · 03-14-2007, 02:10 AM

ياناس ردودنا اللي بالشات

يسرقونها العالم ويحطونها في منتدياتهم >> ياعنكنك ناشب للعالم

خلوني اسولف واعلمكم وش صار لي البارح

قعدت ابحث عن كلمة او جمله

ابي تفصيل عنها

رحت لحبيبي قوقل وقعد يبحث

ولقيت اول رابط ودخلت عليه

ودخلني على شات في منتدى نفس شات منتدانا

وقعدت اقرا الكلام وانا قاعد اقراه اقول ذا العضو نفس سوالفنا

واركز في الكلام واحس انه قد مر علي من قبل

واركز اكثر واكثر

تذكرت انه كلام قد كتبته في الشات من زمان

بغض النظر انا اللي كاتبه او غيري

يعجبني في اللي سرق الرد انه حطه في نفس موضعه

خذاه من شاتنا ووداه لشاتهم جعل الشاه تبرك فوقه

المشكله اني رحت لمشاركات العضو السروق

لقيته يعرف يكتب يعني مهب جلمباوي

وتوقيعه ماخذه من تصميم عندنا

بس يمكن طلب من صاحب التصميم انه ياخذه توقيع

في مكان ثاني يعني ماودي اظلمه

يعني سالفة المواضيع المسروقه من عندنا نمشيها

بس ردود

ردود

ردود

عيني بعينك ياللي تسرق ردودنا

ليه ماتشارك معنا وتطور نفسك

قد اعذر من انذر

لو القى رد او موضوع مسروق من عندنا او حتى وجه تعبيري >> يحسبها محتكره

ترى بدخل بنك خاص مخليه لذا السوالف

وناوي اخليه نك يبث الرعب في قلوب اللي يسرقون من عندنا >> يابثاث

من يشوفونه موجود بالمنتدى يقولون جا جا جا

اذكر قبل فتره لقيت موضوع

منقول من عندنا في منتدى ثاني

واللي ناقل الموضوع مراقبة المنتدى ومشاركاتها يمكن 20 الف

المهم من ضمن الردود عليها وحده تمدح الموضوع وتقول

دائمأ مبدعه في طرحك << على نياتها

جات ترد عليها وتقولها

انتم تساعدوني على اني اكون حريصه في كتاباتي

لكي تصل الى مستوى ابداعكم << قريت ذا الجمله وقلت سجل ياولد

سجلت وعلى طول فعلوا نكي

واخترت وقت يكونون الاعضاء المتواجدين واجد

وتكون هي مهب موجوده

ورحت ارد على الموضوع

وذكرت انه منقول وتمنيت من الاخت انها ذكرت انه منقول

وحطيت رابط الموضوع الاصلي

منها دعايه ومنها اظهار الحق

رقدت وجيت اليوم الثاني

لقيت ردي محذوف ونكي موقوف خخخخخخخخخ

لاحظت اغلب اللي يسرقون من عندنا

مشرفين ومراقبين في منتدياتهم

وحده كاتبه اخر الموضوع

كاتبه قسم بالله منقووول

قلت اجل

قسم بالله ما اسجل دخوووول

بس ماعليكم مني يالسروقين انقلوا بس قولوا منقول

العميد كم رساله ارسلت ليوسف ؟

سعد عندنا بالاستراحه مرسل كول مي ( 48 )

**عميد الزكرتية** · 03-14-2007, 09:40 AM

^
^

[عفواً يمكن مشاهدة الروابط للمسجلين فقط للتسجيل اضغط هنا]

^
^

ماقلت لكم سوف تتكرر بمشيئة الله

والحمدلله تكررت رغماً عن بعض الأنوف

اولاً احب ابارك للاخ يوسف العصيمي

ثانياً ابارك لكل من صوت ورشح

ثالثاً ابارك للي ماصوت بس شاطرنا الفرح

وبعيــــداً عن الفرح ونشوة الانتصــــار

وقبل ما نجـــــي لكـــلام الاخ ماشي الحال

شفتوا الضيف اللي في شاعر المليون امس

ياعنك انه ابوجــلام

اقتباس:

اذكر قبل فتره لقيت موضوع

منقول من عندنا في منتدى ثاني

واللي ناقل الموضوع مراقبة المنتدى ومشاركاتها يمكن 20 الف

المهم من ضمن الردود عليها وحده تمدح الموضوع وتقول

دائمأ مبدعه في طرحك << على نياتها

جات ترد عليها وتقولها

انتم تساعدوني على اني اكون حريصه في كتاباتي

لكي تصل الى مستوى ابداعكم << قريت ذا الجمله وقلت سجل ياولد

شينه وقوية عينه

ذكرتني بذاك وش اسمه ؟؟

الاسطـــورة

اللي امتحنه الموااال في حياته

يالله حيّ ماشي الحال

وشلونك يابعد خشمــي (وجه عبدالرحمن الشمري)

ماشي

ياخي بدال ماتضيع وقتك في قوقل

وتبحث عن اللي سرق واللي ماسرق

حط حيلك في مستند نص

ورجـّـعنا لأيام المبدع ماشي الحال << بينـطــق

انت تذكرني بقول الشاعر حمود البغيلي في هالبيت

ليش نضيع وقتنا في تبجيل امجادنا ونتقاعس

عن مواصلة النجاح

خل اللي يسرق يسرق

انا اذا شفت موضوع لي مسروق استانس

احس انه اعجب ناس وااجد

وبما اني لا اكتب بأسمي الحقيقي

فهذا يعني اني لا اسعى الى الشهــرة

ومادام اني ما اسعى الى الشـهــرة

فهذا يدل على اني شخص متواضع وكيوت << على قوقل

:: وقـفــه ومحـــراف ::

ماشي

ادري انك ماتبحث عن اللي سرق واللي ماسرق

وكنت تبحث عن جمله تبي تفصيل عنها

ولكني حبيت اسهب

معك في نقاش حلمنتيشي

باقي الربع

وش حالكم فديتكم

العشا القابله << ايــــــطـــــي

**ياهملالي** · 03-14-2007, 09:59 AM

اقتباس:

باقي الربع

وش حالكم فديتكم

العشا القابله <<

تم بس حدد المكان

<< ما يوفر ريحة أكل

**ميلاني هلالي** · 03-14-2007, 10:46 AM

مصيبه الكلام اللي قلته يا ماشي ..

وان تسانهم واجد فالمصيبه اكبر ..

طراه مداخلة الاخ ماشي ..

علومكم ياللي هنيا ..

عساكم طيبين ..

تم يالعميد ..

والله يغنيك مقدما ً ..

فمان الله ,’,’,’,’,

**ياهملالي** · 03-14-2007, 10:51 AM

^
^

تمرني ولا امرك

**ميلاني هلالي** · 03-14-2007, 10:53 AM

امرك يابعدي ..

كم عندنا من هملالي حنا

<< - تهقاه صح كذا والا فيها خطا ؟

**ياهملالي** · 03-14-2007, 11:07 AM

صح يا معزب ملعبنا

اعلانات المنتدى