شــــات الزكرت...بصريح العباره " هنيا نودردش " - الصفحة 43

**ياهملالي** · 03-18-2005, 01:08 PM

<< تصدق طول هالمدة أحاول أدخل معكم بالسالفة

ومن يومين وانا أحس إني مسكت الخط

بس جيت انت الحين وطيحت وجهي

إنني بجد مستحي

وبروح أ ل ق ط

<< تخيلت شكلي ؟

أكسر الخاطر صح !

عاقد حجانه · 03-18-2005, 10:00 PM

قايلك خل عنك اللقافه وخلك ثقيل

أنا الى الحين وأنا أقول شلون حاسبة عنه الغدا ذاك اليوم وحنا في الراشد

عاقد حجانه · 03-18-2005, 10:03 PM

حاول أنك ثاني مره تدخل وانت ثقيل ان ماقدرت تثقل حط بمخابيك حصى

وتفهم وشي السالفه زين ابوي الشاطر
وبعدين زكرتي منتفخ يقولك وين الريحه

**شقرديه** · 03-18-2005, 10:06 PM

مسكين ياهملالي مايسوى عليك هالغدا

لوانك متغدي مع اهلك او نايم بدون غدا احسن لك

**ياهملالي** · 03-18-2005, 11:20 PM

^
^

الشكوى لله

بعدين شرايكم الحين ثقلت ولا بعدني

؟

**سلف خمسة** · 03-19-2005, 12:17 AM

عـــــــاقـد حـجّـانه

هذا الولد الظريف

ذو الوجه العريض من اعلى والنحيل من اسفل

ويمتد وجهه من اعلى الى ان يلامس ركبته

واااااااااااااااااااو وجه طويل ناقصه بس لوحات

وانت تناظر وجهه تحس انك ماسك خط

الخشم 3 كيلو

الفم 5 كيلو

البرطم بتبطي وانت تمشي

يعني يمديك تنسدح في وجهه هع

عندما تنظر الى عينيه تجد فيها معنى الجلامه بأكمله >> يضحك

ومع بلوغه مرحله متطوره من العمر

الى ان خشمه المنفرش لازال يعطي بحماس وقوه

ولازال السائل الاخضر

يتدفق ويمتد من خشمه الى برطمه دون توقف

والمضحك المبكي في الموضوع

ان عيونه واسعه جدا ولكن على ( الطل )

لأنها تحمل من الغمص الشئ الكثيررررررر

ساعة الا ربع يقضيها كل صباح عند المرايه

ومعه زراديه يحاول انتشال

الكرة الخضراء القابعه في طرف العين

وعند نزولنا لسائر الجسد

نجد الآباط مصنجه ليلا ونهاراَ

وبقعه خضراء على اصفر في الثوب عند الزغون

ولم ينفع معه اي مستحضر لأزالة العرق

الا الفليت يقولون كأنه بدا يجيب نتيجه

وعند النظر للقدمين

نجد انه يلبس زبيريات كلها يسار ( نظراَ لتخالف رجيله )

وارجو ان يقبل الأخ شباب في رحله اقتراحي

لانه قد يسهم بشكل او بآخر في تظبيط المظهر الخارجي

للأخ عاقد حجانه

::: الاقتراح :::

نضع وجه عاقد حجانه في قسم الكراج

وندعو اكبر محترفين الفوتوشوب

ونبطح لهم وجه عاقد على ( مخده سدو )

ونعطيهم الخيط والمخيط

ونشوف اذا الفرش الجديده حقتك

والخطوط الأفقيه والعرضيه

والألوان

اذا كانت بتجيب نتيجه وتغير وجهه التشليح

( مشرف قسم الكراج مستقبلاَ : سلف خمسه )

مع السلامة ,,

وني وني وني وني وني وني وني

**ياهملالي** · 03-19-2005, 12:21 AM

ههههههههههههههههههههه

^
^

ما ينفع حتى الدمج

اللهم لا شماته

يارب لك الحمد والشكر

<< بيروح يرقد وهو يحمد ربه

**شقرديه** · 03-19-2005, 02:58 AM

ما اقوا إلاّ

الله يذكرك بالخير ياعبودي لالا

نزلت هالموضوع واختفيت

ونشبت العالم في بعض يعني شبيتها في الشيح وقبلتها الريح

فأنا اقترح نغير العنوان من شات الزكرت بصريح العبارة هنيا نودردش

إلى مناوشات او مناشبات الزكرت بصريح العبارة هنيا نشوش

**ماشي الحال** · 03-19-2005, 03:54 AM

هههههههههههههههههههههههههههههههههههههههههه

^
^

اشوا اني صديقك ياسلف ولا كان مالي وجه ادخل المنتدى

لاني اعرف عويقد ولد خجول وتحمّر حجانه واذنه تصير سودا

وماعاد يدخل منتدى اذا احد شب عليه بس الحين ترا تغير الولد

صار يرقا درج ويدخل يده في مخباه ويخربش المفاتيح ويطلع

ميدالية برونزيه سبق ان حصل عليها في سباق اختراق الجدران

للمعلوميه ان الاخ عاقد حجانه هوايته المفضله التكييم بالساقين

والصفق بالجبهه في الجدار عل وعسى يتغير حال وجهه ولكن

ولكن دائما يجد الجدار يغني أغنية عبدالله الرويشد

(( الله يصبرني عليك ))

( وجـــــــــــوه مندهشه على الاخر )

(( الجدار تكلم , الجدار غنى , غريب ذا الجدار , انشهد ان صوته حلو , مهب سهل الجدير ))

^
^

لسان حال الاعضاء بعد ما علموا ان الجدار تكلم وغنى

ومن الاعضاء من يدلع الجدار (( الجدير)) << جاري البحث عنه

في الحقيقه نعنبو من لامهم على استغرابهم

ولكن ايها القوم لحظه فكروا بالامر قليلا هل تتوقعون ان الجدار تكلم من فراغ؟

اولا لاحظوا انني لم اقول الجدران وانما قلت الجدار

لان اخينا عقودي ومن الذكاء الزائد كل مره يضرب بوجهه نفس الجدار ونفس المكان بالضبط

ثانيا : الاخ عاقد حجانه مستفحل الغباء شديد الغمص في عينيه

يشرب عصير دارسين (( قرفه)) مخلوط مع حلبه كل صباح

ساعته البولوجيه لاتفرق بين شتاء وصيف او نهار وليل

انعدمت عنده مفاهيم الحياه يضع ثيابه في مغسله ويذهب

يطلبها من مغسله اخرى يفكر نفسه شاري بيبسي الاخ

انها حقا هزلت ..

من زمان كان يجي البيت اخر الليل ويلقى الباب مقفل

اذا طمر من فوق يتوهق مايقدر تدقر له حجانه صار يدخل

حجانه من تحت الباب ويطمر هو من فوق << لا فالح الولد عزالله

لا اله الا الله >> امطرت

ماعلينا نرجع لتشخيص الشخص المذكور أعلاه

مدري وين وصلنا بس اذكر جاني مره وهو في حالة يأس

يوم كنت انا عالم فوتو شوب واليكم الحوار :

عاقد حجانه : السلام عليكم

انا: عليكم السلام

عاقد حجانه : تكفى ياماااااشي ابيك تسمكرني

تشوف اي حل بس خلني اوكيه << بالله هذا تعبير ؟؟ خلني اوكيه

انا : زين انسدح على ظهرك ولاتقول تكفى ثانيه ولا ترى بطعج الفرشاه على خشمك

هو : على طاري الخشم ماتحس معي دكتور ماشي لو خليت خشمي بدون فتحات احسن؟

انا: الا احس كذا و احس بعد لو قطعت خشمك افضل لان عيونك وبراطمك المسافه بينهم لاتذكر

هو: ولكن اذا قطعت خشمي كيف اقوم بعملية البحث والتدوير والتكوين والحذف ؟

انا: لا عليك ان الغمص يقوم بجميع الادوار في ظل غياب خشمك ومشتقاته

هو: طيب يادكتور ماشي

انا : ماذا ايها الهطفه

هو: ههههههههههههه لقد اعجبني لقب الهطفه اظن انه لايق علي

انا: ماسمعت نبيل شعيل وهو يغني (( لايق عليك لايق)) كان يقصدك انت يالهطفه

انا و هو في نفس الوقت : انشهد انك / اني هطـــــــــــــــفه

والحين اعزائي المشاهدين بعد ان رأيتم عاقد على حقيقته

يحق لكم التعامل معه وفق ماتمليه عليكم ضمائركم ..

في ختام حديثي هذا لايسعني الا ان اشكر الاخ سلف خمسه على حسن استقباله لنا في غرفته

وان اقول لعاقد حجانه لايأس مع الحياه ولا حياة مع اليأس وياقلب احزن لابوك لابو شش

وعلى الريش مابيش ياللي عشرتش في المخاشيش >> فاطس قسم

وعلى الجنحان مابيك ياللي خشمك مليان رعمان

وعلى سطح البلكونه عقودي انفقعت عيونه>> افطس من فوق قسم

وعلى الدنيا السلام عقودي يربي حماااام

وعلى ذاك الطريق عقودي دعس بطريق

وعلى شارع حرض عقودي يجيب المرض

وعلى طاري البرص عقودي مدمن غمص>> فطسان ليس له حد قسم

وعلى اللي جرى عقودي عاللي جرى

ومازال الجدار يغني الله يصبرني عليك يالهطفه >> الجيران يقولون لو سمحت اضحك بشويش

03-19-2005, 09:46 AM

اقتباس:

شباب بعد اذنكم مونكن واحد يصك لي القلاب

^
^
^
<<--- صك له القلاب

ايه يا حزم الظامي

هالمراقب العام ليا شفت صورته

جتني ام الركب

اهب في شواربه

ول ول

ياااااوك

الله يخارج

مير تدرون انا مالي تسبد

ليا شفت صورته جاني مرن في تسبدي

وتكه في حلزي

مار وش السواه

البارحه وينت واليوم حون

وحوزع ا لونات في كل حته

بارووح اون

عويـــــس · 03-19-2005, 01:03 PM

السلام عليكم

وش هالشات بغيت ابكي من الردود سطوووووور

اخبره كلمه كلمتين >>>>> الاخ جديد على النت

المهم شارب بيره اااااه ياحظك بس

عطني الونات اخبر حته حالهم على الله يدورون اي شي

حتى الصدقات عليهم من كل الحتت

®¤™الجليد™¤® · 03-19-2005, 01:04 PM

الله يرحم والديكم

نفسي احس اني منكم

العن ام التزليب

يعني كل موضوع ادخل

الا انتم ووجيهكم

ماحطين ام ام المواضيع اقل موضووووع

20000 حرف

ياولد انتم شكلكم تحفظون الكلمات او انكم متعلمين اللغه العربيه عند دكتور مصري وانا متعلم عند سوداني

ياأخوان ياأيها الشعب القالش
ارحموا اي زكرتي ضعيف

يعني لازم احط عرض

ادفع ريال للي يعطيني وجه ( وجه فاطس ضحك )

يعني مو بلازم وجه

لو ركبه عادي

بس عبرونا

<<< المتكلم الرسمي عن الملطوعين

والله شوووفوووا

ادري الحين بيجلس اثنين يهايطون على

لاكني معصب

وماسك بيدي كلينكس

لاأحد يقرب لاأفضح خشمه

ادري ماتحبوني

ليش <<< بيقلبها فلم هندي

ياأخوان ياللي ماحطين خشم ياهملالي

هل يرضيكم هذا ؟؟

ياايها الشعب القالش

اين حقوق الخشوم لديكم ؟؟؟

شكلي بقدم رشوه لإبو رحله يقفل هالموضوع ( افلقني ياشيخ )

لحفظ خشم ياهملالي

كح كح

انتهت الخطبه

عويـــــس · 03-19-2005, 01:09 PM

نفس الشعور

بس اترك موضوع الرشوه اخاف يقولون من يوم جاء اللى اسمه عويس المقرود قفلوا الموضوع <<<<<< اصلن مااحد يعرفك يالدب

اعلانات المنتدى