لا تنصحني ولا أنصحك.. فكني شرك

تاج روس · 07-11-2005, 11:06 AM

بسم الله الرحمن الرحيم

سلام سنة سلام أسلام

فسلامون عليكم ورحمة الله وبركاته

كيفكم زكرتيون وزكرتيات

هذا محدثكم تاج روس يحيكم ويرحب بكم عقب مدتن قضاها بعيدن عنكم

لظروف المعيشة الصعبة <<< تحسونه جايب معروض ويطركم هع

معروضي لهذا اليوم

قصدي موضوعي هو كالتالي:

لا يخلو أبن أدم من الخطاء وكلنا معرضون له

من كل جنس

وفي كل سن

وبكل شكل ولون

في كل زمن وكل مكان

وفي نفس الوقت لدينا رغبة جامحة بالوصول للكمال والتمام ولو كان بعيدا

وأتوقع أن الرابط بين هذا وهذا هو النصيحة

فالبنصيحة نصلح الأخطاء اللتي لا نراها في أنفسنا

وبالنصيحة نقوم بأشياء من الثرى للثريا

وبالنصيحة نسد القربة المثقوبة

ولكن هناك من يتقنها وهناك من يقبلها

وهناك العكس

وهناك من يتبراء منها ويبعد نفسه عن المسؤلية

ويقول لا ناقة لي في الموضوع ولا جمل

قالوا أن النصيحة لها شروط وأن الناصح له شروط

ومهما توفرت هذه الشروط فأن بعض الأشخاص أيضا لا يقبل النصيحة

أذا فهناك شروط أخرى ومتطلبات أخرى

متى تحس أنك مطالب بالنصيحة ومتى تحس بأنك لست مطالب ؟

مالشروط اللتي يجب توفرها لتقبل النصيحة ؟

مالمواقف اللتي مرت عليك / عليكي ولم تقبلوا النصيحة (لماذا يعني ) ؟

مالأمور اللي تحس أن المجتمع كمجتمع لابد أن يتناصح في هذا الموضوع

اللذي ترى أنه أصبح يهدد المجتمع كاكل ؟

وماهي نصيحتك لأعضاء هذا المنتدى ؟

وهل من الممكن أن تنصحني بأي نصيحة تشاء ؟

تقبلوا ودي وأصدق تحية

$$الفارس$$ · 07-11-2005, 02:21 PM

هلا والله تاج روس ويا مرحبا

بالنسبة يا عزيزي للي يبي ينصحني في أي مكان أول شي يكون على استفراد على ما قال سعيد صالح بالمشاغبين

ثانيا يكون قصده النصيحة مب مسوي لي فاهم وهو من جنب القائم
ولا يتشفى من غلط انا سويته ولا يشمت

ثالث شي ما يطلع ينصحني والقاه قد سوا هالشي

يعني مب معقول القى واحد ينصح عن اضرار الدخاااان وبكت مارلبورو بجيبه

شفت يالحبيب

بعد كذا أنصح اللي بعدي انه ينصحني

**هجير** · 07-12-2005, 12:41 AM

مرحبا تاج روس/ باختصار شديد الحين اذا تقدم النصيحه

لاي شخص كان يفهمها غلط او وش مصلحتك انك تنصحني

(النصيحه بجمل )

اقتباس:

متى تحس أنك مطالب بالنصيحة ومتى تحس بأنك لست مطالب ؟

لما اشوف تصرف سواء كان بالقول او بالفعل من شخص قريب

او عزيز على قلبي وتصرفه على خطا اقدم له نصيحتي ومو شرط

انه على خطا يمكن محتاج احد يسمعه يبي احد ينصحه اقدم

له مشورتي وياتصيب او تخيب

اقتباس:

مالشروط اللتي يجب توفرها لتقبل النصيحة ؟

لتقبل النصيحه عند الناس مراعاة الآتي :

1_ مراعاهـ شعورهم واقيس نبضهم في تحكمهم للامور

2_ يكون عندهم رحابه الصدر وفي ناس لما تنصحهم او تقول لهم

كلمه اعوذ بالله كبريت اسمع كلامي للاخر بعدين سو اللي تبيه

3_يعرف لما اقدم نصيحتي انها لمصلحته مو لمصلحتي

اقتباس:

مالمواقف اللتي مرت عليك / عليكي ولم تقبلوا النصيحة (لماذا يعني ) ؟

مرت علي مواقف مع صديقاتي الله يذكرهن بالخير صراحه يقبلوا

النصيحه لما تطيح دمعتهم على خدهم ويحسون انهم ندمانين الحمد

لله جاتني نصيحه من شخص في هالمنتدى نصحني لوجه الله وطبقتها

وعرفت انها لمصلحتي مشكووووووور.......

وموقف مع صديقتي قالت لي نصيحني في موضوع وخذ لك من

النصيحه عطيتها كلام وقلت لها لاتزعلين قالت بالعكس انتي تبين

الخير لي والحمد لله نصيحتي ماراحت سدى ....

اقتباس:

مالأمور اللي تحس أن المجتمع كمجتمع لابد أن يتناصح في هذا الموضوع

اللذي ترى أنه أصبح يهدد المجتمع كاكل ؟

اشياء كثيـــــــــــــــرة ومالها نهايه والله يكون في هالعون

اقتباس:

وماهي نصيحتك لأعضاء هذا المنتدى ؟

امممم نصيحتي لخواتي واخواني يفضلوا زي ماهم حتى لو دارت

الدنيا بطيبه قلبهم وتسامحهم وخفه دمهم والله لايغير علينا والكل

هنا قلوبهم على الكل فـــــــــــــــــديتهم

اقتباس:

وهل من الممكن أن تنصحني بأي نصيحة تشاء ؟

اي نصيحه انا ابيها خلك دايما متسامح مع الكل ولاتشيل بقلبك

اي شي ولاتترك الصلاهــ مهما كنت في اي مكان ... ولاتزعل

والـــــــسموحه ويعطيك العافيه

**سفيرة الحزن** · 07-12-2005, 01:22 AM

اقتباس:

المشاركة الأصلية كتبت بواسطة تاج روس

فسلام عليكم ورحمة الله وبركاته

وعليكم السلام ورحمة الله وبركاااته ,,,

اقتباس:

هذا محدثكم تاج روس يحيكم ويرحب بكم عقب مدتن قضاها بعيدن عنكم
لظروف المعيشة الصعبة <<< تحسونه جايب معروض ويطركم هع

هلا وغلا فيك تاج الروس .. من الآخر ماعندنا سلف

اقتباس:

وفي نفس الوقت لدينا رغبة جامحة بالوصول للكمال والتمام ولو كان بعيدا

نعم وإذا ما يسعى الإنسان حتى يكون قريب من الكمال والكمال لله وحده في نظري انه انسان مو طبيعي .

اقتباس:

متى تحس أنك مطالب بالنصيحة ومتى تحس بأنك لست مطالب ؟

متى أكون مطالبه بالنصيحه ؟ لما يلفت نظري شي مااقدر أتغاضى عنه وبإتباع ماقال الرسول صلى الله عليه وسلم ( من رأى منكم منكراً فليغيره بيده فإن لم يستطع فـ بلسانه فإن لم يستطع فـ بقلبه وذلك أضعف الإيمان ) . فلن تكون نصيحتي لأياُ كان أكثر من هالثلاث طرق مهما كان حجم الخطأ اللي استلزم وقتها النصيحه

اقتباس:

مالشروط التي يجب توفرها لتقبل النصيحة ؟

مافيه شروط معينه بس في شرطين أساسيين .. الأول ماينصحني بشي هو يسويه .. وثاني شي ينصحني باللين وإلا يغسل ايدينه اني اسمع له حتى لو كنت انا خطأ ( بصراحه يعني ) وثالث شي وهو شرط ثانوي النصيحه بالنسبه لي تترتب على ماهيّة الناصح <--- يمديكم عالفلسفه

اقتباس:

مالمواقف اللتي مرت عليك / عليكي ولم تقبلوا النصيحة (لماذا يعني ) ؟

امممم مافيه موقف معين .. بس مره كنت رايحه بيت وحده من البنات وكان فيه وحده من الموجودات مااعرفها وكنا فالينها .. بإختصار جات سيرة الأبراج قامت هاللي مااعرفها خلت البنات كلهم وجات تنصحني انا تقول ان الأبراج حرام ومش عارفه ايه ولبسكم ليه كذا والخ .. وحنا في كلامنا كنا نتمسخر على اللي يصدقون ماكنا نقرا عن الابراج ولا قلنا حظي والله اليوم قالي كذا ... بصراحه كشرت عن انيابي وقلت لو سمحتي لابغيتي تنصحين افهمي وش الدعوه ؟ وبالنسبه للبسنا مااشوف فيه شي دام كلنا بنات وخليتها ورحت
والسبب ليه ماقبلت نصيحتها .. لأن اللي بتنصح تنصح الكل مو تمسك وحده من سبع بنات موجودات وكلهن يتكلمن بنفس الموضوع .. وماكان كلامنا ان حنا مصدقين والا من هالكلام ..

اقتباس:

مالأمور اللي تحس أن المجتمع كمجتمع لابد أن يتناصح في هذا الموضوع
الذي ترى أنه أصبح يهدد المجتمع كاكل ؟

فيه اشياء كثيره تهددنا كمجتمعات اسلاميه متحفظه .. مثل طرح موضوع سياقة المرأه ... وهذا غيض من فيض طبعاً

اقتباس:

وماهي نصيحتك لأعضاء هذا المنتدى ؟

ماأنصح نفسي ولا غيري إلا بتقوى الله وأن لا نجعل الله أهون الناظرين الينا .

اقتباس:

وهل من الممكن أن تنصحني بأي نصيحة تشاء ؟

نفس النصيحه ماتتغير ..

اقتباس:

تقبلوا ودي وأصدق تحية

كلك ذوق ... ومشكور على هالموضوع الحلو ... يعطيك ربي العافيه

أخيتك

تاج روس · 07-12-2005, 05:33 AM

هلا فيك الفارس ومرحبا منور الموضوع

نجي نتحادث معك قليلا اسألة جات في راسي يوم شتف ردك

اقتباس:

المشاركة الأصلية كتبت بواسطة $$الفارس$$

بالنسبة يا عزيزي للي يبي ينصحني في أي مكان أول شي يكون على استفراد على ما قال سعيد صالح بالمشاغبين

طيب ماتحس يوم ينصحك وفيه ناس حاظرين أنك تتفشل ؟ ومن باب الفشيلة

لازم تتغير علشان الربع اللي كانوا معكم مايمسكون عليك ذاك الشي

ولكن أذا كنت أنت وهو بس أكثر الناس تقول نتغير أن شاء الله

وتبطي عظم يتغيرون هذي نقطة

النقطة الثانية

الناس اللي معكم راح تستفيد من النصيحة بعد

ماراح يسوون هالشئ علشان ماحد يجي ينصحهم

صح أن النصيحة في الجماعة لها سلبيات بس يمكن لها أيجابيات

وش رايك في أجابياتها ؟؟

اقتباس:

المشاركة الأصلية كتبت بواسطة $$الفارس$$

ثانيا يكون قصده النصيحة مب مسوي لي فاهم وهو من جنب القائم
ولا يتشفى من غلط انا سويته ولا يشمت

اللي يتشفى ويشمت هذا ماهو ناصح هذا حاقد (( النقطة السلبية ))

خلنا ناخذ النقطة الأيجابية

لما يتشمت فيك واحد نفس الشي راح تجبر نفسك على التغير علشان

ماعاد يشمت ولا كلامي غلط ؟؟ مدري مجرد رأي كذا

أحيانا قد تأتينا النصيحة من أعدائنا اللي يشمتون فينا

وعلى طاري مسوي لي فاهم

المثل مايقول خذ الحكمة من أفواه المجانين

يعني يمكن يجيك واحد يتفلسف عليك وفعلا ودك تقول له أنطم

بس لو تجلس مع نفسك

ليه هالأدمي قال لي هالكلام ؟

لو أطيع هالادمي وأمشي على نصيحته وش يصير لي ؟

ماتدري يمكن هاللي مسوي فاهم فعلا فاهم بس ماهو عارف يثبت هالشئ

اقتباس:

المشاركة الأصلية كتبت بواسطة $$الفارس$$

ثالث شي ما يطلع ينصحني والقاه قد سوا هالشي

يعني مب معقول القى واحد ينصح عن اضرار الدخاااان وبكت مارلبورو بجيبه

ليه مووووب معقول ؟؟!!

يمكن هالشخص جرب هالشئ وذاق مرارته ومن حبه لك مايبيك تسير في نفس

طريقه اللي هو سار فيه

ويقول المثل اسأل مجرب ولا تسأل طبيب

هالشخص يمكنه يسوي هالغلط ولكنه مايقدر يخليه أدمن عليه مثل الدخان

ولكنه يحاول يمنع الناس تدخن مثل الأب تلقاه يدخن ويمنع ولده

من حبه لولده بس الدخان خلص صفة ثبتت فيه ماعاد يقدر يقلع عنها

ولا كلامي غلط ؟؟؟

لا هنت الفارس على مرورك

ويعطيك العافية

تاج روس · 07-12-2005, 06:00 AM

اقتباس: