قصه قصيره <لا تدققون

هبايب نجد · 06-27-2005, 09:52 PM

السلام عليكم

التايم :الساعه 6,30 المغرب

الموقع :بيت العز يابيتنا.

" المشهد الأول "

صوت الجرس يصدح في ارجاء المنزل

الماما : هبايب قومي افتي الباب لجارتنا ام ناصر

هبايب : ماعنكم الا انا كل شي هبايب.

الماما : هبايب قومي دام النفس طيبة عليتس.

هبايب (قمطت) :انشالله.

راحت هبايب وفتحت الباب...

ام ناصر : هلا والله هبايب شلونتس مبطين عنتس ليش ما تجين مع امتس ولا تغلين ..

هبايب <<تورطت: لا شدعوه بس خبرتس دراسه وامتحانات ..

ام ناصر :الله واكبر محد عنده امتحانات الا انتي كل الناس يمتنحنون ..

هبايب بنفسها (لحوووووووووول وش تبين طيب )

هبايب :تفضلي داخل <<بتسكتها ..

" المشهد الثاني "

صوت قرقعة فناجيل ومامتي وام ناصر يسولفون وانا قاعده ا تأمل فولد ام ناصر الصغير

وكاتمه الضحكه احسه على نياته وجهه مدري شلون جاي استغفر الله

وقطعت حبل افكاري امه وهي تقول:اذا ماعليكم كلافه اقدر اخلي فصولي عندكم اليوم ؟؟

هبايب :منهو فصولي؟؟؟

ام ناصر : ولدي الصغير اللي جايبته معي..

هبايب بنفسها (بعد اسمه فصولي يالله لك الحمد خخخخخخخ)

الماما: ليه عسى ماشر..

ام ناصر :ابد وانا اختس بس معزومه على عرس وماقدر اخذه معي..

هبايب :طيب مب لازم تروحين <<صريحه

الماما وهي تغمزلي ووجهها يقول خل تروح واوريتس الشغل :لا شدعوه

مافيها كلافه ولاهم يحزنون الناس للناس وحنا جيران واهل ..

ام ناصر (ماصدقت خبر ) :هذي شنطته وفيها كل اغراضه انشالله مايزعجكم ..

<<جايبه كل قشه عارفه انا بنوافق..

ام ناصر : انا بجي اخذه الساعه وحده فمان الله..

" المشهد الثالث "

الولد يصيح باعلى صوت .....

الماما :هبايب شيليه ولعبيه عشان يسكت ..

هبايب : يمه حاولت بس ماش وجهه مايشجع..

الماما : اجل روحي خذي شنطته وغيريله يمكن يبي غيار ..

هبايب : هذا الناقص ...

الماما: ياكثرتس بس طيب روحي اكليه يمكن جوعااااان ...

هبايب: ايه هذي مقدور عليها اما اغير له هذي والله اللي ماطرت ..

" المشهد الرابع "

هبايب والبزر فالمطبخ وقاعده تدور رضاعته وهو مازال يصيـــــــــح

هبايب :يرحم والديك خلاص اسكت اللحين اسويلك حليب بس ارحمنا من ذا الصجه..

البزر معطيها الخامس ويصيح ..

هبايب مدخله راسها بشنطته وتحلطم ::اوووووف بتسكن عندنا الظاهرانت ماخلت امك شي ماجابته ..

لقت الرضاعه وبتفتحها بس مدقره معها وتحاول لين مانفتحت

وفجأة امتلا المطبخ دخان ازرق وغبار واصوات تروع ويطلع من الرضاعه واحد لابس وزره ومعلق عظمه فخشمه
...
ويقول :شبيك لبيك انا المارد بين ايديك اطلبي وتمني بس لاتكثرين <<يتشرط

هبايب فاطسه ضحك : اول مره اشوف مارد لابس وزرة شكل اكلتك المفضله

المطبق خخخخخخخخخخخخخ

<<يازين ذا الايقونه توسع الصدر

وبعدين ليه معلق فخشمك عظمه تخاف يضيع ولا على بالك من ذوليك القدام هههههههه ....

المارد: هه هه هه هه هه تنكتين اني وخشتس اخلصي علي تبين شي ولا اروح <<اخلاقه تجاريه المارد..

هبايب :اممممممممم ايه لقيتها ابي الحشرات تختفي مابي اشوف ولا حشرة .. << والله من زين الامنيه

المارد يقول بنفسه (وش ربي بلاني انا ما لقيت الا ذي )

هبايب: وش تحلطم ماجازت لك امنيتي قل لا وبس ..

المارد ماخذها على قد عقلها :طيب وغيره..

وفي هذه اللحظه يتعالى صياح الطفل مرتن اخرى ويشتت تركيز هبايب ...

هبايب : يوه مب وقتك ترا خلني استغل الفرصه لاحقين عليك ..

البزر: ما تلاحظين انتس صافطتني هذا وهو طالع من رضاعتي ...

هبايب (وجه متروع): بسم الله سكنهم مساكنهم شلون تتكلم خابره عمرك 4 شهور ..

البزر وعيناه يتطاير منها الشرر :ايه اتكلم وادري اني ماجزت لتس ومن جيناكم انا وامي وانتي تضحكين علي

وجا الوقت اللي اضحك عليتس فيه..

هبايب : شلون يعني وش بتسوي ؟؟؟

البزر : قومي سويلي حليب وافكر بعدين وش اسوي بتس ..

المارد :خلصونا تبون شي ولا امشي ..

هبايب وهي تغمز للمارد : تو الناس شفيك مستعجل اقعد اشرب معنا حليب ..

البزر: من قالتس انتس بتشربن

هبايب (لحووووول يامن شراله من حلاله عله )

البزر : وين حمامكم؟؟

هبايب : ياحليلك تروح للحمام؟؟

البزر : وش قلنا انتي ماتتوبين ..

هبايب :شدعوه ياخي نمزح مايمزح معك انت شفه الباب الثاني عاليمين اول ما تطلع من المطبخ ..

هبايب للمارد : اسمع ابيك تساعدني مدري ذا النتفه وش ناوي عليه ..

المارد : يعني وش تبيني اسوي ؟؟..

هبايب : وانت محسوب علينا مارد انا من شفتك طالع من رضاعه وانا غاسله ايدي ياخي سو أي شي ..

المارد:طيب شرايك نسوي له كمين ..

هبايب : سو أي شي لين ما تجي امه تاخذه ونفتك ..

" المشهد الخامس "

البزر يدخل ويتعكرف بحبل ويتعلق بالسقف .......

البزر : وش السالفه ؟؟

هبايب : هه هه هه وش السالفه اجل لقد وقعت في شر اعمالك ايها الطفل الارعن ...

المارد بصوته الجهوري : هاه هاه هاه هاه..

البزر:هين ياهبايب وين بتروحين مني مردودة لا تنسين انا جيرانكم والله ماخليتس...

" المشهد السادس " ( الأخـيــر)

المارد : يالله هبايب انا استأذن ماتوقع انك تحتاجيني الحين ..<<اذرب مارد شفته بحياتي

هبايب: وين بتروح لا تقول بترجع للرضاعه ترا تطيح من عيني ..

المارد : اما برجع انا ماصدقت اطلع منها يالله هبايب مع السلامه

هبايب : مع السلامه ايها المارد لن انساك ماحييت ..<<لا يكثر

واخيرا وليس اخراً <<تقهرني هالكلمه

جت ام البزر واخذته لا باركت فيها ولا بولدها ..

The end

ملاحظه:
امي وين ارضها ...

مايستفاد من القصه :

1)الجار قبل الدار ....

2) لا تحقرن صغيرة ان البعوضة أدمت مقلة الأسد <<من يتوقع ان ذا النزغه يطلع منه كل هذا ....

تشااااااااااااااااااااااااااو

**nAmLaT nAjD** · 06-27-2005, 10:36 PM

حقرص بقرص اللي بيقعد مكاني جعله يقرص

<<محجوز لين الله يفرجها

**عبـــودي لا لا** · 06-28-2005, 02:51 AM

<-------------- محلي

قمت اطال الله في عووومررري بحجز مقعد نفرين <-- مهب منك من اللي انت خابر

يالهيس <<(( وجه مستحي))

الشهاده لله انا بس اطلعت عليه عالسريع بس اشم ريحت زحف انثوي مهب صاحي

الممممهمممممممممممم لي بااك

الخاتمة · 06-28-2005, 02:56 AM

اقول بس طيروا منا

انا باخذ المقعد
ليش يوم رحتى ما حطيتى شنطتك وانت ما حطيت الا عندك على كراسيكم
ما لى دخل
لحد يتحرش بالثانى

خخخخخخخخخخخخخخخخخ
هبايب واللة عليك طلعات
موووووووهوينة يابنت

وبعدين قصة واقعية من جد

وتحصل كثير
اللة يعينك
على مثل هذا الولد
بس واللة انة ما علية خلاف

اللة يرزقك .................؟
احلى منة

تشوووووووووو

**سفيرة الحزن** · 06-28-2005, 03:05 AM

ههههههههه

كل ذي قصه قصيره .. أجل القصه الطويله كيف تجي ..

بس ووووووااالله روووووووعه

كني عايشه هاللحظااااااات

تسلمين ياقمر

الله يعطيك العافيه

**سلف خمسة** · 06-28-2005, 06:39 AM

سلام ..!

هبايب ارحبي يامره

لقد حصلت لخبطه عندك اخت هبايب

فالمشهد الاول ليس هو المشهد الاول

بل هو المشهد الثاني نعم أعلم انك تقولين وكيف ذلك ياسلف ؟

اجاوبك الان لاتستعجلي ولكن قبل ان اجاوبك

ارجوك لاتقولين اسمي حاف بل قولي كيف ايها المعزب سلف

انا اقول لك (( كيف علمت امك ان الذي يضرب الجرس هو ام ناصر

ولاتقولين لي هذا وقتها كل يوم))

قد يكون ابو ناصر

وقد يكون اخو ناصر وقد تكون اخت ناصر

وقد يشاء الله وبمعجزه إلهيّه ويكون ناصر زات نفسوووه

لذلك سردك للقصه يفتقد المصداقيّه والتسلسل

انا مضطر انقله للمخزن ( وجه نحيس )

^

هبايب معليتس مني اصفطيني

نخوووش في الموضوع دوووغري

انا من شفتس كاتبه الماما وانا داري ان بداية الموضوع ذرااابه

وش تبي ام ناصر في المغرب ماذيب حزّة مسايير

لو اني منتس اقلّد صوت الخدّامه واقول مابييييييي اهد >> ثــف

لااااا وتبغاتس تسيرين مع امتس لهم؟

لاتروحين لاتروحين

انتبهي يمكن ناصر ناوي يخطبتس والا شي

وناوي يختبئ في احد دروج الصّاله واذا جيتوا يشوفتس عن كثب

اقتباس:

ام ناصر :الله واكبر محد عنده امتحانات الا انتي كل الناس يمتنحنون

هنا اصرّت ام ناصر على حضورتس

وش جاب الإصرار الا اكيد فيه شي كايد

هبايب انتبهي لنفسك >> انطمممممم

^

ياطر جيبي يالبراءه

من جد واضح انه يبي احد يغيّر له

لان مع ارتخاء الحواجب والعوينات

يتضح انه يشعر بسعاده بالغه وارتياح عميق

وان دل انما يدل على انه قد تخلّص من وزن كان يضايقه ( وجه متلطم )

بس حلو الولد مشاء الله عليه

يذكرني بطفولتي بس انا افرق عنه بشغله وحده

اني من يومني صغيّر لي قذله طايحه على عيني من زود الطّخامه

اقتباس:

ام ناصر :ابد وانا اختس بس معزومه على عرس وماقدر اخذه معي..

ااااااالله يالدنيا ذكرتينا بالعروس والطقّاقات والفلّه ايام زمان

يوم كانت امي تاخذني معها للعروس واشوف البنات واستانس

ياعنكني جلمه يومني صغير الحين البنات ينادوني

تعال ياحلو تعال ياقلبووووووووووو >>> الزكرتي شلونك

وانا متمسّك في شيلة امي

ام العفن والا كان اروح واتمردغ عندهم شوي

هذي تحبّني وهذي تمسح على شعري والثانيه جايبه لي حلاو

ياطر جيبي

يمدي احلق الشنب وادخل مع امي؟ ( وجه ماصل )

ويوم كبرت شوي وصرت جذع

كنت انخش في عباة امي

احيانا يصيدوني ويقولون ارجع واحيانا تمشي واستانس ( وجه يقول طيب وش تبي )

اقتباس:

انا بجي اخذه الساعه وحده فمان الله

الله من السرسره والهياته يا ام نويصر

اقتباس:

هبايب : يمه حاولت بس ماش وجهه مايشجع

خخخخخخخخخخخخخخ حرام عليتس

امانه تمقّلي زين في الخشّه

خخخخخخخخخخخخخخخخ

قسمن انه اطخم ياليته اخوي >> يجي كلّه احيانا

اقتباس:

هبايب : هذا الناقص

(( مخربها تعال يصلح لك هالإقتباس

))

بالعكس مايبيله شي الغيار

خلّيه يوقف في الزاويه وامسكي الهوز ومن بعيد وارشخي والديه بالمااااا

واذا نظف وصار اوكي

رشّي عليه شوي بودره ولفّيه في بطّانيه والا شرشف

سهله مايبيلها شي >> ورا ماتغيّر له دامك تعرف

اقتباس:

هبايب مدخله راسها بشنطته وتحلطم ::اوووووف بتسكن عندنا الظاهرانت ماخلت امك شي ماجابته

خخخخخخخخخخخخخخخخخخ قسمن جاز لي هالإقتباس

اقتباس:

وفجأة امتلا المطبخ دخان ازرق وغبار واصوات تروع

و ش معنى دخّان ازرق ليه ماقلتي اخضر والا ابيض والا اصفر

اعترفي تشجعين الهلال؟( وجه سامج الى درجة الخيال )

اقتباس:

هبايب وهي تغمز للمارد

ايييييييييييييييييييييييييييييييييييييه

ترى بحرر الموضوع

ماعندنا بنات يغمزون للـماردين >> لاحظوا الجمع

^

اقتباس:

البزر يدخل ويتعكرف بحبل ويتعلق بالسقف

بسم الله عليك ياقلبوو >> قسمن فاطس

اقتباس:

مايستفاد من القصه :

لاشئ

اسمت وجهك واطلع من الموضوع

هبايب اقصوصه رايقه ومجكنمه

بدايه حلوه في غرفة السّواق وننتظر جديدتس

ياصديقة المارد >> يبي يذلّها

واحسن شي في القصّه صورة فصّوووولي

هيييييه الموضوع تثبيت حتى إشعار آخر

[عفواً يمكن مشاهدة الروابط للمسجلين فقط للتسجيل اضغط هنا]

مع السلامة ,,

وني وني وني وني وني وني وني

الأصيلة · 06-28-2005, 12:30 PM

وحمام جانا مسير
ولا سلم علييه >> قاعده تسمعها ومستمتعه بها كنها عبدالحليم حافظ أهوااااك

يالله كم أتمنى اسمعها في تلك الليله الخالده >>>وبتس حيل تتمنين فيها

هبايب نجد يا الخاثره

وش في املاءتس رايح فيها اليوم عسى ما شر

كل هذا من تأثير مصااالاتس للبزران ..؟>> يعني العناية بالبزران بلغة اهل الصين

اقتباس:

الماما : هبايب قومي دام النفس طيبة عليتس.

هبايب (قمطت) :انشالله.

وين حساوية عنتس ..

الله يذكرها بالخير

اسمها أن شاء الله وليست انشاء الله

انتبهي الله يحييتس >>>خشي... خلاص انتقاد

ام ناصر هذي قصيرتكم ذكرتني بوحده قرابتنا

الله يغثها كل ما جابت بزر زاد عدد اعضاء عائلتنا

مع انها ما تقرب لنا ..

كش عليها العرس لها والتعب لشما >>> يعني تعبير مجازي على انه لنا

عاد لو تدرين شسويت في ولدها مره من المراريت

اخس عليه ريحه تصقع المخ وتنسيتس وش اسمتس الاول واسم جدتس

عقب سنه بينسيتس اسمتس كله بس الحمدلله نقلوا عنا كلش ملش >> شتبين تقولين انتي

ارجع اقولتس وش سويت فيه..؟؟ اكيد بقول وشوله اجل داخلتن مويضيعتس

لزمت ممتي الله يخليها لي اني اغيّرله وعععععععععع

وانا احب البزوره بس اغيرله قويه شوي

وامي تقوم.. وانا يالسه حشااااااا وكلاااااااااا

المهم الولد ما يوقف زين

توه صغنن مالت على امه وابوه

وقفته بيد على البانيو وجبت فرشة الحمام وفركت ابو جده

وش اسوي ما فيه فرشة خاصه

قلت ما به الا اللي به فرشة الحمام تفي بالغرض ...

الهوز يرش مره والفرشه مرتن اوخرى

الين قال ربي الله

وخلاص لفيته وقطيته للي هو له ...

عقبها اذا جانا صار ما يسويها >> مسكين تاب ما وراء اللي جاه

^
بسم الله عليه الولد له سحنتن غريبه

قسم هبايب واضح ان المارد من قرايبه

ما قلتي هو يشبهه والا بس من خصوصياته فقط ..

تصدقين انه مشروع اطخم بالمستقبل بس انه احيمص شوي

شوفي شوفي اذانيه دلبووو والله >>> تحمست الاخت

وبعدين نسيت اسال ..

الرضاعه كان فيها مويه والا ساده

اقصد فارغه ..؟

ترى هذا يترتب عليه اشياء كثيره من ناحية سرد القصه

لو فيها مويه

فترى ننتظر منتس الجزء الثاني من القصه المارده ..

واذا ما فيها ساده يعني خلاص الرجال طلع منها وفارق قصدي المارد >>> وش تبي ذا الملاحظه هالحين ؟>> ما ادري بس اشطبي عليها

ياربيه ليتس مكمله هبوبه

ودي اشوف وش بيسوي فيتس البزر

قسم ودي اضحك عليتس ...

اقتباس:

هبايب وهي تغمز للمارد : تو الناس شفيك مستعجل اقعد اشرب معنا حليب ..

البزر: من قالتس انتس بتشربن

خخخخخخخخخخخخخخخخ

نسيتي انتس مفطومه هبايب ..؟ قاطه مع حليبه المسيكين ..

يالله يو تعكرف بالحبل وتعلق بالسقف قسم جتني البكوه

حرام عليتس هذا كمين لطفل بعمر الزهور

اربع شهور ومتعلق بالسقف

اجل ابو اربع سنين وش بتعلقينه فيه ..؟

لازم يكون في قلبتس حناااااااااااان ...

هبايب

قصه رشيقة خفيفه مسليه

باين على روحتس الحلوه من خلال سطورها

واحلى ما فيها قصيره مريره >>> كنايه عن انها توكل هني مري << ليتهم رقدوا بس

تشاو

هبايب نجد · 07-01-2005, 03:48 AM

nAmLaT nAjD

عبـــودي لا لا

انتظركم ولا تصفطوني ترا ازعل وزعلي شين << صدز

الخاتمة

اقتباس:

اللة يرزقك .................؟
احلى منة

اميـــن

انه لمن دواعي سروري طلتوكي هونا ولا تبطين

سفيرة الحزن

انتي ما بتقيش ليه مش تبئي تيقي

الله يسلمك يارب ويعافيك وانتي بعد لا تبطين

هبايب نجد · 07-01-2005, 03:50 AM

سلف خمسة

اقتباس:

ارجوك لاتقولين اسمي حاف بل قولي كيف ايها المعزب سلف

ايها المعزب سلف

اقتباس:

انتبهي يمكن ناصر ناوي يخطبتس والا شي

وناوي يختبئ في احد دروج الصّاله واذا جيتوا يشوفتس عن كثب

والله ياضحكت على ذس لين ماقلت بس للحين ذا الحركه موجوده ماانقرضت

خخخخخخخخخخخ سلف اعترف قد سويتها ؟؟ والله مااعلم << تحب تحرج

اقتباس:

و ش معنى دخّان ازرق ليه ماقلتي اخضر والا ابيض والا اصفر

اعترفي تشجعين الهلال؟

من قالك اشجع الهلال اصلا انا اشجع الوحده

اقتباس:

ايييييييييييييييييييييييييييييييييييييه

ترى بحرر الموضوع

ماعندنا بنات يغمزون للـماردين

ههههههههههههههههههههههههههههههههههههههههههههه
ههههههههههههههههههههههههههههههههههههههه
هههههههههههه <بس خلاص

هنا نعرف ان غمزة عن غمزة تفرق الغمزة هنا تعبر عن الفطنه والذكاء

<<ياشينتس لاجيتي تصرفين

ايها المعزب سلف <<تسمع الكلام

والله العظيم شرفني مرورك واسعدني جدن جدن

ومرسوووه عالتثبيت ايها المعزب سلف

هبايب نجد · 07-01-2005, 04:01 AM

غرام أحباب

اقتباس:

وانا احب البزوره بس اغيرله قويه شوي

هماني اقوله مدري شلون يجيك شعور ان كل الناس ضدك وانتي تصارخين

ليه كلكم ما تحبوني <<يامصلي تكفوووون يععع علي

اقتباس:

وقفته بيد على البانيو وجبت فرشة الحمام وفركت ابو جده

خخخخخخخخخخخخخخخخخخخخ لا غرومه ماتفقنا على كذا

بكره يجي الولد عقم لا سمح الله ويحطونها فيتس <<بنت عيب اختشي

اقتباس:

يالله يو تعكرف بالحبل وتعلق بالسقف قسم جتني البكوه

حرام عليتس هذا كمين لطفل بعمر الزهور

اربع شهور ومتعلق بالسقف

غرام بذمتس شفتي وجهه تمقلي فيه زين

غروووومه يابعدهم انتي والله اسعدني مرورك ياوليه

اعلانات المنتدى