اخواني اعضاء منتدى الزكرتيه (الولد رسمي)
السلام عليكم ورحمة الله وبركاته
بكل صراحه انا ترددت كثير اني انزل هاالقصيده او لا مانزلها مهوب علشان اني شاك في شاعريتي لا ابدأ الحمدالله لي مشاركات كثيره في لاذاعه والمجلات ولاكن انا ترددت علشان كثير من المنتديات تعرف سواق تريله بس في مجال الصرقعه والضحك فقط وكان خوفي محد يتقيلني كاشاعر ومازل هذا الخوف فيني
ولاكن هاالمره بكسر الخوف هذا وانشاء الله تعجبكم القصده هذي واذا معجبتكم طز فيكم(افا خربها الولد )
ماحسبت العمر يحلالي ولاسنيني تزيـــن
===لين جيتي في دروبي قلت ياحلوالزمــان
اه يالبا السوالف من رموشك واليديــن
===سولفي لي يابعدعمري ابي غفوة حنـــان
ماحسدت ببسمتك كودالثناياوجمرتــــين
===ولاسكر غيري بعطرك لانتثر كود المكــان
لوجمعتي رعشتي بك ماجمعتي حاجتــــين
===نصف فكرٍراح بعيونك ونصفٍ بالثـــــمان
اعرف اني قبل اعرفك املك العقل الرزين
===قلت ابثقل كيف باثقل لاغدى قلبي لســان
هو جمالك ذا جمال .هي عيون وجنتيــــن
===من جمالك اذكر الله من يصون ولايصـــــان
علميني كيف يزرع من بياضك ياسمـــــين
===كيف من قدك يغار وضاع فيه الخيـــزران
وان لعبتي بليلك الضافي على متن وجبين
===علميني كيف صبحه لا يغيب ولايــبـــــان
علميني علميني لاذهــيــن ولا فطيـــــن
===راغ قلبي منك كلك ياجنـــانٍ في جنــان
وان بغيتي كمليها كــلها في كلــمتين
=== انطقيهامن شفاتك تقلب العالي طــمـان
ودامني راضي واعرفك وخبرك وش تحتـرين
=== بعثريني ياعسى ماعشت فــي بـر الامـان
وان سآلتي ضيعتي بك من متى لوتجهلـين
===قلت لك ياعزتي لي والله انها من زمــان
(((سواق تريله)))
تحياتي للجميع
((((اه يالبا السوالف))))
