شخص يطلب ثقتي والثاني يبي فرقاي !!

**سفيرة الحزن** · 06-10-2005, 09:24 PM

الســلام عليــكم ..

شكل المواضيع في بداية الصيـف تكثـر

عنـوان السطـح أخترته يكون :

// شخص يطلب ثقتي والثاني يبي فرقاي ؟ //

في كثير مواقف نتعرض لها في هالحياه الغبرااا ( الخلااا منها )

في البدايه .. مدري إن كان موضوعي مكرر بهالقسم وماراح أستغرب لو شفته يطير فوق بيتنا

في حاله من الحالات .. هي أسئله تعتمد إجاباتها على أساس مبدأك في تعاملك أو على حسب قناعاتك ..

س1: على أي أساس تهب ثقتك لشخص ما ؟ وأي نوع من الأشخاص تقوله ( نجوووم السما أقرب لك !!؟؟) ؟

س2: شخص واضح من تصرفاته أنه يطلب ثقتك .. كيف ترد عليه ؟ وأركز على مسألة الرفض ...

س3:شخص وثقت فيه .. لكن مع مرور الوقت لاحظت أن كل كلمه ولو بسيطه تصل لشخص في الأساس هو قريب منكم انتم الإثنين .. وش ترد عليه ؟

س4: هل انت من المؤيدين أن مع مرور الوقت الأصحاب يقل عددهم ؟ ويبقى الأفضل لو كان واحد يغنيك عن أي شخص ؟ ..

س5: في هذا العمر أقصد اللي أعمارهم من 22 وفووق هل عندك إستعداد لبناء صداقات ؟ وش بيكون أساسها ؟

س6: فيه عندي أبيات ( منقوله ) وش رايك فيها ؟ أبيك تشرح وش حسيت لما قريتها ؟ وطبعا يكون له علاقه في الموضوع نفسه لكن لكل منه زاويته الخاصه طبعا اللي يفسر فيها الأمور ..

ليتك تموت وارتاح انا اليوم منك=ويرتاح قلبٍ بالخيانه طعنته
ليتك تموت وبثوب أسود أكفنك=واطوي معك صفحة عذابٍ رسمته
ليتك تموت وادخل القبر انا ادفنك=وادفن مع الجثمان جرحٍ جرحته

الى نهاية الأبيات اللي تقول

وش موقفك لو أنا اليوم خاينك؟=وش هو شعورك لو فؤادك غدرته؟!

س6: شخص بعد ماصارت بينكم ( نكبه مثلا) واخترت فرقاه .. ورجع بعد فتره يبي ثقتك ترجع مثل ماكانت ... كيف ترد عليه بصرااااحه <-- تخيل نفسك بالموقف على هالأساس يكون الرد ...!!

س7:وش نقول للشخص اللي تتوقع انه يحبك لشخصك وبعد فتره حسيت من تصرفاته كنه ملّ منك ولو كان بطريق غير مباشر .. لكن ( القلوب شواهد ) وهذا اللي حسيته من تصرفاته .... تتركه وإلا وش تقول ؟

س8:صحيح اللي يشوف مصيبة غيره تهون مصيبته .. لكن وش تقول للي ينظر لحزنك بأنه ولا شي وإنك ماكنت إلا حساس زياده عن اللزوم وانت تبالغ وإحتمال يقوول ( والله مالك داعي ) .. ؟؟

هذي مجمل أسأله أستجمعتها في لحظات بالنسبه لي حزينه جداً ..

بإنتظاركم ..

أجمل التحايا

مني أنا

سفيرة الحــزن

الأصيلة · 06-11-2005, 02:40 AM

موضوع حلو اختي سفيره

بس شكلك بترسلينهم لمحلل نفسي وتكشفين نفسياتنا المعقده

خخخخخخخخخخخخ

انا بقولك مبدأي ويمكن يجتاز اسئله كثيره ما راح اجاوب عليها

مبدأي بالثقه اني اثق في العالم كلها ولا اخووّن أحد

لكن عطائي لهم فقط سطحي وبحب ..

يعني حتى لو أخذ سر من وحده وما أكثر ولله الحمد الصديقات

يستغربون بالمقابل ليه ما اتكلم عن سري

ممكن اسلمه لشخص واحد فقط .. نعم لاني جربته ووجدت انه محل ثقتي ولن يخونها حتى لو كانت ضد مصلحته ..

لذلك اكتفيت ...

ربما نقابلها بالراحه لاحد وننريح لديه ما ثقل علينا

لكن من الأهمية ان لا أسلمه روحي او حياتي بسر لم يحتمله قلبي ..

س2: شخص واضح من تصرفاته أنه يطلب ثقتك .. كيف ترد عليه ؟ وأركز على مسألة الرفض ...

طيب هو ما طلبها الا من محبة لي اكيد .. لذلك احاول اكون معطاءه له فقط بما لا يضرني .. يعني احسسه انه محل ثقه وهكذا كسبته بدون تأثير علي ..>> مجامله درجة اولى

س3:شخص وثقت فيه .. لكن مع مرور الوقت لاحظت أن كل كلمه ولو بسيطه تصل لشخص في الأساس هو قريب منكم انتم الإثنين .. وش ترد عليه ؟

بتطبيق مبدأي لم تحدث لي ابدا في حياتي ..

س4: هل انت من المؤيدين أن مع مرور الوقت الأصحاب يقل عددهم ؟ ويبقى الأفضل لو كان واحد يغنيك عن أي شخص ؟ ..
طبيعي ان واحد يغني عنهم ...

لكن اخالف هذا الرأي فمع مرور الوقت يزيد العدد وتزيد الخبره بالاكتشاف لشخصياتهم ...واعرف كيف اتعامل معهم ..

س5: في هذا العمر أقصد اللي أعمارهم من 22 وفووق هل عندك إستعداد لبناء صداقات ؟ وش بيكون أساسها ؟

أساسها أخلاقي بحت

لا احب المتساهلين في الاخلاقيات والألفاظ ...

والاخيره هي من تبعدني عن الصحبه ..او تقربني لها ..

س6: فيه عندي أبيات ( منقوله ) وش رايك فيها ؟

اول ما قريتها صار وجهي كذا

لاني لا يمكن انطقها ...لاي كان ولو اكبر خائن

عندي قناعه ان ما ابعده عن دربي الا الخير اللي كاتبه لي ربي ...فالله يسهل له دربه

وانا على قولتك ربي يوفقني >> قلبتها شعر

س7:وش نقول للشخص اللي تتوقع انه يحبك لشخصك وبعد فتره حسيت من تصرفاته كنه ملّ منك ولو كان بطريق غير مباشر .. لكن ( القلوب شواهد ) وهذا اللي حسيته من تصرفاته .... تتركه وإلا وش تقول ؟

اذا احساس ما يكفي لازم استجوبه واساله عشان اكون على ارض ثابته >> الله يعين من يطيح بيدك ...

س8:صحيح اللي يشوف مصيبة غيره تهون مصيبته .. لكن وش تقول للي ينظر لحزنك بأنه ولا شي وإنك ماكنت إلا حساس زياده عن اللزوم وانت تبالغ وإحتمال يقوول ( والله مالك داعي ) .. ؟؟

ههههههههههههههههههه

كل يوم تقال لي هالكلمه ... الحساس يوهم نفسه كثير ويعيشها يمكن اكثر ..

خلاص سفيره

بشريني نتيجة التحليل تكفين >>> يؤؤ

هــيــبــه · 06-11-2005, 04:26 AM

اهلين سفوره

تف تف تف كاشلله عليكي سحبتي البساط من تحت الماما يا قلبي

كل يوم لكي موضوع
وكل واحد يفتح ينفس
تسلم والله يا بعد الاحزان كلها

انا والله ياخيتي ما راح ارد على كل هالاسئله لاني بعتبر كذا وثقت فيكي
(فهمتي الحين؟.....)

نظرا لتجارب سابقه فانا مع مبداء حرص من صاحبك ولا تخونش له

يعني من اصلي ما اثق بالجميع ولا انثر اوراقي بايد شخص واحد

يعني مافيه احد بالدنيا شخص اذا غاب اقول اخذ اوراقي وعلومي واسراري وما عاد فيه لي صديق

لكن ما اخوّن الناس

فيه ناس يعطيك علومه ويبي قربك عشان يبيك تحبه وتبي قربه بغض النظر عن مشاعرك انت
لكن اعتقد ان الانسان يجب ان لا يكون ردة فعل للناس فقط ولكن يجب ان يكون له استقلاليه في مشاعره واحاسيسه

ومن عطاني سر وقال عطيني بداله اقوله يفتح الله

والانسان بنظري لا يستطيع ان يعيش بدون صديق
ولكن معاملتي للصديق تختلف عن معاملة غيري
فالبعض يبحث عن صديق يرمي همومه عليه
والبعض يبحث عمن يحمل عنه الهم
الناس انواع
والاهداف متغيره من مرحله عمريه لمرحله اخرى

تصدقين سفوره قلبي
احسو دي اسئلك وش تبين بالموضوع ذا
ماني فاهمه وين السؤال المهم الللي احس اذا رديت عليه وكاني مسكت العصى من النص على قولتهم

اتمنى اني اكون رديت ولو على جزء من استيضاحاتك
واتمنى اكون مرئيه في هذا الموضوع

تسلم دياتك يا بعدهم

**ياهملالي** · 06-11-2005, 01:22 PM

اقتباس:

المشاركة الأصلية كتبت بواسطة سفيرة الحزن

الســلام عليــكم ..

وعليكم السلام ورحمة الله وبركاته

شكل المواضيع في بداية الصيـف تكثـر

عنـوان السطـح أخترته يكون :

// شخص يطلب ثقتي والثاني يبي فرقاي ؟ //

في كثير مواقف نتعرض لها في هالحياه الغبرااا ( الخلااا منها )

في البدايه .. مدري إن كان موضوعي مكرر بهالقسم وماراح أستغرب لو شفته يطير فوق بيتنا

في حاله من الحالات .. هي أسئله تعتمد إجاباتها على أساس مبدأك في تعاملك أو على حسب قناعاتك ..

س1: على أي أساس تهب ثقتك لشخص ما ؟ وأي نوع من الأشخاص تقوله ( نجوووم السما أقرب لك !!؟؟) ؟

^
على أساس ارتياحي له واطمئنان قلبي عليه ..
وبالنسبة للي نجوم السما أقرب لك كثاااااااااااااار نااااااااااس

س2: شخص واضح من تصرفاته أنه يطلب ثقتك .. كيف ترد عليه ؟ وأركز على مسألة الرفض ...

^
أرد عليه ، بما يتطلبه الموقف ، بمعنى أنني أرى ماذا يريد بهذه الثقة !
وعلى أساسها أعامله بالمثل ..

س3:شخص وثقت فيه .. لكن مع مرور الوقت لاحظت أن كل كلمه ولو بسيطه تصل لشخص في الأساس هو قريب منكم انتم الإثنين .. وش ترد عليه ؟

^
ما مر علي هالموقف ، وإن شاء الله ما يمر ، لأني واثق إن ثقتيإن شاء الله في محلها ..

س4: هل انت من المؤيدين أن مع مرور الوقت الأصحاب يقل عددهم ؟ ويبقى الأفضل لو كان واحد يغنيك عن أي شخص ؟ ..

^
نعم من المؤيدين ، لأنه مع الوقت ما يبقى معك إلا الوفي والصادق في صحبته .. حتى لو بقي منهم شخص واحد ، أعتقد أنه يكفي عن الجميع مادام أنه استحق الثقة واستحق كلمة الصديق ..

س5: في هذا العمر أقصد اللي أعمارهم من 22 وفووق هل عندك إستعداد لبناء صداقات ؟ وش بيكون أساسها ؟

^
أعتقد أن مسألأة بناء الصداقة لا تخضع لـ عملية ترتيب معينة أو تهيئة مسبقة ، بقدر ما تأتي دون قصد ،
من رأيي الشخصي أو بالنسبة لي شخصياً ، صداقاتي أتت من واقع معاملة ومن واقع زمن ، بمعنى آخر الصداقة لي أنا بالذات بنيت على معاملة وتصرفات وصدق ..

س6: فيه عندي أبيات ( منقوله ) وش رايك فيها ؟ أبيك تشرح وش حسيت لما قريتها ؟ وطبعا يكون له علاقه في الموضوع نفسه لكن لكل منه زاويته الخاصه طبعا اللي يفسر فيها الأمور ..

ليتك تموت وارتاح انا اليوم منك=ويرتاح قلبٍ بالخيانه طعنته
ليتك تموت وبثوب أسود أكفنك=واطوي معك صفحة عذابٍ رسمته
ليتك تموت وادخل القبر انا ادفنك=وادفن مع الجثمان جرحٍ جرحته

الى نهاية الأبيات اللي تقول

[poem=font="Simplified Arabic,4,darkblue,normal,normal" bkcolor="transparent" bkimage="" border="double,4,indigo" type=2 line=0 align=center use=ex num="0,black"]
وش موقفك لو أنا اليوم خاينك؟=وش هو شعورك لو فؤادك غدرته؟![/poem

^

أتوقع إن هالأبيات لا تعني شيئاً للصداقة بقدر ما تعبر عن حالة حب تم سحقها بالخيانة ،

وبالتالي لايوجد عندي رأيي تجاهها أو أ تعبير

س6: شخص بعد ماصارت بينكم ( نكبه مثلا) واخترت فرقاه .. ورجع بعد فتره يبي ثقتك ترجع مثل ماكانت ... كيف ترد عليه بصرااااحه <-- تخيل نفسك بالموقف على هالأساس يكون الرد ...!!
^
أتوقع الأمر مو بالسهولة ، أنا جيتك ، خذني واعتبرني مثل اول

س7:وش نقول للشخص اللي تتوقع انه يحبك لشخصك وبعد فتره حسيت من تصرفاته كنه ملّ منك ولو كان بطريق غير مباشر .. لكن ( القلوب شواهد ) وهذا اللي حسيته من تصرفاته .... تتركه وإلا وش تقول ؟

^
ما أظن اللي يحب ، يقدر يتخلى بسهولة !

س8:صحيح اللي يشوف مصيبة غيره تهون مصيبته .. لكن وش تقول للي ينظر لحزنك بأنه ولا شي وإنك ماكنت إلا حساس زياده عن اللزوم وانت تبالغ وإحتمال يقوول ( والله مالك داعي ) .. ؟؟

^
مابي أسمع كلامه ..

هذي مجمل أسأله أستجمعتها في لحظات بالنسبه لي حزينه جداً ..

بإنتظاركم ..

أجمل التحايا

مني أنا

سفيرة الحــزن

شكراً سفيرة الحزن ، اتمنى اكون وفقت بالإجابة
ربي يسعدك
وعلى الخير دايم نلتقي ،،

**ياهملالي** · 06-11-2005, 01:31 PM

قسم إني رديت على الأسئلة كلها

بس مدري وين طارت الباقية

**سفيرة الحزن** · 06-11-2005, 07:08 PM

غرام أحباب
هيبــه
ياهـمـلالـي ..

شاكره لكم هالطله العسل .. معليش شكلي تعبتكم مع هالأسئله ... بالنسبه اي سؤال مهم .. في نظري كل اللي كتبته مهم بالنسبه لي .. ليييييييش ؟ .... لأني بكل بساطه انخدعت من شخص عزيز بشكل ماتتخيلون .. مو معناه إني ساذجه معاه لكنه للأسف إستغل طيبتي وثقتي فيه بحيث إنها ماجات من فراغ
يعني .. مرت علي مواقف كان قمه في حفظ سري وزادت ثقتي ... وبلحظه اكتشف ان من وراي فيه مؤامره

بس بدون كلام زياده ... من كثر مااغتابني .. أشكره لأنه زاد رصيد حسناتي

الله يعطيييييييكم العافيه ...

<---- ااعتبروها فضفضه

تدرون عاد ... وثقت في ناس بعااااااااد الله يذكرهم بالخير .. وربي قد الثقه ... طيب ليييييه هالإنسان اللي قريب مني بالعلاقه وبالدم يخوني ؟

تسلمون

**سفيرة الحزن** · 06-11-2005, 07:10 PM

ايه نسيت اقول ..

ياهملالي .. كمل إجاباتك لا فضيت ..

منور يالغلا

مستحيه · 06-11-2005, 10:39 PM

والله اني رديت عليك وتعبت علي الرد بس والله طار

فــ/ كتبت الرد مره ثانيه وقلبي معورني على الرد الأول

اقتباس:

س1: على أي أساس تهب ثقتك لشخص ما ؟ وأي نوع من الأشخاص تقوله ( نجوووم السما أقرب لك !!؟؟) ؟

على اساس اني قد جربته من قبل ..وعرفته انه موضع ثقه..
واعرف انه شخص يخاف الله ..
ورب اخ لك لم تلده امك .. يمكن البعيد عنك اللي ماقد عاشرته وعشت وياه أفضل من القريب اللي تعرفه ..
لا انظر الى الناس نظره سوادويه ..وأنهم كلهم بـ/ يخوني
الناس اجناس
اذا خنت من واحد ..ماهوب شرط يجي ثاني وبــ/ يخوني
والخير يعم ..والشر يخص
والخير يعرفه كل الناس ..والشر يعرفه بعض الناس
مبادئ تعليم لــ/ النظر الى الناس بنظرهــ خير حتى لو مانعرفهم
ماهوب معقولهــ اجي وأقول ياخوفي منك تخوني
للحين الطيب موجود في ذا الزمن ماهوب مات ..واللي مات ضماير بعض الناس ماهوب الطيب

اقتباس:

س2: شخص واضح من تصرفاته أنه يطلب ثقتك .. كيف ترد عليه ؟ وأركز على مسألة الرفض ...

اعرف اولا ..ليه يبي ثقتي ..؟؟!!
واذا كان شخص يستاهل اعطيه اللي على قده << تظنه ملابس

لا افراط ولا تفريط
مبدأ لمن حولك ..لــ/ من يريد ثقتك ..وخوفك منهم
ماهوب كل واحد طق صدره .. عطيته ثقتك ..
وماهوب كل واحد قال انا سندك .. رحت واتكيت عليه ..
وماهوب كل واحد قال انا عضيك ..رحت ورميت نفسي عليه

اقتباس:

س3:شخص وثقت فيه .. لكن مع مرور الوقت لاحظت أن كل كلمه ولو بسيطه تصل لشخص في الأساس هو قريب منكم انتم الإثنين .. وش ترد عليه

لا يكون ردي عليه بــ/ الفعل ..اجعله..بــ / الكلام ..اجعل نفسي احسسه اني متغيرهــ ..متغيرهــ ..وكلامي ماهوب مثل الأول.. احكي قصه خيانه (أشخاص) لأناس اعطوهم ثقتهم فيهم ..ولكنهم ليس اهل لها فــ/ خانوها ..وبــ/ يعرف انه المقصود وبــ/ يخجل من نفسه ..عــ( غلطته) اذا كأن يعرف العيب وش هو ..؟!

اقتباس:

س4: هل انت من المؤيدين أن مع مرور الوقت الأصحاب يقل عددهم ؟ ويبقى الأفضل لو كان واحد يغنيك عن أي شخص ؟

نعمــ ... وبقوهــ
فــ/ اكتفي بشخص واحد يعرفني ويفهمني قبل ما اتكلم( و) انطق الحرف
بــ/ مجرد نظرهــ لي ..خير من عشرهــ اعرفهم وما يعرفون وش فيني ..
وهذا الشخص الواحد اخترته من بين الجميع لأنه ادرى بي ويدري فيني .. من غيرهـ ..ويخاف علي قبل مايخاف على نفسه لاني اكيد بــ/ اهمه وتهمه مصلحتي وين تكون ..
وصداقتنا لا تكون صداقه عابرهــ ..(او) زائفه لاهي صداقه مجامله او مصالح ..

وصدق القائل ....( صداقة زائفه أشر من عداوة سافره ) .

اقتباس:

س5: في هذا العمر أقصد اللي أعمارهم من 22 وفووق هل عندك إستعداد لبناء صداقات ؟ وش بيكون أساسها ؟

اهم معاير لأختيار الصديق .. والصداقه ..تكون اخلاقيه بالأول كما ذكرت الأخت الغاليه( غرام)

ومن ثم مدى ارتياحي له.. ومدى وقوفه بــ/ جنبي .. ومساعدته لي عند الحاجه ..لا ان اذا احتجت اليه وجدته في مهب الريح وصافقني ذاك الخامس اللي مأكانه في يوم كأن يعرفني عندها اقدر اكمل هذه الصداقه واقويها لاني وقتها عرفت انه هذا صديق حقيقي او لا ..!!

اقتباس:

س6: فيه عندي أبيات ( منقوله ) وش رايك فيها ؟ أبيك تشرح وش حسيت لما قريتها ؟ وطبعا يكون له علاقه في الموضوع نفسه لكن لكل منه زاويته الخاصه طبعا اللي يفسر فيها الأمور ..

الأبيات قويه ..وكلماتها مؤلمه ..
ولكن مختلفه من شخص لأخر
ماهوب كل البشر ..بيكونون خانوا نفس ماخانوا كاتب هــ/ الأبيات المؤلمه
ونتيجه الصدمه الخيانه .. ماهي راح تكون مثلهــ.. كل شخص تتوقف على مدى تلقيه وتألمه فــ/ تختلف بدرجات متفاوته ..
ولكن المعنى كلها واحد (خيانه)
انا اتألم ..وأنت تتألم ..وغيرنا يتألم ..بس احنا نعرف الى اي متى نتألم بــ/ الخيانه ..؟؟!!
انا يمكن اتألم بــ/ لحظتها ..وأنسى...
ويمكن أنت تتألم بعد مدهــ..وتنتهي ... ويمكن غيري يتألم الى الأبد..
ماهوب كل خيانه بــ/ تكون متشابه ..والألم.. بــ/ يكون نفسه ..

اقتباس:

س6: شخص بعد ماصارت بينكم ( نكبه مثلا) واخترت فرقاه .. ورجع بعد فتره يبي ثقتك ترجع مثل ماكانت ... كيف ترد عليه بصرااااحه <-- تخيل نفسك بالموقف على هالأساس يكون الرد ...!!

المؤمن لا يلدغ من جحره مرتين

اقتباس:

س7:وش نقول للشخص اللي تتوقع انه يحبك لشخصك وبعد فتره حسيت من تصرفاته كنه ملّ منك ولو كان بطريق غير مباشر .. لكن ( القلوب شواهد ) وهذا اللي حسيته من تصرفاته .... تتركه وإلا وش تقول ؟

اعرف السبب ..
واذا عرفته سواء كأن يستاهل(او) ما يستأهل .. تؤصل للنهايه ..
انا اكتب النهايه.. ليس لمجرد انه حس بالملل ولكن انا ارفض ان ابقى واواصل مع أناس لا أحساس لديهمــ ..
وعــ(قولتهم) اخلي لي عزه نفس .. ترفض المهانه
والااذا كأن يستأهل ..والسبب اللي اعرفه يتحمل ان ابقى(و) استمر كان دافعت عن نفسي ولكن لــ/ مجرد الملل .. كرامتي اولى لها بالأنسحاب

اقتباس:

س8:صحيح اللي يشوف مصيبة غيره تهون مصيبته .. لكن وش تقول للي ينظر لحزنك بأنه ولا شي وإنك ماكنت إلا حساس زياده عن اللزوم وانت تبالغ وإحتمال يقوول ( والله مالك داعي ) .. ؟؟

يـســخـر مـن الــجــروح ... كـل مـن لايـعـرف الألـم

عزيزتي سفيره الحزن..

اذا خان صديق ..في الدرب ألف صديق ولكن نحن من يجب علينا ان نحسن اختيارهــ
هناك اصدقاء ..قلوبهم لا تعرف انها سوى ناصعه البياض<< ماهوب مغسوله في تايد << هذا وقته << ابيها تضحك

بعض مفهوم الخيانه .. يعلم النفس الوفا

عزيزتي ..سفيره
ليست العظمة أن لا نسقط أبداً ... ولكن العظمة أن نسقط وننهض من جديد وأقوى من قبل

ما اجمل الخيانه....خصوصا من صديق

لماذا هي جميله..؟؟
لــ/ نفكر بــ/ تحويلها من سلبي الى ايجابي
لــ/ نجعل هذه الخيانه في صفنا..وليست ضدنا.. وكابوس لنا
لــ/ نحول هذه الخيانه قوهــ لنا ..لا ضعف فينا
ولــ/ نجعل هذه المقوله ..امامنا
أحمل جرحك .. وألمك .. واجعله نبراس ينير لك الطريق لتستطيع أن تسير بخطى أكثر ثقة ..

وليس المهم من نصادق ..المهم كيف نصادق ..يا عزيزتي ..؟؟!!

اتمنى اني وفقت في الأجابات يا الغاليه..
اتمنى لك السعاده(و) التوفيق.. ودمت بخير ..

**سفيرة الحزن** · 06-12-2005, 12:20 AM

وعليكم السلام ورحمة الله وبركاته ..

مستحيه رجعتك فرحتني كثيييييير .. يعني دامك كتبتي الرد من جديد هذي لايمكن انساها لك تسلمييييين والله

من ناحية الرد .. ماااااااقصرتي يابعدهم كلهم ..

كفيتي ووفيتي ...

إجاباتك مره كثير اعجبتني ..

تسلميييين .. وربي يعطيك العافيه ...

لاعدمتك ..

تحياتي لك ..

**ها1وي** · 06-13-2005, 11:06 AM

صباح الخير
موضوع جميل جدً
ليس مستغرب هذا الطرح من سفيرة الحزن
لي عوده للاجابه
لكي اطيب المُنى والود

اعلانات المنتدى