الاخضر الى المانيا ( صور وتبريكات)

**ماشي الحال** · 06-09-2005, 05:38 AM

<< هذا وجهي الى الحين

السلام عليكم

وشلونكم مبسوطين صح ؟

جلست احتري المصور يجيب الصور وتعطل على الخط

وخليته يرسل الصور مع ليموزين وهو يقعد يصلح سيارته

ماعلينا منه في قريح جا ولا ماجا

اولا مبروووووووووووك والف مليووووووون مبروووووك لمنتخبنا الوطني

رفع راسنا فوق وتأهل لمونديال المانيا 2006 كأول منتخب عربي

يتأهل وعقبال باقي المنتخبات العربيه كلها

ثانيا :

اغاني المنتخب كل واحد يضغط على وحده واذا خلصت يضغط

على الثانيه ولا ترى بزعل عليه

[عفواً يمكن مشاهدة الروابط للمسجلين فقط للتسجيل اضغط هنا]

[عفواً يمكن مشاهدة الروابط للمسجلين فقط للتسجيل اضغط هنا]

[عفواً يمكن مشاهدة الروابط للمسجلين فقط للتسجيل اضغط هنا]

[عفواً يمكن مشاهدة الروابط للمسجلين فقط للتسجيل اضغط هنا]

اللي تطول عنده الاغنيه ماتشتغل يضغط ستوب على الريل بلير

ويرجع يضغط اللي يشغل

المباراه كانت بين منتخبنا الوطني وبين منتخب اوزباكستان

على استاد الملك فهد الله يشفيه يارب

الجمهور كان صاك ام الملعب كله مالكم ماطى رجل >> ياروحي يالتحليل

منتوا مصدقين ؟ اوريكم طيب

^
^
مشكورين كلبوكم وماقصرتوا

لم تمضي على بداية المباراه 10 دقائق الا والذئب اللاعب الخبير

سامي الجابر يغمز الكره التي وصلته من الشلهوب بالمسطره على يسار

حارس اوزباكستان معلناً بداية الزلزال الاخضر والفرح السعودي

ظل رتم الشوط الاول هادئا والواضح ان منتخبنا اراد ان يرتاح قليلا

ويتأهب للانقضاض في الشوط الثاني ..

بدأ الشوط الثاني وكان هناك تصميم واضح من اوزباكستان على معادلة النتيجه

ولكن هيهات فقد كان امام الاخضر العنيد وابطل المحاولات من بدايتها

واستلم منتخبنا زمام المبادره في الهجمات ومن بدايه هجمه من منتصف الملعب

أتت الكره الى نجم المباراه سامي الجابر على رأس الـ 18

وتلاعب بالدفاع وصوب الكره على يسار الحارس قويه سكنت الشباك

وابتدت بعدها طبول الفرح تقرع في الملعب وايضا ام صتمه عيار تسعه مل

واضاع منتخبنا كذا فرصه سنحت له وكان الاستعجال واضحا نوعا ما

ولكن النتيجه كانت في مخبا اللاعبين

وهنا استعان المدرب باللاعب القادم للكره السعوديه

وكما يحلو لعشاقه ان يلقبوه (( راؤول العرب )) سعد الحارثي بديلا

للنجم المتجدد ونجم المباراه سامي الجابر ..

وابتسم الحظ له كما ختم الاهداف ضد الكويت في المباراه السابقه

ان يختتم اهداف الخضر اليوم من كره وصلته من الظهير الثابت المستوى

احمد البحري وتجاوزت ياسر ووصلت الى سعد الذي اندفع اليها بقوه

ليسجل الهدف الثالث للاخضر

وانتهت المباراه بهذه النتيجه ووصول الاخضر الى المانيا

3/0 هذا ما آلت اليه نتيجة منتخبنا مع اوزباكستان

وهي نسخه مكرره من مباراتنا امام الكويت الشقيق

المصور عاد الله يهديه ماجاب الصور كامله اخليكم مع بعض الصور

ياليتني معكم

تشكيلة المنتخب

اخليكم مع هدف الذئب سامي الجابر الاول

الهدف الثاني بعد سامي الجابر

سجود شكر لله عز وجل

الهدف الثالث للنجم القادم سعد الحارثي

تحيا المملكه العربيه السعوديه تحيا تحيا تحيا

^
^
يادلبوووو

وفي الختام ارجع واقول مبروووك مليووووون لمنتخبنا الاخضر

وان شاء الله يرفع راس كل العرب في المانيا

**هجير** · 06-09-2005, 06:08 AM

مبروووووووووووك

ويســــــــــــــــــــــــــــــــــــــتاهل منتخبنا

وبالتــــــــــــــــــــــتوفيق انشاء الله في جميع المحافل

**شنكوتي** · 06-09-2005, 06:11 AM

الف الف مبرووك

يستاهل الاخضر ويستاهل جمهور الاخضر ..

ويستاهل ماشي الحال هالفرحه ..

وللامانه الذيب لعب واليوم يومه ..

والشلهوب ماقصر هو دينمووو المنتخب .. وعازف الاورق

بصراحه الكل ما قصرووو ..

مبرووك لكل الشعب السعودي التاهل

وعقبال ما يلحقهم منتحب اليمن

وابشرك يا ماشي الحال ترى وضع البرازيل مايخوف توهم ما كلينها من الارجنتين 3/1 بالرأفه

يعني ان شاء الله ما يرجع المنتخب من المانياا الا وهو رافع رووس العرب كلهم

ثاانكس حبوب على هيك موضوع

سي يووووووووو

قلب نوال · 06-09-2005, 07:56 AM

ياربيييييييييييييييه

يمينا بالله ياهو جوووو ياناااااس

الله لايوريكم

والله من الزحمه ماوصلت البيت الا السعه 2

تخيلوا

طالعين من العصر من بيتنا على ماوصلنا الملعب

يعني داخلين يمكن فيه على الساعه اربع ونص او خمس جوا الملعب

وربي ماقينا مكان الا ورى البيبان..!

يعني جمهووور زاااااااااحف..!

والله مدري شلون اوصف لكم المباراة

بس بنزل كذا صورة حلوه تشوفونها

سي يووووو

**عبـــودي لا لا** · 06-09-2005, 09:50 AM

آآآآآآآآآآآآآآآآه ابك آآآآآآآآآآآآآآآآه

ياجماعه اقسم في ذمتي موت انها فرحه مهب صاحيه

اول مره وبكل صراحه المنتخب يريحني

ولااا و بكل هالسهوله يقدم لنا الفوز على طبق من ذهب

دون شد او حسره او رفعت ضغط

ياناس مانيب مصدق اللي يصير

المنتخب يتأهل بكل سهوله

ولا وفوق هذا يتأهل بمستوى خوووبال

ياجماعه صحيح اللي يصير

ومن اول كووونت اقووول مافي مثل لعب المنتخب في أسيا كوول بوها

وفوق هذا ما يريحني مع انه يفوز ويطبزهم شر طبزه بس آآآه لو كان في

شوي ثقه

..

بس الحين يلعن ابو الثقه ياشيخ

و اقسم في ذمتي اني حضرت المباراه وشريت علم وحب وسته علب مويه

وثنين عصير الربيع ودوووخان

...

وشجعت وانا واحد من الشيبان تعرفت

عليه في الملعب ياهو فاصل ومنتهي وخاصة اذا حس ان الجمهور برد

ومعي واحد(ن) شروا من يقرا

عليه تردح مهب صاحي يعطيك على جوك

8
8
8
8
وانا فوق على يمين الصوره يعني اي حركه مكشوفه بتعبير آآخر اي حركه راح اضرب في المليان

وصورنا يعني وش اقول وش اوصف امسيه رياضيه غير طبيعيه

شي يذكر في التاريخ مشاهد لا توصف ولا تنسى مع ان رجووولي تنفخت

بس كله يهون لعيون الاخضر

بوسه مع التحيه

لسعد الحارثي

واقوله ياورع اقسم بالله انك لاعب ولك مستقبل مهب صاحي بس نصيحه

في ظل هالاداره النصراويه الحاليه صدقني راح يدمرك وراح تنطبق عليك

الكلمه المعروفه (( محلك راوح )) ... وانحش تكفى ياذا

وتحية سلااام ومرباع لكل اللي في الملعب من لعيبه وجماهير وعسكر

وخبلان ومصرقعين يعني اللي بالملعب كوووول بوهم

ياناس شي لا يوصف حتى البزران اللي اعمارهم على سنه حاضرين

8
8
8
عاد هذا مهب عمره سنه

<---- لاحد(ن) يلف الحتسي

وفي الختام ما اقول الا مبروك للجميع على هالتأهل الفضيع

والله يعطيك الف عافيه يامويشي على هالمجهود <---- أخ ثـــف

8
8
8
ياشين الرسميه معك مانصلح رسمين

الأصيلة · 06-09-2005, 10:44 AM

البوووو قلبووو يا الوطني

قسم اني فرحت ايما فرح

تابعت المبارة بالتلفون

بس شي اذا صرخ باذنك احد وانت ما تدري وش السالفة

بتاااال القوووووس

قسم انك شي وتحليلاتك

يا اخي وش رايك تترك البهويه وتصير معلق

احسن من البكر بتصير >>يا قدمتس

وبيخذونك اخر شي مدير منتخب

احلى شي الفووووووووووز اللي مثل هذا

فوز ثقة

فوز اصرار

بحبك يا وطني بحببببببببببببببببببببببك

@بر$شلو$نه@ · 06-09-2005, 12:18 PM

والله المنتخب يستاهل كل هذا واكثر
يستاهل
يستاهل
يستاهل
كل هذا واكثر
والله المنتخب رفع راسنا
المنتخب يرفع الراس
انا الى الحين مسسسسستانس
انا فرحه كثير عليهم
يلا الى المانيا وحنا مرفوعين الراس

مشكوووووووور يا خوي على الموضوع الجميل

واليكم بعض صور الاخضر

[img]http://images.google.com.sa/images?q=tbn:V47sLevw97sJ

ww.alyaum.com/images/11623/262301_1.jpg[/img]

^
^
^
سعد الحارثي اسم من النجوم الصغار البارزين بقوه
ويلقب بي راؤل العر

^
^
^
ياسر القحطاني نجم من نجوم الكره السعوديه

^
^
^
سامي الجابر من كبار النجوم

وانشاله يكون الرد قد المقام
وسامحونا اذا تركنا بعض اللعيبه

هبايب نجد · 06-09-2005, 02:48 PM

ياسلامي عليكم يالسـعوديــه
ياديار العرب يادار الابطـالـي
يالسعودي نحيي روحك الحـيه
نشهد انك اصيل وطيب الفاـلي
للوطن في فنونك مخلص النيه
وسط كل الملاعب صيتكم عالي
شايل البيرق أخضر رافع ايديه
واحمد الله كريم وحقـق امـالي
تحرقون الشبك باهداف نـاريه
تحرجون الخصم فكل الاحوالي
لعـبـكم فـيـه فـن وفـيـه نـديـــه
وفيه عزم الرجال فصدق الافعالي

لاعدمناك يابو عبدالله

كبيـر والله كبــيـــــــر

كفو والله

لبى قلوبهم

اقتباس:

بتاااال القوووووس

قسم انك شي وتحليلاتك

يا اخي وش رايك تترك البهويه وتصير معلق

اضم صوتي لصوت غرومه

ماقصرت يا معزبنا كفيت ووفيت وعساك عالقوة ....

الف مبروووووووك للأخضر

ضوى الروح · 06-09-2005, 05:18 PM

والله يستاهل الأخضر الفوز<<<<<< طالعه من قلب
وعقبال الكاس انشاء الله

**شباب في رحله** · 06-09-2005, 07:30 PM

سلام اخضر معطر بصنان المولد للجميع

عبوودي يالزلابه ليه ماعلمتني انك بتحضر المباراه

^
^
وانا بعد فوق بس مو على اليمين في النص

بس ياهي مباراه

يالربع من الساعه اربع داخلين والملعب ممتلي

بس قهروني البوفيه يبيعون الما الي نشتريه بنص هينا يبيعونه بريال ونص

وين المراقبه عنهم

مفرووض مانفرح لفوزهم علشان الما بريال ونص <<< هملالي على غفله

قبل بداية المباراه

اثبت امير الهلال ان له شعبيه خياليه

من يوم دخل والجمهوور استجن

عاد فمابالك يوم دخلوا اللاعبين لتسخين

بس وناسه قسم

مباراة الاحلام

واشوا اني مافوتها

لقطات خلف الكواليس

1- من بداية المباراه كنت اطمح بالفوز بالسياره بس الظاهر الاتصالات نصابين حتى بالسيارات وكأن وزير الاتصالات يقوولي معصي تفوز

2- شقيت كرتون حق الماء علشان اهووي فيه من الحر العالم مصطكه مالك مكان حتى الدرج جالسين فيه والكلام الي جاني انهم قفلوا الملعب وبرا 20 الف مالقوا مكان

3- اشوا ان الحمامات جنبنا

4- اشهد ان درة الملاعب ملعب وبس حتى حماماتهم تفتح النفس وطريقة توزيعهم رهيبه

5- شميت ريحه خايسه في الملعب لايكون الزكرتي حاضرها؟

6- الى الملتقى في برلين ونحضر مباره لهم هناك وبقوول ماشبه البارحه باليوم لكن الجو يختلف نسناس هناك وعندنا لواهيب وعج

7 - سعد الحارثي ماجد عبدالله جديد في الكره السعوديه

**شباب في رحله** · 06-09-2005, 07:33 PM

اقتباس:

المشاركة الأصلية كتبت بواسطة ضوى الروح

والله يستاهل الأخضر الفوز<<<<<< طالعه من قلب
وعقبال الكاس انشاء الله

^
^
باقي المباراه النهائيه مع كوريا وناخذ الكاس

<<< يعطيها جوها

اعلانات المنتدى