كيف تشتري جهاز كمبيوتر جديد / بالاسعار والصور

ولد الشرقيه · 06-05-2005, 05:30 AM

كثيرون يفكرون لو باشتري كمبيوتر وش اول شي افكر فيه

او الميزة الي بتحدد كفائة الجهاز

أنا جمعت لكم هذا الموضوع من عدد من المواقع وان شاء الله تجد فيها كل ماتحتاج

المعالج (( Processor))

وترمز كلمة CPU الى Central Processing Unit وتعني وحدة المعالجة المركزية
وهو بمثابة العقل المفكر لأي نظام حاسب ومن سرعته نساطيع تحديد إصداره:

من 200 الى 450 هذا بينتوم 2
من 450 الى 1000 هذا بينتيوم 3
من 1000 الى 3000 هذا بينتيوم 4

طبعا فيه ثلاث انواع من المعالجات
سيلرون ((Celeron))

والإنتل

و السنترينو

والفرق بينهم بالذاكرة ((Cache Memory))

فالسيليرون ((celeron)) ذاكرته 256
الإنتل ((Intel)) ذاكرته 512
السنترينو ((Centrino)) ذاكرته 1024

السيلرون يصلح للكمبيوترات الي استخدامها قليل وغير احترافي
وانا ما بعمري جربته لأني اخذا إنتل دايم

طبعا السنترينو هو احدث شي بالسوق وما نزل الا على الكمبيوترات المحمولة فقط
وسرعت المعالج فيه ما تعدت الـ 1800 فقط

أسعار معالجالت الإنتل
2.4 580 ريال
2.6 640 ريال
2.8 700 ريال
3000 1100 ريال

وانا انصح بال 2.8 لأنه راح يكون انسب سعر وفرقه عن الـ 3000 كبير

اللوحة الأم ((Mother Board))

أهم جزء في الحاسب الألي حيث تحتوي على العديد من المكونات الداخلية للحاسب ومن أهمها المعالج والذاكرة والنظام الأساسي للإدخال والإخراج والقنوات التوسعية وكروت التحكم وغيرها. وتختلف اللوحة الأم من جهاز حاسب الى اخر من حيث نوع الناقل فهناك انواع عدة للناقل وهي (PCI, VGA,VL-Bus, EISA, ISA) وعدد شقوق التوسعه وأنواعها وسعة الذاكرة المخبأة الثانوية (L2) التي تحتويها . ونوع وسعة الذاكرة التي تدعمها وأنواع وسرعات المعالج الممكن استخدامها معها ونوع وإمكانيات نظام الإدخال / الإخراج (BIOS) ونوع طقم الرقاقات التي تحتويها اللوحة الأم (Chipset) وكذالك نوع وإمكانيات الذاكرة سيموس (CMOS) الموجودة على اللوحة الأم .

ما ابي اوجع روسكم بتفاصيل اكثر

اهم شي تتاكد منه توافق البروسسر مع اللوحة الأم وايضا
امكانية التوسعة فيها والتطوير مستقبليا

و Mother Board تبداء اسعارها من 200 ريال لحد 700

وتختلف حسب الشركة المصنعة واحدث شي وتاخذ Intel 856

وقامت شركة MSI بالتفوق عليها وتنزيل دفعة جديدة من اللوحات

تدعم معالاجات اسرع
الصوت رقمي
بسرعة نقل معلومات اكبر (PUS)

افضل انواع جربتها هي

Intel 865 بقيمة 345 ريال تدعم DD RAM (PUS 333) C متوفرة بمثرة
Intel 850 بقيمة 520 ريال تدعم RD RAM (PUS 800) C نادر وجودها بالسوق
MSI PT8 بقيمة 340 ريال تدعم DD RAM (PUS 400) C متوقرة بكثرة

واحدث شي بالسوق هي MSI??? وقيمتها 700 ريال بمواصفات اروع من رائعة

الذاكرة العشوائية (( RAM ))

وهي الذاكرة العشوائية والتي من خلالة تحفظ البيانات بشكل مؤقت

وتجي على ثلاث انواع حسب سرعة نقل البيانات فيها

SD RAM وهو اول نوع نزل وسرعة النقل فيه 133 فقط
وهو منقطع من السوق الحين

DD RAM وسرعة النقل فيه تجي 222 و 333 و 400
وهو الي انصح فيه لأن كل Mother Board's الجديدة تدعمه

RD RAM وسرعة النقل فيه تجي 800 و 1110
مشكلته الوحيده ان سعره غالي بس ادائه ممتااااااز جدا

وبالنسبة للأسعار فهي كالتالي:

160ريال DD RAM 256
280ريال DD RAM 512

380ريال RD RAM 256
790ريال DD RAM 512

وانا انصح ان الذاكرة ما تقل عن 512 ميجا
حتى تحصلوا على افضل اداء من جهازك

القرص الصلب (( Hard Disk ))

كل الي لازم تعرفونه انه كل ما كان اكبر كل ما كان احسن

والموجود منه نوعين:
rpm 5200
rpm 7200

والـ 7200 افضل لأنه الأسرع

وقيمتها :

GB 40 قيمته 200 ريال
GB 80 قيمته 250 ريال
GB 120 قيمته 350 ريال

طبعا خذوا 80 وريحوا حالكم

مشغل الأقراص (( CD-ROM Drive))

ركزا على سرعة القرائة تكون اسرع من X52
ولأقراص الـ DVD تكون اسرع من X16
وسرعة نسخ الإسطوانات اسرع من X52

وموجود منه 4 انواع:

CD -ROM وقيمته من 60 الى 90 ريال
DVD -ROM وقيمته بين 100 الى 150 ريال
CD-R .RW وقيمته من 160 الى 300 ريال
كمبو درايف وقمته من 270 الى 350 ريال

(( الكمبو داريف يوجد بكثرة مع الأجهزة المحمولة ويقوم بـ نسخ الإسطوانات وتشغيل اقراص الـ DVD ))

واحدث شي DVD -R .RW وقييمته من 600 الى 1400 ريال وهو يقوم بعمل كل الي فوق مع اضافة نسخ اسطوانات الـ DVD

مشغل الأقراص المرنة ((Floppy Disk Drive))

هذا لحد يشيل همه او يجيب خبره

قيمته 35 ريال ومع فترة السنتين الجاية بينلغي وجوده لأن معد له لزمة

والبديل الجديد له هو EasyDisk USB Drive

حجمه صغير
ويشيل الى GB1 ذاكرة
سرعة النقل فيه اكبر
وما يتلف بسرعة مثل الدسك

سعره تقريبا من 100 لحد 1000 ريال
حسب الحجم المطلوب

كرت الشاشة (( VGA Card ))
وهو من العناصر المهمة بالنسبة للمصممين ومحبي الألعاب

لو بتشتري لا تاخذ اقل من mb64 وافضل نوعية بالسوق هي

ATI والـ GeForce

وانا كل تعاملي مع كل الأجهزة الي شريتها هو مع ATI
حتى مع الكمبيترات المحمولة اغلبهم يستخدمون كروت الـ ATI

وهذي كم موقع تفيدكم بالمقارنة بينهم وحاطة مزايا الكروت

[عفواً يمكن مشاهدة الروابط للمسجلين فقط للتسجيل اضغط هنا]

[عفواً يمكن مشاهدة الروابط للمسجلين فقط للتسجيل اضغط هنا]

[عفواً يمكن مشاهدة الروابط للمسجلين فقط للتسجيل اضغط هنا]

[عفواً يمكن مشاهدة الروابط للمسجلين فقط للتسجيل اضغط هنا]
وقيمة كرت الشاشة من 70 ريال لحد 1500 ريال

حسب الطلب والإستخدام

كرت الصوت ((Sound Card))

كرت الصوت والذي من خلاله يمكنك شبك المايك والسماعات

وقلت مبيعاته بالفترة الي راحت لأنه صار مدمج مع Mother Board الجديدة

ويجي استخدامه في حالة عندك Sound Sestym

المودم ((Modem))
وما تشتري جهاز الا يحطون لك يا موتورولا والا كرييتف

اهم شي بالمودم هو انه يكون V.92 وهي النوعية الجديدة

بس مع السرعة الرديئة الي عندنا ما بتفرق واجد بينهم

طبعا هذي صورة للمودم الداخلي

الخارجي غالي وماله حاجة ان احد يشتريه

بالنسبة للكيبورد والماوس دوروا ارخص شي واشتروه

لانها مع كثر الإستخدام تخرب "يعني اقصاها 6 شهور "

سعر الكيبورد او الماوس من 10 ريال لحد 100 ريال

طبعا يرتفع السعر لما تكون لاسلكية

^%خلاصةالسالفةكلها%^

أتمنى أن يحوز
على رضاكم وأعجابكم

تحيــــــــــاتـــــــي لكـــــــــم ،،

ولـــــــــ الشرقيه ـــد...

شـمـس دين · 06-05-2005, 01:05 PM

شوكررررررررن اخوي ولد الشرقيه

هذيه المالمات الطيبه منك

ولد الشرقيه · 06-06-2005, 05:59 AM

اقتباس:

المشاركة الأصلية كتبت بواسطة شـمـس دين

شوكررررررررن اخوي ولد الشرقيه

هذيه المالمات الطيبه منك

أهلاً وسهلاً بكـ .., شمس دين

الشكرـ لك على حضوركـ الكريم وتشريفي باضافتكـ الكريمه

لكـ ارق التحايا واعذبها

ولد الشرقيه

**nAmLaT nAjD** · 06-07-2005, 09:42 PM

معلومات مفيده بقوووه

من جد استفدت من موضوعك الله يعطيك العافيه

بس ياليت تتاكد انك تضيف لنك الزكرتيه للصور المرفقه

واذا كان الموضوع من تجميعك ومعلوماتك ماشالله عليك<<صدز عاد

لا تحرمنا معلوماتك

ويعطيك العافيه

قلب نوال · 06-12-2005, 05:26 PM

نورتنا بهالمعلومات الحلوه..؟

يعطيك الف الف عافيه ياقلبي

قلوبي

ولد الشرقيه · 06-15-2005, 04:47 AM

أهلاً وسهلاً بكـمـ اخوتي الافاضل...،

nAmLaT nAjD../
...قلب نوال

اسعدني حضوركـمـ الكريم واضافتكمـ التي تشرفتـ بها..

الله يعافيكمــ..

سلمت الايادي
اعذب تحيه
ولد الشرقيه

@بر$شلو$نه@ · 06-15-2005, 06:59 PM

مشكور يا ولد الشرقيه

هذا بصراحه ما تعودناه منك

يسلمووووووووووووووووووووو
خيووووووووووووووووووووووو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى