نجم سهيل مطلوب حالأ

عكس الناس · 05-26-2005, 10:57 PM

هلا بالجميع في موضوعي

ودي بنجم سهيل مبطي ماخربطت معه

ودي اتعلم من صديقي نجم

بهالطاروق اللي مدري وشلونه قايل

لكن العذر والسموحه

على الميلات اللي بتجي بالطاروق

لااحد يقول ليش هذا البيت مكسور او ليش هذا البيت متصاغي

استلم يانجم الليل

**سفيرة الحزن** · 05-26-2005, 11:56 PM

صح لسانك

<--- وش الطبخه ؟

احم ماعندي سالفه

يسلمو خيوو عكس الناس

الله يعطييك العافيه

عكس الناس · 05-27-2005, 12:02 AM

الله يعافيك ياسفيرة الفرح

طبخه مكبوسه

بس دورى نجم سهيل يشاركنا الطبخه لاتفوته

**ياهملالي** · 05-27-2005, 02:38 AM

هلا أخوي عكس الناس

نجم سهيل من زمااااان ما شفناه

عسى المانع خير يارب

موفقين أخوي ،،

**مخربها** · 05-27-2005, 11:07 AM

وينك فيه انت ؟

وبعدين اكثر من 5 شهور ماشفت نجم سهيل !!

الله المستعان

الله يحفظه ويرده بالسلامه

وانت بعد وينك يا عكس الناس ..
مبطين عنك

لاهنت

المملوح · 05-27-2005, 02:23 PM

أخوي عكس الناس
الأبيات هذي حلوة ورائعة
وأنا ودي أعطيك هذي الأبيات تشوف زينة ولا (نحول)

يا ولــهتي عــلى خــلٍّ تـــركني :. عقب ما صار له قلبي وليف
تـرك قلـبي وتـرك عمـرٍ ذبحني :. يـــذكــرني بجرح لي نزيــف
دعيت اللي رزق خلي ورزقني :. يرجــعنا ويجـــبر هـــالنزيف
وأخــتم شعري وقولي بــآسف :. وسامحـني وقـلبي لك رديـف

عكس الناس · 05-27-2005, 09:53 PM

افا وين راح

ان شاء الله ان يكون المانع خير

تراني مثله لي وقت طويل لم اخش الموقع

وتوقعت انه متواجد

لاهنت على التوضيح اخي ياهملالي

عكس الناس · 05-27-2005, 10:00 PM

كنت مخربها

وقاطع شيء اسمه نت كل هذي المدة

اثري مطول عن الموقع نجم سهيل له 5 شهور غايب

الله يردة بالسلامه

طيب وين

ذاك

وش اسمه

ايه عرفته

العالمي

وله اسم قبل العالمي نسيته

بعد غايب

اذكر اني كنت احب امزح معهم

تحياتي لك خاصه انت يامخربها

عكس الناس · 05-27-2005, 10:12 PM

تسلم ياالمملوح

يكفيني توقيعك خلف مشاركتي

لم أصل الى درجة اني انتقد ابيات او احللها او اصححها او اعدلها

انا اطلب التوجية من الاخوان وتوني في اول عتبه ولازلت في اول الطريق

واخوك مغير يخربط

ابياتك انصحك

شف ابو بندر او الضغط العالي

من متابعتي لهم

هم كفو لهذي المهمه

يمكن تلقا التوجية الصحيح

وسلامتك

**عميد الزكرتية** · 05-28-2005, 05:39 PM

سلااااام ياعكس الناس

كيف حالك وحمدلله على السلااامه

لااااهنت يابعدي

السـكب · 05-28-2005, 06:02 PM

[quote=عكس الناس]

((تراني مثله لي وقت طويل لم اخش الموقع ))
ههههههههههههه يارووحي علىاللغه لم اخش هههههههه
المهم حبيبي هلا بك يا قلبي
وانشاء الله يرجع نجم لنا وكله عافيه وخير
وتقبل تحياتي

ابو بندر · 06-01-2005, 08:28 PM

السلاااااااااااااااام عليكم والرحمه والبركات

هلا والله وغلااااااااااااا

عكس الناس

من طول الغيبات جاب الغنايم

والله سهيل غايب وانشاء الله من غير شر

نسد عنه لين يحضر

وشحالك انت فديتك عساك بخير انشاء الله

وصح الله لسانك واستلم

--- والدعوه سعوديه ---

الايامرحبا ترحيبةٍ تزهى بمسك و عود 000 على اللي خص وعم والدعوى سعوديه

الا واللي يعكس الناس يقولو له مقرود 000 ولكن فيك انت ونعم والدعوى سعوديه

وسلاااااامتكم

عكس الناس · 06-06-2005, 04:38 PM

هلا هلا بشاعرنا وعميدنا

عميد الزكرتية كلها

اسلم اسلم وثم استلم يابعدي

عكس الناس · 06-06-2005, 04:41 PM

السـكب

اهم شيء تضحك وهذا يسعدني

وان شاء الله

ماكررها يابعدي

اعلانات المنتدى