درات الأيام ،، و جا دورك (( سلف خمسه))

**سحابة حب** · 05-26-2005, 05:26 PM

سلف خمسة ،،،

تلك الشخصية التي تدفعك إلى الضحك ،،

شخصية قدرة على تحويل أشد الموضايع رتابة ، و روتين ،، إلى مواضيع حية،، متجددة بفضل شخصيته المتجددة التي تجيد فن النكتة ،، و الدعابة ،، دون أن تُؤذي أحداً أو تجرح كرامته ،،،

هو شخص يجيد انتقاء أكثر المفردات إضحاكاً ،، و أكثرها ،، مرحاً

و لكن نجد في المقابل شخصية لها رأي مميز في المواضيع الجدية ،، و إن طرحها باسلوبه الساخر الفكاهي ،،

الساخر سلف خمسة ،،

مرحباً بك تحت المجهر ،،

في لقـــــــــاء ،، أتوقع أن يكون من أمتع اللقاءات في عالم الزكرت ،،،

فتعال و أجلس هنــــــــــــــا ،،

الخاتمة · 05-26-2005, 06:30 PM

ياهلا ويا مرحبااا
اليوم يومك يا سلف

ما اطول عليكم ادخل بالموضوع

1/ بصراحة هل كنت تتمنى ان تكون فى هذا الموقع وعلى هذا الكرسى ؟

2/ ماذا تعنى لك هذة الصورة فى توقيعك وهل تمثل شخصيتك فى الحقيقة ؟

3/ ما هو افضل جلسة لك غير غرفت السواق ?وكم ساعة فى اليوم تكون فى بيت الزكرتية بالعادة ?

عندى اسائلة كثير ة بس اتركك مع الباقين يلعبون فيك اللة يعينك

**ميلاني هلالي** · 05-27-2005, 03:24 PM

حيووووووووووو حيوووووووووووه ..

حيالله سلف ..

مابغيت تجي ياولد ..

على العموم مالك في الطويله انا داري .. عندي لك كم سوال اتمنى ان تجد اجابتها لديك ..

سـ 1 / هل انت متعود على الصراحه اوالمجاملات !! وفي اي وقت تستخدم ماتعود عليه سواً الصراحه ام المجامله ؟

سـ 2 / حكمتك في الحياة ؟ وبمن تقتدي او من قدوتك ان صح التعبير ؟

سـ 3 / كتوفك عراض ؟

هههههههههههههههههههههههههه يابيخي بعد

لالالا ماعليك من السماجه اللي فوق

سـ 4 / ما أجمل مرحلة مررت بها في حياتك؟ سواً كانت الدراسيه ام العمليه ؟

سـ 5 / سبب اختيارك لها الاسم ؟ وماذا يعني لك ؟

سـ 6 / بيت شعر تردده دائما؟

هذا مافي جعبتي لهذا اليوم ...مع وعدي لك بالعوده مره اخرى وفي جعبتي المزيد ..

واترك المساحه الان لاخواتي واخواتي الاعضاء ..

اتمنى لك حياة سعيده << - - تسمع بالخاتمه انت ..

بانتظارك سلف ..

تحيااااااتووووووو

التفيخه · 05-27-2005, 06:18 PM

واخييييييييييييييرا خلص التصويت وبدت الاسئله

س1/اسمك وسنك ومركزك؟؟
س2/فين تشتغل فين تشتغل؟؟
<<<<<<مصااله
لا لا امزح

سؤالي هوا
ماعندي سؤال بس قلت (اويدز)عليكم

**البَــتول** · 05-27-2005, 06:37 PM

السلام عليكم ورحمه الله وبركاته

مرااحب سحابه شحالج حبوبه....

هلا بـ سلف خمسه

ممممممممممممممممممم

اول سؤال
مدري ليش احبه
-البطاقه الشخصيه ... ولو سمحت الاسم كااامل ..وتاريخ الميلاد

-ماذا تعني لك هذه الصفات .... وهل هي موجوده في شخصيتك
(الثقة - الغرور -- واقعي - حالم -- الهدوء - العصبية -- اللامبالاة)<<<ترا متعوب ع هالكلمه

-معروف عن سلف خمسه خفه الدم ... فهل هذي هي طبيعته... ؟؟!!

-ما هو طموحك فالحياه... وهل حققته.؟؟

ترا صاروا 3 اسئله
لان الاول مال امه ولا ابووه دااعي

لي عــــــــــــــــــــودة باذن الله

ابو كرعان · 05-27-2005, 09:13 PM

ســـــــــــلف خمسه

عندي سؤاااال واحد بس يا سلف ؟؟

س : دايم فى كل رد او موضوع لك تكتب فى الأخير وني وني وني !

وش سالفتها ذي ؟؟ :d

اخوك ابو كرعان

**سحابة حب** · 05-28-2005, 12:56 AM

مطلووووووب

سلف خمسة ،،

لقد أنحاش يا جماعة الربع

سف انت فين ،،

طيب بص على الموضوع بعدين امشي

**مخربها** · 05-28-2005, 01:09 AM

هلا هلا << يقولها بمكر وخبث

اييييه ابيك انت يا الداشر ..

برجع لك بكم سوعال ..

بس خلني اروح المرقد انفقس ومن اصبح افلح

سحابة
لاهنت ِ يا خيه

الخاتمة · 05-28-2005, 01:11 AM

سحـــــــــوبة

لا يكون سلف يوم شاف التصويت
الاكثر لة

قـــــــــــــــــــال
استــــــــــــقيل احسن عن الاحراجات؟؟

قفلوا

ابواب البيت قبل لا ينحاش
الا فى الحوش
يسمعونا !!!!!!!!!!

**سلف خمسة** · 05-28-2005, 02:15 AM

سلام عليكم..!

>> مرتبك

الاخت سحابه

يعطيك العافيه على المجهود الرائع اللي تبذلينه

والف شكر على تقديمك المميز لشخصيتي الفـذّه

واحب اشكر كل اللي رشّحوني

واحب بعد اشكر كل اللي مارشّحوني >> يعني ذرب الحين

--------------------------------------------------------------------

*** الخاتمه ***

اهلن اهلن بالست الخاتمه

اقتباس:

بصراحة هل كنت تتمنى ان تكون فى هذا الموقع وعلى هذا الكرسى

صراحه مو امنيه لكن كنت متوقّع ان الدور بيجيني يوما ما

اقتباس:

ماذا تعنى لك هذة الصورة فى توقيعك

صراحه حبّيت هالصورة من شفتها وحسّيت انها راكبه مع اسلوبي وطريقة كتابتي

وما اتخيل مشاركاتي بدونها

اقتباس:

وهل تمثل شخصيتك فى الحقيقة

يعني تشبهني؟

اتمنى انك ماتقصدين هالشي

اما اذا كنتي تقصدين الكاركتر نفسه انا من طبعي احب الضحك والفرفشه

واتوقع انها توحي بذلك >> يازين وجهي وانا اقول فرفشه

اقتباس:

ما هو افضل جلسة لك غير غرفت السواق

صراحه كل اقسام المنتدى احرص على قراءة المواضيع والردود اللي فيها

لكن ارتاح في سور البيت بحكم ان الدعوى في متبحبحه شوي

وفيه مجال للتعليق والضحك

اقتباس:

وكم ساعة فى اليوم تكون فى بيت الزكرتية بالعادة

ساعتين او ثلاث ساعات اتوقع انها كفايه

لاني اخاف على عيوني وعلى صحتي من النت >> امانه ماحسّيتوا اني حنان

اقتباس:

عندى اسائلة كثير ة بس اتركك مع الباقين يلعبون فيك اللة يعينك

هااااااااااااااااااااااااو شدعوى ياحافظ

كان سألتي اللي تبين كم عندنا الخاتمه

يالله روحي الحين وحرري ردك واسألي اللي تبين >> ناشب

الخاتمه

منوّره الموضوع بتواجدك واسئلتك الرايقه

ثانكيو ختخت >> قزّري بهالدلع الين اشوف لتس دلع ثاني

-----------------------------------------------------------------------

*** ميلاني هلالي ***

اهلن هلا واهلين ياكامل الزين

اقتباس:

هل انت متعود على الصراحه اوالمجاملات !! وفي اي وقت تستخدم ماتعود عليه سواً الصراحه ام المجامله

صراحه انا انسان دوغري وما احب المجامله

وراح تاخذ رأيي بكل صراحه وبدون لف ودوران او مجامله

لكن احيانا ( ركّز على احيانا ) الجأ للمجامله اذا استدعى الأمر

اقتباس:

حكمتك في الحياة ؟ وبمن تقتدي او من قدوتك ان صح التعبير

حكمتي في الحياه : الباب اللي يجي منه ريح شرّعه وخل الريح تهب عليك

خصوصا ان الحر والقيض مايرحم

اتوقع انك فهمت اني اقصد الباب اللي يجي منه ريح سده واستريح

وبصراحه مدري هي حكمه والا مثل ( بس معجبتني )

وقدوتي في الحياه ابوي الله يطوّل عمره

اقتباس:

كتوفك عراض ؟

ايه بس احيانا تكون مرتخيه اذا كنت تعبان ومرهق

بس معليك انا قوي في كل الظروف >> انطم

اقتباس:

ما أجمل مرحلة مررت بها في حياتك؟ سواً كانت الدراسيه ام العمليه

طبعا الطفوله

براءه وخبال ولحد يشره عليك

اقتباس:

سبب اختيارك لها الاسم ؟ وماذا يعني لك ؟

صراحه في بداية تسجيلي في المنتدى مارضى يقبل التسجيل

وحاولت وسويت ريستارت عشرين مره وعيّا يقبل

لحظتها خنقتني العبره وحسّيت اني منبوذ

وكلمت لويس طرجم فديت قلبه

وقلت له السالفه وقال خلاص انا بحاول اسجلك من عندي

وكلمني وقال ترى اسمك سلف خمسه ورقمك السري 102030

هع هع لحد يحاول يدخل ترى غيّرت الباسوورد

يعني لي انه نك نيم في منتدى الزكرتيه >> ياعيني على الجواب

اقتباس:

بيت شعر تردده دائما؟

ياليت يعطيني زماني على الكيف = وينزاح هم القلب وارتاح دايم

ميلاني

فديت قليبك منوّرنا تواجدك وياحلوك وياحلو اسئلتك

ثانكيو ميمو >>

مع السلامة ,,

وني وني وني وني وني وني

**ميلاني هلالي** · 05-28-2005, 02:22 AM

وفديت قلبك ياسلف على هالروح الحلوه .. وتسلم لي على هالاجوبه الصريحه ..

وفعلا ً اثبت انك اطخم كما ورد في توقيعك ..

انشاء الله لي تواجد في الموضوع في وقت لاحق ..

موووووفق خيوووو سلف وشد حيلك ..

<< - - صار زواج مهوب كرسي

يله فووووتك بعافيه ...

**سلف خمسة** · 05-28-2005, 03:09 AM

هاي

انا جيت

*** التفيخه ومخربها ***

انتظركم بفارغ الصبر

-------------------------------------------------------------------

*** البتول ***

ياحيالله البتول ارحبي يابنت

اقتباس:

البطاقه الشخصيه ... ولو سمحت الاسم كااامل ..وتاريخ الميلاد

اخاف مقدّم على وظيفه؟

الاسم : سلف خمسه

تاريخ الميلاد : ( راجع موضوع ابيض واسود ) >> المخزن شوي بس

اقتباس:

الثقة - الغرور -- واقعي - حالم -- الهدوء - العصبية -- اللامبالاة

ما اتفقنا يالبتول

وش ذالسؤال اللي ماحسبت له حساب

خليني اقول لتس قصة الارنب والخروف >> متوهق

الثقه : الراحه في التعامل .. والحمدلله الثقه في النفس موجوده

الغرور : شباب في رحله

.. والصراحه ماشوف فيني اي غرور

ومن تواضع لله رفعه

واقعي : التكيّف مع امور الحياه بسلبيّاتها وايجابيّاتها ... وهذا امر مفروض على كل فرد

حالم : مدري مدري مدري .. ضيقتي صدري بهالسؤال

اللامبالاه : الإهمال وقلّة الوعي .. والحمدلله اني حريص في كل اموري

اقتباس:

معروف عن سلف خمسه خفه الدم ... فهل هذي هي طبيعته... ؟؟!!

انا في الواقع ثقيل طينه

واذا جيت عندي زملائي قالوا وش يبي هالغثّه

وانا احترت في امري

هل اقدم على الانتحار ام ماذا افعل

اجيبوني فـ انا تعبت من هذه العيشه

المرسل : ح . م . ف

لا الصراحه انا بطبيعتي ماخذ الدنيا ضحك واحس ان مافيه شي في الدنيا

يستاهل انك تضيق خلقك من شانه

لكن بعض الامور تحتاج للجدّيه والصرامه لذلك لامانع من الجدّيه في بعض الامور

فل الحجاج وخل عنك الهواجيس ... كلن يموت وحاجته ماقضاها

اقتباس:

ما هو طموحك فالحياه... وهل حققته.؟؟

طموحي ماينتهي عند حد معيّن

لكن احاول اني اخلص دراستي ولا اشغل نفسي بالأمور الثانيه

وبعد التخرّج لكل حادث حديث

البتول

زادني شرف مرورك وتواجدك في الموضوع

وثانكيو على الاسئله الرايقه يا بتبت

---------------------------------------------------------------------

*** ابو كرعان ***

ارحب ياذيبان

اقتباس:

دايم فى كل رد او موضوع لك تكتب فى الأخير وني وني وني

هذي سالفتها سالفه

كنّا في احد الأيام نتسدّح ونتبطّح في الملحق حقّنا

انا ومويشي وعبودي لالا

خلصت سوالفنا وصار كل واحد امصل من الثاني

المهم وبعد فترة من الهدوء نقز عبودي لالا

وقال تدرون ياشباب ان فيه واحد اذا جا يضحك يقول

وني وني وني وني وني وني

اعلانات المنتدى