درات الأيام ،، و جا دورك (( سلف خمسه)) - الصفحة 4

**سلف خمسة** · 06-01-2005, 06:31 AM

*** بروكسي ***

اهلن اهلن ياسعادة الباشا

هذي الأسئله السنعه اللي الواحد يبدع فيها

اقتباس:

سؤال 1 : يقول الشاعر المخضرم نزار قباني :
هو أن تظل على الاصابع رعشةٌ**وعلى الشفاة المطبقات سؤالُ
هو جدول الاحزان في أعماقنا**تنمو كرومٌ حولهٌ وغلالُ
هو هذه الازمات تسحقنا معاً**فنموت نحن وتزهر الامالُ

سؤالي هل وفق الشاعر نزار قباني في وصف ما يسمى بحالة الحب ؟ ما رأيك بهذا الوصف ؟

وصف جميل جدا ولكن ينقصه الوزن وبعض الامور التي سأذكرها

لقد اخطا الشاعر في وصف الحب عندما قال

( وعلى الشفاة المطبقات سؤال )

وهنا اعتقد ومن وجهة نظر شخصيه بحته

ان الشفايف عندما يلتقي الأحباب

تكون مفتوحه وليست مطبقه .

ومتعطّشه للكلام وللسوالف مع الحبيب

هنا اخطأ الشاعر ولكن نستطيع القول انها كبوة جواد

وعندما قال ايضا

( هو جدول الاحزان في اعماقنا )

وانا اقول بالعكس الحب عذب وجميل جدا

ولكن هذا الشاعر وصف حالة الحب التي يعيشها هو

ولم يتطرق للحب بوجه عام في مقولته

لانه يمكن حصل له خيانه والا شي

وصار جدول الحزن يمشي في دمه

بس شفني انا احب وماصار في اعماقي جدول ولاشي

بالعكس ازهار و ورود

الخلاصه انه يوصف الحب من ناحيته هو

ولم يصف الحب بوجه عام

لذلك شعره وبصره فيه

^

اقتباس:

سؤال 2 : يقول شاعر أخر
حُســنَ الحضـارةِ مجـلُوبٌ بِتطريـة**وفـي البِـداوةِ حسـنٌ غـيرُ مجـلُوبِ

سؤالي :الحضارة والبداوة اسمان بمعنى الإقامة بالحضر والبدو. والتطرية المعالجة من قولهم عودٌ مطرًّى أي مربُّى. يذكر السبب في تفضيل البدويّات على الحضريات يقول حسن أهل الحضارة مجلوبٌ بالصنعة والتكلف والحسن في أهل البداوة من الخلقة لأنهم لا يعرفون التصنع ؟ ما رأيك بهذا الشرح هل أصاب الشارح ؟ إذا كانت الإجابة بنعم أو لا فما السبب في الحالتين ؟

والله سؤالك غير محدد

يعني تقصد

حسن الاخلاق او الجمال

ياليتك حدّدت سؤالك يالفرزدق

لكن حسب مفهومي انك تقصد ( الجمال )

ما اتوقع انه اصاب

لان الجمال موزع بين البشر سواء الحضر او البدو

وياما فيه حضريات جميلات بدون اي تصنّع

وفيه بدويات نفس الكلام

يعني التصنّع ليس حكرا على الحضريات او البدويات

والشينه مضطره للتصنّع علشان تطلع فريخ

والزينه مهب محتاجه للتصنّع لان جمالها رباني

الا ان كان ياربي شوي روووج بس

اقتباس:

سؤال 3 : يقول أخر :
ومــا الخــيلُ إلاَّ كـالصديقِ قليلـةٌ**وإن كَـثُرَت فـي عيـنِ مـن لا يُجرِّبُ

سؤالي : يقول الشاعر الخيل كالصديق تكثر قبل التجربة وتقلّ بعدها لأنّ التجربة تظهر الكودان منها فتنفى والجياد فتختار ؟ ما وجهة نظرك في هذه النقطه ؟

-- الكوادن : الرديئ من الخيل

انا اقول على حسب اللوون >> فاهم غلط

اذا اللون اسود اتوقع يكون الخيل قوي وشجاع

وربما يكون خشمه منفرش قليلا لكن لايهم

واذا كان الخيل بني

اتوقع انه بيكون هه يمشي الحال لان اللون البني دائما يكون

دليل على الجلامه

واذا كان الخيل ابيض

هذا يدل على انه حق سباق بس

يعني اذا جيت تشتري خيل

لاتشتري الا اللون الأسود

الا ان كانك من طقّة الكوفي شوب والبرمودا انصحك تشتري الخيل الأبيض

واتوقع انه اخطأ في تشبيه الصديق بالخيل

لو انه شبه الصديق بالسمك كان احسن

لأن السمك الطيب هو اللي نلقا في بطنه جوهره

والسمك الرديء لا نلقاا في بطنه جوهره

واذا كان صديقك مخلص وطيب

حتما ستجد في بطنه جوهره وليت الجوهره المتعارف عليها

ولكن ستجد الاخلاص والطيبه والصدق والوفاء التي تضاهي كل المعادن

>> يضحك بهدوء

اقتباس:

من الضروري في فتره مبكرة من عملية التفرد أن ندرك أهمية كشف القناع وأن ندرك
القناع كأداة نافعة لا كجزء ثابت من ذات الفرد . وعلى الرغم من ان القناع له وظائف هامه في
حماية الذات الا انه يخفيها و يخفي اللاشعور ؟

سؤالي : ما رأيك بهذه النظريه * نظرية كشف القناع * ؟

كشف القناع نظريه جميله جدا

خصوصا عندما تكشف المرأه قناعها عندما تكون في السيت الخلفي

والسياره مغيّمه وانتم رايحين لـ مكّه مثلا

لانه لافائده من ابقاء القناع رغم عدم وجود شخص غريب وغير محرم

وبما ان اللي في السياره كلهم محارمها لامانع من كشف القناع

ولكن ارجوا من هذه المرأه ان لا تتمادى في كشف القناع

لانها ربما يصادفهم تفتيش ويشوفونها العسكر اللي في امن الطرق

ارجو منها ان تتوخى الحذر بالنسبه لهذه النقطه تحديدا

واوجه لها بعض النصايح

1- لاتغطّين في سبات عميق وحاولي نومك يكون خفيف

2- قرّبي مربط البرقع منك علشان سبحان الله والا شي

الا القناع قريب منك وتغطّين بسرعه

3- يستحسن عدم النوم في السياره لانه احتمال مع نوم الجميع في السياره

السواق يجيه النوم ولايلقونكم الا متسدّحين على جنب الخط

4- الرجاء اخذ النقاط اعلاه في محمل الجد

>> يتأمل مخلوقات الله

اقتباس:

هرم ماسلو وما ادراك ما هرم ماسلو . جميعنا او اغلبنا يعلم ما هو هرم ماسلو
للحاجات . وجميعنا بدون إستثناء نتسلق هذا الهرم بأشكال مختلفه ومتعدده .

سؤالي : إلى اي مدى او مرتبه او عتبه توصلت إليها في سباق تشكيل الذات .إذا علمنا
ان هذه الرغبات او الحاجات تأتي على النحو التالي :

1-فسيولوجي : الحاجات البيولوجية الأساسية المهمة للبقاء.
2-الأمن : الحاجة للحماية ضد خطر.
3-اجتماعي : الحاجة للحب, الصداقة, القبول و الانتماء لجماعة.
4-التقدير : الحاجة لاحترام الذات, الثقة, السلطة والاحترام من الآخرين.
5-إدراك ذات : الحاجة للإنجاز. او الجماليات او الرفاهيات

.

يادافع البلا

طيب انشاء الله محد تعوّر وهو يرقى هرم ماسلو

يقولون زحمه على ذالهرم والناس كلها ترقى

مفروض يسوون تذاكر والا حجز مسبق

حرام الناس يتدافعون على صعود هذا الهرم

احتمال وفيات واحتمال اصابات

لالالالا غلطان يا ابراهام ماسلو ليش تسوي في الناس كذا

طيب والشيبان والعجز مفروض يحط لهم مصعد ( لفت )

انا صراحه مابعد شفت هرم ماسلو لكن يقولون انه زين

بس خلها تخلص الإختبارات ونكشت صوبه

بس قبل كل شي ابي منك تصميم بسيط في البرندا عن هرم ماسلو

وياليت تحط صورتي الرمزيه وانا ارقى الهرم

بروكسي

تشرفت بتواجدك وردك على الموضوع وبأسئلتك الرايقه

ثانكيو بربر

مع السلامة ,,

وني وني وني وني وني وني وني

الشـــــــوق · 06-01-2005, 11:54 AM

السلام عليكم ورحمة الله وبركاته

سلف خمسة شخبارك .. عساك طيب

عندي شوية أسئلة ان شاء الله تتقبلها برحابة صدر

بما انك تهربت من إجابة البطاقة الشخصية .. ياليت تجاوب عليه لو تكرمت

بما انك في الجامعه .. شو تخصصك .. وكنت أدبي ولا علمي في الثانوية.. وكم معدلك في الثانوية

شو السيارة اللي يتمنى امتلاكها سلف؟؟

سلف خمسة... لو سلفتك خمسة ريال وش بتسوي فيها؟؟؟

متى يصير يتحول اسم سلف خمسة ..الى سلف مية

؟؟؟

هل سلف رياضي.. شو الاندية والمنتخبات اللي يشجعها سلف عالميا ومحليا؟؟

هل يجيد سلف الطبخ؟؟ ماهي الأكلة المفضلة؟؟

ما رأي سلف بالمستوى الحالي لغرفة السواق؟؟ وماهي مخططاته للارتقاء بها؟؟

ما رأي سلف بأعضاء بيت الزكرتية؟؟

ما رأي سلف بمستوى بيت الزكرتية مقارنة بباقي المنتديات؟؟

وأخيرا ما شعورك بعد ما جاوبت على هالاسئلة؟؟

والسمووووووووووووووووحة

تحياتي

النشميه · 06-01-2005, 03:52 PM

سلااااااااااااااام علاكم

مشاء الله مبرووووووك هالاستجواب ياسلفلف

والله ياااااااااانا دخت وانا اقرى هذا الكم الهائل من الاسئله والاجوبه
(((( 39:40 ))))دقيقه وثانيه هذا بس على الصفحه الاولى والثانيه ماقريت شي

الزبده
كان يتجول في خاطري سؤال الا وهو::
ماهو سرررررررر قولك ( وني وني وني وني ) عند نهاية مشاركاتك
بس مشاء الله سبقون هالاخوان

والله يعينك على هالاسئله الباقيه
عشان تسذا منب سائلك >> داجه ماعندي اسئله
راحممممك ياحوووول

بااااااااااااااااااااااااااااااي

ابو بندر · 06-01-2005, 08:57 PM

سلف خمسه

متى بتجيب الدراهم اللي سلفتك اياها قبل 5 شهور ؟

<< مايجامل

لي رده للموضوع بعد ما اخذ دراهمي

لكم كل الود

**ياهملالي** · 06-02-2005, 01:29 AM

سلف سمعت أحد ألأعضاء يقول لك حول ؟

هل صحيح أنت أحول ؟

**سلف خمسة** · 06-02-2005, 02:56 AM

*** نملة نجد ***

ارحبي يابنت البنات ( على وزن ست الستات )

>> طيب انطم

اقتباس:

يقولون دايم ان كل شخص مرح وفكاهي <<ركز على فكاهي

يخبي جواه شخص حزين

ومرات تكون خفه دمه سببها هروبه من واقع يعيشه

شرايك بهالاكلام؟ وهل ينطبق عليك؟

جاوبت على هالسؤال من قبل في ردي على المستشار

سؤالها مكرر انقلوها للمخزن

اقتباس:

بالعربي انت شخص حسب كلامك صريح كيف تتعامل بصراحه ماتجرح معه؟

صراحه ماداني اللي يجيك ماصل وبثر ويشنب لك

لا والله ماعندي استعداد اجلس معه

على طول احاول اصرّفه الين يفارقني في السّعه

ماعندي استعداد اصاحب ماصلين

كفايه عندي ماشي الحال ناشب لي هع

اقتباس:

لو مافيه شي اسمه منتدى الزكرتيه وين نلقاك كل يوم آخر الليل واول الصبح؟

في البالتوك

اقتباس:

عندك استعداد تضغط على نفسك عشان ترضي اللي حولك

والا انت من ربع نفسي نفسي؟

على حسب اللي حولي

اذا كان يستاهل اضغظ على نفسي في سبيل ارضائه انا مستعد

اما اذا كان جلمتن صقعا ويدبل الكبد

عزالله اللي بعطيه اشكل

نملة نجد

تشرفت بتواجدك في الموضوع واسئلتك الرايقه

ثانكيو نمووله

>> تعب وماعنده استعداد يتفلسف في الإجابات

--------------------------------------------------------------------

*** هبايب نجد ***

يامرحبا ايتها الأونثى

اقتباس:

بس من مبدء خالف تعرف ابيك انت اللي تسئلني

لماذا تختبئين خلف اسم مستعار ؟؟

>> فارق لا بالطفّايه

هبايب نجد

تشرفت بتواجدك في الموضوع

ثانكيو هب هب

------------------------------------------------------------------

*** الشوق ***

اهلن اهلن

اقتباس:

بما انك تهربت من إجابة البطاقة الشخصية .. ياليت تجاوب عليه لو تكرمت

pass

>> بيقهرها

اقتباس:

بما انك في الجامعه .. شو تخصصك .. وكنت أدبي ولا علمي في الثانوية.. وكم معدلك في الثانوية

تخصص هندسة ميكانيكيه >> اركد ياولد

كنت علمي طبعا

ومعدلي 87.76

قولوا ماشاء الله ووجع

اقتباس:

شو السيارة اللي يتمنى امتلاكها سلف؟؟

ميتسوبيشي صفرا

( هي مستوبيشي والا ميتسوبيشي؟ )

يالله اهو كلوا في الهقايص >> مش هتقدر تغمّض عينيك

اقتباس:

سلف خمسة... لو سلفتك خمسة ريال وش بتسوي فيها؟؟؟

بزيد عليها نص وبشتري دخّان

اقتباس:

متى يصير يتحول اسم سلف خمسة ..الى سلف مية

اذا تحوّل اسمتس من الشوق الى القوش

>> عزّتي لأمك بس

اقتباس:

هل سلف رياضي.. شو الاندية والمنتخبات اللي يشجعها سلف عالميا ومحليا؟؟

اي بالله رياضي

ولافيه شحوم تدلدل ولاشي

اشجع فريق الأخدود

اسمهم عاجبني

اخدووووووووووووووود ياطر جيبي يالأسم

واشجع منتخب البحرين والكويت

ومنتخب السعوديه اششششكل

وعالميا اشجع فريق غلطه سراي التركي >> ثبّت الإسم بس

ومنتخب التشيك

يعني انا انسان تشيكاوي >> مخزناوي

اقتباس:

هل يجيد سلف الطبخ؟؟ ماهي الأكلة المفضلة؟؟

اعرف بس اسوي قرص بيض

والا اسوي خبزه على جبن وبتر

والأكله المفضّله

كبسة تونه >> ميااااااااااااو

اقتباس:

ما رأي سلف بالمستوى الحالي لغرفة السواق؟؟ وماهي مخططاته للارتقاء بها؟؟

في ارتقاء وتطوّر مستمر

والمخططات

فيه كذا فكره قيد الدراسه من شأنها زيادة الرقي بغرفة السواق

ولن افصح عنها الا بعد اكتمالها وجاهزيتها للتنفيذ

>> احس اني قوي

اقتباس:

ما رأي سلف بأعضاء بيت الزكرتية؟؟

فديتهم افري بدي

اقتباس:

ما رأي سلف بمستوى بيت الزكرتية مقارنة بباقي المنتديات؟؟

مستوى مميز وعالي جدا

فبالرغم من اغلب المنتديات سبقتنا في هذا المجال

الى ان الزكرتيه استطاع التفوق عليهم والصعود الى مراكز متقدمه

في الترتيب العام للمنتديات في خلال سنه تقريبا من تأسيسه

اقتباس:

وأخيرا ما شعورك بعد ما جاوبت على هالاسئلة؟؟

احس اني ذرب اليوم

الشوق

تشرفت بتواجدك في الموضوع وبأسئلتك الرايقه

ثانكيو شو شو

------------------------------------------------------------

*** النشميه ***

يامرحبا يامرحبا

اذا لقيتي سؤال لاتترددي في طرحه هنا >> جد والله؟

النشميه

تشرفت بمرورك وتواجدك في الموضوع

ثانكيو نش نش

----------------------------------------------------------------

*** ابو بندر ***

هلا وغلا بالحاضر الغايب >> ماينغز ابد

فديت خشيمك في ذمتي

سؤالك مدري وش يبي احس انك تبي تسجل حضور

بس انشاء الله اذا توظفت وجاني راتب رجّعت فلوسك

>> تحس اني مصرّفك بهالجواب خخخخخخخخخخخ ابو بندر ماراح اعتبرها جيّه هذي

لازم تجي وتسأل ياحياتي

علشان اغازلك في الرد

ابو بندر انتظرك جعل كرعانك تابس

----------------------------------------------------------------

*** هملالي ***

^

انت وش تبي الحين؟

اي بالله احول وعيوني داخله في بعض

وخشمي مايع على فمي

وخدودي مشهّبه

وكل شي فيني اللهم لك الحمد

انت بس فارقني وتزين الأمور >> بدا يعصّب

مع السلامة ,,

وني وني وني وني وني وني وني

**سلف خمسة** · 06-02-2005, 02:59 AM

^

^

خخخخخخخخخخخخخخخخخخخخخخخخخخخخخخ

جمعتهم في رد واحد

الله يستر لايتغافصون في الرد

اقروا بالدور لحد ينكتم من ريح النّسم والصنجي

>> مويصل

مع السلامة ,,

وني وني وني وني وني وني

الشـــــــوق · 06-02-2005, 09:33 AM

صباح الخير

بما ان الموضوع لم يغلق بعد ... مازال في جعبتي أسئلة

استنتجت ان سلف مدخن من ردوده

متى دخن سلف أول سيجارة؟يعني تاريخ

ما هو سبب تلك السيجارة .. فضول .. صديق .. الخ؟؟؟

لماذا يدخن سلف خمسة؟؟؟

متى ينوي سلف الاقلاع عن التدخين؟؟؟

سلف هل تعرف ان التدخين مضر للصحة؟؟؟

ما رأي سلف بهذه الصورة؟؟

<<<<<<تشتغل في وزارة الصحة على غفلة وتبي تسوي بحث عن التدخين

تحياتي

الشـــــــوق · 06-02-2005, 09:49 AM

بسرعة يا سلف كل هالوقت تكتب رد<<<<< شكله يكتب قصة

**سلف خمسة** · 06-02-2005, 10:11 AM

يالله صباح خير

ايه هذا الوقت المناسب للأسئله الواحد مفطر ومعين خير

وصاقع الزقاره

*** الشوق ***

اهلن اهلن مرتون اوخرى

اقتباس:

متى دخن سلف أول سيجارة؟يعني تاريخ

والله ما اذكر التاريخ بالضبط

لكن اللي اذكره اني كنت تقريبا في صف سادس ابتدائي

وكانت الزقاره الأولى اللي دخّنتها .. وطبعا جلست فتره كبيره بعدها مادخنت

يعني التدخين الرسمي كان قبل 3 سنوات يعني يومني في ثالث ثانوي

اقتباس:

ما هو سبب تلك السيجارة .. فضول .. صديق .. الخ؟؟؟

صراحه الخ هو اللي طيحني في التدخين >> يستظرف

والله تقريبا صار عندي نوع من الفضول

ابي اجرب ذالدخان واشوف وش سالفته

واذكر كانت الساعه تشير الثانيه ظهرا ( القايله )

رحت بكل مكر ودهاء الى المقلط

وخذيت بكت الدخان حق ابوي وفتحته وخذيت زقاره

وعلشان مايقوم ويفقد الولاعه

خذيت كبريت من المطبخ وطلعت برّا البيت

ومشيت الين وصلت بيت مهجور في حارتنا

وولعت الزقاره واخذت اسحك واسحك واسحك الين خلصت الزقاره

وبعدها حسّيت بميل الى التطريش ودوخة في الرأس

مما حداني بالمكوث من الساعه ثنتين الظهر الى الساعه ثلاث العصر

وانا كل ماقمت افتر راسي ورجعت اجلس مرتون اوخرى

المهم رحت للبيت

وقبل ادخل البيت مسكت شجرة الفكس اللي عند الباب

وقطعت منها ورقتين وجلست افرك يديني علشان الريحه

ودخلت وجلست اتمضمض بصابون تايد >> قسمن صادق

تحسون انها سمجت السالفه؟

يالله نشوف السؤال اللي بعده

اقتباس:

لماذا يدخن سلف خمسة؟؟؟

تنفيذاً لرغبته

اقتباس:

متى ينوي سلف الاقلاع عن التدخين؟؟؟

صراحه الإقلاع عن التدخين افكر فيه يوميا

واقدر اتركه من اليوم لكن هناك عائق وحيد يحول بيني وبين تركه

الا وهو ( النت )

اجلس على النت بدون تدخين؟

صعبه جدا بالنسبه لي

لكن مو مستحيل ودعواتك لي اخت شوق بـ ترك التدخين مستقبلاً

اقتباس:

سلف هل تعرف ان التدخين مضر للصحة؟؟؟

ايه

اقتباس:

اعلانات المنتدى