اخواني الزكرتيه
اعتذر عن غيابي الطويل ولكن كان هذا لصعوبه الضروف اللتي كان عندي
وارجوا منكم العذر والسموحه
واضع بين ايديكم هاذي المتواضعه عسى ان تنال على اعجابكم
ياولد ماني بشاعر احتياط=راس حربه مركزي ولا فلا
كلمتك لو جات من غير اشتراط=او بعد ماجات قدام الملا
في مجال التسليه والانبساط=سهل امشيها والقّيها جلا
بس والله جات حسب الانفراط=والصدر من بعدها ماقد سلا
لكن اسمع ياولد خل الهياط=في فروق اللي وطى واللي علا
الشعر مايرتفع به الانهباط=في علوم المرجله ماله حلا
لو بغيت احط للشعر انضباط=رددت الاشعار ارحب ياهلا
اكبر الشعّار نمسح به بلاط=من شرار النار يحرقهم صلا
والشعر عندي على مليون واط=كهرباء من عسها جاه البلا
لو كتبت الشعر في بايع بطاط= في مصر مايذكر بطيب وشلا
ينشهر اكثر من ابن الجنبلاط=في مصر قالوا له احلى ياولا
وان نثرته فوق قاعٍ به قحاط=حصلت فيه العرب شرب وكلا
وان قريته للمسيحي استشاط=يمسك المصحف وبالتوبه تلا
قلتها ماهو غرور وانغباط=بس سوقي مايجيب الا الغلا
في شهر كانون ولا في شباط=الذهب مايهزمه جيش الحلا
الذهب يبقى ذهب ماهو طماط=وانت قلبك من صدى الحقد امتلا
استمع شوري وخل الانضغاط= الحكم حكمي وغيري ما ولا
ياولد هاذي ترى بعض النقاط=اللعب عندي ولا يطلع ولا
وان نويت تعيد مفعول النشاط=قلت الا تفهم الا ثمٍ الا
سوف اشكو منك في يوم الصراط=عند ربٍ فوق عرشه اعتلا
بايع بطاط
مشاركة: بايع بطاط
