السلام عليكم
خلف الـ ـ ـ م ـ ـ شـعان
احد الشعراء الشباب المضلومين اعلامياً طبعاً
لي شخصياً انطرب لشعره كثير
اتمتع اني اطامر في حروووفه
قليل في حق قصيده لو كتلمت عنه بموضووع او موضوعين
لكن مافي يدنا الا اننا ننقل له ابداعه
والله لايهينك يابو مشعان
عاد الحين اخليكم مع قصيده
(( مو .. حزن .. لكن .. حزين .. ))
يقولون .. الشعر قدح الخيال .. وطلقة .. التفكير = وانا اقول الشعر .. برق الصحيح .. ومزنة أفكاره
رشيق الحرف .. والمعنى العميق .. وروعة التعبير= ربيع الشعر .. واشجار الربيع .. وريحة أزهاره
على روض الورق حامت عصافير .. ونبت نوير = بعد ماجفت .. دموع الغمام .. / .. وجتني اخباره
سمعت اني على باله .. ويذكر عشرتي .. بالخير = وهو ماغاب عن بالي .. ولا قد هان .. مقداره
سرابي .. هاجس الذكرى ولا ني بحاجة التذكير = لأني عايشٍ أصلاً .. بــلاه .. / .. بروح .. تذكاره
إذا .. هو يذكر .. ايام الغرام .. ويشتكي للغير =فانا .. ماغير افكر به .. وصدري ، حافظ اسراره
واذا هو صار بفراقي .. قصيده مابها .. تصوير= فانا لازلت ، بفراقه .. لحن من دون .. / .. قيثاره
حزن ماهو حزن .. لكن حزين .. ومالها تفسير= غريب .. ولا غريب ..الا غريبٍ .. داخل دياره
الى من قالوا .. شلونك .. أحمْـد الله واقول بخير = مدامٍ .. صاحبي .. يذكر .. وأنا لا زلت .. باشعاره
يقولون .. الشعر قدح الخيال .. وطلقة .. التفكير =وانا اقول الشعر .. برق الصحيح .. ومزنة أفكاره
:::::::::::::::::::::::::::::::::::::::::
بالحثل .. والحثل .. مليان ..!!
ياضيقة الصدر الشمالي .. تعالي= ماني بخير وصاحب الخير .. زعلان
العلم .. صوتٍ رغم الانصات عالي=طيّر منام اللي على النوم .. شفقان
قالوا نخاك .. وجيت مدري بحالي = أسمع صدى ( ينخاك ) من كل الاركان
نفاع يومٍ انه .. تضايق شكـالي = وابطيت ( اروّغ ) لين شفت الزعل بان
صبرك عليّه ... لا تدور بدالي .. != لعيونك اصدح بالصدى .. كيف ماكان
اطلع بثوبٍ ملبسه .. مازهـالي=أخير مااطلع .. في نواظرك عريان
إما أني أعلن عن قرار اعتزالي = والا اعتزيت .. وصـار لابياتها شان
لاوالله ابشر يابعد .. من غدالي = من يزعلك ( غزه ) للابيات .. نيشان
الأنف عالي .. والقصيد إنفعالي = ومن وين ماتنظر .. حواليك .. ويلان
ربعي وربعك .. حاميين التوالي = افعالهم ... لاقوالهم ... خير برهان
بس المصيبه .. يوم ( ابحّر ) قبالي= والا انها بالحثل .. والحثل .. مليان
هذي هي اللي ، عاد ماهي ببالي= يطلع لنا من داني القوم ، عدوان
هنا يكون ... اللامبالي .. مبالي =لاثار دخان الزعل ... بين الاخـوان
ملعون ابو شعرٍ على حساب غالي= تزعل وترضى .. بعد بكره .. وتندان
اصبر على ضيم الصديق الموالي = اخير من وطْي ( الجحش ) وطية حصان
:::::::::::::::::::::::::::::::::::
ماعرف اكون الا كـذا ..!!
من جيت للدنيا وانا ( حظي ) .. مثل عابر طريق = يشّر ، على خط الزمن .. عل الليالي ، تنقله
صابر على مر التعب .. كرمال عينك .. يالرحيق = يطيح صبري ( واشقله ).. وايطيح وارجع واشقله
يضيق صدري ( بالعَجَل ) واقول صدري مايضيق= استثقل اني انهزم .. وآخذ من الهــم ... اثقله
ومع كل هذا .. بسمتي .. مافارقت عين الصديق = واللي يعرقل بسمتي .. أضحك .. عشان اعرقله
ماعرف اكون الا كذا .. صادق ولا احب البريق = مثلي مثل أية بشر .. بالصيف .. يرفع .. منقله
مااحب امثّل مثلهم .. ( شفيئ ) ياراجل ( شفيق ) = ولا حب اسوي بالشعر .. حشوة حكي .. ( مستعقله )
اللي اعرف اني اجي .. واشعلل الساحه .. حريق = واني حكيم .. بفطرتي .. واكتب من الشعر .. اعقله
( سطحي ) الى حد السما .. واضح ولا لي بالعميق = اللي تحت قاع البحر .. والموج .. فوقه .. يرقله
ماهمني كثر الفرق .. حولي .. وانا وحدي .. فريق = أحب .. خط المسطره .. واكره .. مسار المنقله
:
::::::::::::::::::::::::::::::::
ر ي ي 100
( بين العصر والمغرب ) على طريق الميه = طاحت عيني .. على اللي طاحت عليّه عينه
يوم التفتّ بجنبي .. بالمرتبه الخلفيه ...!!= والاّ .. الغزال الشارد .. مدري من اية طينه
شفت اللكزس باللكزس .. رقم اللوحه ( ري ي 100 ) = قلت بقلبي .. ياقلبي : ( وينك والحلو وينه )
ضوٍ.. سطع واجهرني .. وقمت اتّقي بيديه = مدري بياض اللكزس .. مدري بياض يديـنه
اشرت له واشّر لي .. يعني فهم عليـه .. !!=بس ( البخت ، والزحمه ) حالو .. مـابيني وبينه
قمت ازوي السوزوكي .. وامشي عليها ميه= لين البساتم طقن .. وانفقعت .. الماكينه
عيني عليهم راحو .. قبل اصفط الملويه =واتلى العهد بعيونه ( مخرج وسط المدينه )
راحت ياموسى راحت .. ليتك شفت ( العجيه )= ماهي مثل شوفاتك سودا ، وعرجا ، ومتينه
صيده .. ولكن طارت .. مالله .. كتبها ليّه = لو المناوي تنفع .. قلت : .. اتمنى حضــينه
( يانومةٍ بحضينه ).. تسوى الساحه الشعبيه =جعل الساحه الشعبيه .... ياخييّ .. فدوة عينه
:::::::::::::::::::::::::::::::
ويسهر الخلق جراها ويختصم ُ ..!!
ماودي أسأل .. ليش تبكي .. قصايدك =ماهو جديد .. ان كان هذا .. جديدك
ياما بكى شعرك .. وهذي .. عوايدك= الحزن .. دايم .. ما يفارق .. قصيدك
كلن خذلك .. وناقصن فيه .. زايدك=انت المراجل .. عن بعضهم .. تزيدك
ياللي المعاني .. جوهرة في قلايدك=قم .. قلد القيفان .. جوهر .. فريدك
الناس تسهر .. تختصم في شرايدك= واينام جفنك .. ما سأل عن .. شريدك
عيد الحزن .. ما بيه دايم .. يعايدك= من كل قلبي قلت : لا عـ ـاد عيدك
:::::::::::::::::::::::::::::::::::::::::
أهل الحفر تطرب على صوت فيروز ..!!
خيوه ، أنا صدري بلد .. كله عنوز = بفياضهم ينبت خضار .. اعتزازي
من جيل ابن عبار لا جيل ابو روز =لا جيلي .. اللي يشهدون ، امتيازي
قطفت جوز الهند ، مع فزة الجوز = وفجرت ،، نبعٍ بالقصيد ، ارتوازي
ماني من اللي بالمواقيف ، مهزوز = حامض على بوز الزمان اهتزازي
ماادور الفرصه ولا اتعب على الفوز= كم فرصة ٍ راحت تمنى ، انتهازي
ما همني / رائع / ومبدع / ومحجوز = ولااتعـِـب على راي ، الخلايق جهازي
هالشعر ماجيته ولا جيه ، بالــتوز = ان ماطلع ..باحساس مالله موازي
كم ما يجوز.. لـيا شتهينا له ، يجووز =من باب تشبيه المحال ، بمجازي
اهل الحفر تطرب على صوت ، فيروز = اذا اطربت لبنان ريشة ، عزازي
ياعويس انا عن سكة الغيـم ، ما جوز = رايك على جزل القصايد جوازي
شعري على خبرك ، ترى مابه رموووز=لا تنزعج ، ماراح .. اظلل قزازي
::::::::::::::::::::::::::::::::::::
معالم .. روعتك ..!!
في ليلةٍ .. تشبه سواد .. عيونك =جيتي .. وانا أول من غفى .. باحضانك
جيتي تذوب من الحنين جفونك =وانا جفوني .. ضاميه ... تحنانك
جيتي غمامه .. في سما مفتونك =واخضرّ قلبه .. من روى .. هتانك
جيتي تجرين الدلع .. بردونك = يرسم معالم .. روعتك .. فستانك
جيتي وابغرق في هديل لحونك =مكسور قلبي .. في حساب اوزانك
ماكنت احس بضحكتي من دونك =صح الله احساسي .. وصح لسانك
جيتي تبين .. تعقـّلي .. مجنونك = ورحتي .. بدونه .. تشتكين .. جنانك
::::::::::::::::::::::::::
فلسـفــة شـــ ـاعـ ر .. !!
تموت ( هل ) وتولد بخاطري ( هل ) = وترجع تموت ـ بحل ـ مكسورة الهاء
صيغة سؤال وللأسف مالها حـــــــل =فرق الامل .. عن الألم .. غلطــة امـــــلاء
ماتكتمل جمله بها حرف منــشل = وشفايدة ( عند.. ي ) اذا انشــلت الياء
تعبت املـّي هالقلم والورق مــــل = تعبت اصحح بالخطا نفس الاخطـــــــــاء
تعبت ادوّر بالصحاري على ظــــــل = وماتت طموحاتي عطش . مالقت مااااااء
قل فلسفة شاعر ، قل افكار مختــل = لو ماعنتلك شي تعنيلي اشياااااااااااء
ولو يجبر المعنى على قافـــية أل = بديتها لك ( شين ) وانهيتها ( رااااااء )
:::::::::::::::::::::::::::::
هجاء قابل للاشتعال .. ابتعد مئة قدم .. !!
سرى ليل القصيد .. اللي يفز من الطنا .. قدام = على منهج سلام الله .. سلام الله .. نبـديها
بلاش من الورق كله .. مادام ان القلم .. ابهام = يطق الحرف .. والكلمه على الشاشه .. يوديها
لبست الدرع والخوذه .. واخذت من الحروف حسام =مسامير الحكي ، تحيي القلوب ونوب تعميها
ياغاده ليتني أقدر .. أنام .. اليابغيت .. آنام .. !!= تزوم من القهر كبدي ولا ادري .. كيف اهديها
ياغاده ريحي بالك .. ونامي واسمعي .. أنغـام= حبيبك لا زعل ، يقلب ، أعالي القاع .. واطيها
طبيعي ، لا زعلت .. اجرم مادامٍ واقعي إجرام=ياغاده .. قهوتي ساده .. ولا ودي .. احليها !!
انا عندي مفاتيح .. لقضيه .. تفضح .... الأقزام =لو افتح لك .. مواضيع .. وقصايد .. وش يكفيها
أقلّك ليه .. ياغاده .. حماده مايحب اعصام ؟؟ = لأن اعصام .. به عادة ، ولايمكن .. يخليها
حمامه ياحمامه .. عوّدي قدامك الحــوام = ورى القناص .. يجدعها .. علي .. ولا يباريها
ترى ماهي سوالف .. يايمن .. ياخام خلك خام ..!!=بلاش تسولف .. علوم الرجال .. وماانت راعيها
وصلك الطحن .. دامنك .. سمعت الجعجعة من عام= أذا ماجتك .. بالقده .. وأنا عمك ... حواليها
لأنك ماانت ( روبرتو ).. ولا انت .. بصايرٍ ( بيكهام )= إذا جتك الكُور .. حاول ياروح امك .. تجليها
مادامك ماانت ابوالطيب .. ولا انت بحول أبوتمام ..!!= تركد .. لا تقول أرمي ، وترمي ثم .. تخطيها
::::::::::::::::::::::::::::
دوواوين الزكرتيه [ خــلــف الــمــشــعــــــــان]
