العيب فينا والا فيهم

عمو شفرة · 05-15-2005, 02:53 PM

اس اس السلام عليكم

<<<<<<<<<< متحمس منذ مبطي ماكتب موضوع

دايم نسمع من اخواننا طلاب الجامعات اسطوانه يرددونها كل يوم الا وهي

(الدكتور ....... حاقد علي ويبي يسقطني )

المشكلة ان اغلبية الطلاب يقولون نفس هذه الجملة وكأنهم نوابغ في اقسامهم

وهو دايم غايب عن المحاضرات واذا حضر ماينتبه للمحاضرة بس شاطر في العاب اللي في الجوال والا في البلوتوث قاعد يرسل لخوياه في القاعة

واذا طلعت النتايج الا هو راسب في المادة

المشكلة انه يطلع زعلان مو على نفسة الا على الدكتور ويقعد يردد نفس الموال (الدكتور ....... حاقد علي ويبي يسقطني )

طبعاً ماقول كل الطلاب انا اقول الاغلبية

مع ان في طلاب اذا رسبو يعترفون بأن التقصير منهم مو من غيرهم

انا ودي اقول لخوي الطالب
اقعد مع نفسك شوي واحسب كم غياب غبته في المحاضرة وكم واجب حليته
والبحوث اللي يطلبها الدكتور هل انت اللي تسويها بنفسك ؟ وهل انت تذاكر اول بأول ؟ واذا جت الاختبارات هل انت مخلص في المذاكرة؟

نلاحظ ياخوان ان الطالب اذا جا يذاكر ماعنده اخلاص للمادة

تشوفه يذاكرها من دون نفس

صدقني ماراح تفهم شي ياشيخ اقص يدي اذا حليت شي في الامتحان <<<<<< تحمس

والله صحيح اصلاً وشلون يكون لك نفس تذاكر وانت على هالحاله
ماتقدر تحفظ ولا تقدر تفهم
وتسحب سيفون على بعض المواضيع وتقول مو مهم ماراح يجي في الاختبار
وش دراك , انت تعلم الغيب؟

وتشوفه يذاكر نص المنهج ويقول والله ذاكرت والباقي على ربك

والله ماراح تنجح وانت على هالحاله هذي

وفي وقت الاختبار تشوفه يفحط على مسألة يبي يحلها مايقدر

وتشوفه اذا طلع من الاختبار يقول ( الله يلعن ام الدكتور ....... عطانا اسئلة ملعونة والدين )

ياشباب لازم ننتبة لأنفسنا

ولازم تلوم نفسك قبل ماتحط اللوم على غيرك

والدكتور والله مافكر فيك

ياخي اذا على قولتك الدكتور حاقد عليك اسئل نفسك ليش

اما انك ماتحترمه او انت اذكى منه

ياخوان انا ماكتبت هذا الموضوع الا من شي جربته

والمثل يقول اسئل مجرب ولا تسئل طبيب

انا كنت اقول ان الدكتور حاقد علي

لكن بعد مأنتبهت لنفسي لقيت ان انا اللي غلطان مو الدكتور

واذا ذاكرت اخلص للمذاكرة حتى لو اني مأحبها

اغصب نفسي على حب المادة علشان افهمها

والحمدالله طلعت النتيجة ايجابية

تدورن وش سويت

اقولكم

1:احل الواجبات
2:اقدم البحث في الموعد المحدد
3:احضر المحاضرة وماغيب الا اذا كان عندي شي اهم من المحاضرة
4:اجي الدكتور في مكتبة واحشره اسئلة في المادة حتى لو كانت تافهه بس علشان ياخذ عني فكرة حسنه

صدقني اذا اخذ الدكتور عنك فكرة حسنة والله انه راح يساعدك بعدين وتلقاه دايم في صفك

اتمنى انكم تتقبلون موضوعي بصدر رحب

ومأبيكم تزعلون من كلامي لأني ماكتبته الا لشي واحد وهو مصلحتكم و مثلكم عارفين الامتحانات على الابواب

وعسى الله يوفقنا ويوفقكم

اخوكم

عموشفرة

**المستشار** · 05-15-2005, 07:36 PM

حياك الله عمو شفرة

اجبت عن تساؤلك بنفسك عزيزي عمو من خلال تجربتك الشخصيه

وهذا أمر جميل أن الانسان يعترف بخطئه ويعرض تجربته

للأخرين كي يستفيدوا منها حرصا منه على مصلحتهم

فالف شكر على شعورك الجميل

بالنسبة لما تفضلت به فهو واقع حقيقي موجود لدى بعض الطلاب

ولاشك أن وراء ذلك عدة أسباب منها :

1- إيجاد شماعه نعلق عليها أخطائنا كما هي عادتنا

عندما نفشل أو نخطيء في أمر ما

وفي هذا الصدد لايجد الطالب امامه سوى

مدرس المادة ليحمله نتيجة فشله كي يبرر لنفسه ومجتمعه هذا الفشل .

2- رغبة الطالب بالنجاح دون بذل أدنى مجهود , مع العلم

أن طريق النجاح هو طريق شائك ويحتاج لدافع ورغبة

قوية تولد طاقة للوصول للهدف المنشود .

3- إنشغال بعض الطلاب عن المذاكرة بأمور تافهة

كالسهر على القنوات الفضائية او على الشات او المعاكسة

وبالتالي لايكون لديه التركيز المطلوب لحل الواجبات او التفاعل مع المادة .

4 - عدم تنظيم الوقت وإدارته بفن عند اغلب

الطلاب فلانجده يحددا موعدا للمذاكرة وموعدا للترويح عن نفسه

بما هو مفيد وانما يتصرف بعشوائية ولايستغل الوقت الاستغلال الامثل .

5 - في ظل واقعنا الحالي ولصعوبة القبول لدى الجامعات

ولد شعورا بإلاحباط لدى بعض الطلاب في الثانوية من

عدم تمكنهم بإلالتحاق بالجامعات وإكمال دراساتهم

وهو أيضا امر غير مقبول وشماعة اخرى نعلق

عليها فشلنا , فالواجب أن نعمل مابوسعنا وأن نترك التفكير

في ماهو بعد ذلك , كذلك ماينطبق على طلاب الثانوية

ينطبق على بعض طلاب الجامعات من الخوف من التخرج

وعدم وجود فرص وظيفية متاحة في ظل ندرة الوظائف حالياَ .

نتمنى التوفيق لجميع طلابنا وطالبتنا بالنجاح والحصول على أعلى الدرجات .

تحيه للجميع ,,,,,

**ياهملالي** · 05-15-2005, 09:03 PM

تدورن وش سويت

اقولكم

1:احل الواجبات
2:اقدم البحث في الموعد المحدد
3:احضر المحاضرة وماغيب الا اذا كان عندي شي اهم من المحاضرة
4:اجي الدكتور في مكتبة واحشره اسئلة في المادة حتى لو كانت تافهه بس علشان ياخذ عني فكرة حسنه

صدقني اذا اخذ الدكتور عنك فكرة حسنة والله انه راح يساعدك بعدين وتلقاه دايم في صفك

^
^

ليت كل الطلاب مثلك يابو شفرة

صدقني ، بتكون النتيجة طيبة ومثالية ، والدليل تجربتك اللي خضتها بخصوص هالأمر ،،

أتمنى لك ولغيرك من الطلاب والطالبات التوفيق والنجاح 00

ومثلما ما تفضل أخوي المستشار ، أنت طرحت القضية وأجبت عنها ،،

ما بقى لنا إلا الدعاء لكم بالتوفيق والجد والاجتهاد 00

وعلى الخير دايم نلتقي ،،

الأصيلة · 05-16-2005, 12:40 AM

كلام اخواني المستشار ويا هملالي عين العقل

كل واحد قال نقاط مهمه وأيدت فكرتك يا عمو عمو عمو

لكن لو نجي للواقع

الاعتماد في المدارس على شرح المدرس واخلاصه

وايضا والاهم على مذاكرة ومواظبة الطالب

لكن الكليات اللي تكلمت عنها يا عمو شفرة

تدري ان الدكاتره والدكتورات في الكلية بعض الاحيان ما يصححون الاوراق

شختك بختك وقسم بالله

وشاهد منهم بذلك يقول هذا الكلام

مو شرط اني اذاكر فقط واهتم

والله كثير من اللي صاروا بين ايدين اساتذه ما يخافون الله راحوا فيها

ترم ترمين إعاده

وفيه ناس ما تخرجت الا بشق الانفس من مادة معينه فقط

ليه ..؟ قاعد له الاستاذ !!

والشواهد كثيره على نقص ذمة بعض المدرسين والاساتذه

العيب يصدر ممن لا يخاف الله في امانته وعمله

ربما الاستاذ مرات

وربما الطالب مرات ..

يعني العلمية ليست حصرية

هي عيوب متفاوته ...

يارب اكون فهمتكم النقطة اللي ابي اتكلم عنها بالذات

شكلي هذرت وبس ..

تشكرااات عموو

العاااشق · 05-16-2005, 03:40 AM

عمو قلهم من غيرك ومن نصحك تتنتبه على عمرك

<<<<<<<<<<<<< يمن عليك

اول شيء تراك زودتها والله ثلاث ارباع الدكاتره ظالمين

وانت خابر المادة الي اخذتها انا وياك المحاسبه عند الاخو الي مدري وش يبي في الحياة وشفت قد ايش كان ظالمني وتعرف انت كم كنت انا استحق في الفاينل وهو كم عطاني

خلها على ربك يا ابن الحلال

بس انا عندي تعليق على غروم

اقتباس:

يعني العلمية ليست حصرية

صحيح العلميه اسف قصدي العمليه

<<<<< ناشب صح

والله ومالك على يمين يا غروم مره في اختبار ماده في الحاسب واحد من اخوياي نقل اورقتي نقل بشكل ما تتخيليه ماباقي الا اسمي ينقله

واخذ هو 17 من 20 وانا اخذت 15

وش رايك صحح الدكتور ولا عطى كل واحد درجه على اسمه

يعطيك العافيه يا عمو شفره وماقصرت

**سحابة حب** · 05-20-2005, 01:36 AM

أنا أقول الفكرة تختلف من دكتور لدكتور ،،،،،،،، أو من دكتورة لدكتوره

يعني أذكر مره من المراريت ،، كان عندنا امتحان فاين ،، و أنا ما ذاكرت ،،

و لما دخلت الاختيار ،، والله العظيم كل اللي عملته نقلت الأسئلة في دفتر الاجابة ،،

مجرد نسخ للأسئلة

تصدقون إني جبت جيد جداً في المادة ،،

و مادة ثانية كانت تدرس فيها عميدة الكلية ،،
و كانت تقول في أول محاضرة ،، أنتم محد يستاهل ينجح منكم إلا على عدد الأصابع ،،

و حطيت المادة في راسي ،،

و كان طريقتها هالدكتورة إنها ما تنزل ملازم و لا كتب ،، تعطيك الموضوع ،، و إنتي اجمعي منهجك ،،

كنت اكتب معاها في المحاضرة ،، و اجمع المنهج من المكتبة و الانترنت ،، حسيت في ذيك المادة إني مصرية ،،
بس كنت خايفة من الرسوب ،، لانه كان آخر سمستر عندي ،، و ما كنت أبي اقعد ،،

و الحمد لله نجحت فيها ،، بس الحق يقال كان فيه رسوب كثير ،، و كانت الاسئلة تعجيزية

المقصود من الموضوع ،،

هو إن كل واحد يقدر يحدد وضعه إذا كان يبي ينجح أو يرسب في أغلب الاحوال ،،

بس على العموم الكلام هذا ما يمشي على الكل ،،

عمو شفرة · 05-21-2005, 07:29 AM

اقتباس:

بالنسبة لما تفضلت به فهو واقع حقيقي موجود لدى بعض الطلاب

ولاشك أن وراء ذلك عدة أسباب منها :

1- إيجاد شماعه نعلق عليها أخطائنا كما هي عادتنا

عندما نفشل أو نخطيء في أمر ما

وفي هذا الصدد لايجد الطالب امامه سوى

مدرس المادة ليحمله نتيجة فشله كي يبرر لنفسه ومجتمعه هذا الفشل .

2- رغبة الطالب بالنجاح دون بذل أدنى مجهود , مع العلم

أن طريق النجاح هو طريق شائك ويحتاج لدافع ورغبة

قوية تولد طاقة للوصول للهدف المنشود .

3- إنشغال بعض الطلاب عن المذاكرة بأمور تافهة

كالسهر على القنوات الفضائية او على الشات او المعاكسة

وبالتالي لايكون لديه التركيز المطلوب لحل الواجبات او التفاعل مع المادة .

4 - عدم تنظيم الوقت وإدارته بفن عند اغلب

الطلاب فلانجده يحددا موعدا للمذاكرة وموعدا للترويح عن نفسه

بما هو مفيد وانما يتصرف بعشوائية ولايستغل الوقت الاستغلال الامثل .

5 - في ظل واقعنا الحالي ولصعوبة القبول لدى الجامعات

ولد شعورا بإلاحباط لدى بعض الطلاب في الثانوية من

عدم تمكنهم بإلالتحاق بالجامعات وإكمال دراساتهم

وهو أيضا امر غير مقبول وشماعة اخرى نعلق

عليها فشلنا , فالواجب أن نعمل مابوسعنا وأن نترك التفكير

في ماهو بعد ذلك , كذلك ماينطبق على طلاب الثانوية

ينطبق على بعض طلاب الجامعات من الخوف من التخرج

وعدم وجود فرص وظيفية متاحة في ظل ندرة الوظائف حالياَ .

كفيت ووفيت يالغالي

اعجبتني كلمة قلتها يالمستشار الا وهي شماعه اخرى نعلق عليها فشلنا

والمشكلة انهم يقولون مافي وظايف

انت شد حيلك واعمل بالأسباب وتأكد ان ربك ماينسى عبده

يعطيك الف عافية يالمستشار على الإضافة الجميلة

عمو شفرة · 05-21-2005, 07:37 AM

اقتباس:

ليت كل الطلاب مثلك يابو شفرة

<<<<<<<<<<<<< استحى الدب

اقتباس:

صدقني ، بتكون النتيجة طيبة ومثالية ، والدليل تجربتك اللي خضتها بخصوص هالأمر ،،

كل طقه بتعلومه

والله مشكلة الحين الواحد مايشد حيلة الا بعد ما ينقرص على اذنه

اذا تبي الصدق انا ماذاكرت الين شفت الشعب ماشين في الجامعه وانا سوات خشتي الى الحين قاعد

شفهم الحين موظفين وامورهم ميسرة (مشالله عليهم) وانا متكي في الجامعه

الله يعطيك العافية ياهملالي على الرد الخفيف واللطيف

عمو شفرة · 05-21-2005, 08:00 AM

اقتباس:

تدري ان الدكاتره والدكتورات في الكلية بعض الاحيان ما يصححون الاوراق

شختك بختك وقسم بالله

وشاهد منهم بذلك يقول هذا الكلام

مو شرط اني اذاكر فقط واهتم

والله كثير من اللي صاروا بين ايدين اساتذه ما يخافون الله راحوا فيها

ترم ترمين إعاده

وفيه ناس ما تخرجت الا بشق الانفس من مادة معينه فقط

ليه ..؟ قاعد له الاستاذ !!

والشواهد كثيره على نقص ذمة بعض المدرسين والاساتذه

ياغرام احباب هذولي حالة شاذة في الجامعه وينعدون بالأصابع بعد

وهذولي حلهم بسيط وهو

1:ابلعي اي كلمة يقولها الدكتورة بس لحدود يعني اذا سبت الدكتورة احد من اهلك او مس عرضك (لاسمح الله ) لاتتركينه , واظن فيه ادارة في الجامعه يعني الجامعة ماهي سايبه كل من جا قام يسفل في خلق الله .
لكن اذا الدكتورة مامدحتك على مستواك الدراسي في هذه الحاله كوني سياسية معها وسايريها لأن عقلها عقل طفل مع انها انسانه متعلمة بس التربية لها دور

2:اما بالنسبة لتصحيح حلها بسيط بعد وهو انك تروحين لمكتبها بعد ماتمتحنين المادة وتطلبين منها التصحيح يعني قوليلها (لو سمحتي يادكتورة ابيك تشوفين مستواي في الاختبار )<< على سبيل المثال
طبعا هي بتقولك (وش اسمك؟)عطيها اسمك ورقمك الاكاديمي .
وبعد نص ساعه روحي لمكتبها واسئليها عن ورقتك اذا صححتلك بتقولك الدرجه واذا ماصححتلك (وهذا الافضل) عيدي عليها اسمك مرة ثانية
صدقيني ياغرام انه ماراح تنسى اسمك وراح تصححلك بأخلاص بعد تدرين ليه

لأن درت ان في طالبه ناشبة <<<<<< مع احترامي

وتبي درجتها ويمكن تبي تساعدك بعد

اقتباس:

العيب يصدر ممن لا يخاف الله في امانته وعمله

ربما الاستاذ مرات

وربما الطالب مرات ..

يعني العلمية ليست حصرية

هي عيوب متفاوته ...

درر ياغرام والله درر

اقتباس:

يارب اكون فهمتكم النقطة اللي ابي اتكلم عنها بالذات

النقطة اللي تكلمتي عنها مفهومة وجميلة بعد

الله يعطيك العافية ياغرام على التعليق الجميل

عمو شفرة · 05-21-2005, 08:12 AM

اقتباس:

عمو قلهم من غيرك ومن نصحك تتنتبه على عمرك

جعل عيني ماتبكيك

<<<<<<< متأثر دايم يتقهوى مع العجوز (الله يخليها لي )

يالعاشق انت مانصحتني الا لأنك تخاف على مصلحتي
والصديق وقت الضيق

ياخي ودي اعض خدودك مدري ليش

اقتباس:

اول شيء تراك زودتها والله ثلاث ارباع الدكاتره ظالمين

ياخي ودي اترفس في بطنك مدري ليش <<<<<<< قفلت الاخلاق

ياخي لاتحكم على جميع الدكاترة علشان واحد مايستاهل

هو صح كأنه حبة خال في الجامعه بس مو كل الدكاترة مثلة

الله يعطيك العافية ياقلبي على مرورك

عمو شفرة · 05-21-2005, 08:20 AM

اختي سحابة حب

اعيد واقول ان هذولي حالة شاذه

هم صحيح ناس متعلمين لكن مو فاهمين اي شي عن الاخلاق

اقتباس:

و حطيت المادة في راسي ،،

هذا المطلوب

اقتباس:

هو إن كل واحد يقدر يحدد وضعه إذا كان يبي ينجح أو يرسب في أغلب الاحوال ،،

كلام جميل ولا اروع

اقتباس:

بس على العموم الكلام هذا ما يمشي على الكل ،،

وجهة نظر متفقين عليها

الله يعطيك العافية على مرورك الكريم

و الحمدالله انك افتكيتي من الجامعه وان شالله حنا نلحقكم

المملوح · 05-26-2005, 11:22 PM

ما قصرت يا عمو شفرة
الموضوع جميل.. وعلى رايك التقصير من بعض الطلاب مو من الدخاترة
ما ودي أطول ..(أحس انكم تعبتوا وانتم تقرون) بس لا تواخذونا

اعلانات المنتدى