سلف ابيض واسود

**سلف خمسة** · 05-11-2005, 07:04 AM

سلام ..!

شفيه مايضغط ذا ؟

اكيد الجهاز خربان

لالا اكيد فيه بلا . ليه ماتقبل يالحبيب؟

حاجه : مين اللي يحاول يضغط

سلف : شفيك ماتقبل انا سلف

حاجه : لا مش ممكن ياحبيبي مانيب مصدق انك سلف

سلف : يالله عاد اقبل والا ترى بسجل خروج

حاجه : احلف انك سلف

>> دموع الفرح

سلف : والله اني سلف

حاجه : يالله بقبل الحين .. طنننننننننننن >> تم القبول

^

^

محادثه بيني وبين ادراج موضوع جديد في السواق

قيام ايها الأعضاء الشرفاء

جلوس ايها الاعضاء الشرفاء

قيام

جلوس

قيام

جلوس

>> لاقيكم

****** ســلــف خــمــســة ******

اسود الوجه وابيض اليدين

كبير الخشم صغير العينين

طويل الشعر اصلع الحاجبين

يحب يتسبّح في نهر الرافدين >> ثــــف

هذا الفتى الأطخم صاحب الإطلاله الساحره

من مواليد برج السلولو

12 آيار/ كانون الأول

مزايا برج السّلولو:

1- يجيد الكتابه على الجداران بدون ماتوصخ يدينه

2- حريف كيرم ويعكف الان على اصدار كتاب ( كيف تكسب الخمسين )

3- يعرف يوجه الأنتل بدون احد يقول له ( ايه ايه صفااااااااااااااااا )

4- يعرف يقلب قرص البيض بدون مايتقطع ( دوّيره )

عيوب برج السلولو:

1- الدخول للشات بإسم مستعار >> فاهم غلط

2- شديد على الأطفال يبلعها عند الكبار

3- التلحوس في المطبخ عند قدوم شغّاله جديده هع

4- تمزيق رسومات اصدقائه الجميله >> المخزن

** دخول ماصل **

في صبيحة يوم الخميس خمسه خمسه الفين وخمسه فتحت المنتدى ولقيت

اسمي سلف خمسه وااااو شعور جميل وافتح بوكي والقى خمسه ريال

واطالع اصابع يديني الا هي خمسه واطالع اصابع رجيلي والقاها خمسه

واروح اركض واركض والقى ابوي

واعلمه بالسالفه قال تبيها تكمل خذ ذالمخمّس ( دايم يحب يفرحني )

واجلس ابكي في غرفتي لحالي ويطلع لي واحد يقول خمسك ياولد ( يبي يسلّم )

مارديت عليه وعطيته خامس قال ماعرفتني انا اسمي خميس وجايب لك معي

خمسه من اخواني خمّاس وخمسان وخمسون وخمسين وخمّوس

قلت فارقني انت واخوانك لأهفك بأم خمس واخليك تخمّس في الغرفه

^
خخخخخخخخخخخخخخخخخخخخخخخخ

من جدكم تقرون الى الحين

((الزبده في الأسفل ))

**سلف خمسة** · 05-11-2005, 07:05 AM

** سلف بدون ألوان **

انا وفهود اخوي نطالع مباراة الأرجنتين والبرازيل عام 1945 وطلعت في راسي فكره قلت يافهيدان

ليه مانقدر ندخل مع التلفزون ونعيش جوهم ونشوف اوضاعهم قال الا وش

رايك ندخل في الفديو ونسوي فلم ( ينكّت الخالع )

قلت الا ورا ماتعطيني الريموت وتلفقها

واخذ الريموت واحطه على قناة ( تسالي ) خخخخخ

ياهي حفله هالقناة كل كلامهم بدليات

المهم وانا اقلب القنوات طلعت لي

اشارة في التلفزون اذا كنت تريد الدخول وجه الريموت كونترول على القناة المطلوبه

وقل ( قو قو قو ) واكلم فهود قلت له حطه على قناة ال بي سي وانا بقول قو قو قو

قال يالله لك الحمد تكفى سلف خلني اتابع المباراه

قلت يرحم امك وش تتابع مباراه ايام الثمانينات يعني ماتشوف الا سواااد مغطي الملعب انواع الشوش المنتفشه

حطه بس على ال بي سي لاحوسك هنا

وادق الكشخه واقابل التلفزون وانا اقول قو قو قو وقبل لاخلص الكلمه

فهود فرّه على قناة مصر الثانيه وبالصدفه كانوا عارضين فيلم عن ( ابطال من الصحراء )

ومالقيت نفسي الا وسط البر ومافيه حولي احد واقعد امشي الين وصلت لواحد جالس عند غنمه

واقول له انا ويني فيه انت من انت وش ذا اللبس يالحبيب

قال من انت ايها الغريب هل انت من قافلة الشام ام الحجاز قلت انا من قافلة الأحساء ( صريح الولد )

قال ويحك انت من اتباع المحسحس ابن الحسحيس قلت يرحم امك اسمه ذا والا يمزح

قال اخرج سيفك وبارزني هنا سوف اقتلك شر قتله ايها الوضيع

قلت فيني بعج مافيني شدة مصارعه توني دابج في الغدا احتمال اطرش عليك

قال ياااااااااع (كلمة تقال عند الهجوم ) وادنق ويمر السيف من فوقي

والتفت عليه قلت انت يالحبيب شفيك متحمس لاتخليني التفت لك ايها الجبان

ويرجع مره ثانيه ويموّه علي بالسيف واطلع ميدالية المفاتيح من مخباي واصنه في وجهه

قال لقد فعلتها ايها الشرير انك قتلتني برميتك السامّه

قلت اثرك دجاجه على طول تموت

احسبك بتصمل معي للأشواط الأضافيه

واسحب سيفه والبس اللبس حقه واركب حصانه واروح ناوي ديرتهم ويوم وصلت للديره

لقيت واحد جالس على باب خيمته ويناظرني بكل احتقار

رفعت يدي له

وبحركه سريعه برز احد اصابعي مشيرا الى احد الحركات الوكيحه

ويطلع سيفه ويجيني يركض ( ماعندهم تفاهم الجلوف على طول حرب )

ويقرب مني واطلع سيفي واقعد ابارزه ويجتمع علينا الناس وهم يشوفون المعركه

واطلع من مخباي الولاعه واصقع الزقاره

واقول له اذا كنت تريد ان ادمس هذه الزقاره في علباك تعال هنا ايها الأعرابي الزلابه

ويجيني مندفع وارتب افكاري على خطة 2 - 3 - 5

واحط كريسبو راس حربه وعلى الاطراف شفشينكو وكاكا ( خارج النص )

المهم تبارزنا الين سدحني على الارض وقال ( اخ ايها الورع اخ )

وشوي الا المربوعه في راسه من ورا واناظر الا هي بنت ملثمه مسكتني

مع يدي وقالت انهض لقد فارق الحياه هذا المعتوه واطالع فيها واقول من انتي

قالت على شحم وتعال معي الى الخيمه لكي اداوي جراحك ايها البطل

وانا امشي معها وافكر انقلها الرقم والا اكتفي بالماسنجر بس وذهبنا الى خيمتهم المتواضعه ( ياعيني )

ولقينا اخوها وابوها وقالت اعرفكم على بطل الحاره سلف خمسه

وهذا اخوي سعدل السلولو وهذا ابي ابن ابي شلحفه قلت انتم اساميكم من زمان ماصله والا الحين بس

نقز اخوها وقال من اي العرب انت ايها الغريب

قلت له وعويناتي صوب اخته انا اللي ....

ذبحني اسود الرمش ... وعلقني حبه ليتني ماتعلقت >> مهب عاقل الاخطل

ابتسمت اخته حتى اجهرتني لمعة ضرسها الذهبي

وقال لي اخوها هل تغازلها امامنا يااااااع خذ هذه الطعنه

وازنطه في الزاويه لعنبو غيركم انتم كل شي عندكم حرب؟ اركد يالجلمه لأحوكك على عينك

وبعد ان قمط العافيه اخوها سعدل واخذ ابوها يقهقه ويقول انه فعلا شجاع ومكسب لنا في الحاره

عانقني اخوها وهو يبكي ويقول سامحني ايها الشجاع انني احببتك ( اي والله ان تعرف الصادقه )

ومع مرور الايام اشتدت الصحبه بيننا واعتبرتهم عائلتي الثانيه

وفي احد الأيام خرجت انا وسعدل لنذهب في نزهه قصيره الى سوق المدينه

وبينما نحن نمشي على الهون كل واحد على حصانه الا ويمر علينا

واحد متلطم ويقعد يحدحدنا بالحصان ويغبر في وجيهنا والتفت على سعدل

قلت هاه وش رايك نخبز وجهه ورا ذالقشعه محد حوله ضحك سعدل ضحكه خوف

وقال الا تعرف من هذا انه فسيفساء ابن شمشون قلت انت شف اسمه وتدري ان ماحولك احد

قال انه عربيد وملعون جدف اقوى واحد عندنا انتبه منه ياسلف انه ذاهب الى الحانه

قلت وهل عندكم حانه ( اشتهيت بيره ) قال نعم عندنا حانه ويوجد بها الماجنات والفاسقات

قلت تكفى اسعفني انني ناوي الليله اطيّنها بقوه

وذهبنا الى الحانه وقبل ان ندخل الحانه

ماتسمع الا صوت قرقعة البطول والضحك الهستيري والغناء الصاخب

قال سعدل انا لن ادخل الحانه لان ابي متحلف فيني بيكسر رقبتي ان دخلت هذه الاماكن

قلت اذهب في حال سبيلك وانا انشاء الله الليله سأكون في الخيمه لن اتأخر عليكم

ودخلت الحانه واذا بـ فسيفساء ابن شمشون يطالعني ويقزني من يوم دخلت وانا اناظر فيه واصد عنه ( من مبدأ كسر الشر )

وجلست على كومة من القش ( يعني طاوله الحين )

وصفقت بيدي هيييه اكسكيوزمي اني بدي هير

وجائني الجرسون ماذا تريد ايها الغريب قلت اريد رأس خروف محشي

( يعنني قوي علشان يقمطون)

نظر الي نظرة ازدراء وهو يقول يمدي كورن فليكس؟

وفجأه

زأر فسيفساء كالأسد وقال احضروا لي هذا الصعلوك الجبان

ويتجمعون علي نص الحانه ويكتفوني

ويسحبوني الين وصلت عنده

قال انت صاحب الخيل الأربعه وثمانين قلت نعم انا

قال ثـــف بس الحمدلله تفاديتها ولزقت في وجه احد الجلم اللي مكتفيني قلت له علامك علي

قال بكيفي ياورع فتّشوه واعطوني كل مايملك في مخباه

ويلقون معي دخان وصورة حليمه بولند قال من هذه الحسناء التي في الصوره

قلت هذي امك ( انشهد انه خربها )

قال ويحك ياااااع

طبعا عارفين وش معنى ياااااع

قلت ياااع ياع وش ورانا

وبين ياعه وياعي دخل علينا رجال الحسبه وفرّقونا وهو يتفلت علي وانا اتفلت عليه

وتواعدنا يوم الخميس خمسه خمسه الفين وخمسه ( خخخخخخخخخ راجع بداية الموضوع )

وذهبت الى خيمة سعدل وشرحت لهم السالفه وعلمتهم ان المعركه يوم الخميس امام الناس

وقال سعدل انت شجاع لاتخف سوف تقتله بالراحه

ونط ابوه وهو يقول انت املنا الوحيد في القضاء على هذا العربيد الماجن

واختهم تناظرني من ورا الشق وهي تنشد وتقول

ياطر جيبي يوم جاني الخبر = فسيفساء الكلب ناوي بالجفا

ياسلف تكفى لايجف الحبر = اذبحه تكفى جعله الحفــــــا

المهم بعد ان سمعت هذه النشيده من اختهم استنزلت ووقف شعر راسي

والا كلام ابوها واخوها مادريت عنه

وجاء يوم الخميس ..!

واجتمع الناس في ساحة المعركه ينتظرون المواجهه المرتقبه

وجاء شمشون وهو يبتسم ويوقع الاوتجرافات للأطفال ويحييهم

وانا في خيمتي البس واتجهز للمعركه واقول ( ياوين الله انشبني )

انشهد انه بيتمردغ في بطني

وصوت الناس تهتف وتنادي سلف سلف سلف

وانا اقول في قلبي ( وجع وجع ولعنه )

وجا سعدل واخته وابوه وهم لابسين اسود ( فاهمين الوضع )

واخذ كل واحد يضمني ويبكي ويقولون تكفى لاتفشلنا حاول تجيب راسه

والبنت العفنه ماجات تضمني

اكتفت بالنظر لي وترديد بعض الأبيات الحماسيه

وتنشد وتقول يامل قلبن بيفارق حبيبه ..

هنا قاطعتها وقلت الفقيها يالشّالح ترى الدعوى مهب في لحية قصيد

الوضع خطير تكفين يا ....

الا انتي وش اسمتس ماعرفتيني على اسمتس

هنا قام اخوها سعدل وقال يااااع

قلت فارق للعن ابو خامسك ترى مافيني شدة يااااع

الياااع والله بعد شوي

واخيرا تقابل الطرفان في الساحه

شمشون باللباس الأصفر

وسلف باللباس الوردي >> حتى في الحرب رومنسي

واطالع فيه بنص عين وابصق في الارض ( حركات نرفزه )

ويطالع فيني بربع عين ومابصق في الأرض >> كل انطم

واول مره في حياتي ابتدي بالكلمه الشهيره ياااااااع

واهجم عليه بسرعة البرق واحوكه بالسيف لكنه دنّق راسه وتفادى الضربه

ويصيح علي سعدل السلولو تكفى ياسلف الرجال لايروح

والتفت عليه بسرعه وانا متحمس يارجال تلايط

وفي نفس اللفته لمحت اخته وهي مبتسمه وهنا طرا على بالي شي

المهم هجم علي فسيفساء وهو يقول ثكلتك امك ياسلف

ويحوكني بالسيف لكن الحمدلله جات سليمه وقدرت اشقلب على ورى

ويشتد النزال بيننا الين وصلت المعركه ذروتها

وهنا استدرجته الى منتصف الساحه علشان انفذ خطتي

وفعلا قدرت اجيبه الى المنتصف واقعد اتبارز معه ( وجه جلمه )

وبعدها نظرت نظره لأخت سعدل وانا اقول لـ فسيفساء ناظر يمين يااااالبيه يالبنت

ويوم التفت فسيفساء يطالع البنت صحت عليها ( ابتسمي يا اخت سعدل ابتسمي تكفين )

ولما ابتسمت البنت انطلق شعاع ضرسها الذهبي واجهر فسيفساء

وانكسرت عينه وهنا هجمت عليه وزنطته وسدحته على الأرض

( ياروحي يالخطه )

وبركت على حلقه وانا اقول ( استسلم ايها الأولعبان )

ولكنه ركلني برجله ركلتن عصماء وهو يقول ( اخو العيااال )

واروح اركض بسرعه والمس يد سعدل ابي اجيب فيه العيد

ويأشر الحكم لقد تم التغيير ( مصارعه حره )

ويوقف سعدل في المعركه وثوبه من قدّام ( رطب وشفّاف )

ويركض ويلمس يد اخته وتركض وتلمس يدي واركض والمس يدها

هه هه هه ونستانس ونضحك >> انشهد انك ماصل

لاجد عاد يوم لمس يد اخته هنا خذتني الحميّه على حشاشة يوفي

وقمت وانا اقول تعالي المسي يدي وانا اعلمتس شلون اتفاهم مع هذا الخنزير

وتجي وتلمس يدي بإستحياء قلت ضمّيني والا مانيب داخل المعركه ( استغلالي)

وتضمني بشويش وانا اقول انشهد انك زلقت يافسيفساء

وتحبّني مع خدي واقول في ذمتي انك في عداد القتلى

وتحبني مع جبهتي و اقول لعنبو غيرك ممكن تأجل المعركه شوي بس

المهم دخلت مره ثانيه للمعركه وانا عيوني يتطاير منها الشرار والشر (يارجال استريح بس )

قلت شف يالحبيب نزل سيفك وانزل سيفي وبنتهاوش باليدين

بس مافيه قبص ولاشوش قال حسنا ايها الضعيّف

واتماسك انا واياه باليدين ويعفص اصابعي الين جثوت على ركبتي

وهو يضحك ويقول يانعنبا المبزره ياناه

واقول خلاص مستلم يافسفساء خلااااص مستسلم

قال شهدتوا عليه تراه مستسلم

ويفك اصابعي ويروح لاخوياه منتصرا وفائزا بالمعركه

واجيه من وراه واصيح ( الحرب خدعه ) خذ هذه الطعنه

وسط تصفيق حار من الحضور لذكائي واستخدامي الحيله >> ايه اخلص بس

واخذت اطعنه بسيفي الين فارق الحياه

وبعدها عم الهدوء ساحة المعركه

وتقدمت اخت سعدل وقالت مبروك يابطل يشرفني اعرفك على اسمي

انا اسمي ( سعدله ) >> ام العفن

وانا قبلت بك زوجا لي

وجاء الحضور لتهنئتي بمناسبة الفوز والزواج

وانا اعضعض بريطماتي من الخجل

وهكذا اصبحت منتصرا ومتزوجا ورميت عصفورين بحجر ( جد والله؟ )

وجاء يوم الوداع واخذت زوجتي العزيزه سعدله

لكي نذهب للأحساء ونرجع لبتنا وبيئتنا القديمه

وركبنا الناقه ونحن في قمة السعاده هي ورا وانا قدّام وتقول سلف تحبني؟

قلت ايه اموت فيتس بس اذا جيتي تكلميني مره ثانيه صدّي وراتس علشان ريحة البؤ بس

وبعد مسيرة نصف يوم وقفنا لنتناول طعام الغداء

وفجأه اختفت سعدله

اين انتي ياسعدله اين ذهبتي؟

انا هنا ياسلف وراء الشّمعه

وماذا تفعلين وراء الشّمعه؟

انني الاحق بعض الزواحف انتبه تأتيني

واجيها بشويش اتسحّب وانا اقول فيه ريحه ياجماعه

سعدله انتي وش مسويّه

قالت والدموع تغرق عينيها سامحني ياسلف لقد انزنقت ومايمديني

هل معك مناديل والا جركل مااء؟

( داق اللطمه ) سعدله سامحيني على اللي بسويه

قالت وش بتسوي يازوجي العزيز

قلت ثــــــــــــــف

وانتي طالق بالثلاث وارجعي لسعدل وقولي له يقول لك سلف

اذا في راس امك ( ياااع ) الوعد عند بوفية التسامح

واجلس على ركبتي واضم يديني مع بعض واطالع في السما

وقلت ( مهب قو مهب قو مهب قو ) ورجعت لبيتنا

والقى فهود اخوي مبحلق عيونه في التلفزون ويطالع ملكات جمال مصر ( ياطر جيبي )

قال تكفى سلف نفسي ادخل عندهم واعيش معهم

قلت خلاص قل قو قو قو وانشاء الله امورك طيبه

ويوم جاء بيخلص كلامه وافرّه على قناة ارتيريا ( نحيس )

وفيها برنامج ( مصارعة الثيران ) انشهد انه زلق

ويذكرونه في ادغال افريقيا مايندرى وش صار معه

ختاما ..!

تأكد عزيزي القاريء ان هذه القصه واقعيه مئه بالمئه

>> لاقيكم من جد

وخروا شوي

مع السلامة ,,

كاميرا مان : لويس طرجم

^

فديت خشيمك في ذمتي ... متى تحنّ وترجع لنا لبى قلبك

لويس نحنو في انتظارك

قو قو قو قو قو قو قو

**شباب في رحله** · 05-11-2005, 07:31 AM

اوووووووووووووووووولي

<<< وريع

**ماشي الحال** · 05-11-2005, 07:35 AM

ثااااااااااااااااااااااااااااااااااااااااااني

<< اورع

راجع اثبت الموضوع وبرجعلك يالسلولو

رجعت

اقتباس:

سلام ..!

عليكم

اقتباس:

شفيه مايضغط ذا ؟

مدري

اقتباس:

اكيد الجهاز خربان

يمكن

^
^

اما لو امسك كل سطر اقتباس وارد عليه بكلمه

بعد احتلال امريكا للعراق هل مازلت تجيد السباحه في نهر الرافدين

ام ان بلعة العافيه طغت على هوايتك واستبدلتها بالسبوح

في الحارّه وتعليق هافك على مراية السياره اللي برا وعيون الشيبان

ترمقك بنظرة الزقرت الهامل على فهودي >> ناوي يشبها

:: برج السلولو::

برج السلولو تم تشييده في غفله من برج الثور وكان برج الثور

مشطفا على مزرعه ووجد شمالة بقره وولقاها فرصه انه يدخل

وسحب الشماله من الارض ويجي عند البواب حق المزرعه

قال البواب وش عندك هنا .؟ قال الثور ماتشوف اللي معي وخر بس خلني اروح اعطيها

واول مادخل وقامت عيون البقر تشخله شخل واللي قامت تحط تفال على

قذلتها وتزينها واللي قامت تعطيه ظهرها وتمشي وهي تللفت عليه

يعني افهمها والحقني

واللي جاته زاحفه وتقوله تكفى قل احبك واترك الباقي علي

ويرفع الثور يده ويطلع شروت ويولعها ويشربها بهدوء وقال كلمته المشهوره

(( كل البقر سوف أكشف عليه بالنظر أحد عنده مسطرة هندسه؟))

لاحد يستغرب من الكلمه ولاحد يقول وش دخل المسطره في السالفه

لانه ثور والثور ثور

في ذا الوقت برج السلولو اكتمل بنيانه >> يازينك منطم

سلف انت لاقينا جلم يومنك تقول مباراة البرازيل والارجنتين

عام 1945 والحرب العالميه وين راحت والضحايا اللي ماتوا

<< ناوي يقلبها نكد

علىطاريقوقوقوقواذكرمنزمااااااااااااااان<< عناد ماابي اضغط مسافه

معي سندويشة همبرقر وكان عندنا اطفال امريكان وانا ايضا كنت طفل

وكان الامريكي يطالع فيني وانا اكل احسبه مشفوح وهو ناقدن علي وانا

اكل لاني كل ماكليت قرمه انواع الكتشب والمايونيز على الثوب

<< احس عمري 11 وانا اكتب ذا السالفه

وابي اقطع قطعه واعطيها الامريكي بس مااعرف وشلون اقوله اخذ او سم

سألت واحد داج قلت ابي اقوله خذ قال سهله قله قو

جيته وقطعت قطعه وقلتله قو وهو يطالعني مستغرب وانا اقوله قووووو

يعني خذ يارجال لاتستحي وهو يقول نو نو ومابين قو و نو اتفقنا نسوي

سباق سياكل وهو مع اخوانه وخواته وانا بلحالي

بدينا السباق وجينا عند تقاطع وكان فيه سياره بعيييييييييييييييده بتجي

هم وقفوا نظامين بس انا ابي افوز واتلها وماوقفني الا ذاك

الرجال اللي ماسك علم نهاية السباق واستانس >> انواع النصب

<< احس عمري 11 ودقيقه

اقتباس:

وبحركه سريعه برز احد اصابعي مشيرا الى احد الحركات الوكيحه

ايه عرفتها ذي سواها لي الامريكي يوم فزت عليهم بالسباق

ومن هنا عرفتها انا وقعدت اسويها بس حنا غير وهم غير

^
^

رداً على من قال انشهد انك سعودي >> ناشب جاي من قسم المجلس

الا تعال بقولك الحين مهب انت البطل وسعدله هي المعجبه فيك ؟

ليش تفكر انك انت تنقلها الرقم او الماسنجر خلها هي يامال الشحم

اللي تعطيك الرقم .. اجل انت اللي أسست القاعده ذي ان الرجال هو اللي يبدأ

ياخي خربت علينا كل ماجيت ارقم وحده تقولي يعني انت احسن من سلف

ها لو انك خليتها هي اللي ترقمك >> ماسط خط ابو حدريه

ترا يوم دخلت الحانه انت انا توني طالع منها بس كانت عيوني

بنفسجيه ومانتبهت لك طال عمرك فالعذر والسموحه >> على شحمه

اقتباس:

وسلف باللباس الوردي

خخخخخخخخخخخخخ قاعد اتخيل شكلك

مايصلح مع ذا اللبس تقول يااااااع لانها تخب عليك

حلاتك تقول يااااااااي او وش اخباااااااااااااري >> فااااطس

اقتباس:

ويصيح علي سعدل السلولو تكفى ياسلف الرجال لايروح

والتفت عليه بسرعه وانا متحمس يارجال تلايط

انشهد انك مقدي فيه ذا الطقوع المصيف

ودك انك قايل لفسيفساء اصبر شوي بروح اخبز وجهه واجيك

ويتحمس معك فسيفساء ويروح معك وترضونه رض

وترجعون ترضون بعض

اقتباس:

واجيه من وراه واصيح ( الحرب خدعه ) خذ هذه الطعنه

تخيل وانت متحمس وتصيح وراه تغلط وتقول الخرب حدعه

ماقد صارلك ذا الموقف وانت متحمس ومنفعل تغلط بالكلام ؟

صراحه انت ماش كان يوم طعنته قعدت تشرب من دمه

وتنادي سعدل يشرب معك واذا ماشرب اطعنه << ياويل امها الدنيا سايبه

اقتباس:

وفيها برنامج ( مصارعة الثيران ) انشهد انه زلق

اسأل فهودي ماشاف معهم الثور اللي ماسك الشماله

لقد اهلكتني ياسلف بمصالتك التي تجاوزت حدودها واستقرت

في حدود الخيال الواسع >>> يارجال انطم بس

سلف وش رايك في البلوك بالماسنجر هع هع

تامرني شي يابو خمسه انا بروح احط كريسبو جناح ايمن << راجع الخارج عن النص

**البَــتول** · 05-11-2005, 09:32 AM

^
^
^
مشكله اولي وثااااني

سف خمسه

الله يرجك رجا مبرحا
حتى تتساقط عظامك

سلف سلف سلف <<<<<<<<<<<تلحق ورااك وتصاارخ... ماسكه ريمووتها بايدها

اقووول
احين اذا اخترت قنااة
وقلت قو قو قو قو قو قو
بسير المكان اللي ابااااه

واذا هالخدمه مب موجوده الا عندكم ....ترا بييكم زيااره

نرجع لك ايها البطل الشجااع
ذوو الافكاار النيرة والخطيره

تأكد عزيزي القاريء ان هذه القصه واقعيه مئه بالمئه

وانا صدقتك مئة بالمئة<<<<<<<<<<<<<كثرييي منها

واكثر شي اعجبني
لبااس الحرب الوردي
كلمه ياااااااااااااااااااع

ضرس حبيبتك الذهبي

واخيرااا

يااخي ش هالكشخه

**مخربها** · 05-11-2005, 09:37 AM

ثاااااالث

<<< العن ورع فيهم

**Remaan** · 05-11-2005, 09:54 AM

ههههههههههههههههههههه
والله مت من الضحك ..

عليك سوالف ...الله لالا يقطعها

اقووول ابا نفس تلفزيوونك .. ولا السر ف الريموت!!؟؟!!

احلى لباااس وردي<<< احيد الوردي للبنات .. لووول ولا طلعت رومانسي هيهيهيههيهيهيي

عندي اقتراح .. هالقصة الواقعية اللي حصلت لك امية ف المية .. ترااااها تنفع اتكوون حلقة من حلقات طاش ما طاااش ... بس مع بعض التعديـــــل يعني فيه شغلالات مشفرة **** ما تنقاااال ف التلفزيووووون ...لوووول

بس اني ويييي .. عجيبة القصة ووومت من الضحك عليها كل شي مخمس الحمدلله والشكر..

صح نسيت اقووووووول منو اللي ف الصووورة ترااااااااااااه واااااااااااايد انيق ..

**شنكوتي** · 05-11-2005, 09:54 AM

ههههههههههههههههههههههههههههههههههه

سلف عيوني الرد عندي مافيه الوان ولا اقتباس ولا اي شي

ابرجع لك ابدور العله وين وارجع لك يالماصل ...

تقدر تقول ...

رابع ------------->>ابو الورعان

ابو كرعان · 05-11-2005, 01:54 PM

سلف خمسه ياسلف وش اقوووول فيك انت وموضــــوعك الفله

ان كنك خااااااااااااااالع صراحه ذبحتني من الضحك يا ولد

اقتباس:

قال ياااااااااع (كلمة تقال عند الهجوم )

هههههههههههههههههههههههههههههههههههههههههههه

وش دعوه سكينيااات ... متحمسين

اقتباس:

ويلقون معي دخان وصورة حليمه بولند قال من هذه الحسناء التي في الصوره

ايا الزاااحف خربتها مره وحده ... حاف على ام بولند

اقتباس:

ولكنه ركلني برجله ركلتن عصماء وهو يقول ( اخو العيااال )

حركااااات أووول

اقتباس:

سعدله انتي وش مسويّه

قالت والدموع تغرق عينيها سامحني ياسلف لقد انزنقت ومايمديني

الرجـــآء التوضيح لعدم الفهم ؟؟؟

اقتباس:

مع السلامة ,,

اعلانات المنتدى