السلام عليكم ورحمه الله وبركاته

الله يالزكرتيه على أيام مبطي كل شي فيها حلو حتى أفلام الكرتون حلوه

يوم كنت صغيره كنت اقوم مع العصافير واجلس قدام التلفزيون واشوف

الالوان قبل ما تفتح القناة الاولى واعدها لون لون

وبعدها اجلس واغني مع السلام الوطني وبعد السلام الوطني اجلس

واحتري القران واذا خلص.. صدق الله العظيم <<<ابشر الشله

واذا بدا الكرتون اروح فيها انبطح تحت التلفزيون ولازم اكون في النص

وجهى مقابل التلفزيون وافتح هالكشره وما اسكرها الا اذا اقطعوها

<<< قاهرينها

المهم بما اني مدمنه كرتون ولي ذوقي الخاص اخترت لكم بعض الافلام

اللي حفظتها صم من كثر ماشوفها:


1/الكابتن مــاجد

هذا مدري كيف يتشقلب في الهوا كم قلبه وبعدها يسدد الهدف ويطيح

عالارض ومايجيه شي ماشالله ومن يوم تبداء الحلقه و الفريق الثانى

يبداء بالخدع والخطط ويجيبون اهداف على فريق كابتن ماجد

بس عارفين ان كابتن ماجد فايز بالمباراه حتى لو اخر ثانيه يسجل 3 اهداف

المهم يفوزيعنى يفوز ..بس شي كنت اتحمس معه


2/بشـــار

هذا جاب لي الضغط وانا صغيره على كبر عيونه أمه تمر جنبه ولا يشوفها

وانا اجلس اصارخ واطامر من القهر واقول امك امك التفت عساك الوجع

بس المخرج مايبيه يشوفها الا اخر حلقه<<<عشان يتحمس الشعب معه

والله ذا البشار بكى ناس واجد


3/ساااااااااالي

هالبنت قطعت قلبي من تبدا لين تنتهي وانامغير اقرط في براطمى كانت تقهرني

كانوا يهاوشونها وهي ساكته ويكرفونها وهي ساكته

وإلا الانسه منشن النذله كنت اكرههها النجسه وعقبها كرهت

كل مديره على وجه الأرض


4/جورجـــى

يالله كنت اتمنى اكون بجمالها وكان عندها اخو اسمه ابُل

لعنبوه يمصع القلب بزينه تذكرونها يوم انحاشت من اهلها وغرقت

بالبحربغيت اموت من الصياح

كلش ولا الحلقات الاخيره يوم لقت اهلها وصارت بنت ناس اغنياء وصارت

تكشخ وتلبس ثياب مكنفشه وحركات واللى مستغربه منه ان اهلها الحقيقيين

ماعرفوها الا بسوارتها سبحان الله يعنى مافيه اسواره بالدنيا الا اسواره

جورجى يمكن ليش لا.....لاااااا والسواره من يومها في المهاد لين كبرت وهى

في يدها لعنبوها ماضاقت عليها



الله على ايام البرائه والطفوله مهب الحين افلام الكرتون تطررر العين وتشق

الجيب من حركاتهم اللى يسوونها

بوس وتطلع قلوب حمراء فوق راسها اذا باسها..ولبس قصير لين نص الفخذ

وقصص حب وغرام

والله افلام الكرتون ايامنا ذي بتفسد بزرانا وبتفتح عيونهم على شي مهب

دارين عنه

وجهى مقابل التلفزيون وافتح هالكشره وما اسكرها الا اذا اقطعوها <<< قاهرينها

و لا تنسين سيلفر (( جزيرة الكنز)) ياني كنت أخاف منه ،، أتفرج فيه و أنا متوزية ورى أبوي==> احسبهم بيجون من ورى التلفزيون

وبيتر يا ملحه ملحاه هالقروي

والا حتى سحاب هايدي متطور اكثر من سحابنا

انا فارس احلامي دايسكي اتحداكم تعرفونه

نسيتو عدنان ولينااااااااااااااا

إلا انا كنت أحب "بساااام" ==> ياخي شخصيه

و لا تنسين سيلفر (( جزيرة الكنز))

والمصريين والخليجيين ماعندهم ماعند جدتي لا في الرسومات والا في الدبلجه