والله ماتقـولون شي..العشـاء الليلـه

شمس الوفا · 03-23-2005, 10:26 PM

يــالله إنك تحيـيهم وتجعله سالم وغانم إلي فكر يرعص على موضوعي

وإذا كان ولد عازب يالله ياكريم إنك ترزقه ببنـيه مــزيونه وراعيـه أخلاق

وإذا متزوج طلبتك يااارب إنك تكرمه بالثانيه <<< مع تعدد الزوجات

وإذا بنيه حلوه يااربي يااحبيبي إنك ترزقها برجال يستتها ويصرف عليها

واهم شيء يدلعها ويبعـد عنها المـزامر والتسطر

طبعا هالدعوه حصريه للي يسجل حضوره بموضوعي

واللي يدخل ويتفرج تقول بيت ابوه والا وكاله بدون بواب

هذا قلبي غضبان عليه ليووم الدين

<<< يــاروحى على مشاعر الامومه

أسمعوا ياجمــاعه أنا لما سجـلت بالمنتـدى توقعت على الأقل واحد فيكم

يذبحلي

<<< بطــن

خروف ولا حــاشي صغير بس مااااااااااااااش البخل متأصل بالعرق

المهم لما شفت مافي ذبايح قلت مابدهاااااش ورحت بنفسي لسـوق الغنم

واخترت لي هالخروف المزيون اللي عيونه ناعسه وخضراا

وانا اخترته كـذا عشان خاطر مراهقات المنتدى تعرفون هم وااجد

وتحياتي الخالصه

لنمـوله وغـرومـه وهـيوبه وشقـشوقه(اي شقرديه) << مدري ليه طريتوا

على بالى لما قلت مراهقات

وبعد ماصلخت الخروف رحت حفرت حفرة وحطيت الجمر والفحم فيها وبعدين

جبت لحم الخروف بعد مابهرته وملحته وحطيت الطمام والبصل و رحت بعدين

وجبت القصـدير <<< مطوله السالفه الاخـت

ولفيت اللحم فيه وحطيته فوق الفحم وانتظـرت ساعتين عشان يستوي اللحم..

وبعدها اخبز لكم خبز صااج من اللي تحبه قلووبكم وهني وعافيه للجميع ..

طبعا العشااء راح يكون على قلطتين القلطه الاولى لمشــرفين الـزكرتيه

والقلطـه الثانيه للأعضاء فقط عشان يـاخذون راحتهم أكثر ويقدرون يحشـون

في المشـرفين وطبعا انا راح أقلط مع القلطه الأولى

<<< مشــرفه منتدبه بالـزكرتيه

وبحكم إنه صارلي اسبـوع مو ماكله عدل راح اقلط بعد مع القلطه الثانيه هذا

إذا بقى مندي من المشافيح المشــرفين..

ومنها بعد اجمع سوالف الاعضاء وأفتن عليكم عند المشـرفين <<< فديت

الإخلاص

وبعد ماتغسلون ايديكم من زفرة الدسم اكون مسويه لكم مخيديـر شااي بحبــق

النعناع على الفحم عشان تغسلون كبـودكم من الدسم وبعدها الله لا يهينكم

كل واحد يروح لبيته ويحط راسه على مخدته ويترك عنه الهياته

بالسكيك والـدوجـه اللى مالها سنـع

**شقرديه** · 03-23-2005, 11:31 PM

الله يحيتس اكثر يا شموسة

هذي والله الساعة المباركة اللي درعمتي فيها علينا

توني مسكرة السماعة من غرومة وقبلها مكلمة نمولة وهيوبة

نتشاور فيما بيننا على المكان اللي بنعزمتس فيه

بس أنتي عجلة سدحتي هالموضوع الله يهديتس

وخربتي على نفستس

بعدين تعالي وش قصدتس مراهقات المنتدى شايفتنا نخمخم في دببه ورازينها في غرفنا

ولاّ نرسم قلوب واسهم وكل وحدة تكتب حرفها وحرف اللي انتي خابرة

صحيح نمولة وغرومة وهيوبه عليهن احياناً حركات بس عادي استري عليهن وانا اختس

ممكن سؤال انتي يوم شريتي الخروف ابو عيون خضرااا

على طول صلختيه وهو حي يعني ماقتلتيه قبل؟؟؟

شوفي ياشموسة ترى الشباب بيجيبون الطبول وماشي يجيب العود حقه

وانا بجيب الفاكهة والموية والسلطة والحلى وعدة القهوة والشاهي

بس خليني اقلط مع الأولين يعني يرضيتس تقلط نمولة وغرام وهيبه عشانهن مشرفات وانا اقلط مع الثانين مالت على العدو

والله يغنيتس ويكثر خيرتس مسبقاً وعسى هذا من طبعتس وانحن من ربعتس

ولاتظنين اني رادة على موضوعتس عشان الدعوة اللي كاتبتها في المقدمة >>من قاله

اقتباس:

وإذا كان ولد عازب يالله ياكريم إنك ترزقه ببنـيه مــزيونه وراعيـه أخلاق

^
^
^
ما ادري ليه يوم قريت هالدعوة جا في بالي زكرتي منتفخ الله يذكره بالخير

**ريـانـــــة الـعـــــووود** · 03-23-2005, 11:32 PM

هلا اختي شمس الوفا ومشكورة على العشا ويا عساك تطيبين وتطيب ايامك ولياليك

انا زعلانة منك

.. وشو له ما ضميتيني لشلة المراهقات .. ترى للحين ما عقلت ..

وعلى طاري الترحيب .. كنت ناوية ارسل لك كرتون دجاج الوطنية مقاس 1200 يعني ولا الديك الرومي بحجمه .. لكن للاسف السيارة مبنشرة والسواق ما فيه حيل يصلحها ..

ومرحبتين بنور العين .. مره أخرى

وجزاك الله خير على الدعوه الحلوة ..

وتقبلي تحياتي .....

ريــانــــــــــــــة الــعـــــــــــــــووود

رومانتيــــــــــــك · 03-24-2005, 01:04 AM

هههههههههههههههههههههههههههه

اقتباس:

يــالله إنك تحيـيهم وتجعله سالم وغانم إلي فكر يرعص على موضوعي

^
^
ورب الكعبة رعصت .. حتى شوفي ----->> <<--- من الحرص ارعص براسي

ههههههههههههههههههههه

تراي جاي طاير وعاض ثوبي .. عشان ثلاثه شيء <<--- متأثر بسهيل
و ( سهيل ) هذا مدير اعمالي <<--الا يرز بنفسه

صدق عاد .. جاي طاير عشان ثلاث اسباب ..
السبب الأول
7
7
7
عشان

اقتباس:

طبعا هالدعوه حصريه للي يسجل حضوره بموضوعي

السبب الثاني
7
7
7
عشان

اقتباس:

طبعا العشااء راح يكون على قلطتين القلطه الاولى لمشــرفين الـزكرتيه
والقلطـه الثانيه للأعضاء فقط عشان يـاخذون راحتهم أكثر ويقدرون يحشـون
في المشـرفين وطبعا انا راح أقلط مع القلطه الأولى

أما عاد .. اشوف ناس تاكل وما آكل معاهم .. ليه
وربي لو ما يخلوني اقلط بالقلطة الأولى الا اتصل بمكافحة الارهاب عشان يجون ويخلون المشرفين وخروفهم ابو عيون ناعسه .. يخلونهم تقل قش صلبه <<---- بحياته ماشاف قش صلبه

السبب الثالث
7
7
7
هالسبب مافيه اقتباس .. لأني نابع من غرفة الأذين الأيسر بقلبي <-- يقصد اني ماجامل بس بطريقة رومانسية

السبب الثالث عشان اسجل اعجابي باسلوبك الراقي
وعشان ابارك للمنتدى انضمام عبقوره جديده <--- متعب نفسه الاخو ..يعني يمدح

ياحبي للسهل الممتنع

تحياااتي للراقين في اسلوبهم

هههههههههههههههههههههههه

جمرة غضى · 03-24-2005, 01:17 AM

أنا ماني متعشيه معكم
ماحد عزمني ( من جا بليا عزيمه بات بليا فراش )

مع أني ما أحب ولا أطيق ولا أداني الشرهات بس علشانكم غالين علي

مع السلامه >> شالت عبايتها ولبست زنوبتها وبرقعها مايل واقضبت الباب

الأصيلة · 03-24-2005, 02:59 AM

^
^
^
تخيلتها وهي زعله وبرقعها مايل

خخخخخخخخخخخخخخخخ

طيب جمرة تعالي خوذي شنطتس الزري ...

>>> متخيلتها للحين وهي زعله

شمس الوفا

يا اختي انتي عكوز بكوووز ؟

ما قلت لتس لا تعتبين برى السور ..؟ اعتقد انتس ما تفهمين زين

بس رحمتس الله يوم دخلت الموضوع لقيت شي يبهج ويفرح ويثلج القليب >> فديت ذا القليب والله >>> احلىىىى

اقتباس:

وإذا بنيه حلوه يااربي يااحبيبي إنك ترزقها برجال يستتها ويصرف عليها

واهم شيء يدلعها ويبعـد عنها المـزامر والتسطر

هذي سبب قوي يدفعني على ريرتي اني اشاركتس يا بعدهم

وإلا ...؟؟>>> وتسأل بعد

طيب واللي ما يحب الذبايح >>> يصير كمخة ما يعرف مصلحة بطنه

والله لو تعزمينا على برجر او بروستد يكون بسيت اوفر ...>>> بكل لغات العالم

تصدقين شموسه ... ترى يوم صكت شقشق السماعه مني فكرت انها تجاملك

وقلت بنفسي ما علي منها شقشق ذي ما عندها سالفة >>>> ناوية شر مع نصفها الاخر شقشوقه

خخخخخخخخخخخخخخخخخخخ

بعزمك انا عزيمه فيري سبيشل وبحط لك شمعة وحده

واعلن لك حبي واعجابي بقلمك اللي شايلته بشنطتك

تصدقين اني قلمي فيه فلاش مموري >>>> اطردوها ما عندها سالفة تحب تتفشخر

وعاد كنت مع اشعال الشمعه اغني لتس اغنية دسمه

فيها من الذبايح والدهن الكثير

بغني لتس ...

تيس بيني وبينتس .. والا هذا شليلتس ..>>يقالها تقصد ..

والله احس اني اخرف ولا عندي سالفة

بس قلت عشان هالدعوه اغريتيني اني انجرف لتس وابين عواطفي وخلجاتي هذي اللي ما تدري وين ربي بيحطه ...

تشاو يا بعدي

شمس الوفا · 03-24-2005, 05:44 AM

SHGRDEH

اقتباس:

بعدين تعالي وش قصدتس مراهقات المنتدى شايفتنا نخمخم في دببه ورازينها

في غرفنا

ولاّ نرسم قلوب واسهم وكل وحدة تكتب حرفها وحرف اللي انتي خابرة

والله انتى ادرى ياوخيتى ...نسينا ماكلينا؟؟نسيتى وش كنتـى تكتبيـن في اخر

صفحه في الكتاب؟؟اص اص لافضحتـس بس

اقتباس:

ممكن سؤال انتي يوم شريتي الخروف ابو عيون خضرااا

على طول صلختيه وهو حي يعني ماقتلتيه قبل؟؟؟

لا سويت زي الخكـري جلست اقـرصه اقـرصه لين مات من الصياح!!

بعدين يالفضيحه يقـولـون تـذبحينه مو تقتلينه

تدرين كيف ذبحتـه؟؟ وجهت رقبته يم القبله وسميت بالرحمن وذكيته لين

طشـر دمـه<<<ابوك يالبداوه

اقتباس:

بس خليني اقلط مع الأولين يعني يرضيتس تقلط نمولة وغرام وهيبه عشانهن

مشرفات وانا اقلط مع الثانين

عيـب عيـب المشـرفين اول....بعـد ين ماحد قالتـس ادخلى المنتدى متاخره لو

انتس داخله من سنه السبله يمديتس صرتى مشـرفه

شمس الوفا · 03-24-2005, 05:53 AM

ريـانـــــة الـعـــــووود

اقتباس:

.. كنت ناوية ارسل لك كرتون دجاج الوطنية مقاس 1200 يعني ولا

الديك الرومي بحجمه .. لكن للاسف السيارة مبنشرة والسواق ما فيه حيل

يصلحها ..

معليـش عـادى اجى انا بنفسـي اخـذها.. بس وين بيتكم؟؟

<<<ماقلتلكم بطـن

يعطيك العافيه على الدجـاج اللى مـاوصل

شمس الوفا · 03-24-2005, 06:08 AM

رومانتيــــــــــــك

اقتباس:

أما عاد .. اشوف ناس تاكل وما آكل معاهم .. ليه وربي لو ما

يخلوني اقلط بالقلطة الأولى الا اتصل بمكافحة الارهاب

مايقلط بالقـلطه الاولى الا المشـرفين ..اقعـد مع الثانين حـالك حـال شقرديه

مايقلط معهـم الا انا لانى زي ماقلتلكم مشـرفه منتدبه

اقتباس:

السبب الثالث عشان اسجل اعجابي باسلوبك الراقي وعشان ابارك

للمنتدى انضمام عبقوره جديده

شكرررا

والله ماعرفنالكم يالتماسيح مره هيك ومره هيك

ويعطيك العافيه على مشـاركتك

شمس الوفا · 03-24-2005, 06:18 AM

جمرة غضى

اقتباس:

أنا ماني متعشيه معكم ماحد عزمني ( من جا بليا عزيمه بات بليا

فراش )

انا ماخصيت احـد بالعـزيمه...دققى في كلامى وانا اختس انا قلت اخترت

خروف عيونه خضر عشان المراهقات فلانه وفلانه...يعنى عديتهن

مراهقات..ماقلت انتن تعالن للعشاء فهمتى السالفه الحين؟؟

<<<ياعمري على التبريرات والقلب الابيض

اقتباس:

شالت عبايتها ولبست زنوبتها وبرقعها مايل واقضبت الباب

برسلتس عشاتس لين بيتس يالغـاليه<<<كله عشان ماتزعل

جمجومه<<<كيف طلعت ذي

شمس الوفا · 03-24-2005, 06:29 AM

غرام أحباب

اقتباس:

يا اختي انتي عكوز بكوووز ؟

والله مافهمتها ياختس ليتس تفهمينياها

<<< ماتفهم لغه الهنود

اقتباس:

والله احس اني اخرف ولا عندي سالفة

مالتس حيله دبيتى بالمفطح لين طلع مع خشمتس..كـل ذا عشان ماتبقين

للاعضاء شي... ياوجه الله حتى العظام جلستى تمصمصينها

**البَــتول** · 03-27-2005, 09:12 AM

بغيت اشرد من الموضوع بس خفت

اقتباس:

هذا قلبي غضبان عليه ليووم الدين <<< يــاروحى على مشاعر الامومه

هيه بعد

على طاري هالدعوه <<<<<<<<

اقتباس:

وإذا بنيه حلوه يااربي يااحبيبي إنك ترزقها برجال يستتها ويصرف عليها

واهم شيء يدلعها ويبعـد عنها المـزامر والتسطر

زودي بعد
طويل ...حليووو..... الخ الخ الخ<<<<<<<<<<<

واسمحيلي شمووسه
ما ايلس ويا رومانتك

اخاف ياخذ الذبيحه كلها <<<<<<<<اذا تركوا المشرفين شي

اقوووول

شرايج تحطين الشباب بروحهم
والبنيات بروحهم
افضل عن التفرقه العنصريه
ويفضل LADIES FIRST<<<<<<<<<<<

،،،،،

ويااااااااا مرحباااا ملا يييين بـ شمس الوفا
ولكي مثل دعوتكييي لييي<<<<<ما نرووم عالدعوه

اعلانات المنتدى