تسبدي اللي حرها واهج الصالي

الواحد مو ناقص هموم

كبدي اللي حرّها واهج الصالي=كن كبدي بالمناشير تشذبها
من سبايب قلة المال وعيالي=واليالي فرقتنا مخالبها

قلت يالله بدل الغالي بغالي=بدل الغالي لنا من قرايبها

البارحه يوم الخلايق نياما=بيحت من كثر البكا كل مكنون
قمت اتوجد وانثر الما على ما=من موق عيني دمعها كان مخزون
ولي ونة من سمعها ما يناما=كني صويب بين الاضلاع مطعون
والا فونه راعبي الحماما=غاد ذكرها والقوانيص يرمون
تسمع لها بين الجرايد حطاما=من نوحها تدعي المواليف يبكون
والا خلوج سايمت للهياما=على حوار ضايع في ضحى الكون
والا رضيع جرعوه الفطاما=امه غدت قبل اربعينه يتمون
عليك ياللي شربت كاس المحاما=صرف بتقدير من الله ماذون
جاه القضا من بعد شهر الصياما=صافي الجبين بثاني العيد مدفون
كسوه من عقب العرى ثوب خاما=وقاموا عليه من الترايب يهلون
راحو بها حروة صلات اليماما=عند الفن قامو لها الله يدعون
برضاه والجنه وحسن الختاما=وادموع عيني فوق خدي يهلون
حطوه في قبر عساه الهداما=في مهمه من عزب الاموات مسكون
ياحفرة يسقي ثراك الغماما=مزن من الرحمه عليها يصبون
جعل البختري والنفل والخزاما=ينبت على قبر هوى فيه مدفون
مرحوم ياللي مامشى بالملاما=جيران بيته راح مامنه يشكون
واوسع عذري وان هجرت المناما=ورافقت من عقب العقل كل مجنون
اخذت انا واياه سبعة اعواما=مع مثلهن في كيفة مالها لون
والله كنه ياعرب صرف عاما=ياعونة الله صرف الايام وش لون
وأكبر اهمومي من بزور يتاما=وإن شفتهم قدام وجهي يصيحون
وأن قلت لا تبكون قالوا علاما=نبكي ويبكي مثلنا كل محزون
لاقلت وش تبكون قالو يتاما=قلت اليتيم اياي وانتم تسجون
قمتاتشكا عند ربع اعداما=وجوني على فرقا خليلي يعزون
قالوا تجوز وانس لامه بلاما=ترى العذارى عن بعضهم يسلون
قلت إنها لي وفقت بالولاما=ولو حمعتم نصفهن ما يسدون
ما ظنتي تلقون مثله حراما=ايضا ولا فيهن على السر مامون
وأخاف أنا من عاديات الذماما=اللي على ضيم الدهر ما يتاقون
أوخبلة ما عقلها بالتماما=تضحك وهي تلذغ على الكبد بالهون
توذي عيالي بالنهر والكلاما=وانا تجر عني من المر بصحون
والله لولا هالصغار اليتاما=وخايف عليهم من الدجه يضيعون
لقول كل البيض عقبة حراما=واصبر كما يصبر على الحبس مسجون
عليه مني كل يوم سلاما=عدة حجيج البيت واللي يطوفون
وصـــــلّـوا على سيد جميع الاناما=على النبي يللى حضرتوا تصلون