كشتاااااات - الصفحة 2

**nAmLaT nAjD** · 03-12-2005, 11:37 PM

^
^
مره حلوه تشبه خرابيط ويني ذا بو

تدرين عاد سحوبه انا مااتأزم الا اذا جا احد معنا في المخيم مايحب الكشتات

يخرب علي انسجامي مع الطبيعه

يعني مالهم حق اهلتس يعييون عليتس تقعدين في البيت

وانتي ماتبين الروحه

من جد مالهم حق

تدرين عاد غيريهم احسن<<انطمي

شوفي وانا اختس بما ان الروحات غصبن عليتس

لازم تكيفين روحتس مع الوضع

تدرين شلون؟

اول ماتسويين شنطتس دوري ثياب الشتاء<<<احلفي

عشان تحسين انتس بتحللينهم

خبرتس شتانا شهر الا خمس دقايق يعني مايسوى عنوته

لكن اذا رحتي للبر تحسين انتس عايشه بفصل طبيعي

مب فصولنا اللي الربيع يطيح ورق الشجر والخريف مافيه شجر خير شر وباقي السنه صيف

<<<تحسب ان البر في جنيف

ودوري اي شي له علاقه بالملابس

فروه، شماغ ، غتره ،عجره

.....الخ

الشي الثاني تذكري انتس بتقعدين طمله لمده وقدرها

وتحسين بشعور ربعنا ذوليك اللي خبرتس اللي يقولون

ان احسن زيت للشعر زيت الشعر نفسه وووووووووووووووعععععععع

انسولتي روحي بليز خليني هع هع

وبنفس الوقت يختلط شعور المغامره بالسعاده الطبيعيه في الحياه

طول ماانتي في السياره تذكري شكل صابونتس وليفتس والشامبو والمويه الدافيه

والفراش الملون<<فراش البر لازم اشهب

عشان تحسين ان الوضع بيتغير عليتس وطعم العطله يبئى طعم مايتنسيش

عاد لاوصلتي وصار مخيمكم في مكان فيه فيران يكون احلى شي في الدنيا

لانتس وانتي قاعده تتقهوين استحاله تصيرين لحالتس

لازم يكون فيه فار فارين حولتس واحد بين رجولتس والثاني يطل من ورا التكايه

وواحد عند الباب والرابع في يد ولد عمتس الوضع كوووووووووول

بعدين لا جا وقت الغدا والا العشا الاتس تاكلين كل شي فريش الخروف اللي كان

هناك ومصوره انتي معه خخخخخخخخخخخخخخخخخخخ هو نفسه اللي تاكلينه على الغدا

والجزر والخيار اللي من بقاله المحطه هو نفسه اللي في السلطه >>احلفي

بعدين اذا ختمتي الاكل بلبن تروحين تزحفين لزاويه الخيمه

وتسترجعين اكل بيتكم وتتذكرين صنيه الذره بالدجاج ذيك مع نص كوب الببسي

وتقولين من كل قلبتس الله يديم النعمه

صدقيني بعد المقطع هذا بتحسين انتس اقوى وحده في العالم

وبتحسين انتس انثى عن عشر رجاجيل

وبيطق فيتس عرق من الحماس وبتدورين ام عزيز الا وهي (العراوي)

لا تقولين ماعندكم البر يستاجرون له يسرقون عشانه يشوفون لهم صرفه

مايصير مخيم بدون ام عزيز

وتطلقين العنان لرجلينتس اللي فاقده البنزين والبريك والكلتش ياااااااااااااااااي

يجنن الشعوووووووووووووور والله تحسين انتس شي مفيد وفعال

وتركبين كل بزراينكم في الحوض وتدهرين رايحه جايه حول المخيم

هو في الواقع منتب رايحه جايه لانتس بتكونين في نفس النقطه

كل شوي تشغلين السياره وتحطين رجلتس على الكلتش وتدعسين عالبنزين

وبتكون وحده من ثنتين ياانتس بتقلعين للمخيم اللي بجنبكم والا بتكونين

انثى بما تعنيه الكلمه لدرجه انتس ماتعرفين تدعسين على شي ولو كان بنزين

وبتطفي السياره للمره الخمسه وستين هع هع

بعد الموقف هذا بيكون حولتس احد من الرجاجيل بيرأف بحالتس وياخذكم يدوج فيكم

طبعاً انتي بتحسين انتس مضطهده وتبين الحريه تقومين تنطين في الحوض وتفرعين<<اهم شي

وعلى قد مايسرع اللي يسوق على قد مايرتفع صوتتس وانتي تغنيين

وفي لحظه تسكتين وتلتفتين تلقين ضب ساد اذانه

مب لان صوتس شين لا لان صوتس عالي <<لا ترقعين

بعدين بيكون اللي يسوق قد انصمخ وفي حاجه للراحه بيرجع فيكم للمخيم

وانتي تنزلين من الحوض ترفسين اللي قدامتس<<آثار السعاده

والاه وقت الغروب وماتقدرين على نداء الطبيعه وتطلعين الكاميرا من جيبتس وتدهرين

على هالشمس ياقلبي

لين تطق تسبدها منتس وتغيب

عقب تكونين استنفذتي الطاقه حقت الرز واللحم واللبن

تروحين تدورين على اي غذاء مفيد او بالاصح اي غذاء حركه<<عشان تحسين انتس في البر

تروحين للمطبخ (خيمه المطبخ) وتلقين خيشه بو فروه تنتظرتس متمدده على الارض

وتاخذين شبوك الشوي<<عشان مايحرقهم الفحم

وتاخذين اسياخ الشوي لخدود البنات (مارش ميلوز)

وتبدين تشوين وتزرطين لييييين تسمعين نداء الطبيعه مرتن اخرى

وتروحين بكل ماتملكين من رجول<<احلفي

وتركبين السياره في رحله البحث عن جربوع

وادهري رايحه جايه والجرابيع منقرضه او ان النسل تحول لفيران

وبينما انتي تغنيين يطلع واحد وينط فيتس عرق تقولين جربووووووووووووووووع

الاه متروع من نتعه السياره وداخل جحره بن الذينا

في هذي الحاله يسود الصمت بعد الصرخه المدويه وتستانفين الغناء بعد كم برهه

هه هه هه

ويطلع جربوع ثاني وماتصرخين ويقدرون يمسكونه

بعد الرحله الخرافيه هذي ترجعين للمخيم وتحسين بنداء داخلي يقول

(انا طربانه)

وماشالله قبل ماتسمعين الشعور هذا تنطين من مكانتس اثر صوت طبول العرضه

والا الزحف واصل القمه وتركضين بالكاميرا عشان تصورين الاحداث

طبعاً مايحتاج اقولتس انتس تحسين بطعم النوم صح

لانتس تطيحين على الفراش مب تروحين له

ومع صوت ابوتس وهو يذن للفجر تنطين من فراشتس وتغسلين<<قسم بالله

وتدورين اقرب سياره (اوتوماتيك) عشان نغير المكان شوي وتاخذين معتس

الاناث فقط مع طلعه الشمس وتتميلحين وانتي فيتس نوم وتسرعين ماتدرين الا انتي

طالعه من الخط وراقيه قشعه وفي لغه اخرى (سبايكيه) ويوم هجدتي اكتشفتي

ان مابينتس وبين الصبخه اللي قدامتس الا كم سانتي

<<طيب صبخه جنب قشعه شلون؟

عقب تحوسين وتعاينين المكان وتبدين تدورين في ارجاء المكان وتلقين ورود

بيضا وصفرا وتركواز<<<تحمست

وعصافير تغرد وابو جعل يحوس ويطلع معتس قصيد لاارادياً

مب من الورد من ابو جعل

بعدها ترجعين للمخيم اثر كفخه على راستس بعد اول بيت

والا رحله القنص بدت

وتركبين السياره المنشوده وتطلعين العنان لشوشتس اللي ماتمشطت وتخلين الهوا يداعبها

وماتدرين عن عمرتس الا الصتشم خارق شعرتس<<حشا مب شعر فلين

وتكون الشمس حزتها طلعت والحراره اشتدت ويبدون الضبان يتمشون في ربوع البر

ويكون لتس النصيب الاكبر من الكفخات لانتس بنت وماتقدرين تمسكين ضب فانتي

المحطه لكل ذكر بيصيده وترجعون للمخيم بحصيله محترمه لضبان (حيين)

وفي العصر تركبين اقرب سياره وتنطلقون لسوف النعيريه

وتشوفين شي ماشفتيه ولا بعرس امتس

هي الناس والا البضاعه والا الوضع

كل شي خيااااااااالي

مره رحت لوحده من اللي يبيعون اقط وفقع وكان وجهها يناديني مب هي وجهها يقول تعالي

قلت لها انا صحفيه وودي اسالتس كم شي قالت اهم شي ماتصوريني<<ذابحتها الشهره

اكتشفت انها مصريه ماخذه بدوي

ابو المكسااات اللي كذا

لما سالتها عن الفقع تقول الحين زين بس هو مايقي واقد

مايجي واجد يعني<<قولي قسم

من جد ايام تهبل وروعه وكل شي<<خانها التعبير

الا ليت الربيع يعود يوماً بس

سحوبه حسبي الله على عدوتس هيضتيني وكتبت لتس قصه حياتي

(نمله في ربوع البر)

بس عاد من جد ترا ماعندتس ولا نص سالفه ان كان البر مايجوز لتس

ترا اللي مايعرفك مايثمنك <<تكلفتي ياخاله

يعني دامتس ماتعرفتي على البر من قرب عمرتس منتب حابته

وترا من عافنا عفناه لو كان غالي<<الفقيهااااااااااااااااا

والله ماودي اروح بس وراي شغل<<يالتسذووووووب

انا مضطره افارق الموضوع

مشكوره سحوبه

مع السلاحف

**سحابة حب** · 03-13-2005, 08:40 PM

شقردية ,,,,

الله وريت الصور لميمتي ,,,,,,, خقت معهااااااا

على العمووم يا شقردية ,,, امنيتي بر بدووون شمس .. ما يصير !!!

وبالنسبة للحريم ,,, والله أن نسمع منهم قصص اشكااال و الوااااان

بس شرهتك على اللي يصدق ,,

**سحابة حب** · 03-13-2005, 08:50 PM

نمووووووووووووووووله يا بعد هالدنيا ,,,

شو هالرد ,,,,,,,,, احلى من موضوعي ,,

عاد تدرين رفعتي معنوياتي ,,,,برووووووح البر ,,

بس المشكلة أن الصيف بدا ,, و معاد أحد يروح البر

بطبع موضوعك عشاان الربيع الجاي أقرااااه و اتحمس للبر ..

طحياطي

**سلف خمسة** · 03-14-2005, 03:45 AM

انا جيت

ياجماعه احس ان حواجبي بدأت تتساقط من المذاكره والدراسه

سحابة خنقتني العبره يوم شفت الردود 17

وانا مارديت ولاحطّيت بصمتي على الموضوع

لكن ..!

الموضوع تثبيت

سمعتيني وش اقول؟

اقول تثبيت

يثبت الموضوع الين اجي وارد عليه

والحين خليني اروح اشوف المواضيع الباقيه >> قسمن بيبكي

من طلب العلا سهر الليالي .. وفارق المنتديات والشلالي

الشلالي = مالها سنع بس لزوم السجع

لي باك يا سحسح

مع السلامة ,,

وني وني وني وني وني وني وني

**سحابة حب** · 03-15-2005, 12:50 AM

ننتظرك ,,,,,,,,,,,,,,,,

سلفلف

®¤™الجليد™¤® · 03-17-2005, 11:45 AM

والله شوووووووفي

انا من قوووووووووومكي

البر

وع

<<<<<< خاصــــــــــه الصباح من 8 لين المغرب ماودك تجلس بالبر ومن الساعه 12 بالليل ودك ترجع

يعني البر مال امه داعي

ههههههههههه

رائيي وانا اكره البر وبقووووووووووووووووه

هههههههههههههه

**سحابة حب** · 03-17-2005, 06:27 PM

الجليــــــــــــــــــــــــــد ,,,

بصراااحه أنت روعة ,,,

أول رد يبرد قلبي ....

تسلم ,, يابووو

**مخربها** · 03-18-2005, 03:10 PM

ارررررررررررحبي يا مرهـ
لعنبو شيطانك والله يا انك زاحفه ولاحفه
خخخخخخخخخخخخخخخخخ

اقتباس:

الحواجب معقودة ,, و الفم ( 8 ) و الأخلااااااق H

وريحة الفم مقرفه .. وعععععع والمخده كلها سعابيل
خخخخخخخخخخخخخخخ

اقتباس:

من مميزات أهلي الديموقراطية الممزوجة بشيء من البيروقراطية ,, فهم يخلوني لين تنفدك عقدة حواجبي من نفسها ,, و ابدأ اطاااالع بالناس و احكي معهم ..

ياحظكم يالدنماركيين .. فري الدعوى .. الكل يطق امه وابوه ويصفق اللي اكبر منه ..
خخخخخخخخخخخخخخخخخخخخخخخخ
الله يرجتس

اقتباس:

أكبر مأساة بالبرإذا جات الساعه 10 إلى الساعه 3 صراااحه هالوقت بالنسبة لي قاتل

ذباااااااب

حر

شمس

حشرااااااات

والبطن يجي له راي .. وين تروح .. مافيه إلا البيت ..
اقعد بها

اقتباس:

ثلاث من عيالي عمي معهم عصيان و يبون يضربون هالحية ..

ثلاثه مره وحده ... هذا تمساح .. وإلا عيال عمك يحبون المهايط ؟
خخخخخخخخخخخخخخخخخت

اقتباس:

(( و ما معنا إلا الطرح ))

يا حظكم

اقتباس:

مرة ثانية من المراريت

مراير " فاللغه مريرهـ يعني مره .. ودلعها : مرورهـ خخخخخخخخخخخخخ

اقتباس:

أخذت الفاس ==> مب عاقلة ذا القوية

وين عايشين وسط كوخ ؟

اقتباس:

أنا اعتبر اهلي يعاقبوني لاقالوا لي البــــــــــــــــــــــــر

خخخخخخخخخخخخخخخخخخخخخخخخخخخخخخ
مثلي إذا قالوا ربعي بنلعب كوره

.
.

خخخخخخخخخخخخخخخخخخخخخخ
خخخخخخخخخخخخخخ
والله انك زاحفه لين الكعب << صارة عبايه

ياخي عليك اسلوب .. فضيخ .. احس انك لو كنتي ولد بتكون سيارتك ددسن 81 ومطوله على المسجل عيسى الاحسائي .
خخخخخخخخخخخخخخخخخخخخخخخخخخخخخخخخخخخخخ

تسلم كراعينتس

Za7Ef BoY · 03-18-2005, 09:21 PM

أجل البر عقاب

ياحليلك
والله ياحليلك

أقوتي
ياحليلها
أقوتي

البر عقاب
بس ماما لاتصيحين

البر عقاب

قال أيش البر عقاب ========> خخخخخخخخخخخخ والله حاله

طولتها صح؟

والله إني أعرف بنات
أنهم هم اللي يجربعون
وهم اللي يصيدون
وهم إذا قلت يالله بر
تلقاهم أول من يركب السياره

وأنتي البر عقاب

سلامز

**سحابة حب** · 03-19-2005, 12:21 AM

مخربهاااااااااا

اقتباس:

المشاركة الأصلية كتبت بواسطة مخربها

ياخي عليك اسلوب .. فضيخ .. احس انك لو كنتي ولد بتكون سيارتك ددسن 81 ومطوله على المسجل عيسى الاحسائي .
خخخخخخخخخخخخخخخخخخخخخخخخخخخخخخخخخخخخخ

تسلم كراعينتس

الله لو أني ولد ..........

كااااااان علوم ..

اول شيء .. إذا جو يطلعون البر مانيب رايحه معهم

كيفي ,,,,

الله يسلمك يا بعد قلب سواقناااا ,,,

**سحابة حب** · 03-19-2005, 12:24 AM

اقتباس:

المشاركة الأصلية كتبت بواسطة Za7Ef BoY

أجل البر عقاب

ياحليلك
والله ياحليلك

أقوتي
ياحليلها
أقوتي

البر عقاب
بس ماما لاتصيحين

البر عقاب

قال أيش البر عقاب ========> خخخخخخخخخخخخ والله حاله

طولتها صح؟

والله إني أعرف بنات
أنهم هم اللي يجربعون
وهم اللي يصيدون
وهم إذا قلت يالله بر
تلقاهم أول من يركب السياره

وأنتي البر عقاب

سلامز

كني اتهزأ ,،،،،

ياخي .. والله عقـــــــــــــــــــاب ,,

ودي لو أمي تحلف انهااااا ما تروح البر===> مافيه أمل

على العموووووووم ... هالبنات القابعات أعلاه " في ردك" ما أقول عليهم إلا الناس أجنااااس و و هويااااات .. يعني خواتي يموتووون بالبر ,,, و أنااكره ما أشوف هو ,,,

على العموم .... حياك ,,

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى