راكب اللي مقدمه يشعي شعاعه=كنه البراق لجاك متوايز
جيب كبسوله على وجه مناعه=لطريق الوعر عنده اثورايز
صمّمومه اهل الذكى والقطاعه=وجهزوه اهل الكفر بحسن جهايز
من وكيله دوب تممنا مباعه=ابيض لونه من اجداد الطرايز
خط بابه احمرٍ فيه البشاعه=مثل لون الجلد من بعد الحزايز
لابسٍ ثوب التغطرس والوقاعه=عاديٍ قيره توماتيك القزايز
ضغطت ازراره تقول اله طباعه=تك تك الصوت مايجلب نشايز
لمشى فالخط يطربنا اقاعه=كن بتهوفن يغني ابلوجايز
صوب حي الجسر عجل بندفاعه=لا تفلت طارته واحذر يافاير
وان بدالك بيت يغريك ارتفاعه=وشفت كل الناس من حوله لزايز
بيت منهو فالشدايد طال باعه= منتهز فالمرجله كل النهايز
الغباري مرتع الطيب ومتاعه=من رجال احشام واكرام وعزايز
عند بابه وقفه سمعٍ وطاعه=وبلغّه علمي ومضمون البرايز
خله امن الحب يطوي في شراعه=دام قلبه من هوى الزينات بايز
يترك ادروب الهوى لهل اللكاعه=مثلي وشرواي لزينات هايز
ياعسى عند الولي يلقى شفاعه=يوم تطلع من مقابرها الجنايز