اغــــــــــــــــــــــــــــــلى عشيقــــــــــــــــــــه
السلام عليكم

مشاركة متواضعه من قلمي

اتمنى ان تحوز على استحسانكم








من بعدها ياعيوني ضاق في عيني الطريق= والعيون بدمعها اللي مارحمها به غريقه
صرت اضيع في البشر العدو من الصديق= وش بيبقى من حياته من فقد بسمة صديقه
كل درب كان واسع عقبها اصبح يضيق= والامل جافا ظنوني وانطفت لمعة بريقه
الخفوق من الضلوع احتطب واشعل حريق= الحقيقه عيشتي عقب الهنا صارت حريقه
الشقا داخل خفوقي غافي عيا لايفيق= من بعد فرقا حياته من بعد اغلى عشيقه
كنتي نبضي والنفس والزفير والشهيق= كنتي للعاشق ضيا يستضي به في طريقه
لاتعلم بسمتك عن جرح قلبي العميق= خوفي انها تنجلي بسمة الثغر الرقيقه
ارجعي لخلك اللي في بحر حبك غريق= وانقذيه من الشتات اللي ماعمره يطيقه
حسسيه بطعم احلى من طعم احلى رحيق= واذكري ايام عدت بينها عهود وثيقه
لولا وقتي اللي ظلمني والظروف اللي تعيق= كان ظلك ياحياتي ماافترق عني دقيقه
قلت لك يانور عيني ضاق بعيوني الطريق= الحقي من قبل يصبح عمى عيني حقيقه
الحقي كان قلبك باقي لقلبي عشيق= واعرفي ان لي خفوق مايتخلى عن رفيقه



وسلامتــــــــــــــــــــــــــــــــــــــــكم


تقبلوا خالص تحياتي

ابورايـــــــش

__________________

الخفوق من الضلوع احتطب واشعل حريق= الحقيقه عيشتي عقب الهنا صارت حريقه
الشقا داخل خفوقي غافي عيا لايفيق= من بعد فرقا حياته من بعد اغلى عشيقه
^
^
ابداع

صح لسانك اخووي ابو رايش
قصيده معبره فيها من المشاعر الشيء الكثير

قصيده قريبه للقلب
الله يعطيك العافيه

ولا تبخل علينا من جديدك

وسجل عندك واحد متابع لقصايدك الي هو انا

صح لسانك

يابو رايش

قصيده جميله

جزله من شاعر جزل

تقبل تحياتي واعجابي

مشكورين اخوانى على الردود الحلوه

وان شاء الله تشوفون مثل ها القصايد كثير


ويعطيكم العافيه

__________________

^
^
اتحفنا وامتعنا بالقصايد <<.. ازهلها ابورايش مايقصر


وتشكر ابورايش على المجهود العالي

وابيات متميزه جداااااااااا

حلوين بو رايش وصح السانك

قويه حيل يسلموووووووووووووو

__________________