المهللللي ما يوللللي

ba6a · 02-07-2005, 04:28 PM

حييياني الله وتو ما نور منتداكم بطلتي البهيه

وأنا ومن على هذا المنبر أبي أقولكم إن سمعتكم واصلتن المريخ وربعي فيذاك ماغير يحكون عنكم والصراحة حبيتكم من أول سالوووفه قالوها وقلت لاااااااازم أكممممملكم
>>أدري يا ملحي<< المهم أرحبوووو بي والمهلللي ما يولللي.... ويا جماعة عزايمكم وااااصله

والا تدروون بالدور ازين عشان شعاري في الحياة لا للتتهاوش بسوي جدول كل يوم غبقه على واحد منكم عشان ما نكسر بخاطر الجميع..

والكل معزوم شباب وصبايا

هذا وبالله التوفيق... ودمتم سالمين

**nAmLaT nAjD** · 02-07-2005, 09:16 PM

يالله ان تحييهم

حيا الله البطه

اخيراً كتبتي عربي؟؟

شوفي وانا اختس بتفلسف عليتس دام ماهنا احد حولي

خذي راحتس

واعتبري البيت بيتس

والله الله بالردود السنعه

واي احد يهاوش علي والا يهزئني عليتس فيه

وان طلعتي سنعه بقولهم يحطون لتس صوره بطه كبيره

مع السلاحف

**ماشي الحال** · 02-08-2005, 08:15 AM

اهلا هل ( فاصل موسيقي) سيد الكل ( فاصل موسيقي)

زهرة فل ( فاصل موسيقي) سفرجل ( وجه علي عبدالستار)

اذا شفتها ذا الاغنيه يوجعني بطني احس انه يغنيها وهو يلعب سكّينه

ماعلينا من بطني علينا من البطه الله ياقرب البطه من بطني بالحروف اقصد انتبهوا >> يبتسم بنيه صافيه

تصدقون ظلام مااشوف الحروف وش السالفه لايكون جاينا ضيف جديد >> اه يالبخيل

انتي بطتنا ولا بطتهم ترا هم وعععععععع بس حنا مهب وععععععععع

خليك بطتنا وعقبال ماتصيرين وزّه على طاري الوزّه فيه واحد كان اسمه عور وزّه

وكان مشهور انه يرقد وهو واقف ساعات طويله طبعا مهب هنا السالفه

السالفه مره راح هو مع ابوه يبون يشتكون على جارهم عند المخفر << كانوا بالكويت وقتها

الشكوى كانت ان بنات جارهم يطلون على عور وزّه وهو نايم

الضابط استغرب الشكوى لان وجه عور ماينتشاهد كل من شافه قال الله يديم النعمه

التفت على عور وقاله وش دراك انهم يطلون عليك وانت نايم ؟

هنا توهق بطلنا عور وزّه وقام يحكحك راسه وقال للضابط

انت عندك خوات ؟ قال الضابط ايه .. قال ترضى احد يطالعهم او يكلمهم

قال الضابط طبعا لا .. قال عور وزّه اجل خلاص سد فمك واسكت

الضابط هنا عرف ذكاء عور ومدى خبثه ودهاءه وأمر بنقل الجار الى سكن بعيد

وفي الطريق الى البيت ابو عور وزّه مستغرب من سؤال ولده للضابط لان ماله سنع

قال انت وش تقصد يوم سألت الضابط ... قام يطالعه عور ويجلس يطالعه

وابوه يقوله وش تقصد .. ويلتفت عليه عور بكل هدوء قال انت عندك خوات؟

قال ابوه ايه عماتك يامال الحادث اللي يعدل وجهك

قال عور ترضى احد يطالعهم ؟ قال ابوه طبعا لا << تتوقعون يقلد على الضابط او مايرضى صدق ؟

قال عور اجل سد فمك واسكت .

عوووووووووووووووووووووووووووووو << طق بريك ابوه

وينزل ويجرجره من عند الباب ويكفر فيه بالشارع

ويقوله شايفني لوح تلعب علي ولدي وخابرك ماتدري وين مسدح راسك

وعينه ماتشوف الا النور وقام يجلده جلد وعور يقول انت عندك خوات ؟

ترضى احد يطالعهم ؟ اجل سد فمك وصفقني

المهم مر عليهم الضابط وابوه يطقه بالشارع

تبوني اكمل ولا لا ؟

<< تحسون ماصل ويبيله المخزن

قايلكم لاتخلوني بلحالي الصبح ترا اقعد اهذر واجيب العيد

المهم بطتنا منوره المنتدى ياوخيه والله الله بالمشاركات السنعه

**سلف خمسة** · 02-08-2005, 01:49 PM

بطه يابطه شيلي الشنطه

شنطه خفيفه زي الريشه

وخذي هذي عندتس بعد

بطتنا بطت بطن بطتكم

تقدر بطتكم تبط بطن بطتنا

مثل بطتنا مابطت بطن بطتكم

وخذي هذي بعد

البط جميل

والوز جميل

وكلهم لهم ريش ومنقار ورجول

^

هذي عاد مالها سنع من تأليفي

اهلن اهلن ياست بطه

ازيك يامعلّمه بطه

تصدقين راكب عليتس اسم معلّمه بطه

انا اناديتس واقول يامعلمه بطه

تردين علي

نعم ياسي السيد

اهييييي يامعلمه ودي تيقي

فيه ايه يامعلم برعي

مفيش حاقه يامعلمه

الواد زيطه مش عاوز يشتغل معانا في النشل

دنا حمرمط امن جابتوه

اركدي يا معلمه بطه دا واد هلفوت

انتا تخرس خالص

سيبني لألفعك على جبهتك

مش حسيبك يا معلمه

بئول لك سيبني لأاحسن ابلغ بوليس غزل المحله

^

الحلقه الثالثه

اسسسسسحبي على الكلام اللي فوق كله يا بطّه

حياتس الله

وزاد النور نور بتواجدتس معنا

وباين عليتس قمه في النشاط >> يرفع بها

وكل الزكرتيه خيّاله

وعليهم رزة الرايه

ويازين بطه بينهم

وياما بتشوفين من المصاااله يابطه

بس انتي اصبري علينا شوي

احتمال تسسحبين على المنتدى

يامرحبا يا بطه

شرفتينا طال عمرتس

وانشالله تفيدين وتستفيدين معنا

واي شي تبينه لايردتس الا الكيبورد

وانا احذرك من الحين من ثلاثه في المنتدى

ماشي الحال

وغرام احباب

ونملة نجد

حاولي ماتحتكين فيهم

ترى ماخرّب تفكيري الا هم

على العمووم ..!

حياتس الله مرتن ثانيه

وانشالله تصيرين احسن عضو في المنتدى

مع السلامة ,,

وني وني وني وني وني وني وني وني

الفارس تصرّفني بهذا التوقيع؟

اقول رجع التوقيع الاول احسن لك

ba6a · 02-08-2005, 02:26 PM

عزيزتي نموووله الله ميييير يحييتس ويبقيتس ويقويتس.... ولا توصين حريص ياوخيتي بصير لتس بودي قارد وإلا تدرين بصير (عكووز بكوووز بكل مكان مركوووز) ابد أي احد بيطولتس بوقف جنبه اذا صرت أطول علي فيه واذا صار اطول مني مع السلاااامهd:

وتووووووشكرات مسيو ماشي الحال الصراحة ياهو عليك مخخخ جهننمي والله علووووم تالي الليل خطيرة,,,, يالله متى الجزء الثاني من القصه والا أنت من النوع الثقيل الدم اللي يخلون النهايه مفتوحه والجمهور يعيزل ويبيزل ويختم على كيفه على العموم ينطيك العافيه والمنتدى منوربأهله...

نجي عاااد لسي السيد إزيييك وإزي الوله زيطه ياااااهو عامل زمبليطه ودااااوشني قاااوي... المهم بصراحة انا اللي له الشرف بانظمامي لمنتداكم وأبشروو بالعلوم الزينه وحذر الثلاثي مني أخاف انا اخرب تفكييرهم:d

**مخربها** · 02-08-2005, 05:40 PM

جعلي فدا ذا الخشه يا البطه
ياحبني لتس .. اموت على اللي يعرفون انجليزي <<< طموح قديم
ارررررررحبي يا ام الخنافس
علومتس يالذربه

لا يكثر بس
نتمنى لك الوناسه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى