عندما كنتو صغيراً كنت احلم ان اكون سواق شاحنات ودرست بجهد وكرفت الين غديت دافور وابشركم نجحت من ثالث ابتدائي بعد خدمه اربع سنوات وكبرت وكبر الأمل فيني اليين صرت احلم واحلامي واجد مره احلم اني طيار ومره سواق شاحنات على خط الرياض ومره احلم اني سواق باص بنات ومرة سواق الملك <<< والله العالم انها مسكت على ذا الحلم ,, ودي اصير سواقو الملك بشت كل يوم
المهم مالكم في الطويله ... والله وخلصت دراستي ويالله يا ولد امسك ملف علاقي واربع صور شمسيه ولف لف على هالشركات كود انك تنقبل في مكان بالغلط ... وادقها كعابي كل يوم من الصبح وافتتتتر على هالشركات مره يقولون ماعندنا وظايف ومره يقولون تعال بعد شهرين <<< تصريفه قويه .. ولا جيتهم يقولون مافي توظيف ,,, ومره يقولون الا عندنا وظايف بس محنا موظفينك
<<<< يانعن ابو النذاله
وجا يوم من الأيام يعني قبل رمضان والله طحت لي في واحد ابن حلال قالي رح في شركه في الخبر للاستشارات الهندسيه تراهم يبون موظفين ,,, والله ماكذبت خبر واروح لهم مفحط امشي خمسه مليون قبل لا يصير زحمه عند الشركه يوم وصلت الا مافيه احد وانا نازل اركض على بالي ابمسك دوور <<< متعود على مكتب العمل ,,, الا يوم وصلت ويطبون على السكيورتيه يحسبوني بولع طراطيع ولا شي <<<< تراه مايقصد تفجير ولا شي
يوووم امسكوني قال السكرتي وش فيك انت احمار؟ قلت له ياخوي عندكم وظايفه ؟ حسيت السكيورتي بغا يتوطا في بطني
ملاحظة : الحين انا ابي افهم شي واحد ليه يوظفون سكيورتي دب مايدخل مع الباب ؟؟ الحين ذا وربي لو يطب حرامي ويسرق شي قسم انه مايقدر يركض وراه .. امداه هو يمشي مترين غير يفح من الحراره كع كع كع كع كع كع كع كع
نرجع لمحور حديثنا ...المهم والله يوم خذو ملفي قالو رح عند الدكتور وقدم له ملفك تلقاه في ذاك المكتب والله واروح واطق الباب وادخل وانا محترم <<< اول مره يصير محترم ... قلت له والله يابو افلان انا جاي ابي وظيفه وهذا ملفي قالي يا ولدي تعال لنا مع بداية رمضان <<< رجنا لتصريف مره ثانيه ,,, يوم قال كذا انا بغيت اخرب والدينا معه يابوي مافي وظايف يضحكون على العالم بس قلت ياولد ابصبر واشوف وش اخرتها وابجيهم مع بداية رمضان ..
وتروح وتجي الايام ويجي رمضان وانسى عمري من المطارد ورا الشركات وكل شركه يقولون تعال بعد شهر تعال بعد شهرين خسرونا بانزين لا بارك الله فيهم .. الا يوم عدا اول اسبوع في رمضان واتذكر ذا الدكتور قلت اززززهب ياولد وافز من مكاني وادق السياره سلف ناصي شركة الاستشارات الهندسيه ,,, والله يوم وصلت عندهم وادخل على الدكتور .. سلام عليكم <<< والابتسامه تشق وجهي بالعرض والطول
قلت له ماتذكرني انا يوم جيتك ذاك اليوم وقلت لي اجيك في بداية رمضان !! قالي بس ياولدي تراك تاخرت قلت له يابوي لا تصرف توه اول اسبوع من رمضان وبعدين انا جيتك من اول ومالقيتك <<< ابوك من كذاب
قالي طيب وريني اوراقك .. والله وانقز على مكتبه بغيت انسدح عليه وانا امد له الملف وافتحه تف ,,, تف ...تفضل... سم تفضل قالي اجلس .. والله واجلس على ذاك المكتب اللي كنه مكتب وزير واجخ بعمري واحط رجل على رجل ... قالي يا اغديك تعرف انجليزي ؟؟ قلت اييه افا علييك بس حافظ الحروف كلها <<< ياشين القروي لابغا يتفلسف
قالي زين نبي نسويلك اختبار انجليزي ... لحووول والله اللي توهقنااااا قلت يارجال يالله بس اختبرني ماعندي اي مشكله وامسك الاختبار والله هو عباره عن ورقتين قالي قم ظف وجهك واجلس هناك واختبر والله وانا قاعد اناظر في الورقه يقالي قاعد اقرااا وانا مدري وش مكتوب فيها والله لو انه يسبني مدري وش يقول ... اشوي الا جاني الفرج من الله
جو اثنين اعيال حلال والله شكلهم دوافير انجليزي قالو تبي شي الطيب ؟ قلت ايه بالله ابي عصير كوكتيل ... انا احسبهم يشتغلون هناك قلت والله هالشركه زينه جايبتلي اثنين يشوفون طلبي بدل الواحد
...
اشوي الا قالي يا بوي تبي نعلممممك شي تراماحن نشتغل عند اللي خلفوك !!
قلت له تراك صدعت راسي انت وياه رح خل نختبر .. قالي الشرهه على اللي جاي يساعدك ياجنط ,, انا فزيييت تكفى يا ولد الحلال تعرف انجليزي ؟ قالي توك تقول ماتبي نصدع راسك ... هاهاها ههه اهاها وش دعوه ياخوي امزح معك شكلك ماتحب المزح<<<<< ابوك يالتصريف
والله ويمسكون الورقه ويشخمطووون فيها الليييييين حلو كل شي والله مدري هم وش اكتبو بس يعطيهم العافيه ,, يوم رحت اقدم الورقه لدكتور قالي طيب يا ابني تعال في 9 شوال
ياااا ليييل التبن ياخوي انت وراك تمغط فينا؟ مره بعد شهر ومره بعد مدري كم ابوك ابو الشركه اللي انت تعرفها واطلع وانا قافله معي مليون
واحووس واحوووس ماهناااش كل الشركات صارو يعرفوني من ادخل عندهم ماغير الهنود يسلمون علي ... والله صارو يعرفوني بو هنود ويمونون بعد وينكتون علي وانا يالسعودي مالي وجه <<<تحسون انه قام يطر؟
المهم يا جماعة الربع وجا العييد وعيدناا <<<<هذا يد الفطر يعني منذ مبطي.... وخلص العيييد وابشركم جمعت 20 ريال عيديه راحت كلها في البانزين
المهم غمض وافتح الا جا يوم السبت اللي هو 9 شوال انا قلت يا ولد قممم خل نروح نشوف ذا الدكتور وش اخرتها معه والله واقوم الصباح بدري الساعه 10 ونص <<< هذا بدري
وابدل ملابسي وابشركم تسبحت
.. والبس ثوب واشماغ والبس البشت حق جدي السابع عشر الله يرحمه والبس ذيك الزبيريه المتسححححكه من تحت واطق الناظره الشمسيه واركب سيارتي واممممش على الشركه ,,,
والله دخلت عليهم واسال عن ذا الدكتور قالو موجود شوي وبيجي انتظره هنا طال عمرك <<< شافوني كاشخ يحسبوني شي مايدرون انهم لو ينفضوني ماطلع مني ربع اريال ,,
والله وانتظر انتظر انتظر نص ساعه ساعه ماجااا هالدكتور .. واقوم اروح لسكرتير قلت له يابوي وين دكتوركم ذا خلونا نخلص قال اجلس طال عمرك الحين يجي قلت له مع كرسيكم ذا جاب لي البواسير ومابعد جا دكتوركم ازهم عليه خل يجي لابارك الله فيه ...
قالي والله الدكتور مشغول مره تقدر تجيه وقت ثاني ... لحوووووول والله البلللشه وانا بس اخسر بنزين على الفاضي ابوكم ابو شركتكم
والله واطلع من عندهم واروح القهوى واخذ لي شوطين سوني مع العيال والله وياخذني الحماس وانسى الدكتور والشركه مارحت لهم ومن قوة الوجة اقوم وارجع له يوم ثاني
توووي داخل مع الباب الا مريت من جمب مكتب الا فيه الدكتور ومعاه موظفين قلت ياولد فاتني الاجتماع ... قالي نعم يا ابني ؟ قلت له ياطيب انا جيتك امس ومالقيتك!! قالي انت عندك موعد ؟؟ والله لو انه مستشفى ذا موب شركة ايه ياخوي عندي موعد في 9 شوال قالي وليه ماجيت في 9 شوال .. انا احسب انه يوم السبت 9 شوال .. قلت له جيتك امس ونقعوني عندكم على ذاك الكرسي المخيس جاتني بواسير ومابعد جيت انت ... قالي طيب كم تاريخ اليوم ؟ والله مدري ... طيب ليه ماتجي على الموعد ؟؟ يابوي قلنالك جيتك امس ومالقيتك احمار انت ماتفهم ؟ قالي 9 شوال يوافق يوم ايش ؟؟ يابوي تراك صجيتني مع اسالتك .. وبعدين انا وش يدري امي يوافق يوم ايش ان شاء الله يوم القيامه
قالي ياولد 9 شوال يوافق يوم الاثنين
<<<< طاح وجهه شر طيحه
ان ااشهد ان الموظفين ظحكو علي الين داخو لعن الله ابوها من حاله
والله طلعت وانا متلطم عشان لحد يعرفني من قوة الفشيله
ومن بعدها ولا عاد اعتب عن شركة يعني تقدرو تقولون اني فقدت الأمل اني اتوظف مافي الا قوة اكل وانترنت طلعت لنا كرشة وال... هالله الله غدت كنها خياش رز ابو بنتين
واجيك قبل امس تووي داخل مع الباب طبعا الريحه تفح من الدخان
وامداني ادخل البيت .. الا هذا الشايب واقف يتكشخ قدام المرايه .. قالي هذا انت جيت؟ ايه جيت .. زين يالله قم معي .. وين يبا ؟ اقول قم ولا تكثر اساله ... زين اكشخ ولا لا ؟ اقول يا كثر بربرتك اخلص مستعجلين ورانا شغل .. والله والبس بشت جدي مرتن اخرا واطلع انتظر الشايب عند موتره اشوي يوم طلع الا قالي تعال نبي نروح على سيارتك .. اللي هي سيارتي انا ... يقاله يبي يلعب علي مايبي يخسر بنزين بس هيين على ميين .. قلت له ادفع عشرين ولا والله ما افتح لك الباب <<<< ابووك من نذل
واخذ القروش واحطهافي جيبي والله ونروح عند واحد ينقاله ابو عبد الرحمن .. ابو عبد الرحمن ذا واحد بطران وعنده من ذا الشركات اللي تعيشة وتعيش احفاده .. يوم وصلنا شركته الا يفتح لنا الباب سكيورتي قال على وين ؟ قلت له افتح الباب مستعجلين مانب فاضيين لك .. قال وش عندكم هنا ؟ قلت له يابوي جايين عند ابو عبد الرحمن <<< يوم قلت كذا قمط السكيورتي والله ويفتح الباب وهو مايشوف الدرب ... واوقف سيارتي جمممب سيارة ابو عبد الرحمن هههههههههه لا ومكتوب على الموقف ( موقف المدير العااام) والسياره اللي واقفه 200 الـ
يوم والله دخلنا عند الاستقبال وانا امشي مليون والشايب وراي يسحبني ياكلب خلك وراي انا شايبك امشي قدامك .. وادخل عند الاستقبال قلت له وين ابو عبد الرحمن رح ازهم عليه .. قال انتم اي شركه ؟ قلت له ليه شايفني اسوق دينا ولا وش شايف واصفقه كففف رح ناد ابو عبد الرحمن لابارك الله فيك ... ويقوم وهو يفحط قال ان شاء الله ... والله ويفتح لنا وندخل الا نقابل واحد ثاني قلت له انت ابو عبد الرحمن ؟ قال ايس في كلام؟ <<< طلع هندي لعن الله ابو ذا الفهره هندي وجالس في مكتب وكاشخ ولا اطلق سعودي .. قلت له رحححح ناد ابو عبد الرحمن لا الين اظهرك بهالعقال قال من اي شركه؟ قلت له لا يابوي حنا صديق ابو عبد الرحمن <<< ابوك ياللهجه
والله الهندي تفل العافيه يوم عرف انه صديقنا
ويفتح لنا باب كشخه واجيك ابدخل الا الشايب يمسكني قال ادخل برجلك اليمن <<<عمرك ماشفت خير لا انت ولا شايبك ,,,وامدانا ادخل اول رجل الا اشوف ذاك المكتب الكبييييييييير اكبر من بيتنا .. وابو عبد الرحمن جالس بعييييد الي درجة اني ما اشوفه احسب المكتب فاضي <<< ياكذبك هههههههههه
انا يوم شفته اقول لشايب .. هذا ماغيره ابو عبد الرحمن اللي عياله عبد الرحمن وعبد الله ؟؟ قالي ايه وش عرفك فيهم؟ قلت له يا اني طقيييييت اعيال طقققققق يا اني توطيت في بطونهم ويصكني الشاااايب كووووع اسسسسسكت فشلتنا لابارك الله فيك
والله ونجي عنده ونسلم عليه ويقهوينا <<< قهوتهم دلع كافي مع جلكسي ... قهوة اعيال البطره ... ايه وندخل في محور حديثنا
الا قالي يا اغديك قلت له سمممممم قالي انت قد اشتغلت من اول ؟ قلت له لا والله مانب فاضي <<< يزعم ثقه
والله ويفتس ملفي قالي وش هوايتك غير الكمبيوتر ؟ قلت له هوايتي الرسم <<< يقاله رومنسي .. قالي والله وجهك ماهوب وجه واحد يحب الرسم ... يوووووم تمنظر فيني كذا قالي اقول قم وراي .. واروح معه ويدخلني على المدير العام واحد اسمه ابو جمال <<< لبناني .. هذا اللي وقفت انا مكانه هههههههههههه اموت واعرف وين وقف سيارته
...
والله ويقوله يا ابو جمال ذا ولدنا وهالله هالله فيه .. يوووم قالي ابو جمال اييه اهلييين اتفضل اتفضل .. والله واجلس .. ويجلس قدامي هذا ابو جمال.. يوم شافني اطول منه واعرض مننه قالي ماشاء الله هيئتك بتحب الرياضه ما ؟؟؟ قلت له احب كل شي الا اللبنانيين ما اطقيهم لعن الله من قطع سرك... قالي شو بتحت تشتغل ؟ قلت له يابوي اي شي حتى لو تحطي وكيل وزاره عادي .. قالي اسمع اغديك لا تحسب اننا نبي نشغلك في مكتب ولا نبي نعينك مودير ترا نبي نقطك في مصنع تشتغل على مكاين .. انا انهبلت
.. مكاااين ؟؟ وش مكاينه ؟؟ نعن ابو ابليسك انا عمري ما اشتغلت على مكينة خياطه تبي تحطني اشغل مكاين مصنع كبر ذا .. ومن القهر قممممممت واصفقه كففففف
وهو يقول شوووو هدي اعصااابك يا زلمه .. يا لعن الله من انت اولده انا سعودي تقطني في مصنع مدري وش قصة اهله وانت تتكي على مكتب يقالك مدير عام .. والله ما اتعين غير في مكتبك واصير مكانك ولا ما ابي اتوظف .. قالي ابشرك بعزك <<< من الخوف
والله واترك ملفي عندهم وخذو رقمي بس الزبده
تتوقعو انهم يتصلون علي ؟؟؟ <<<< كل هالهذره عشان هالسؤال
ماكن الموضوع طويل ؟
ههههههههههههههههههههههه
ماعندي الا انتم ودي افض فض لكم
مشاركة: ماعندي الا انتم ودي افض فض لكم
أضحك ,,!!! ولا كل الوجيه ,,!! 
