السلام عليكم ورحمة الله وبركاته

أخواني أعضاء منتدى الزكرتيه

مبروك عليكم العيد

وجعله يعيد عليكم كل سنه وآسف على طول الانقطاع


قبل فترة بسيطه قريت قصيده لأخوي الشاعر ماجد المهنا بيطار الشعر وأعجبتني وجاريتها بأبيات متواضعه وأرجو أن ترتقي ألى ذائقتكم

مع العلم أن لو أحاول لن أصل الى مدى جمال ورونق قصيدة أخوي ماجد


قصيدة أخوي ماجد::


( طعنـات و ضمـاد )

الشتاء اقبل وضو الشوق فيني=واصبحت ضوي عقب زولك رماد
اشتكي حر البعاد لموق عيني=وانتي يحلالك عذابي والبعاد
يا وجودي وجد قومٍ نازحيني=اجبروهم عالرحيل من البلاد
حاكمٍ ظالم وجنده حاقديني=ذلو العز ه بطغيان وفساد
خلو كبير القوم ضمن الصاغريني=واحرمو صغيرهم طعم الرقاد
جند لا تؤمن برب ولا بديني=وحاكمٍ قلبه توشح بالسواد
قامت ادموعي تحدّر في يديني=مثل ما يبكي ( جبير ابن عباد )
وضع مستعصي وعيا لا يزيني=من عنادٍ في عنادٍ .. في عناد
يا عذابي كل ما يعرق جبيني=واتباشر بأنها كبوة جواد
اتفاءل وادري ان حظي دفيني=ميتٍ من عادني وسط المهاد
هقوتي ماهيب تتعدى يميني=كن ظني تحت رحمه من زناد
وادعي اللي رازقٍ أم الجنيني=رافعٍ سبعٍ شداد بلا عماد
تدفي اطرافي وتنشف دمعتيني=وينتشل قلبي من اثياب الحداد
ان كان يحلالك عذابي عذبيني=والله انك غاليه هذا وكاد
( واطعنيني كان ودك تطعنيني=لأن طعناتك يجي معها ضماد )
وجعلني ما ابكيك دامك تذكريني=وجعل يومٍ فيه غبتي ما يعاد

الشاعر ماجد بن عبدالله بن جلوي المهنا الشكري الدوسري


أما مجارتي لأخي ماجد

ياقصيدي وان زهمتك لاتجيني=غير بأبياتٍ جزيلاتٍ أحداد
أن بغى المنكوس ولا بالهجيني=المهم آنآآ نوفيه المراد
يم ماجد يابيوتي وصليني=وصليني لجل أواسيه البعاد
قافه اللي من سمعته مهتويني=قمت أغني به وجافيت الرقاد
كل قاسي لاسمع قافه يليني=الجماد يذوب له حتى الجماد
صايغآ معناه باللحن الحزيني=والسبايب كلها ظبي الحماد
يشتكي من عذبه طول السنيني=ذاق لوعات الجفا عقب الوداد
كن حالك مثل حالي ياعوينيي=ياعويني ويش أسوي ويش فاد
لي سنه وشوي جرح الشوق فيني=ماكنآ في وسط مكنون الفواد
ماجداي ألا التنهت والونيني=وأذرف العبرات وأصفق بالأياد
خابره لا جيت له لازم يجيني=مع مطب الريع في طرف النفاد
قال يامنذر علامك ماتحيني=لاتكثر حولنا هرج النقاد
رح لأبويه وأطلبه بأنك تبيني=لاتخليني على هم ونكاد
الخطاطيب الكثيره مزعجيني=وأنت يامنذر مناتي والمراد
ثم لفيت العود طلق الحاجبيني=قلت ياعمي عسى عمرك مداد
جاين أخطب منك أنا صافي الجبيني=جادلآ ريحه كما ريح الزباد
ثم تبسم وأبتسم حظي اللعيني=من سمعته قال توفيق وسداد
ثم عرض لي جعل فاله فال شيني=عمها ياجعل عمره للنفاد
قال محجوره وخل العلم زيني=قبل لاتآآصل على قدح الزناد
ذا وجودي يالمهنا في خديني=وجد من هو ضاع عمره مأستفاد
وطرقك اللي من سمعته مهتويني=قمت أغني به وجافيت الرقاد
وياقصيدي لازهمتك خابريني=ماتجيب الا الجزيلات اللأحداد